馬蓉疑似用情夫愛犬做品牌logo王寶強多次着出騷
1 :
GS(14)@2016-08-17 08:01:27王寶強踢爆老婆馬蓉同經理人宋喆有「不正當兩性關係」，宣佈同老婆離婚兼炒埋經理人，佢哋嘅故事越揭越多，真係越嚟越戥王寶強唔抵！前日有消息指，馬蓉喺囡囡王子珊4歲生日嗰陣，公佈咗推出以阿女個名命名嘅服裝品牌「Rianna Wang」，仲用咗法國鬥牛犬標誌嚟做Logo，而咁啱眼利嘅網民發現，原來宋喆嘅愛犬正正就係法國鬥牛犬，而呢隻愛犬嘅顏色又同服裝品牌個logo有9成似。不過講到最令人戥王寶強唔抵嘅就係，佢仲懵然不知，多次着呢個品牌出席活動！而據知，喺王寶強宣佈離婚冇耐，呢個品牌「Rianna Wang」喺淘寶網店入面所有貨品都已經下架。
來源:
http://hk.apple.nextmedia.com/entertainment/art/20160817/19739839
細價股一周：兩疑似啤殼新股
1 :
GS(14)@2016-09-01 06:10:02上市監管改革諮詢文件爭議升溫，兩陣營續角力，風頭火勢之際殺出兩隻疑似啤殼新股，澳至尊（2031）及易緯集團（3893）。澳至尊月初因國際配售認購不足額，擱置上市，通告話「由於國際配售包銷商出乎預期地認購不足，本公司無法獲得聯交所批准以刊登有關全球發售的結果公告」。可圈可點，疑有內情。為避免意外重演，今回取消國際配售部份，全數進行公開發售，不設回撥機制。上次發售價介乎0.8元至1.2元，昨日重新招股，定價大幅調低，上限僅0.71元，集資額按比例削半，上市後市值約5億元。上回出閘脫腳，自然衍生額外上市開支，其中2015年及2016年度已確認上市開支合共1,500萬元。若最終成功掛牌，所有開支約3,300萬元，公司全年純利2,500萬元，一年利潤也不夠支付費用。唯有盼上次的投資者再入飛，確保上市計劃完成。易緯集團集資規模較澳至尊少，上市後市值更低。根據首日孖展認購反應，易緯集團暫時領先。惟大股東承諾上市後36個月不會賣盤，賣殼憧憬又大打折扣。證監會持牌人士，沒持有以上股份梁杰文財技學人本欄逢周三刊出
來源:
http://hk.apple.nextmedia.com/financeestate/art/20160831/19754692
吳若希惹第三者罪名疑似Alex：我當Toby係X
1 :
GS(14)@2016-10-24 04:20:56愛情係會令人盲目嘅，就正如當澳門闊少Alex Ho愛上咗香港歌手吳若希後，為咗表明心跡，唔想女友懷疑佢嘅愛，Alex就用咗一個字，嚟形容舊愛Toby Sin，如果這是情……你又會唔會好冧呢！今年7月，吳若希就被《蘋果》讀者爆同澳門闊少Alex蜜遊泰國，跟手吳若希就好Sweet咁公開佢同Alex嘅愛侶關係，但突然就殺出個程咬金，Alex被爆原來已經有個model女友Toby，咁即係話吳若希係第三者。吳若希當然會嬲嬲豬啦，咁Alex即刻就深夜發聲明力證自己係單身，但係話口未完，就再爆出Alex原來同Toby有肉體轇轕添，吳若希當然就嬲到震啦！咁Alex就即喺拎住袋Chanel，坐直升機過來香港負荊請罪。正當大家以為事告一段落嘅時候，又有爆出一個疑似係Alex嘅facebook，喺吳若希私人fb留言話：「我真係當Toby先係x~買花買禮物都係為咗補償佢～佢埋我身都係為咗依個目的～佢係X！」段留言仲講到，疑似Alex承認追求吳若希嘅時候，依然同Toby有路，但佢就只係當佢係X！呢位何生不段以X來形容自己同Toby嘅關係，而Toby亦喺Instagram到留言話：「多謝提早給我看看世界……朋友們不要截圖給我了！因為事過境遷，毫無意義又不上心！」
來源:
http://hk.apple.nextmedia.com/entertainment/art/20161023/19809822
高衩惹的禍羅霖去飲一落車即疑似露毛
1 :
GS(14)@2016-11-23 07:53:22■羅霖極度性感亮相，令人眼前一亮。
資深女藝人陳曼娜愛女Joie昨日出嫁，同上市公司董事並身兼投資公司嘅行政總裁Dicky結婚，於君悅酒店設宴，筵開45席，有唔少圈中人都有出席，包括羅霖、阮兆祥同李浩林等。不過平時性感得嚟又小心嘅羅霖，昨晚失手呀。佢落車嗰陣咁啱有風吹起條高衩裙，搞到走光，仲疑似露毛o添！接受訪問嗰陣，記者讚羅霖件衫幾靚，但係個衩好高疑似走光喎？羅霖話：「我自己一啲都唔擔心，其實條裙入面連住一件好似泳衣咁嘅jumpsuit，走光都唔驚。」佢又話：「呢個設計幾好，入面係一件肉色嘅泳衣嚟嘅，自己事前試身試過好多次。」問到羅霖嘅感情事，佢就話緣份唔強求；不過記者就話o依家人哋等緊佢喎？羅霖就話：「想各方面穩定咗先結婚，工作為先。」咁係咪因為上一段婚姻驚令佢咗？佢話：「呢啲冇得驚嘅，當係一個教訓，所以對婚姻緊慎啲。同埋要顧住3個仔，總之我會為3個仔意願而犧牲感情。」咁係咪3個仔唔想佢結婚呢？羅霖就話唔係。
來源:
http://hk.apple.nextmedia.com/entertainment/art/20161123/19842399
中華文化總會握8%吹雞票包括疑似殭屍組織 勢左右藝發局選情
1 :
GS(14)@2016-11-24 07:30:28【本報訊】新一屆藝發局選舉下周日及周一投票，《蘋果》翻查選民名單，發現中華文化總會在藝發局也透過屬會包攬449票，包括懷疑無運作的「殭屍組織」。總會會長愛國商人高敬德，早前於民建聯籌款晚宴以1,880萬元高價投得中聯辦張曉明書法。選舉代理公司辯稱，已根據藝團的活動證明等資料核實其資格。記者：張文鈴
藝發局上屆因應部份選民「被登記」引發種票疑雲，今屆需選民親自交表，總共5,864人登記，當中3,610人透過367個登記藝團成為選民，其餘以個人藝術工作者身份登記。總登記人數較上屆大跌三成，透過藝團登記的人數更暴跌五成二。不過，由特首梁振英任創會會長、高敬德任會長的中華文化總會及其60個屬會合共仍然有449名登記選民，佔整體7.7%選票，比率與上屆相同。中華文化總會屬會名單因早前參與反佔中及譴責旺角騷亂聯署而曝光，多個屬會本身也是立法會體育、演藝、文化及出版界的團體選民，《蘋果》今年中已發現部份藝團疑似無運作，卻在今屆藝發局登記藝團名單上出現。其中，國際書法教育家協會和香港書譜學會均以元朗八鄉橫台山散村同一村屋登記，當時應門長者向《蘋果》自稱業主，指有關團體已無運作，當中香港書譜學會副會長婁耀敏同是另一登記藝團香港硬筆書藝會的副會長。翻查網上資料，多個在藝發局名單的中華文化總會屬會除了表態反佔中，幾乎全無舉辦任何藝術活動的紀錄，包括繽紛歌藝團、飛揚弦樂團、香港新時代管弦樂團、香港郁達夫研究會及盈暉製作公司等。
四藝團共用一地址
中華文化總會的中環中遠大廈37樓會址，與屬下中國文化香港愛心藝術中心、香港演藝文化交流促進會及香港文化總會共用，即四個藝發局登記藝團共用一地址。記者上周五到訪上址，水牌只標示中華文化總會，並無其餘3團體。總會職員稱需預約才可聯絡負責人，但拒絕透露查詢電話，又稱不清楚其餘團體之事宜。藝發局選舉活動代理英思宇（香港）辯稱，該公司及民政事務局根據藝團提交的資料及活動證明，如規章、年報、會員通訊、海報、場刊等以核實資格，而團體所提供的地址主要用作通訊。參選藝發局音樂範疇的周博賢指出，登記制度容許藝團職員及活躍會員成為選民，本來可擴闊選民基礎，然而選民名冊透明度低，候選人無法追查個別選民是透過哪個藝團登記，或變相縱容建制派安插「吹雞票」。上屆藝發局選舉有2,884人投票，投票率僅約34%，已是歷屆最高。周博賢估計中華文化總會包攬的449人足以影響選舉結果，「今屆每個選民可以投六票（選出六個範疇代表），如果呢449人係吹雞票，都佔相當比重」。音樂範疇另一候選人為費明儀。
來源:
http://hk.apple.nextmedia.com/news/art/20161124/19843774
疑似北韓鬼船漂到京都載8骸骨撿神秘鈔票
1 :
GS(14)@2016-12-04 17:34:10一艘載有人類骸骨的木船漂流至日本京都府舞鶴市，海上保安部又在現場找到釣魚工具及相信是北韓紙幣，懷疑有北韓人遇船難後，船隻漂到日本。海上保安部周二接報，一艘漁船船長在舞鶴市小橋對出約7公里海面行駛時，發現一艘木船漂流。當局在翌日確認長12米闊3米的木船經已漂到岸邊並翻沉，當局在船上找到3人的頭蓋骨及7人的骨盤，又在附近海底找到應屬兩個人的頭蓋骨及骨盤。經點算後確認，找到的骸骨至少涉及八個人。當局又在附近海底找到相信是北韓的紙幣，以及寫有朝鮮字的捲煙。日本過去多次在青森、新潟等縣朝向日本海的沿岸，發現相信是來自北韓的木船，上面載有人類骸骨，海上保安部正調查連串事件有無關連，並對今次找到的人骨進行鑑定。日本放送協會/關西電視台
來源:
http://hk.apple.nextmedia.com/international/art/20161204/19854764
陳健波處理動議 疑似失言爆粗
1 :
GS(14)@2017-01-07 07:05:38【特稿】今屆立法會加入了不少年輕新議員，過去甚少加入拉布的民主黨新丁議員許智峯亦加入拉布，一度與財委會主席陳健波開火，而另一新丁議員朱凱廸以提交臨時動議方式拉布，其間陳健波處理臨時動議時，更一度疑似失言「爆粗」。
阻許智峯提問被炮轟
許智峯在財委會一開始，多次堅持就15年免費優質教育計劃向教育局副局長楊潤雄提問，遭陳健波警告，指問題與審議的幼稚園津貼無「直接相關」，最終許與陳多次爭拗下才獲准提問，而多名泛民議員不滿陳阻止許發問多次與陳展開罵戰。陳健波在多次議員炮轟後，會議中後段未再阻許提問。許智峯會後解釋，民主黨不輕易拉布，今次加入因為是大是大非問題，又強調民主黨只會就高官加薪議案拉布，幼稚園津貼只會如常議政。除了許智峯，朱凱廸在審議幼稚園津貼時，也提交廿多個臨時動議拖時間，其間陳健波處理朱臨時動議時疑似「爆粗」，將提交的「交」字讀成「鳩」字，說：「朱凱廸，你提鳩咗廿幾個議案」，引來全場議員拍枱大笑，陳即打圓場叫議員「唔好咁心邪」，朱笑着為陳打圓場：「我認為主席冇講粗口。」■記者林俊謙
來源:
http://hk.apple.nextmedia.com/news/art/20170107/19889140
Next Page