楊恭如當眾被掌摑周正毅背妻撐緋聞女友
1 :
GS(14)@2017-03-03 00:59:48楊恭如曾被喻為最美麗「亞洲小姐」，年輕時緋聞未停過，幾乎每次同男演員合作都會傳緋聞，包括合作過《中華英雄》嘅鄭伊健、音樂特輯嘅王傑、《Bad Boy特政》嘅古天樂等。明星以外，富豪亦榜上有名。97年，楊恭如傳與當時已經係趙薇男友嘅上海房產商人葉茂青交往半年。但最轟動當然係楊恭如同「上海首富」周正毅嘅一段緋聞；2002年3月，楊恭如搬到月租12萬港幣嘅半山豪宅，被曝背後金主係周正毅，但楊恭如同周正毅都稱對方係上海老鄉。10月，楊恭如喺銅鑼灣Cova飲下午茶時，突然被一名女性當眾掌摑並大罵：「你敢搞我老公！」事件轟動一時，事後毛玉萍出嚟表示「我是唯一周太」。03年，周正毅喺上海因罪入獄，毛玉萍亦都喺香港被廉署控以串謀造市等罪名被判監。翌年，楊恭如遷出豪宅，「北上」返大陸發展。5年後，楊恭如終於承認當年自己係「小三」，聲稱當年介入周正毅同毛玉萍之間，係男方以花言巧語欺騙自己，所以錯嘅係男方唔係自己。楊恭如話：「最初對方無講過有老婆，後來發現自己是第三者時，覺得很糟糕很受傷。」佢仲話之後兩段感情都係做第三者。佢慨歎：「一對情侶在不同城巿生活，其中一方好容易做出花心的事，不過我相信曾經同我交往嘅男人，都付出過真心，只是他們同時都花心。」08年初，楊恭如透過伍詠薇表姐介紹，跟有「學界鄭伊健」之稱嘅「補習天王」簡俊傑相戀，兩人好快就同居；但戀情曝光後，有傳男方一腳踏兩船，正印上門興師問罪，令呢段情維持5個月就宣告結束。其後楊恭如又曾與亞視體育節目主持蔡錦豐、台灣二線小生黃少祺等傳出緋聞。
來源:
http://hk.apple.nextmedia.com/entertainment/art/20170302/19945054
與許亦妮 何佩瑜傳緋聞
1 :
GS(14)@2017-05-14 10:44:34■盧啟邦2013年被拍到接送緋聞女友許亦妮。
【本報訊】在北角街頭遇襲的盧啟邦來頭不小，剛於2個月前才獲上巿公司太陽世紀集團董事會委任為執行董事，進入集團權力核心。現年37歲的盧啟邦被視為青年才俊，曾經擔任CEC Telecom的資深副總經理，其後曾加入上巿公司嘉年華國際出任執行董事，現為太陽世紀集團執董。事業得意的盧啟邦感情生活亦多姿多采，由於其所屬集團的子公司太陽娛樂文化曾經投資多部電影，令盧啟邦因而有不少機會與女星交往，緋聞女友一個接一個，當中包括港姐出身的許亦妮，其後又傳戀上有份參演電影《喜愛夜蒲3》的何佩瑜（Jeana）及文凱玲（Connie），之後又搭上?模Hera等。
電動房車賽冠軍
此外，盧啟邦亦愛好名車，曾經擁有一部價值469萬元的法拉利458 Spider開篷跑車、兩部麥拿倫MP4跑車及寶馬M5等，去年參與中環首屆電動房車挑戰賽，力壓方中信、錢嘉樂、郭富城奪得第一位。■記者莫家文
來源:
http://hk.apple.nextmedia.com/news/art/20170514/20020887
金融才俊好搶手盧啟邦揸戰車接許亦妮傳緋聞
1 :
GS(14)@2017-05-19 05:27:52現年37歲嘅盧啟邦(Andrew)喺周焯華(洗米華)做主席嘅太陽世紀集團擔任執行董事，被視為洗米華愛將。因為其公司嘅子公司就係太陽娛樂，所以人稱「邦少」嘅盧啟邦同唔少娛圈中人有來往，其緋聞女友有唔少都係大家都認識o架！而最出名嘅就係，盧啟邦喺2013年揸住架時價四百多萬嘅跑車，接港姐亞軍許亦妮而傳緋聞，不過其實盧生喺澳門已經有正印女友蔡一鳳。與許亦妮關係曝光後，盧即急飛許亦妮補鑊。其後盧啟邦又與Jeana何佩瑜傳緋聞，前後腳睇戲，雖然之後無疾而終；前年佢另一緋聞女友，就係o靚模Hera，兩人打得火熱，不過當時有傳男方有意翻撻舊愛Jeana。未幾傳出Jeana被摑事件。當時Jeana即澄清謂：「完全冇呢件事（指被摑），我同阿邦都冇聯絡，報料人可能睇得太多微電影，其實0依家港產片質素都好好，不妨買張飛入去睇。」依家Jeana搵到Mr Right翁子光導演，兩人恩愛非常，令人羨慕。此外，落選港姐文凱玲亦係盧啟邦緋聞女友之一，後來盧情傾唐詩詠，千方百計結識，更公開稱對方為「女神」，更成功揮低洪永城添。
來源:
http://hk.apple.nextmedia.com/entertainment/art/20170518/20024890
做陳展鵬緋聞女友被爆粗狂鬧單文柔IG變罵戰之地
1 :
GS(14)@2017-06-10 12:23:00儘管話家陣啲fans已經開通好多，對於偶像嘅私生活，包括食煙飲酒夜蒲等都比較睇得開，但一提到拍拖……都唔係咁易過關。好似大台視帝陳展鵬同師妹暨落選港姐單文柔咁，明明已經被《蘋果》影到夜遊山頂，又被《蘋果》讀者透過「爆相爆片」影到「鵬單」鬼祟撐枱腳，另加有周刊指佢哋已達同居階段，雖然表面證供成立，但奈何當事人唔肯企出嚟認，只係有指陳展鵬向公司認愛，仲話自己「一力承擔」，女方都有讚㗎，仲話覺得陳展鵬好慘……其實，慘嘅係邊個呢？單文柔喺被揭戀情後冇幾耐，已經被網民洗版咁去佢啲社交平台留言鬧爆，包括話佢係豬扒，所以單文柔一度關閉咗個留言功能避風頭，唔知佢係咪見已經唔係風頭火勢，最近又開番個留言，點知……喺單文柔近日嘅post中，無論佢講咩，都可以踩中網民嘅神經，「好聽」少少嘅最多話佢同陳展鵬唔襯，難聽嗰啲……其實出唔到街；然後，有啲護單文柔嘅人（包括fans及聲稱唔係fans嘅路人）就互鬧，掀罵戰，正所謂「相嗌唔好口」，啲人就越鬧越難聽，啲留言，唔打格出唔到街嗰種……唔知係咪屬於做「煎Pan嫂」嘅必經訓練，單文柔鬧不還口，佢有冇記喺心入面就唔知，但肯定睇到啲文字組合，個心點都有啲唔舒服……又話一力承擔嘅？學Saving哥話齋，做得到先講得出吖嘛！
來源:
http://hk.apple.nextmedia.com/entertainment/art/20170605/20045101
一埋身即中招蔡思貝緋聞男友多到
1 :
GS(14)@2017-07-01 09:53:41蔡思貝自2013年當選港姐亞軍後，順利簽約成為大台旗下藝員，入行4年，緋聞男友數目一隻手都數唔晒，幾乎同佢合作過嘅，都難以逃過蔡思貝嘅手指罅……
崔建邦
近年轉形象，以打拳男正面發展嘅崔建邦，喺同唐詩詠分手後，一度同蔡思貝名字搭上。話說蔡思貝備受高層重用，但係經驗不足，經常NG，更有傳佢被拍檔林曉峰明窒明耍，仲講到蔡思貝匿埋喊，另一拍檔崔建邦見狀不單止開口護花，有次兩杯落肚後仲明言冧蔡思貝。
洪永城
同崔建邦一樣、曾經係「絕世好女友」唐詩詠前度嘅洪永城，喺舊年仲未單身時，被目擊放假時約埋蔡思貝去做運動，搞到唐詩詠嬲豬嗌分手，最後洪永城成功箍煲。不過，到今年洪永城同唐詩詠真分手時，有傳因為係蔡思貝做第三者介入，但當時洪永城否認，仲話「思貝係我同事、朋友」，亦表明大家係同事，唔會避嫌唔見。
沈震軒、羅仲謙
蔡思貝擔正演嘅《衝線》，一次過「搭上」兩位男主角，沈震軒及羅仲謙。當時仲未結婚嘅謙謙，有傳劇組到台灣拍外景時，蔡思貝主動黐實謙謙，搵到楊怡嬲豬，累謙仔被楊怡趕出家門。另有指蔡思貝喺拍劇期間，姣電沈震軒，令眾人眼中嘅cool man融化。
周志文
另一個喺拍《衝線》時已經同蔡思貝傳緋聞嘅人，仲有周志文，雖然舊年蔡思貝身陷虛報學歷及戲屎等醜聞，但都無礙佢收兵，有指佢趁正印男友麥秋成赴京公幹期間，背住男友同周志文去睇三級戰爭片《絕地戰場》，深夜更殺上男方位於藍田300呎公屋，孤男寡女喺斗室共處18小時。
鄭俊弘
因處理感情不當導致人氣下滑嘅鄭俊弘，喺2014年曾經被傳獲蔡思貝力追，有讀者當年向《蘋果》爆料，指當時與姜麗文拍拖嘅鄭俊弘，唔敢公開承認戀情之餘，另一邊廂仲同主動出擊倒追自己嘅蔡思貝孖住去睇台灣組合蘇打綠嘅演唱會，而蔡思貝頻頻藉捧場冧暈男方，包括對方擔任演唱會嘉賓，或出席活動時，都見蔡思貝到場支持。
溫家偉
與「大隻仔」溫家偉被影到拍拖到先達修理iPhone，另又被拍到收工後與大隻仔嘆茶時並肩而坐，更獲男方做柴可夫駕車接載，不過溫家偉回應緋聞時話過：「乜佢有男友㗎咩？同佢係好朋友，呢行好難得可以同女性做朋友咁close，同佢好似sister咁。」
來源:
http://hk.apple.nextmedia.com/entertainment/art/20170629/20072845
【荷李活星談】緋聞情侶拍住上21歲湯姆電擊操肌 蜘蛛俠育成記
1 :
GS(14)@2017-07-02 14:19:38■《蜘蛛俠：強勢回歸》即將上映，最新一任蜘蛛俠正是年僅21歲的湯姆賀倫。
【《蘋果》巴塞隆拿專訪】暑假大作，第三度重製的「蜘蛛俠」系列《蜘蛛俠：強勢回歸》（Spider-Man: Homecoming）將於本周四（6日）上映，最新一任蜘蛛俠正是年僅21歲的湯姆賀倫（Tom Holland）。日前本報記者於巴塞隆拿訪問了這位新紮影星湯姆及女主角辛蒂亞（Zendaya），湯姆大爆自己靠電擊練大隻！與他傳緋聞的辛蒂亞更不停大讚男友。採訪：何德香港上映日期：7月6日
■能成為蜘蛛俠是湯姆的兒時夢想，所以今次他真的竭盡所能。
■湯姆視羅拔唐尼為偶像，戲中對方也是他的「師傅」。
記：記者 湯：湯姆賀倫記：你一直有學跳舞，你有將舞蹈動作融入動作戲之中嗎？湯：我有將從舞蹈訓練所學的，運用到對打場面當中。我們的對打動作很有「芭蕾舞感」，所以我有用上以前學芭蕾舞的動作幫助拍戲。記：拍攝前，你有上堂學習怎樣打鬥嗎？湯：我用了幾個月跟特技人學習，日日都接受訓練，讓自己好好體驗一下作為特技人的生活！
自認狂迷
記：你說過自5歲起就想成為蜘蛛俠，現在算是夢想成真嗎？你滿意現在的成果嗎？湯：我一生人都很想成為蜘蛛俠，我一直都在自己的睡房扮演蜘蛛俠，可以講我自己就是他，真的很瘋狂！這部電影深受大家喜愛，我感覺到自己達成了一個目標，亦可以滿足影迷。記：你滿意自己在現場的拍攝表現嗎？湯：絕對是！百分之一百！我真的很努力去拍，投放了自己的所有在這部戲上，我不敢相信可以演出這麼出色的一部戲，真急不及待讓大家看看。
■湯姆認真表示電擊練大隻真的有效，但因為太痛所以已很少用。
■為演蜘蛛俠，湯姆日日都接受訓練。
忍痛鍛煉
記：從你的Instagram看到你為鍛煉身體，試過用機器電自己！那是怎樣運作的？湯：你需要穿上一套黑色服裝，他們會將感應貼放在你身上，當你做瑜伽的時候，他們會電你，這真的很有用！我每日都會去健身，但這樣做是一種額外的訓練，這真的真的有幫助，但夠了，因為這樣做真的很痛，絕不會感到舒服。我覺得有用的，當然我較喜歡去健身室，舉舉重，但如果你手頭上沒太多時間，這絕對是一個很好的方法去保持體態。記：除了蜘蛛俠，你最喜歡的復仇者成員是誰？湯：應該是……蜘蛛俠吧！你知道吧，他是我的最愛。記：會有另一個嗎？湯：有！蜘蛛俠！記：那鐵甲奇俠呢？湯：他很好，蜘蛛俠也是，很有型。記：你馬不停蹄宣傳電影，會很累嗎？湯：我告訴你，我現在累到瞌上眼，都可以隨時睡得着！
■「蜘蛛俠」打擊各種罪案，以證明自己的能力。
【故事簡介】出山打禿鷹
《蜘蛛俠：強勢回歸》是Marvel與Sony Pictures破天荒合作的作品，講述經歷英雄內戰一役後，彼得柏加（湯姆賀倫飾）繼續與嬸嬸同住，嘗試重新投入過去的平凡生活，心裏卻對蜘蛛俠之身份難以忘懷。那邊廂，東尼史達（羅拔唐尼飾）再三強調蜘蛛俠並不屬於「復仇者聯盟」。為了向鐵甲奇俠證明自己能力，彼得飛簷走壁去打擊各種罪案，矢志告訴世人蜘蛛俠的英雄本色。此時，城內有些罪犯正蠢蠢欲動，當中禿鷹（米高基頓飾）的出現，對彼得身邊所有珍視的人和事造成重大威脅。
來源:
http://hk.apple.nextmedia.com/entertainment/art/20170702/20075603
出道4年緋聞未停過劉佩玥曾獲猷亨做外賣仔
1 :
GS(14)@2017-07-07 02:42:22劉佩玥（Moon）於2013年獲選港姐季軍入行，星途同佢同屆嘅陳凱琳及蔡思貝有別，但緋聞數量呢，就同有「發電機」之稱嘅蔡思貝有得揮。出道4年，Moon嘅緋聞男友數量，平均嚟計，每年肯定多過一個，即睇佢張「收兵清單」。何猷亨貴為賭王何鴻燊四房公子嘅何猷亨，喺同陳瀅拍拖之前，曾經於前年被目擊買外賣送去片場畀阿Moon，可以獲賭王之子紆尊降貴做外賣仔，應該唔係朋友咁簡單。（順帶一提，Moon同陳瀅係好姊妹，會一齊去旅行講心事嗰隻。）周志文同樣係戀事多嘅「巨聲幫」大孖周志文，亦同Moon扯上關係，前年有傳Moon同周志文唱K時狂咀，當時周志文同吳若希一齊，Moon變相做「小三」，佢哋段「戀情」一度冷卻，但近日回復單身嘅Moon喺月前被指暗達周志文，亦有報道話周志文趁住伊人芳心寂寞，以細心照顧嚟打動女方，仲講到佢哋不時以band夾嚟做藉口，成班人約會，Moon日前孖住周志文等人做直播時，有指兩人忍唔住眉來眼去。呢兩個人，真係相當有可疑……黃又南都係前年嘅事，當時Moon被目擊喺收工後，上咗又南架Audi戰車，兩人其後喺車廂中談心，其間有錫錫，當又南出手點煙時，Moon伸手去搶，勁耍花槍。伍允龍伍允龍自從同鍾嘉欣終結愛情長跑後，感情去向備受關注，因合演大台劇《城寨英雄》而傳緋聞，其後Moon同伍允龍更不避嫌互相出席對方與朋友之間嘅聚會，令二人戀聞甚囂塵上。不過，有指Moon嫌男方專注事業，少理自己，所以棄龍覓兵。黃宗澤喺拍大台劇《幕後玩家》時，有傳Moon迷上對手黃宗澤（Bosco），更周圍放聲氣話自己回復單身，更主動出擊追Bosco，可惜神女有心，襄王無夢，最終Moon追仔失手而回。
來源:
http://hk.apple.nextmedia.com/entertainment/art/20170705/20079315
大陸唔畀打機追星管微博唔准爆明星緋聞
1 :
GS(14)@2017-08-06 11:13:25喺大陸，打機唔可以沉迷，追星都唔可以沉迷。繼6月初「中國第一狗仔卓偉」為首的一眾內地娛樂爆料賬號被關閉後，昨日北京網信辦召開「遏制追星炒作低俗媚俗之風」工作推進會，指導微博制定並發佈《微博社區娛樂資訊管理規定》。微博、今日頭條、騰訊（700）、一點資訊、優酷、網易、百度等網站相關負責人，牙仙文化、鼓山文化、蜂群文化等娛樂自媒體公司及部分自媒體賬號負責人參與會議。會上，北京網信辦要求屬地網站、娛樂自媒體公司及相關自媒體賬號依法運營，積極傳播社會主義核心價值觀，營造健康向上的主流輿論環境，認真清理遏制渲染演藝明星緋聞隱私、炒作明星炫富享樂、低俗媚俗之風等問題，共同維護網路空間的風清氣正。
來源:
http://hk.apple.nextmedia.com/financeestate/art/20170805/20112459
Next Page