📖 ZKIZ Archives

利字當頭：低息異象 利世民

1 : GS(14)@2011-01-30 18:57:17

2011-1-26 AD

昨天，在Money Cafe講2011年最有機會消失的企業。

過去幾年的經濟寒冬，這些企業尚且能夠捱得過去，為甚麼反而在大地回春，各國量化寬鬆的時候，才走進商業歷史博物館？這不是異象是甚麼？可是，我老早就立下了New Year Resolution，不再嘗試預測未來。所以，我也不會揣測，究竟這些企業品牌有多大機會消失。

不過，背後種種因果，我還是可以依書直說。像老牌消費品公司Sara Lee，幾年來將業務逐漸出售。評論認為這家公司將於今年內售予私募基金，實在是順理成章的推測；尤其是這家公司，到今天的CEO仍是Acting，那種雞肋的格局份外明顯。不過，我會加多一句：在低息環境下，甚麼能夠產生回報的生意，按道理都可以賣得不錯的價錢。

順藤摸瓜，往下游去，零售營運企業的故事，卻有180度的轉變。像辦公室零售商Office Depot，也被同一個評論認為是2011年消失品牌的高危一族，原因是在同一行業中，已有兩大對手Staples和Office Max，作為第三位的Office Depot，在競爭下非常有可能被淘汰。

經常從證券分析員口中，聽到類似的分析。可是，我永遠都會追問一句：Why now？要是分析解釋不到，為甚麼不遲不早，偏偏要在這一刻才發生，我會傾向相信，所謂的分析，只不過是「消息當分析」，再過三個月不見效，九成是流料。

財技是富者越富遊戲規則

其實，今年的財經故事，十居其八九都跟低息環境有關。像Office Depot的故事，重點其實在現金收入縮減對盈利的影響。

說到底，零售生意除了一買一賣的利潤，輸贏就在善用數期帶來的幾點子現金收入。財技是富者越富的遊戲規則，所以，世界各地的零售業，多數是由大戶一兩家主導，有沒有地產霸權，情況分別不大：超市如是，女士化妝品如是，電器、甚至寵物用品都一樣。

利世民

---

[貼圖]馬世民

1 : GS(14)@2011-05-05 21:55:14

---

2 : GS(14)@2011-05-07 11:50:29

http://hk.apple.nextmedia.com/te ... 307&art_id=15230268

中環在線： 48公司瓜分馬世民
2011年05月06日

---

利字當頭：監管的高手低手 利世民

1 : GS(14)@2011-10-26 00:21:43

http://hk.apple.nextmedia.com/te ... 307&art_id=15736305

---

利字當頭：大陸的壓力煲現象 利世民

1 : GS(14)@2011-11-25 08:42:54

http://hk.apple.nextmedia.com/te ... 307&art_id=15833923

---

利世民你算老幾

1 : GS(14)@2011-12-13 22:00:01

教人睇書...書週街都有，睇得多就得，用不用你教，教來又洗腦

http://www.lionrockinstitute.org ... 32-01&Itemid=83

自從去年獅子山學會的王弼想出了「文憑量化寬鬆」這個妙絕的名詞，去形象化地解釋大專教育的危機，社會上越來越多人開始關注這個問題。


有人認為，既然一般大專的文憑沒有價值，便去考個獨立的專業試（例如CFA），就好像過去幾年買瑞士法郎保值的心態一樣。也有人索性去念個可以取代執業資格的學位，希望打入一行專業，賺取穩定收入。以外投機作比喻，這種做法就像過去幾年買澳元收息。


瑞郎和澳元在量化寬鬆下，毫無疑問確實升值了不少，正如獨立專業試和有執業資格的學位，在文憑量化寬鬆下仍然硬淨。不過，瑞郎和澳元，最終何嘗不是抵擋不住鈔票量化寬鬆的衝擊？大學文憑濫發既然有第一波，誰知道會否波及其他的所謂資格？


最終，究竟甚麼才是知識的金本位？學識既是無形但有價的資產，文憑量化寬鬆除了是對未來一代的剝削，其實也在破壞我們積累下來的知識財產。


我相信，追求知識的人聚在一起，是讓知識生生不息的最基本。我也覺得，上堂聽課不是追求知識的方法。所以，明年1月起，我決定組織「利字當頭讀書會」，圍繞貨幣理論、經濟學和歷史3個範疇，選擇經典著作，跟有心的朋友一起學習。


讀書會不收取任何費用，但參與者必須承諾，每次出席之前，把書讀完，並準備分享。以跑步做比喻，讀書會就是伴跑的朋友，讓我們的進步更有紀律。有興趣的朋友，請電郵至 [email protected] 聯絡。


利世民

---

2 : GS(14)@2011-12-13 22:00:40

你去書局自己睇幾日，好過聽D乜洗腦讀書會

---

3 : teawater(1794)@2011-12-14 10:33:04

完全唔明佢D比喻, 只知他在賣廣告

---

4 : 摘星(6904)@2011-12-14 10:54:36

我比较天真...认为这个安排好!

---

5 : 亞力士(1473)@2011-12-14 17:52:31

其實我地都可以搞個 毒書/獨輸/讀書 會

---

6 : GS(14)@2011-12-14 22:09:45

4樓提及

---

我比较天真...认为这个安排好!

我認為D書唔應該是他揀囉，是應該自己選一本感興趣，爛不爛不是重點之列，最緊要有喜歡這書的熱情

---

7 : GS(14)@2011-12-14 22:10:13

5樓提及

---

其實我地都可以搞個 毒書/獨輸/讀書 會

ok ，你搞囉，定期出來食下飯ok的，不過我會唔來

---

利世民同張慧敏呢班奴隸思維的人成日想叫人學佢地

1 : GS(14)@2012-01-14 16:07:02

點解呢班老鬼成日都有D咁思維? 個老細畀錢我地當然做少D啦，白痴的，人地大把外快，駛睇你?

番屋企想想點解要他們的奴隸思維咁重? 我自己做主唔得，駛同班老細賣命? 你都傻的。

懶是工作懶，唔是在自己的東西度懶，明未?

如果他榨盡你，你邊有時間想其他東西，想的野咪同人一模一樣囉，就好似你呢兩個人的奴隸男女思維囉。

張慧敏寫D咁野都是想拉生意。利世民又唔是乜野識野人，成日扮有料，股票野唔識，成日叫人做奴隸，好醒咩?

http://www.lionrockinstitute.org ... -10-32-01&Itemid=83

昨日，終於有幸和〈職場慧眼〉的Alison碰上了。這一頓午飯，真是獲益良多。


「份工沒有壓力，打工仔才要知驚。現在究竟有沒有人明白居安思危的意思？」我和Alison談到這一代後生仔，好像很滿足自己的位置。不過，從我們的角度看，反而擔心他們，五年，十年之後，要是還在同一個位置，他們老來怎麼辦？




許多打工仔都有個迷思，就是以為寧願人工低一點，工作簡單一點，就可以活在辦公室的一角，自由自在的過活。正所謂槍打出頭鳥嘛。但是以過來人的身份，我可以告訴大家，這個世界，要存在，就要把事情做好。把事情做好，就一定會浮上面。潛水，肯定不是一個選擇。


另一個打工仔的迷思是，機會來的時候，將就一點，就算薪水未到目標價，邊做邊等加人工。曾幾何時，有個剛出道的後生仔，忽然遇到了一個機會。他以為機會難求，所以沒有要求一個匹配這個工作的薪水。結果，老闆也沒有好好珍惜這位人才，讓他投閒置散。


收少了薪水，沒有人會多謝你，但肯定會有人將你放在不是最有價值的工作上。無論對老闆，抑或對打工仔，都是浪費時間。最重要是，長時間在這些位置，被環境限制自己的能力，久而久之，人才也變庸才。


打工仔要是知道自己的價值，叫價就一定要去到最最最盡，才可以迫使顧主將你用到最最最盡。經濟學上，這叫做signaling。當然，打工仔如果錯誤評估自己的價值，那又另作別論。有才華就要用盡，既是聖經的教訓，也是感受存在最直接的方法。


你又知唔知自己值幾多？


利世民


http://www.facebook.com/AppleSimon

---

2 : GS(14)@2012-01-14 16:10:18

現在呢套唔work的啦老細，個社會有錢，你唔做野個社會會養你，餓你唔死的。

應該去想下在公餘時間點賺錢，工作的野做好本份就得啦，最少都想想點想在窮的時間應該點做至省錢

---

3 : GS(14)@2012-01-14 16:11:23

兩位，你地真是無sense...

---

4 : GS(14)@2012-01-14 16:13:01

D 奴隸就是咁產生出來的啦

http://hk.apple.nextmedia.com/te ... 320&art_id=15979064
昨天世民哥的標題，我身為獵頭人，對這「論點」實在不能茍同。馬上細讀內容，只覺世民哥講得未夠清楚，萬一有讀者只看標題或未有足夠智慧解讀，只是一知半解以後亂咁叫價，就會死得人多。
我非常同意打工仔每份工作都要「賺到盡」！但非常不同意「叫價就一定要去到最最最盡」，因為「賺」的，何只是錢？世民哥所講的「叫價」方法，不是放諸四海皆準，只一小撮人適用。因為他份屬此一小撮，就是對自己，和自己在行業及市場的 Position及 Value都瞭如指掌的人。能為公司作些甚麼貢獻亦早有全盤計劃，這一種人叫價低才是不正常。可是現今大多數人，連他們自己到底何德何能，價值何在都未搞得清楚的時候，憑甚麼來作價？ Pricing可是一門大學問！
如果那是一份夢寐以求的工作，一個難能可貴的學習機會，人工多少不應該是個考慮。僱主不會因為你入職要求的人工，決定是否重用你，僱員更不會因此遭投閒置散。要「浮面」的就自然不會怕辛苦不停踩水，嫌辛苦放軟手腳自然「沉底」，所以絕對是個人選擇。天道只會酬勤，世上本沒有不勞而獲的事！要出人頭地，最重要的是對工作的熱誠，做人處事態度要 Positive要積極。要是光會叫價，更要叫到最盡，但卻交不出超水準的功課，老闆不是儍的，很快就會動手「修正」。
所以要「賺到盡」的是寶貴經驗，不單止是工作，還有待人接物，及建立個人及行業的網絡，為日後更上層樓打好基礎做足準備。老闆上司賞識，當然是好事，只須繼續做好工作。即使不是，何須氣餒？更要埋首為自己「賺盡」，之後頭也不回跳槽去！

張慧敏（ COREsearch Ltd）
[email protected]

---

5 : GS(14)@2012-01-14 16:16:00

仲有，我想講的是，網絡通常是信你間公司，唔是信個人，千祈唔好咁傻信他們

---

6 : GS(14)@2012-01-14 16:16:32

我非常同意打工仔每份工作都要「賺到盡」！但非常不同意「叫價就一定要去到最最最盡」，因為「賺」的，何只是錢？世民哥所講的「叫價」方法，不是放諸四海皆準，只一小撮人適用。因為他份屬此一小撮，就是對自己，和自己在行業及市場的 Position及 Value都瞭如指掌的人。能為公司作些甚麼貢獻亦早有全盤計劃，這一種人叫價低才是不正常。可是現今大多數人，連他們自己到底何德何能，價值何在都未搞得清楚的時候，憑甚麼來作價？ Pricing可是一門大學問！

呢段叫拉生意

---

7 : calvinx(8907)@2012-01-14 16:46:21

湯大, 你同利生講既野都有道理, 分別係你講出而家既實制情況, 利先生既就講出前人既經驗.

其實大家都應該尊重份工, 但就吾係做份工既勞隸.

任何一個方向, 做得極端既, 有人會變做勞隸, 反之, 就變得連自已都吾尊重自已.

---

8 : GS(14)@2012-01-14 16:56:11

7樓提及

---

湯大, 你同利生講既野都有道理, 分別係你講出而家既實制情況, 利先生既就講出前人既經驗.

其實大家都應該尊重份工, 但就吾係做份工既勞隸.

任何一個方向, 做得極端既, 有人會變做勞隸, 反之, 就變得連自已都吾尊重自已.

咁大家的思維是咁樣咪變唔到囉... 這是教育的問題，點解你要做到咁仆街先，要人迫你咁仆街

有時D野要從自己做起的，過得自己過到人就算啦，做得太耐，結果身體唔好，又被人裁埋有乜謂?

---

9 : 亞力士(1473)@2012-01-15 21:28:24

5樓提及

---

仲有，我想講的是，網絡通常是信你間公司，唔是信個人，千祈唔好咁傻信他們

某d自立門戶既高層下埸

---

10 : 草帽(1253)@2012-01-15 22:44:02

利生既文冇睇好多年了, 因為我覺得佢既看法幾似火爎森, 又有D似龍生兄既走火入魔版.

---

11 : honey(6546)@2012-01-15 23:51:52

估計利世民同張慧敏講既係公司高層，唔係一般星斗巿民。佢地d文章未必適合類似生果既讀者

---

12 : GS(14)@2012-01-16 22:28:59

9樓提及

---

5樓提及

---

仲有，我想講的是，網絡通常是信你間公司，唔是信個人，千祈唔好咁傻信他們

某d自立門戶既高層下埸

呢D專訪我最少看過十個八個

---

13 : GS(14)@2012-01-16 22:29:58

11樓提及

---

估計利世民同張慧敏講既係公司高層，唔係一般星斗巿民。佢地d文章未必適合類似生果既讀者

仲有iM的施伯樂，都是一樣，這種思維outdate了，有時間應該去想想找一條路給自己，因為他們實在太虛弱了

---

14 : GS(14)@2012-01-16 22:30:38

10樓提及

---

利生既文冇睇好多年了, 因為我覺得佢既看法幾似火爎森, 又有D似龍生兄既走火入魔版.

我都覺得你講得好，他們好friend 應該

---

利世民：價格分歧和劏客

1 : GS(14)@2012-01-26 22:40:50

http://www.sharpdaily.hk/article/index/15307/20120126/45433

農曆新年假期睇新聞，來來去去仍然係中港矛盾。孔慶東詆毀香港人係狗，之後又反口，死都唔認。唔通佢當香港人係白痴？另一邊廂，有大陸網民發起，年初五集體去地鐵食嘢。不過，有理由相信，中國人向來難以團結，呢個創舉，恐怕都係講就天下無敵。
早兩日《蘋果日報》有一單新聞都幾耐人尋味。話說一間名為廣東燒味嘅茶仔，餐牌實行一國兩制：「遊客價貴五成到一倍，本地人就收正價。」嘿！如果廣東燒味個老闆話撐香港人抗通脹： 「自由行遊客正價收費，本地人特惠半價。」唔知會唔會有人封佢做香港良心呢？
同朋友P講傾開劏自由行客。佢話去開上環一間涼茶舖食龜苓膏，舖外大大隻字寫「特級龜苓膏＄300」。入到去，只要用純正港式粵語問：「有冇唔係嘅特級龜苓膏？」阿姐自然會好醒目咁話：「你咁靚仔，食平時個隻50蚊就OK啦！」
記得大教授張五常名作《賣桔者言》講過：「同樣的貨品，同樣的成本，以不同價格出售，叫作價格分歧（Price Discrimination ）。」
通脹令價格嚴重扭曲

張大教授通過實踐得出結論：只要訊息成本夠高，就可以實行價格分歧。遊客人生路不熟，訊息成本一定高。不過，最令我覺得有趣嘅係，涼茶舖竟然將個價錢貼出來，都可以玩價格分歧，道理又點講呢？
其實，聽到朋友P講呢間涼茶舖，我第一個問題係：「呢間舖嘅老闆唔怕趕客咩？」
朋友A插嘴話：「300蚊龜苓膏，賺死人咩。趕走晒啲本地客都唔驚啦！」不過，做食肆完全無本地客幫趁，一睇就知到係劏客啦。
我另一個問題係：「＄300龜苓膏個牌，係唔係殘體字？」
朋友P：「好似唔係喎！成間涼茶舖都係正體字，忽然有個牌寫殘體字，你真係當自由行係白痴咩？」
言語不通，絕對係遊客嘅訊息成本。更重要嘅係，過去幾年，通脹令到價格嚴重扭曲；乜嘢算抵，乜嘢叫貴，越來越難單憑直覺去判斷。尤其是今日大陸嘅物價更加係完全無譜。
喺呢種物價亂晒籠嘅世界下，自然會孕育出靠價格訊息成本生存嘅人。所以，我幾時都話，通脹唔只經濟學咁簡單，更加係社會現象。

利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon

---

利世民：玩輪員回憶錄

1 : GS(14)@2012-01-27 23:49:49

http://www.sharpdaily.hk/article/index/15307/20120127/46072

過年前，大家都問究竟阿爺係唔係放水救股市。過年後，港股趁大陸放假，有理冇理繼續炒上去。尤其是大陸放水概念股，好似國壽（2628），真係升到阿媽都唔認得。
曾幾何時，國壽係我愛股之一。07年，用國壽來追大陸股市泡沫，其實都幾和味。07年初買入時，個決定一啲都唔難做，反正日日見住個價係咁升，就日日睇住自己的紙上財富，都不知幾過癮。
記得去到07年中，我見國壽股價一直升唔過25元，再加上覺得大陸經濟開始唔對路，所以我就盡放手上持貨，叫做賺幾個開就收手。啊，唔記得講，當年我個網名叫「玩輪員」；所謂持貨，絕大多數都係一路碌上來嘅「輪」，隻股唔升，我就要走。
落注容易清倉難

不過，到咗8月，先至係最戲劇性一刻。07年8月初，國壽已經升上30元，我嘅投機拍檔（我老婆）覺得好有把握，覺得可以繼續炒上去。我哋將之前贏番來嗰筆錢，過關冧莊買國壽。頭兩個星期，幾乎輸凸。我日日安慰佢話：「反正啲錢都係贏番來，只要有子彈，總有機會再贏過。」
點知，由8月第三個星期開始，終於出現泡沫最精彩嘅一幕：大奇蹟日。呢一轉，我哋賺嘅，係之前總額好幾倍。其實同期我有另一隻愛股：港交所（388）。當時，我賭港交所，因為港股直通車。清倉，係因為直通車死咗火。因為8月初嘅經歷，老婆都覺得執番一身彩，見好就收。之後，我哋就好似童話故事嘅主角，好開心快樂咁生活下去。
回想起來，07年股市泡沫嘅一個教訓係：落注容易清倉難。我哋永遠都唔知道，自己會唔會賺少咗。但係賭仔往往最受呢啲唔存在嘅輸贏影響自己判斷。所以，投機有個拍檔未嘗唔係好事，最好就係一個睇市，一個分析同揀股。當然，最最最緊要係兩個人要有絕對信任同包容。
講到尾，我都一定要認：呢世人最好彩，係娶到呢個老婆。

利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon

---

2 : 草帽(1253)@2012-01-28 08:54:34

以前有個朋友, 玩國壽輪由二三十萬炒到千幾萬.

---

3 : GS(14)@2012-01-28 13:37:42

2樓提及

---

以前有個朋友, 玩國壽輪由二三十萬炒到千幾萬.

so great

---

利世民：繼續犯眾怒　反對派錢

1 : GS(14)@2012-02-01 23:26:10

http://www.sharpdaily.hk/article/index/15307/20120201/48033
支持派錢理由一：「呢個政府咁大花筒，派晒啲錢，咪可以阻止呢個政府亂來囉！」
毫無疑問，呢個政治上嘅「焦土政策」，聽落真係好有道理，非常吸引。
回歸後，香港出現過連年財赤。當年特府出盡九牛二虎之力，搞個資源增值計劃（EPP），想用三年時間去慳3%經常性開支，公務員都牙痛咁聲，仲要去到第二年之後，唔再講，亦無人跟進。之後，特府又走去聽班會計佬講搞銷售稅諮詢。
老實講，假如今日將特府儲備派到剩低唔夠12個月使用，恐怕只要出現財赤，呢個填鴨式教育嘅政府，定會提出要開乜稅物稅。再加上香港已瀰漫一股依賴情緒，經濟不景時，特府只要用「窮人好慘」四隻字做理由，就好容易就牽動政客去一齊支持加稅。
政府做所謂財富再分配，永遠最先攞錢嘅，都係識走後門入庫房嗰班既得利益份子。依賴公帑救濟嘅人，只不過係利益輸送嘅遮醜布。
我都好想根治呢個問題，但要明白，庫房水浸並非大花筒或系統性利益輸送嘅原因。要阻止政府亂來，首先要畀公眾明白，政府嘅本質並非仁愛關懷，政治亦只不過係利益掛帥，所以，最終都係要有更多人相信，要好好生活，總要靠自己。
事事依賴政府須反思

打個比喻：猛獸係一隻靠集體意志生存嘅猛獸。要對付呢隻猛獸，最緊要係唔再畀飽飯佢食。順服猛獸，過程將會好漫長。派錢掏空庫房呢一招，就等於將隻猛獸放血，只會惹來猛獸反噬。呢個係我反對派錢嘅第一個原因。
支持派錢理由二：「好多無交稅嘅人都有貢獻，派錢，佢哋就可以共享成果。」
有貢獻嘅人，好應該得到回報。不過，無理由要三九唔識七嘅納稅人幫手埋單。你有貢獻，自然有人直接得益；請你先向呢一班有直接得益嘅人，提出要求共享成果。
老實講，絕大多數人支持派錢，理由並非上面講嘅「焦土政策」，而係「幫補吓啦」。對唔住，政府唔係黃大仙。如果越來越多人認為，面對任何問題，都可以叫政府出手解決，淨係呢一個現象，已經值得反省。

利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon

---

利世民：甚麼是債市泡沫？

1 : GS(14)@2012-02-08 23:00:59

http://www.sharpdaily.hk/article/index/15307/20120208/51252
尋日做完開市埋位，見到孫柏文，第一句佢就話：「我唔贊成你節目入面嘅講法話債市已經去到泡沫末期！今時今日，市場集資最平，一定係債券。你睇，間間企業一回購自己股份，股價即刻跌到七個一皮！」
點解投機者追捧「企業債券」呢？高息？咁就唔係平啦。其實之前響《蘋果日報》「利字當頭」我都分析過，企業願意畀呢個息，一定唔會係蝕本生意。簡單講，就好似教科書入面所講，當市場息率跌到低無可低，惟一可以發展嘅方向，就係回升；利息升，債券價錢自然會跌，一切就係咁簡單。
投機者，尤其是聽左伯南克講話2014年之前都唔會加息，主流都認為利率會一直維持低位。對唔住，呢個諗法，非常之咁錯，亦好危險。伯南克話唔加息，唔代表市場利率唔會上。
息高唔代表經濟好

事實上，伯南克可以控制嘅係各大銀行存放響聯儲局嘅結餘利率，亦即係所謂Fed Funds。不過，市場對資金有供求，換句話說，資金成本最終都係由市場決定。資金成本，好籠統咁講，就係利率。
利率乜野時候會升？對拆借一方，如果預期有通脹，相信錢嘅購買力會減，就會要求利息高的；又或者，當前景多左不明朗因素，風險系數增加，要求嘅利息又高一啲。即係話，利率升唔代表經濟好；經濟差，資金短缺，訊息又混亂，利率一樣可以升。
向好方面諗，如果經濟環境回復正常，利率一樣要回升到自然水平。又或者，就係貨幣寬鬆造成嘅通脹不斷升溫，根據過往幾十年歷史，央行最終都要用加息，而且係不斷加息去抽緊銀根。
最後一個可能性，亦係機會率最低嘅一個，就係衰退令資金需求急減，即係有錢都無人肯借，最終演變成通縮。不過就算係咁，發債企業只要管理好滙率風險，最多都係還得辛苦一啲。歷史嘅教訓係，如果企業所在嘅國家貨幣大幅貶值，但係借嘅錢就用國際貨幣計數，呢一筆外債，就真係一世都還唔清。
講到尾，其實自從各國央行一齊量化寬鬆，好多經濟因素就出現不同程度嘅扭曲；當中，最厲害嘅扭曲，就係利率。發債其實代表睇死央行無可能永遠咁壓抑利率，呢個投機概念，我認為非常合理喎！

利世民
專欄電郵：SharpHK.Simon＠gmail.com
Facebook專頁：www.facebook.com/AppleSimon

---