香香變人魚出事《無雙譜》CG差過強國《西遊記》
1 :
GS(14)@2015-10-24 13:16:47大台台慶劇《無雙譜》搵咗黎耀祥、田蕊妮、岑麗香同黃宗澤等演出，翻拍1981年同名劇，講三個神話故事《易釵》、《陸判》及《追魚》，不過CG差到一個點，就係連強國網民都忍唔住問大台係唔係預算唔多！昨日有內地傳媒開po話，「TVB電視劇特效遭吐槽」，聲稱有網民喺微博貼出一段《無雙譜》中特效場景，講岑麗香喺黃宗澤面前化身鯉魚精躍出水面，黃宗澤唔單止唔驚，仲展露笑容!仲有嗰個「似足小畫家畫嘅海底」……
CG效果似gif檔？嚇到唔少內地網民心都離一離，喺微博留言問：「沒想到TVB淪落到這地步，我笑了30秒。」又有網民問大台係唔係「預算不夠了嗎」。報道更形容呢套台慶劇特效粗製濫造，其實，唔止《無雙譜》被彈，早前稱特效使咗3000萬嘅神劇《張保仔》亦被網民話CG肉酸酸……慘不忍睹。雖然話《無雙譜》嘅CG唔好咋，內容都幾充實嘅，連「普選」都敢講，有一幕講黎耀祥、田蕊妮同黃宗澤喺一間客棧傾偈，先講「君主應該由臣民選出」，又話「張兄，你這本書如果落在他人手中，你可能會被殺頭」，即吸引網民問：「原來法國盧梭的社會契約論係源自中國宋朝，真係失覺晒，小弟真係孤流寡聞!」亦有網民讚《無雙譜》當中《陸判》呢個故事，有份演嘅演員都做得好！
來源:
http://hk.apple.nextmedia.com/entertainment/art/20151024/19345941
強國掃奶粉攻到歐洲德國BB無得飲
1 :
GS(14)@2016-02-04 17:23:51中國人拒信任國產奶粉，轉到世界各地搶購奶粉。香港父母曾飽受無法購到奶粉苦況，幾經抗爭，始有改善。惟搶購瘋潮卻蔓延世界各地，繼澳洲後，德國亦因國內奶粉被中國人搶購，當地出現奶粉短缺問題。據西班牙《世界報》報道，有德國母親曾跑遍多家藥房，都未能購到奶粉，全德國連鎖藥房都要將輪候購買奶粉的人作登記。有老闆表示，每日一早開舖營業，有亞洲人便已在門外排隊，中國人會推着購物車入內，直奔奶粉區。每到中午前，貨架貨品已被搶購一空。報道稱，情景每天都會在柏林、埃森、杜塞爾多夫、科隆或慕尼黑等城市上演。據估計，在這些地方中國人每天要購買約1,000包奶粉。報道又指，在德國，一罐奶粉售價在10元至11元（歐羅‧下同）（約85至93港元），但是中國媽媽預算備25到30元（212至255港元）來購買，這中間的差價對於旅居德國的中國公民非常有吸引力，甚至一些留學生也加入了代購奶粉行列。有藥房負責人表示，雖然知道有人將奶粉運回中國轉售，或者在網上出售，但是除了應製造商的要求進行限購外，也沒有別的辦法。雖然有藥房限制一個人只能購兩罐奶粉，但有負責人表示措施未能奏效，因為一個人購買奶粉後，未幾再有其他人到來，數小時便買光店內奶粉。而來買奶粉的大部份是男子，有些人還很兇。參考消息網
來源:
http://hk.apple.nextmedia.com/international/art/20160204/19478898
【強國邏輯】盜版《三國志13》拒道歉 內地網站反問：不能開發同名GAME？
1 :
GS(14)@2016-02-08 03:20:02中國遊戲網站3DM因提供最新遊戲《三國志13》的非法下載，而被日本遊戲廠商光榮提出控告，並要求公開道歉。3DM雖然已經將遊戲下架，不過卻以遊戲「並未在國內上市」為由而拒絕即時道歉。同時，3DM網站編輯亦撰寫文章稱光榮此舉有兩點難以理解，第一是「《古墓麗影：崛起》僅145元人民幣，為什麼《三國志13》定價近400元人民幣，完全高於了國內玩家的支付能力，這樣並不符合市場發展」；第二是「陳壽所著《三國志》衍生的遊戲著作權在一家日本公司手裡，是不是中國遊戲公司就不能開發同名的遊戲了？」並認為「感覺有點不舒服」。這種盜取別人東西再義正嚴詞說對方不對的思考邏輯，相信即使諸葛亮復活也理解不到。
光榮和3DM網站都同樣因《三國志13》盜版事件而「感覺有點不舒服」，是諸葛亮也不能理解的邏輯。
網站上亦登出光榮發出的警告信要求下架並道歉，網站卻以「《三國志13》並未在國內上市」為由而拒絕即時道歉。
記者：馮永豪
來源:
http://hk.apple.nextmedia.com/su ... t/20160205/19479903
開市閒情：勾結外國勢力！強國人走資《絕密秘笈》流出
1 :
GS(14)@2016-02-18 23:31:15到底咩係「真愛」呢？上網見到一句嘢，就係「Love is not about how much you say I LOVE you, but how much you prove that it's true」，英文講到懶浪漫咁，最準確嘅翻譯，應該係「咪得個講啦，行動證明please！」話說，最近中國為防經濟爆煲，不斷收緊資本管制，將資金鎖國防走資。咁樣中國人辛辛苦苦賺（貪？呃？偷？搶？邊個字眼，你自己話事啦）返來嘅血汗錢，真係隨時唔見一大截。於是，中國人抱「一方有難八方失聯」嘅精神，竟然俾佢哋諗到條世紀絕橋走．資．去！就係學「老頑童」周伯通玩左右互搏！話說有中國公司，要求一間美國律師樓，幫佢開一間美國公司。然後呢，間新成立嘅美國公司，就會走去告間中國公司違約，要求賠錢。咁即係個律師同時代表兩間公司打官司，左手告右手？媽呀，好亂呀。正所謂，「公司要贏，單官司就一定要輸」！中國公司向律師提出要求，話官司不能夠庭外和解了事，係一定一定一定要打輸，原因好簡單，因為打輸官司件事會真啲，咁樣公司就可以更輕易將350萬美金，於3個月內輕輕的走了，不帶走一點雲彩。至於點解呢單野會流出，因為個律師將佢同客戶嘅對話打咗喺blog，而個律師當然冇接到單case。呢件事證明咗：一：果然道高一呎，魔高N丈！中國人真係天才，到底個腦裝乜嘢，先會諗到呢條咁屈機嘅橋？所以，走資方法無限種，只有你想唔到，沒有強國人做不到的。如果將呢種天賦去做正經嘢，人類應該可以進化到移民去火星。二：中國成日講愛國，如果係真愛，你就唔使嘢嘢限住晒做Control Freak啦。家陣佢出咁多招阻止你班友跟佬走，就係心底都知你班吓吓話愛國嘅中國人，都係「身體卻很誠實」。三：好衰唔衰你班友仔，走佬都未算，仲要走去「勾結外國勢力」夾計一齊走，咁即係明剃偉大神國眼眉，話畀人聽，「中國經濟靠唔住，搵外國佬就唔使輸」。你叫泱泱大國，顏面何存？最後結論係，希望所有愛黨愛國嘅香港司長、官員、民建聯嘅人才、屈女士呀等等等等，我知道你哋對黨嘅愛，唔係得個講字。「國家有難，匹夫有責」，快啲轉返晒啲錢做人仔運上大陸救國啦！It's the best time to show your love is true！加油呀！美國律師Dan Harris個Blog
http://bit.ly/1VlW9bI《華爾街日報》報道
http://on.wsj.com/1Q0GdeS千頌C@堆填區
http://fb.com/winbigwok
來源:
http://hk.apple.nextmedia.com/financeestate/art/20160218/19495005
強國客嫌貴唔畀$600遊泰大鬧餐廳
1 :
GS(14)@2016-03-05 01:11:47泰國網上近日流傳一段一班中國旅行團旅客遊泰國時出醜，到清邁一家中式餐館企圖吃霸王餐，一行18人拒付2570銖（約600港元）賬單，在店內搗亂又與店員爭執。新華社聲稱訪問店方，謂旅客不是拒絕付款，而是要求打折被拒。事發在周日，店員拉瓦指18名年約50歲左右的中國旅客，點了12道菜、40碗飯及幾瓶樽裝水，到結賬時見到金額要2570銖，便有人嫌費稱「不可能」，指摘餐館亂收費，又藉口稱菜式不美味，拒絕付錢。拉瓦請老闆出面解釋賬單，但旅客仍拒付錢並開始吵鬧，推翻餐館桌椅。據現場拍下的影片可見，當中數人與餐館老闆對罵，大聲喝斥對方亂收費，直至老闆表示要報警調解時，對方才結賬離開。但新華社事後稱，訪問過該名華人老闆，表示該批強國客只是嫌菜色份量太少、不夠吃，又稱身上只有600泰銖，希望獲得折扣。老闆拒絕後，旅客又稱想以人民幣付款，不過餐廳不接受人民幣，最終要致電警察到場，該批強國客則乖乖地，按5比1匯率，繳付514元人民幣。其實一早付款就沒有事了，何必讓別人看笑話。泰國《世界日報》
來源:
http://hk.apple.nextmedia.com/international/art/20160303/19514378
強國客日本浸溫泉混浴狂望女客極失禮
1 :
GS(14)@2016-03-05 01:24:28中國旅客到日本旅遊，由於毫不理會當地文化傳統經常有失禮行為。有溫泉老闆表示，中國客尤其是男性，在浸溫泉「男女混浴」時經常盯着異性客人，令對方非常難堪，直指這樣做是「沒有常識」，因為日本混浴浴場有種約定俗成的默契，就是不互相緊盯打量。報道指混浴是日本傳統文化，混浴浴場也漸漸增加，部分允許客人穿泳衣，也有地方完全實行傳統混浴，後者特別吸引中國遊客。不過中國旅客混浴時，就缺乏日本人的「眼神管理」，不斷盯看異性客人，被視為沒有禮貌及常識。日本人視「眼神管理」為人際交往中一項重要的教養和禮節，而且不僅僅限於混浴場合。報道亦引用孔子的「非禮勿視」去指出，在混浴場目不轉睛凝視異性的行為是極不禮貌。日經新聞網
來源:
http://hk.apple.nextmedia.com/international/art/20160304/19516205
【強國天才小學雞】神作文！由「街邊見到條魚」講到樓價
1 :
GS(14)@2016-03-08 16:08:07生活艱難往往容易令小朋友早熟，內地二線城市房價仍然未有起色，情況之嚴重，連內地小學生都知，樓市係一個伏！作家張大春最近喺Facebook轉載一篇署名小四學生「李碩」作文功課，題為「魚」。雖然未能考究文章來源，不過事實係，呢篇文的確反映社會實況。假設篇文真係小學生功課，相信睇完後，連你都會大叫一句：天才！全文如下：「今天在路邊看見了一條魚，到底是撿還是不撿呢？撿起一看，還是條活魚，回家油炸魚好吃了，又想了想，有魚還要油，還要廚房，還要找個媳婦（老婆）來做，媳婦一定有娘，又多了個丈母娘（外母）！要娶她姑娘一定開條件，要房、要車、要錢……我恍然大悟，趕緊把魚扔了。現在房價跌的這麼厲害，（那條魚）肯定是開發商扔的！我的媽呀，差點上當！」
來源:
http://hk.apple.nextmedia.com/financeestate/art/20160308/19520500
強國客$4800萬買豪宅嫌舊重建拆拆拆
1 :
GS(14)@2016-03-18 23:55:56老房子自有一股獨特韻味，有時候貴就貴在這個味道。不過澳洲一個中國家庭在悉尼東部貝爾維尤山（Bellevue Hill）以815萬澳元（4,710萬港元）買下一座豪宅後，相信卻嫌它舊，決定拆卸重建成現代豪宅。大宅有76年歷史，佔地1,900平方米，同區屬少有，包括一個600平方米的草地網球場、泳池，屋內有五間睡房、四個浴室，車房可停泊四輛車。房屋歷史悠久，不少設計仍保留上世紀40年代風格。可惜新業主看來不欣賞懷舊風。地產經紀稱，新業主除打算拆掉舊宅重建外，更擬在網球場上另建一棟房屋，但要先獲當地議會批准。澳洲《每日電訊報》/新快網
來源:
http://hk.apple.nextmedia.com/international/art/20160318/19535061
強國客台火鍋店又出醜冇幫襯照攞嘢食
1 :
GS(14)@2016-03-31 14:12:43強國遊客又在台灣出醜！有網民公開一段短片，顯示一班大陸遊客在新北淡水一間火鍋店大吵大鬧的情況。有網民稱，這班大陸遊客30日中午12時許到達火鍋店，初時只有3人，及後陸陸續續有7人到場。人數多不是問題，大人都有點火鍋，但一同前來的小朋友卻沒有點菜，便自行到沙律吧拿東西吃。店員發現後稱這樣要收50元新台幣（約12港元）共鍋費用後，大陸遊客即時發爛，說：「全部倒掉再去拿十盤過來！」10多人開始在店內叫囂。店員最後報警，警員到場，警員卻是被他們痛罵，這群陸客在店內擾攘兩小時才離開。目擊網民稱，很多本地客人看不過眼，出言相勸，甚至為他們付那50元費用，但都不得要領，也有網民稱這群客人態度惡劣，估計是前科累累。也有網民稱要將事件貼到微信、QQ等大陸社交媒體，「讓他們紅回大陸」。
facebook
來源:
http://hk.apple.nextmedia.com/international/art/20160331/19551953
Next Page