尹揚明拍ViuTV劇嗌舒服
1 :
GS(14)@2017-04-15 23:27:55■尹揚明（右）已有17年沒有拍劇，日前與邵仲衡、蔣祖曼等為新劇《詭探》開工。
尹揚明、邵仲衡、蔣祖曼、陳子豐和楊偲泳日前在九龍塘廢置住宅大廈拍攝ViuTV新劇《詭探》，尹揚明相隔17年再次拍劇，他說：「做演員都係睇劇本，覺得好玩就去做㗎！子豐聽聽話話，玩埋又開心，冇代溝。」講到以前拍劇的辛酸，尹揚明說：「最高紀錄試過一日拍成25場廠景，?家梗係舒服好多啦！相比以前喺嗰個台，乜都要自己搞掂晒，?家乜都有人安排，呢種舒服真係從來都未試過！」同場的蔣祖曼則投訴邵仲衡擅自改劇本，蔣祖曼又在劇中對昆蟲做戲，她說：「開咗工幾日已經見到蜈蚣、麵包蟲之類，而佢（邵仲衡）就成日同導演要求將昆蟲擺上身，真係嚇死人！」撰文：非非
來源:
http://hk.apple.nextmedia.com/entertainment/art/20170415/19990446
【馮仁昭四圍超】細龜孖如花幫ViuTV派錢
1 :
GS(14)@2017-05-18 02:08:19■如花李健仁（右）拉攏細龜黃一山為ViuTV主持派錢節目《街頭派錢黨》，如果加埋黃一飛（中）就更熱鬧。
曾經拍過唔少周星馳電影嘅李健仁（如花）、黃一山（細龜）、鄭文輝（甜筒輝）、以及喺電影《少林足球》飾演唏噓豬肉佬嘅楊能，原來喺嚟緊8月會幫ViuTV主持遊戲節目《街頭派錢黨》，佢哋會喺香港大街小巷同市民玩一啲小遊戲，每次挑戰成功，市民就可以獲得現金1,000元，就算失敗都會有一個紀念金幣，預計每次出動會即場派5,000元至10,000萬元不等。
■黃一山（右）經常喺內地同星爺舊拍檔豬肉佬楊能（左），仲有「大軍」程東見面。
「過關畀一千蚊」
離開香港電視圈10幾年嘅細龜，將再次回歸，噚日問佢點解返嚟做電視？佢透過微信話：「因為佢肯畀錢，我哋要賺錢吖嘛。另一方面話個節目可以自由發揮，冇乜稿，我最鍾意冇乜稿，唔使記咁多台詞，又可以派錢畀啲觀眾，要考吓佢哋（觀眾）嘅，咁過到關就畀一千蚊，相信觀眾會好開心，我哋又可以帶歡樂畀觀眾。」細龜話好多時返香港，啲市民都話好耐冇見佢，所以返嚟見吓觀眾。細龜仲講笑：「第一證明自己仲未死，第二證明自己仲拍得嘢，畢竟我喺香港長大，希望可以重溫番當年開心嘅嘢。今次係如花牽頭，所以亦都要多謝如花，可以聚集埋我哋一齊，拍番個電視節目畀香港觀眾睇。」撰文：馮仁昭
來源:
http://hk.apple.nextmedia.com/entertainment/art/20170516/20022316
邵仲衡赴英再拍ViuTV
1 :
GS(14)@2017-06-16 01:58:50ViuTV昨日於將軍澳舉行劇集《詭探》祝捷會，演員邵仲衡、尹揚明、蔣祖曼及趙碩之等均有出席，同場宣佈ViuTV開拍另外十齣不同種類電視劇，當中有科幻劇《藍橘子》、荒誕系列《賤民20》、校園系列《教束》及音樂劇《短暫的婚姻》等。
■蔣祖曼昨自爆在劇中食生牛肉一幕是以吞拿魚代替。
邵仲衡對《詭探》收視理想感到喜出望外，隨後他會參與《短暫的婚姻》演出，他說：「我唔係唱歌，會同Eason（陳奕迅）同場，佢係一個好有想法嘅歌手，到時會去英國拍外景。」蔣祖曼日前於劇中食生牛肉惹迴響，實際她是用吞拿魚代替，她說：「用生牛肉拍攝時，我問導演可唔可以舔，導演指牛肉放太耐怕唔乾淨，聞到真係好腥。」採訪：張俊銘攝影：陳慧安
來源:
http://hk.apple.nextmedia.com/entertainment/art/20170615/20056016
【港男係筍盤？】ViuTV駱振偉丹麥女友：港男細心幽默照顧周到
1 :
GS(14)@2017-07-05 03:50:27ViuTV藝人駱振偉（Thor）與丹麥女友Katrine拍拖三年多，他直言和香港女仔拍拖有很大分別。
近年不時有人將港男與其他國家男士比較，說港男這樣不好，那樣不行，記者在街頭訪問了幾位香港女士，大致指港男有以下幾個缺點──無主見、唔成熟、吊兒郎當、無自信、思想幼稚、解決問題時一直逃避……但另一邊廂，與ViuTV藝人駱振偉（Thor）拍拖三年多、來自丹麥的女生Katrine，卻對港男評價很高：「丹麥男生覺得女性應懂得照顧自己，無咁sweet，雖然會給予對方自由，但比較沒有風度，反而香港男仔好細心，細微位都照顧得很周到，還有很多有趣想法，很幽默。」到底港男做過甚麼會令Katrine有這感覺？Thor又會怎樣回應坊間對港男的指控？請睇片。
記者：黃子配攝影：劉永發、周芝瑩
和來自全球最幸福國度的Katrine拍拖後，Thor也漸漸學懂了享受丹麥人的「hygge」生活方式，「hygge」為丹麥詞彙，解作舒適愉快的生活，類似我們常說的「hea」。
Katrine極喜歡潛水，超級怕水的Thor為女友踏出第一步，上月齊齊去台灣墾丁來個潛水初體驗。（受訪者提供）
年僅28歲的Katrine是個女機師，經常與Thor結伴到世界各地旅遊。（受訪者提供）
2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170703/20076702
【馮仁昭四圍超】落選港姐ViuTV劇同性激吻張敬仁咀女一鏡過
1 :
GS(14)@2017-08-02 06:15:16■張敬仁冇後悔放棄銀行工作返港發展。
張敬仁（Kendy）2013年以大熱姿態參選港姐，最後大熱倒灶三甲不入，隨即閃離無綫以自由身發展，Kendy本來喺美國生活做金融投資，鋼琴八級兼有唱歌底子，背景唔輸蝕，近日簽咗經理人公司，即刻來個大膽新嘗試，同吳海昕（Sofiee）喺ViuTV新劇《賤民20》有激吻親熱場面。
Kendy日前喺黃竹坑受訪時話：「最初都擔心做唔嚟，性感場面仲要kiss。導演唔嗌cut都要keep住錫，每次起碼半分鐘以上，直到拍到一個好鏡頭先回氣，都幾激。」Kendy以前讀女校，見唔少同性戀人，身邊亦有朋友係一對，而佢覺得同Sofiee咀一啲都唔尷尬：「我螢幕初吻畀咗Sofiee，之前都好緊張，?家跨進一步，原來唔係咁難啫。」其實Kendy已有圈外男友，佢話男友好明白同支持，認為要爭取機會就要咁做。
■張敬仁同吳海昕喺《賤民20》有激咀戲。
■張敬仁獲圈外男友支持拍Kiss戲。
■（左起）張敬仁同屆港姐有劉佩玥、蔡思貝同陳凱琳。資料圖片
想試好多嘢
回想當年喺美國工作，Kendy瞞住家人辭職返港參加選美，如果冇踏出呢一步，?家可能仲喺美國過住平淡嘅銀行工作生活，佢話：「同屆港姐陳凱琳、蔡思貝、劉佩玥、歐陽巧瑩都好好，電視有曝光率係重要，我自己諗法係想試電影、唱歌、舞台劇同其他，所以冇留低發展。」Kendy拒絕接受一條龍捱世界模式，好享受過去嘅一切經歷，唔會後悔自己嘅選擇。撰文：馮仁昭場地提供：Campfire（黃竹坑）
來源:
http://hk.apple.nextmedia.com/entertainment/art/20170801/20107567
Next Page