《蘋果》專訪 拒走父親搞笑舊路八両仔攻樂壇：啲人讚我太過靚
1 :
GS(14)@2017-04-22 10:22:30■眼見八両仔有意做唱作歌手，爸爸八両金願意無限量支持。
現年63歲的八両金（原名葉競生）出道便行搞笑路線，他跟前妻「八両菜」Polly所生的囝囝「八両仔」葉小霆（Jacky），轉眼已22歲，八両仔對娛樂圈有憧憬，決心闖樂壇做唱作歌手。八両仔從小是老竇倒模，冬菇頭配父子裝，但近日他染了金毛頭，被指跟歌手方皓玟撞樣，也被指是「港版MJ」。八両仔卻堅持自己走意大利風，日前襯出三個造型在上環接受《蘋果》專訪，他chok爆行catwalk，無懼高溫穿皮褸、厚冷衫和透視裝，鏡頭後的八両金硬要囝囝送飛吻。
■八両金父兼母職湊大囝囝，從小把八両仔變成自己倒模。資料圖片
■途人野生捕獲八両金，紛紛上前要求集郵。
想似MJ好紅
恨做歌手的八両仔，更自學已故流行天王米高積遜（Michael Jackson）的moonwalk：「我睇下以後喺外國，可唔可以學佢咁接番啲演唱會，似佢好紅、好紅，我想將音樂帶畀觀眾。」八両金鼓勵囝囝做唱作歌手，推薦他唱內地電影《螺絲釘籃球隊》的主題曲《永遠永遠愛着你》，還打算斥資讓囝囝出碟：「只要唔行衰路，一定百分百支持，首先佢要創作啲歌。」八両金還給囝囝五、六位數字置裝。
女友唔使好靚
八両仔現沒拍拖，揀另一半必要交心：「佢要尊敬老人家，唔使好靚女。」採訪：陳杰攝影：陳俊強
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19994969
前Peoples太子爺攻零售業父親做「幕後軍師」
1 :
GS(14)@2017-05-13 01:53:39■梁成永接受專訪時形容父親是「幕後軍師」，對市場變化有獨特眼光。 李潤芳攝
【本報訊】前萬眾電話（Peoples）創辦人梁啟雄2005年將公司股權賣予中移動（941）後，便由電訊踩入零售界，與兩位公子創辦今時今日十分流行的Sports Bra女性運動內衣品牌Top Secret，惟始終難敵貴租及競爭激烈的命運，經營不足4年便全線關店。然而，梁氏失敗後並無放棄零售市場，反而轉移目標，專注發展美國鞋履品牌SKECHERS的港澳及東南亞地區生意，未來更有意擴充版圖至日本及台灣等地。專營港澳及東南亞地區業務的SKECHERS合資公司，由梁氏兩父子共同打理，父親梁啟雄擔任合資公司副主席一職，主要提供業務發展方向，而兒子梁成永則任東南亞區總裁。梁成永接受專訪時形容父親是「幕後軍師」，對市場變化有獨特眼光，「爸爸多數畀大方向，呢樣嘢對我哋嚟講係上堂，因為佢睇生意、睇大圍的確好厲害。」梁成永剖析當年Top Secret失敗原因，是歸究在時間性及成本高昂問題，回想起來亦很感慨：「可惜嘅係，Sports Bra當時冇咩人做，但到咗2014、15年後先開始有呢樣嘢出現，可見我爸爸生意頭腦真係好勁，但奈何嗰陣冇咁嘅資源同能力，因為要投放的資源太多。」除此之外，家族由電訊踩到零售業，過程並不容易，面對人工成本貴、市場競爭過於激烈，開店賣內衣確是難做，「辛苦係在於自己開新品牌，但香港租太貴，廠嘅成本亦太貴」，2007年建立Top Secret時，該公司於中港兩地均有廠房，分店網絡更遍佈中環、旺角朗豪坊等黃金地段，不過捱到2011年便全線關閉7間分店，「出面啲衫over supply情況好勁，做嘅嘢亦好相似，而當時我哋（運動內衣）又係好niche嘅嘢，所以要做Top Secret係好難做得起。」汲取失敗教訓後，梁便專注發展在2008年以合資方式經營的SKECHERS港澳及東南亞業務，現時SKECHERS在港已有30多間分店，去年更趁租金回落逆市擴充，於銅鑼灣旺區開設近3,000平方呎的旗艦店。梁成永認為從經營Top Secret的經驗得出：「做衫比做鞋更難」，故以鞋為主的SKECHERS更具商機。現時SKECHERS只負責營銷，產品設計及製造均則由美國總公司負責，而合資公司則會每季從總公司中選取300至400款產品在港及其他地區銷售，這種經營模式可減低成本。現時新加坡、馬來西亞及泰國等大部份東南亞地區都由公司負責，梁成永稱，下一步打算爭取日本、台灣、印尼及菲律賓的經營權，「我哋好熟日本，比起美國一定熟過佢哋，如總公司覺得ready去做，我哋都get ready」，又稱期望透過爭取不同國家經營權去壯大品牌知名度。記者：范穎琛
來源:
http://hk.apple.nextmedia.com/financeestate/art/20170512/20018834
【add時尚】父親葉澍堃批准放下大律師牌葉瀚華開小館 食人情味
1 :
GS(14)@2017-05-18 01:11:04■三十出頭的Ian膽粗粗開食店圓夢。
葉瀚華（Ian）為經濟發展及勞工局前局長葉澍堃二子，Ian愛四出覓食，瘋狂程度是暫放下執業大律師資格，去年開法越餐廳，心口掛住勇字而行。過去一年，他坦言交了不少「學費」，以迎難而上面對，搵錢未必及做律師多，但開心面對人生的經歷，卻是無價無悔。經濟發展及勞工局局長葉澍堃退休後，轉做食評家，有其父必有其子，暫放下執業大律師專業資格的二仔葉瀚華，一年前走去開法越小菜館La Bo La，選址則並非中環、金鐘等商業區，揀了旺中帶靜的灣仔「囍帖街」利東街開舖，愛這個小區的人情味及富有歷史氣息。
■Ian（左二）在英國劍橋大學畢業，父親葉澍堃、母親與大哥去到觀禮。
■Ian愛鑽研廚藝，曾學整燒豬。
米芝蓮光環
30出頭的Ian在英國名學府劍橋大學讀經濟，畢業後再到倫敦讀法律，回港做執業大律師，亦在麥肯錫做過諮詢顧問，專業優差都是不少港人的理想工作，但他愛挑戰，轉行搞飲食，他日前在灣仔接受訪問時說：「我?家係非執業大律師，我要去番執業，做番一啲程序就可以申請番，我到?家都仲好鍾意法律，飲食同法律兩樣嘢我都好喜歡，好多朋友法律上有問題，或者飲食上面問題，尤其係紅酒，大家都會研究。好鍾意飲食，覺得趁我仲有精力同有團火，想去做呢個夢想，心口掛住勇字就去做。」餐廳開了一年多，已有米芝蓮推介，過程並非一帆風順，Ian在訪問中多次笑言交了不少「學費」，「我哋籌備時，囍帖街翻新嗰陣時嘅經濟環境，都仲係好好，到成件事ready，開始差，我哋喺marketing、推廣、喺食物度作出改變，我哋嘅團隊其實有同事離開，亦有新同事加入，希望改變到我哋嘅食物，呢幾個月越嚟越好生意。」
■Ian不時鑽研廚藝，回到自己開設的法越小店，就入廚房試煮蜆新菜式。
■Ian不時改良menu，羊架其一，越南牛肉湯河（右圖）更是招牌。
■Ian愛吃意大利家庭菜，正飽嘗Pici的Summer Truffles意粉及牛肉千層麵。
父母白老鼠
對於尋夢，Ian表示爸媽相當支持，「我好開心，亦都好幸運。由我中學年代讀書，到大學揀科都好，自由度都好大，好似本身我讀經濟，跟住去讀法律，佢哋都冇話去左右我決定，可能大家會傾吓，佢哋支持亦會尊重。」由開始搞餐廳，Ian的父親葉澍堃和母親都有做白老鼠給予意見，問到父親是食評家，意見會否中肯，他笑言：「佢坦白，首先一家人係坦白，好似呢度以前牛河個湯底，屋企人食過好似唔係好穩定，好似偏淡，可能偏鹹，質地、香料點擺法，成棵定切碎都唔同，我都聽唔同意見。」開餐廳交足一年多「學費」無悔，原來Ian心中記住「You only live once」這句話：「人一世物一世，我唔想?家可以做唔做，之後第二日會後悔。有機會去睇過唔同嘅嘢，真係以人生經歷、活過、去睇過唔同嘅嘢，係於心無愧。」
行灣仔食檔
葉瀚華愛四出覓食，不時在同區發掘有個性的驚喜小食店，採訪當日，他說帶記者到藍屋旁的泰國餐廳Samsen食人氣牛肉麵，再到星街附近進教圍的一間意大利家庭菜風格的Pici，更與食店的總廚交流心得。醫飽肚就返回餐廳，與總廚康哥到附近街市選購食材，菜檔東主更踢爆Ian自小已愛跟媽媽逛街市，連康哥也笑Ian暖男下廚加不少分， Ian即尷尬笑言：「我呢方面好弱，我煮嗰啲都係好簡單，我會煮吓意粉，唔係好難煮嘅嘢，唔會有乜特別分會加。
■Ian最近愛上藍屋旁的泰國餐廳Samsen，更與總廚Adam交流行情。
■Ian忙足一日，下午偕總廚康哥去灣仔街市入蔬菜。
阿爸炒飯
食貫中西，Ian覺得最美好的食物是由細食到大的住家飯，「其實好老實講，我好鍾意喺屋企食飯，由細到大都好鍾意食媽咪煮嘅蒸水蛋，我哋係整雞蛋蒸免治牛肉。」Ian的爸爸沒做高官，就全心鑽研廚藝，Ian表示最愛吃爸爸的炒飯：「佢同一哥（楊貫一）創作一碟炒飯，最重要落好多葱，同埋攞啲飯去包住啲葱，焗一陣，吸番啲葱味去啲炒飯度。」採訪：梁錦雯攝影：沈健程
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170517/20023306
【add時尚】問准父親馬時亨做老師馬露明教小朋友發夢
1 :
GS(14)@2017-06-10 12:56:01■馬露明不時會帶小朋友參與課外活動。
港鐵主席馬時亨的女兒馬露明（Christine）醉心教育，實現了兒時夢想做老師，現正繼續追尋推崇品格教育的新目標。教育工作艱巨，馬露明亦自言並不風光，面對香港「倒模」教育制度愛之深責之切，近日她將自己的教育故事拍成微電影，希望小朋友在成長過程中，抱有追夢之心。採訪：梁錦雯攝影：林德雄馬時亨大女馬露明在港成立名為JEMS的教育中心已八年，推崇的不是時下家長熱捧的中英數、音樂等「求分數」學術課程，而是培育小朋友品格教育，如同理心、自信、責任心等正向心理學元素。「我的志願」課題在馬露明不同年代閃過不同答案，當中有芭蕾舞員、時裝設計師、婚宴籌劃等，到最後就回歸八歲時的夢想做老師，到近日成立的品格教育基金，都是與教育息息相關。
■馬露明的教育中心去年擴展，牆上掛上寫了品格元素的畫。
■除了教小朋友品格教育，馬露明的學校會灌輸要幫助社會有需要人士的訊息。
「最緊要有心」
馬露明大學時讀經濟，碩士進修教育，暑期工做過律師樓、銀行，但教書的一團火最為熾熱，她日前受訪時說：「我記得最後個暑期工，我做咗兩份工，喺幼稚園同小學做，係辛苦過我喺銀行做N咁多倍，帶小朋友去廁所，攰好多辛苦好多，但滿足感亦大N咁多倍。我記得同爹哋講想做教育，係戰戰兢兢，佢答『行行出狀元，最緊要你有心去做。』」馬露明的教育故事，早前被「夢者舞台」D Stage拍成微電影放上facebook，回憶小時候獲老師鼓勵要有自信追夢，亦有她一個學生的真實個案令她感觸，「個小朋友上堂時好開心話想做忍者捉壞人，但當寫喺工作紙時改寫做醫生，因唔想父母唔開心，嗰刻我眼濕濕想喊，我忍住，我覺得最痛心唔係佢爹哋媽咪要佢做醫生，最痛心係佢爹哋媽咪唔畀佢發夢，好多時我同家長講，要鼓勵佢哋去發夢，係畀到自信同身邊愛你嘅人支持。」對於香港教育，馬露明慨嘆太「倒模」，亦明白教育系統的難處，「我哋睇嘢窄，我哋小朋友睇嘅嘢更加窄，呢個世界變得太快，十幾年後仲有乜嘢工畀我哋小朋友，十幾年前會知道facebook、google係人哋最想做嘅工，但十幾年後邊個知道？」
■微電影中，小時的馬露明自覺沒有長處，得外籍老師鼓勵啟蒙她立志成為老師。
■小朋友不想父母不開心，隱瞞想做忍者是真實故事。
家長學培養
香港教育制度議論聲音多，教師、家長及學生各有壓力，甚至衍生「贏在起跑線」、「贏在射精前」等思維，馬露明認為正面來看，源於家長緊張及痛錫小朋友，但她希望家長思考及看遠一點，「好多時家長淨係諗入邊間幼稚園、小學，猛咁追，身邊嘅人都係同一個諗法，壓力又擺番落個小朋友度。你想個小朋友三十年後係點？想佢開心、想佢成功，成功定義係乜？賺到好多錢係成功？有自我價值係成功？我哋要了解每個小朋友都係獨特，要睇吓點培養，令到佢哋做到最好就更加重要。」
■馬時亨支持女兒推廣品格教育，為她所搞的香港品格日活動做大使。
■馬時亨一家早年移民，馬露明（後排右二）在倫敦Glendower Preparatory School接受小學教育。
■馬露明的醫生夫婿劉仲恒同樣熱心公益，他是願望成真基金會主席。
曾迷惘質疑
馬露明自小得父母教育，學業只要盡力以赴，不是求成績，父母更注重是品格教育培養，「媽咪好注重同理心，係明白人哋感受，我記得細個嗰時，爹哋媽咪會帶我哋出去食飯，佢會同我講食飯嗰時唔好走嚟走去，你喺隔籬走嚟走去，會好騷擾佢哋。」父親馬時亨的待人接物更是身教，「由細到大我都睇到，佢點對朋友、公事上嘅朋友，公司大樓開門嘅人、的士司機、學生、老人家都係咁關心佢哋，唔會係講一套做一套。」雖認定為終身事業，但馬露明亦曾遇過猶豫：「做呢樣嘢唔係為咗風光，唔係為咗金錢，係為咗點樣去幫人，生命影響生命。我踏出嚟做教育嗰時有少少介懷，見到身邊啲朋友，做profession嘅嘢，我會有少少質疑自己嘅決定，定係我好幼稚去揀呢？」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170607/20046809
誠招BBQ父親，你夠資格嗎？
1 :
GS(14)@2017-06-10 13:47:41【特約報道】父親節快到，各位父親注意了，有單job正在招聘父親，不知你有沒有興趣？在美國華盛頓州東部城市斯波坎，有一班年輕人，正在招聘「BBQ父親」，並在6月18日上班！話說這群年輕人眼見父親節快到，然而眾人的父親都不在身邊，他們又記掛着父親的烤肉，而舉行了是次「BBQ父親」行動。他們要求應徵者具18年從父經驗，及10年的BBQ經驗，並需自備專業爐具赴會。最重要是要懂得談及父親的話題，例如打理園林、打造房間，甚至會彈父親feel音樂。而酬勞是在父親節他們的派對中「可吃盡派對所有」，並且「have a nice day together」！如果身為父親大人的你有興趣，不妨聯絡主辦的年輕人，說到尾香港人，BBQ倒是在行的嘛！
珍惜每次相處 給爸爸一個有心思的父親節
這群美國的年輕人尋找BBQ爸爸的新聞當然有趣，某程度他們亦反映出，在父親節對爸爸的思念，想在爸爸不在身邊的日子，找回父愛的感覺。那麼你呢？父親節跟爸爸出來吃個飯，送他一份貼心禮物，盡點心思，也是一件美事。有時候很多人覺得「男人老狗」父親節不用送禮啦，的而且確，有時候堂堂男子漢，即使有壓力，或者爸爸很累，但只是爸爸不敢說。事實上買禮物給爸爸亦不是一件難事，須知道男士特別鍾情高科技產品，幾乎不同性格男士都會喜歡「high tech嘢」，買一份貼心、貼身，又高智能的產品給爸爸，今個父親節，爸爸一定會很高興！
Philips非凡9000系列電鬚刨：
1.高智能V形精確切剃系統2.革命性8向輪廓感應科技3.配備SmartClean Pro自動清洗及充電座（S9911及S9751型號）4.特有SmartClick配件，全方位剃鬚、潔面及修鬚（S9911及S9751型號）5.時尚外型設計，增添男性魅力6.四種不同型號可供選擇7.加推父親節優惠〉〉〉
https://goo.gl/wkMJXL
Source:
https://goo.gl/YcMbkx
Philips9000系列電鬚刨，是父親節送禮給爸爸體貼、實用之選！
男士喜歡高科技產品，選擇每日使用的電鬚刨當然不能掉以輕心！
高智能9000系列配備自動清洗及充電座、SmartClick配件，展現時尚先進之魅力！
來源:
http://hk.apple.nextmedia.com/su ... t/20170610/20050839
眾星盡訴父親情雷宇揚推Job陪仔玩「我好珍惜呢幾年」
1 :
GS(14)@2017-06-18 11:18:11■過往工作忙碌的雷宇揚，今年首度與囝囝雷庭慶祝父親節，開心玩波波池。
【父親節嚟喇】今日父親節，一眾爸爸紛紛出動與子女們慶祝。長居廣州的雷宇揚日前與3歲囝囝及太太到兒童樂園耍樂，原來早兩年他因工作少陪囝囝，於是去年減少工作享受親子樂，他說：「想彌補番，我每日張開眼就諗起佢。」而Dear Jane主音黃天翱和太太楊洛婷、胡子彤和爸爸，以及林俊賢和女兒林鈺洧，亦各自慶祝父親節。現年52歲的「鬼王」雷宇揚，2012年與內地女主播馬荔結婚後長居廣州，3年前他榮升爹哋。日前雷宇揚一家三口在廣州接受本報專訪，提早慶祝父親節。原來囝囝雷庭出世首兩年，雷宇揚因要兼顧工作四圍飛，未有時間陪伴，照顧囝囝的責任交由停薪留職的太太負責，今年是首次一家齊齊整整過父親節，雷宇揚說：「出世之後兩年我陪得佢少，想彌補番，我每日張開眼就諗起佢。」雷宇揚自言沒有節日觀念，總之囝囝開心他便開心，覺得日日都是父親節。
■雷宇揚減少工作，一家三口盡情享受親子樂。
■雷宇揚2012年與太太馬荔結婚後，3年前誕下囝囝雷庭。
■雷庭錫錫爹哋，令雷宇揚冧到爆。
■雷宇揚（右）早前為電影宣傳，結束工作後馬上返家陪囝囝。微博圖片
減少應酬戒酒
過去一年，雷宇揚已減少公幹，他說：「近一年我比較飛少啲，多啲時間留喺佢哋身邊，小朋友生活好簡單，早上6點幾起身，晏晝3點幾放學返屋企，去公園踩單車、去波波池玩吓，一般小朋友同父親做嘅嘢我都做晒，食完飯之後就瞓，我哋嘅親子活動一般平民百姓都會做，一齊瞓、送佢返學，發神經同佢一齊瀡滑梯，已經係好開心，仲有陪佢睇電視，佢逼我睇卡通片。」自有小朋友後，雷宇揚已絕少應酬，往往工作完畢便飛撲返歸。他說：「佢?家3歲半，去到8、9歲就唔跟我哋，我好珍惜呢幾年，所以?家多啲返屋企，少啲應酬，有啲工作太遠太辛苦，或者去好多日就唔接。?家好少見朋友，唔會好似以前單身咁，冇嘢做出去飲酒，?家出去飲酒係零。」
香港教育變態
當了父親3年多，雷宇揚指兒子對他影響不少：「以前覺得自己最重要，?家係個仔，以前喺國內坐車唔扣安全帶，?家會扣，我有乜事佢點算？」虎媽虎爸現今社會十分普遍，但雷宇揚堅拒做虎爸，他說：「我覺得最緊要佢開心，如果佢唔開心，強迫佢做一樣嘢都冇意思。」囝囝現於廣州一所國際學校就讀，雷宇揚認為小朋友讀書無需太緊張，只要成績不太差便可以，他說：「我揀啲冇乜功課嘅學校，香港啲教育真係變態，我朋友個女朝早6點幾返學，夜晚返到屋企做埋功課12點半，人生係咁點得？細路仔應該係玩，識字就得，呢方面我唔會畀壓力。」問會否生多個時？雷宇揚說：「我抱開放態度，我老婆就話夠，照顧一個都好花時間，如果兩個好辛苦，同佢去一日迪士尼，我散足三日，同佢玩一陣波波池，我底褲都濕埋，我太太重新投入工作都好忙，佢好鍾意份工，又唔想放棄。」採訪、攝影：曾小嘉
來源:
http://hk.apple.nextmedia.com/entertainment/art/20170618/20059441
「係咪俾我？」張智霖父親節禮物居然收Ralph Lauren童裝
1 :
GS(14)@2017-06-22 07:42:32父親節過了兩天，各大小父親都應該吃完飯、拆完禮物。張智霖前日就post了名牌Ralph Lauren送的父親節禮物，不過就無福消受，皆因所送的恤衫、短褲，應該是童裝！Chi Lam出文答謝，一方面忍不住幽默更講笑：「Thanks polo sent me a Father's Day gift!but I am not sure is it for me...」更將童裝放上身影相，十足縮水衫褲咁，非常搞笑。網友就猜測，禮物應該是送給張智霖和袁詠儀的10歲兒子魔童，「好明顯係送俾魔童的...」「這是給魔先生的，哈哈哈！」咁，到底係父親節禮物，定兒童節禮物呢？
來源:
http://hk.apple.nextmedia.com/entertainment/art/20170621/20063727
港片式微難撈 過大海做賭廳周文健心繫85歲父親
1 :
GS(14)@2017-06-23 01:44:35■周文健離開娛樂圈後到澳門和珠海發展，並娶了年輕二十載的內地太太孫婷做老婆。
【《蘋果》專訪】憑大隻佬形象於80年代拍生力啤廣告走紅的56歲周文健（Michael），先後拍過《神探朱古力》和《逃學威龍2》等電影，其中《孟波》正是其代表作。原來Michael早年離開娛圈後，轉往澳門為向生向太打理賭廳及於珠海開設火鍋店，日前他偕太太孫婷返港，到天水圍探望85歲爸爸周國換，認真孝順。
「一百蚊幾重要」
曾於中環經營潮州菜館的周爸爸，透露曾反對Michael入行。周爸爸說：「你真係拍到好出名，好似李小龍、成龍，根本香港有幾多個箒？如果你普普通通，我話好難搵食，不如你跟我去學做生意！」可惜Michael堅持入行。90年代尾，港產片產量減少，Michael決定去荷李活發展，他說：「嗰時個心雄，去咗四年，同啲製片、編導、經理人食飯應酬，使咗好多美金，但只拍咗一套戲《Kung Phooey》、一部電視劇，我覺得有少少嘥時間，因為真係冇乜角色啱亞洲人演出。」四年時間令Michael坐食山崩，他於是轉投英皇於北京新成立的公司。Michael說：「可能間公司新，所以好多嘢都好慢，工作量又唔多，喺北京冇乜成就，經濟又越嚟越差，嗰陣時我發覺，原來一百蚊紙裏面有一百個一蚊咁樣去使錢嘅，原來一百蚊都幾重要。」
■孝順仔周文健日前與太太返港探望85歲父親周國換（中）。
■孫婷表示自己與周文健如大細路，二人未有生兒育女打算。
■電影《孟波》是周文健的代表作。劇照
做飲食肥40磅
後來Michael認識到地產商龍哥，對方着他不要再浪費時間在娛樂圈，並介紹他到澳門發展，於07年開始為向生向太打理澳門賭廳。Michael說：「我嘅工作就係要飲要食，所以我都重咗40磅，?家係235磅。」06年Michael於北京與太太認識，一年後結婚，但未有打算生兒育女。採訪：何永寧、懷鈺攝影：陳俊強
來源:
http://hk.apple.nextmedia.com/entertainment/art/20170619/20060407
【港鐵乘車優惠】父親節起推每程回贈3%車資
1 :
GS(14)@2017-06-23 01:45:176月18日是父親節，今日必定很多孝順仔囡與父親出外食飯，使用八達通乘搭港鐵、輕鐵或港鐵巴士時，你有否留意到車費有所減少呢？於2017年6月18日起至12月17日期間，港鐵公司推出「程程回贈 人人受惠」的新乘車優惠，憑八達通乘搭港鐵、輕鐵或港鐵巴士之付款車程，即可享程程3%車費回贈。
而且優惠可以與其他優惠包括早晨折扣75折優惠、港鐵特惠站等等同時使用，只要總優惠金額不會高於該車程之車費就可以。回贈除了不適用於東鐵綫頭等額外費用、機場快綫及港鐵接駁巴士外，其他路線的車程包括來往羅湖和落馬洲的也適用回贈。
憑八達通乘搭港鐵、輕鐵或港鐵巴士之付款車程，即可享程程3%車費回贈。
港鐵於其Facebook專頁發佈乘車優惠消息。（圖片來源自港鐵Facebook官方專頁）
港鐵於其Facebook專頁發佈乘車優惠消息後，市民意見就好壞參半，有市民指3%的車資減免有總好過冇吧。不過港鐵近日頻頻故障，相信市民均認為改善服務才是最重要。記者：吳業紅
來源:
http://hk.apple.nextmedia.com/su ... t/20170619/20060312
細女扭 慶祝父親節 趙頌茹變 「強爸」玩騎膊馬
1 :
GS(14)@2017-07-03 03:07:242017-06-21 NM
三十四歲的趙頌茹（阿Yu），一〇年與周永恆奉女成婚，並先後誕下兩女，一直表現恩愛；可惜一四年，周永恆因有婚外情，與阿Yu爭執繼而動武，被判守行為。期間，周永恆又涉恐嚇阿Yu，令她選擇分居；而他就避走內地轉行，扔低兩個女給阿Yu照顧，自己則繼續風流快活。
現時母兼父職的阿Yu，除了要擔起供書教學的重任外，日前細女扭計要慶祝父親節，她便帶同囡囡到旺角慶祝一番。為彌補父愛，阿Yu頂硬上變身「強人爸爸」，抱起愛女玩騎膊馬， 兩母女嘻嘻哈哈，樂也融融。
搞網店
身高五呎八吋的趙頌茹（阿Yu）， 初出道時因外形與鄭秀文極之相似，故有「翻版鄭秀文」之稱。入行十五年來，她出過數張唱片，但最為人所熟悉的，反而是〇四年跟周永恆拍攝無綫劇《青出於藍》時撻着；六年後，兩人結束愛情長跑，奉女成婚，阿Yu更先後誕下兩女信希和愛希，當時一家四口看似溫馨幸福。豈料一四年，周永恆竟為「小三」劉依靜對阿Yu施家暴，令她身形暴瘦，她忍無可忍之下，決定分居，並辦理離婚手續。
事件後，周永恆索性北上發展教瑜伽，更盛傳他溝女成性，女伴如車輪般轉；近日，他就被指搭上強國女Britni。這邊廂風流快活，那邊廂剩下阿Yu獨力湊大兩個女；而背着沉重經濟負擔的阿Yu，分居後要復出接job，後來又轉行做化妝師、搞時裝網店，為湊大兩個女仆心仆命。直到今年三月，原本有指阿Yu和周永恆的分居期已滿，法庭會宣判二人離婚，女方以為終可脫離苦海；可惜，男方卻拒絕上庭，玩失蹤。上月中，阿Yu出席診所開幕禮時，就親口承認確有其事：「周永恆唔肯出庭，我又搵唔到佢，都唔知可以點。
慳自己
日前，阿Yu一身便服、淡掃蛾眉，與細女愛希現身旺角一間咖啡店。現場所見，阿Yu先為愛女搵定位，繼而買了一件蛋糕及一杯咖啡；而為慳錢，一個餐兩份分。現場所見，性格活潑的愛希，食物一到，便急不及待試味，卻因一時忘形，嘴角不慎沾上忌廉；而正在背劇本的阿Yu，眼利瞄到異樣，即刻細心地伸手替她抹走忌廉，畫面溫馨動人。
阿Yu兩母女歎足近一小時，遂手拖手行至附近的公園嬉戲。阿Yu雖然一介女流，弱質纖纖，但為?細女開心，頂硬上變身「強人爸爸」，不惜跟囡囡大玩騎膊馬；而愛希也人細膽大，毫無畏懼之色，騎着媽咪走勻全場。玩到攰，母女稍作歇息，阿Yu再陪她轉玩盪鞦韆，母女玩到興起，她更充當人肉坐墊，與囡囡兩份盪一個鞦韆，務求細女玩得盡興。最終，母女都玩到出晒大汗，不過阿Yu寧願自己唔飲，也幫細女買凍飲解渴，生怕她中暑，都說：「世上只有媽媽好……」事後，記者致電阿Yu，她氣急敗壞地說：「最近，細女成日聽啲朋友仔話慶祝父親節，咁咪同佢食嘢、玩吓囉，唔好意思要做嘢，唔講啦。」
撰文☆潘嘉琪 採訪☆何碧珊 攝影☆蔡豪 設計☆吳展滔
Next Page