人生戰場（３） 陸羽仁
http://blogcity.me/blog/reply_blog_express.asp?f=5YTPBH5B812303&id=262978&catID=&keyword=&searchtype=
美國勞動節假期休市。歐洲股市受美國上週五8月非農就業資料刺激，昨日繼續造好，但升幅輕微，交投清淡。FTSEurofirst 300指數收漲0.2%，歐洲三大股市都係輕升0.2%至0.3%。德國表現好鱓，因為德國決定延長核電廠使用期限後, 令公用事業類股上揚, 帶動大市向上。
美國中期國會選舉，兩個月後到11 月就要舉行，到時會重選所有的眾議院議員和三份一的參議員。民望今非昔比的總統奧巴馬頻頻出招，希望做番鱓№去拉番起個經濟，尤其係就業市場，因為選舉的 焦點議題必然集中在美國失業問題上。美國失業率繼續高企，佢當初承諾改善就業問題，現在好難向國人交待。奧巴馬昨日就趁出席勞動節活動時發表演說，話在未 來六年內會動用500億美元，改善美國運輸基建設備，計劃會重建15萬哩公路、150哩高速公路和重鋪4000哩鐵路和150。這些工作收大量需要人手， 相信係藉此去補救連續三個月的職位流失。American Action Forum主席Douglas Holtz-Eakin則表示，「基建項目常常只能刺激到口水花，但實行起來就往往叫人失望。」
其實奧巴馬提議獲批的機會頗成疑問。雖然他強調基建開支長遠來說，而且資金來自撤消對石油和天然氣行業的補貼，不會增加赤字。不過，眾議院七月時就曾拒絕過奧巴馬要求40億美元成立基建銀行資助新項目的請求，時近選舉，共和黨明知奧巴馬出招買票，都未必咁易俾你過關。杜指期貨對奧巴馬出招的反應平靜，只是微升10點。
匯市方面，上週五好過預期的美國就業資料使風險偏好升溫，投資者一度放棄避險貨幣，推動美元下跌。但歐元升勢只係曇花一現，昨日歐元從高點回落，美元和日圓則小幅反彈。歐元兌美元由1.29美元上方回落至最新的1.2831美元，兌六隻主要貨幣的美匯指數亦回升至82上方，最新報82.11。風險偏好的逆轉，是因為市場預期本周的一系列央行政策會議不太可能傳出加息消息。相反，針對許多主要經濟體需要進一步定量寬鬆政策輔助的猜測揮之不去。
我講「人生戰場」，係講人生如戰場，若想成功，就要不斷戰鬥，而且首先要戰勝自己。網友Goal 有一個評價，說中了我心裏的話。佢咁講:「陸Sir，你真係好風趣同謙虛。拜讀你的blog，我各樣學識增進不少。也全靠各位blog友的分享。我五年前 睇完德川家康，係巧合，果陣時仲未開始投資買股票，仲做緊定期。也對生意管理一竅不通。但是，從那時起，我特別鍾意看成功人士失敗的書（好似好茅盾），他 們點樣成功，失敗，再起，再跌。特別想知道他們最後失敗的原因，也不是作爲自己的警惕，因爲自知自己無本事做一個成功的人。純粹想學下野。借書比我的人， 比我叻好多，對此書認識比我深好多，但係股票投資上，仍遭遇滑戆盧。」
我話Goal說中了我的心裏話，並非是他說「陸Sir， 你真係好風趣同謙虛」那一句，我其實主觀上懶風趣，客觀上唔謙虛。我是說人生的成功與失敗，其實是一脈相通，無論古代的帝王將相，今天的販夫走卒，做人、 做事，返工、炒股，看似是風馬牛不相及的東西，其實是一脈相承，成功有成功的脈絡，失敗有失敗的軌跡。具有成功性格的人，你好難將佢打敗。充滿失敗性格的 人，佢又好難達至最終的成功。而我認為，德川家康那種堅毅不拔的性格，是最關鍵的一種成功性格。
Goal話，「我特別鍾意看成功人士失敗的書（好似好矛盾），他們點樣成功，失敗，再起，再跌。特別想知道他們最後失敗的原因，也不是作爲自己的警惕。」要成大事業之人，首先要明白成大事業之難，這個講法看似很低能，好 ABC，其實好多人唔明白。我自己就有這種經歷，我剛出來做事兩三年，升到一個主任位，那時睇公司的老總，覺得佢個位好易做，行行企企，食飯幾味。但二十年之後，我自己在另一間公司升到老總(CEO)的位置，才知道呢個位好難做，簡單一句叫「上蒸下焗」，除了公司業務要做到超常地出色才可保住份工之外，對上要應付老闆，對下要面對同事，一鱓都唔易做，到這一刻我才知道，二十年前的我的想法太天真了。
好 多人就是把事情想得太易，所以跟本無準備用超凡的堅毅意志去做事，返工如是，投資也如是。返工以為上司是靠擦鞋上位，一句「我唔擦鞋架」，就放棄了所有力 爭上遊的努力。我見過唔少高級管理人員，就唔見幾多個只是靠擦鞋上到位，或者有些人表面都幾擦鞋，這只是在掩藏他的真正實力所在，又或者減低大老闆對他的 敵意，這些高管無義務告訴全公司的人，他上位的真正力量所在躀，否則天天有人來挑戰他，他咪好唔得閒。
炒 股也是一樣，愈是新仔，愈覺得炒股賺錢容易，在市好的時候，睇報紙跟個軲巴，全副身家一買，過幾個月升一倍，他當然覺得我是股神，大地在我腳下。殊不知只 是跌入莊家股的陷阱，最後莊家散貨，散戶一鑊熟，這種曾經富有的感覺，相信好多「老股民」都有過。贏過又輸過，死過又番生，才知道炒股好難，要有十年以上 持續贏錢或輸少贏多的紀錄，一鱓都唔易。
明白做事之難，才能忍，能忍他人之所不能忍。李登輝公然表示崇拜德川家康，試想佢20歲 在日本留學後坐郵輪回台灣，恐怕那時都有台灣獨立的思想，好快就看到二戰結朿，日本殖民政府撤退，國民黨殘兵敗將登陸，他那裏會看得起這些靠把槍就指指點 點的「大陸人」。但還是在國民黨政府這個大陸人主導的世界，以一個台灣本土人的身份，捱出頭來，最後竟然成為蔣經國指定的國民黨主席接班人，做埋台灣的總 統，這時他的台獨根才冒出來，運用權術，分化統派的連戰和宋楚瑜，暗挺只有不到4成民望支持的陳水扁上台。李登輝可以忍40、50年，才去實現自己的理想，無論你是否認同他的所作所為，但以他一人之力，在台灣這種環境局限下，竟然可以運作到這種地步，我只能寫個服字。
你想工作成功，你可以有多堅忍? 你想投資出眾，你付出過多少努力? 簡單點講，不願付出，是不會在人生戰場上成功，最後只能是一個口水佬，讚下這一個，彈下那一個，因為你根本無落場參賽。
陸羽仁
人生戰場（４） 陸羽仁
http://blogcity.me/blog/reply_blog_express.asp?f=5YTPBH5B812303&id=263145&catID=&keyword=&searchtype=
德國宣佈7月份製造業訂單跌幅大過市場預期，加上有報道指歐洲銀行在壓力測試中瞞報風險資産，令市場情緒緊張，「恐慌指標」VIX指數跳升近12%。投資者在美股連升四日之後，借勢獲利回吐。三大指數下跌約1%。
杜指開市即插逾80點，之後在低位橫行，尾市再跌，以近全日最低位收市，報10341點，跌107點；標普500指數挫13點，收1092點；納指跌25點，造2209點。杜指期貨最新報10345點，比現貨高水4點。惟大市交投異常淡靜，紐約證券所成交只有8.3億股。
港股美國預託證券勁挫，ADR港比指數收報20986點，比香港收市低416點或2%。匯控收78.58元，比香港低0.8%。中移動大插，收78.07元，比香港低4.8%。
歐洲金融業再現危機，華爾街日報報道，歐洲銀行最近搞嘅壓力測試，當中好多銀行沒有申報高風險貸款；而德國銀行公會周一表示，當地十家最大銀行可能需要總數1330億美元資金，才能達到合格標準。經濟比較好嘅德國都咁大鑊，其他弱啲嘅國家就可想而知了。報道嚇到投資者腳軟，歐洲及美國股市齊齊向下，歐元兌美元昨日回落至1.27美元邊緣，最新更跌至1.2691美元。資金從股市流入債市，美國5年、10年及30年期國債孳息率全部向下。
金融股成為拖累大市嘅主要力量。杜瓊斯金融指數勁跌2.4%，其中美國運通大跌4.1%，美銀及摩根大通下挫逾2.2%，係表現最差嘅幾隻杜指成份股。
我講在人生戰場生存之道，千萬不要誤會我話人生只有一個目標，例如一定要成功、發達，或者所謂「中環目標」。印 度太子「悉達多」有太子唔做，看到人有生老病死，唔知點解要咁慘，就出家苦行，到菩提樹下坐，想參透人生的奧秘，結果成為佛教創始人釋家牟尼，佢老豆希望 佢繼位為王，應該會覺得佢出家好失敗。但從人類發展的長河看，悉達多好成功，創立了一個影響千年的宗教。所以我唔係想講人人都要博發達，博到入廠，只係講 應為自己的理想而奮鬥，至於理想係乜，就唔係我可以為大家定啦。
不過從超現實回到人間，大多數人都是想安居樂業，有世俗定義上較成功的人生，至少老來財務自由，不用向政府伸手。但有些類別的人種，就距離目標太遠，這就是好hea(即漫無目的，無所事事)的人，我稱為「漫無目的型」。
在網友的引述後，看到一個叫「ive133133」的後生仔在一個討論區的留言。佢話：「今年24歲，覺得工作好可怕，以後都唔會再搵工。做過三份工，一份清潔，一份侍應，一份廚房，結論係三份工都有幾個共通點，人工低工時長，最可怕係D同事，根本佢地全部都係假仁假義，有咩事就賴哂我度，再唔係就排斥人，搞小圈子，而家見到人對我「微笑」我真係會驚，工作真係好可怕.....所以我而家日日無所事事，屋企叫我搵工我聴左就算數，介紹工比我做都推左佢。」
「後生仔」留言後，惹來支持和反對的回應。有人話：「咁我祝樓主你屋企人真係要長命萬歲，唔係點養同照顧你呢個不思長進嘅人，小小事就話乜話物，仲要同人大大聲講話今年係24歲，我真係替你屋企人難過，生舊叉燒都話可以食落肚，生你就真係........」後生仔馬上反駁：「我有講過我有問屋企攞錢咩? 我而家d積蓄如果唔大洗都可以用四五年，用哂到時咪最多攞綜援。」
又有人話：「樓主度度(做事)都係咁架啦。」後生仔話：「所以咪唔搵工囉。」另一個評論話：「攞綜援囉........」後生仔就話：「一定會，我只係攞番我應得既野。」又有人評佢：「乞兒無種，懶情變成。」後生仔又答謂：「呢d嘢係觀點與角度啫，我有我無憂無慮生活，你有你做一世奴隸嘅生活。」
而家好多後生仔其實漫無目的，好hea，自讀書時開始，都唔知自己想做乜，最後就過一個由頭hea到尾的人生。我覺得人各有志，唔一定要有「中環目標」，但至少都應該有少少目標，唔要求你對世界有貢獻，都至少唔好由出世至死亡都係世界一個負累。
呢個後生仔做過三份工，「一份清潔，一份侍應，一份廚房」，都是較基層的工作，我並不是職業歧視，行行出狀元，做這些工絕對有人出人頭地，成為酒樓老闆，清潔集團主席，或者不求發達，競競業業做好呢份工都得。除非呢個後生仔是17、18歲才是新移民來港，否則多數是讀書不成，讀不上去，才要做基層的工作，基層工作辛苦、工時長、環境差，又是人所共知的ABC，不想做這些工作，為何讀書時不努力? 努力讀書入大學，做啲工咪舒服啲囉? 後生仔有無同班同學入咗大學，同樣24歲打份好工呢? 佢有無問吓自己點解做唔到那些好工?
後生仔講的返工問題，真係濕碎到唔濕碎，同事「假仁假義」，「有咩事就賴哂我度」，「排斥人搞小圈子」，對住佢「微笑」都係問題，咁多問題，佢有無諗過係自己的問題。我做嘢的經驗，真係少咗啲對我假仁假義的微笑，俾老闆問候就試得多，如果同事對我假仁假義微笑都要走，我都走咗一千次啦，我估忍微笑容易過忍粗口啩。後生仔咁不滿，說穿了就是怕辛苦，唔想做。既然唔做都得，有食有住，可以頂得幾年，又點解要做呢?
老實講，你做唔做都無所謂啦，你住屋企食屋企問阿爸阿媽攞錢其他人管唔到，即使攞綜援都算啦，最恐怖係後生仔話一定會攞綜援，仲話「我只係攞番我應得嘅嘢。」點解佢會覺得攞綜援係佢「應得」? 請問你24歲做過幾份低收入工作，有無交過稅? 恐怕交都無交過，有交過亦交唔多，而佢由出世可能在公家醫院開始，在津貼學校讀書、若住公屋或居屋，諸如此類，用了無數公家資源，稅又無乜點交過，點解佢會覺得攞綜援係「應得」? 未來啲後生仔，個個唔做嘢話攞綜緩係應得嘅，咁政府邊度有錢發綜援，政府點維持下去? 呢個後生仔唔係錯在唔做嘢，而係錯在唔做嘢以為自己好啱，好應份。
當社會充斥著這些人時，伸手的人多，交稅的人少，這個社會沒有希望，愈來愈窮。個 個人都想唔做嘢就可以過無憂無累的生活，問題是人人如此時，生活資源從何而來？天跌落來？如果要有人做嘢才有這些生活資源，點解你唔做嘢無憂無慮過生活又 何以平白享受？唔好將呢啲嘢變成生活態度問題咁簡單，其實係責任問題，總有人要負責，要人人分擔責任，有人白食，其他人就要做多啲。
看明珠台的大城小廚，英國名廚Jamie Oliver想在英國小鎮推廣人們自己煮食，不吃薯條等現成垃圾食物，他教人煮食時，發現有不少人無做嘢攞福利金，典當渡日，教佢地乜嘢都無用，做嘢只得一份鐘熱度，就好似爛泥扶唔上壁，一扶上去三分鐘就跌落來，真係極度恐佈。發達國家福利太好，就是這種下場。
(我這個星期不在香港，下星期一才回覆問題，請諒)
人生戰場（5） 陸羽仁
http://blogcity.me/blog/reply_blog_express.asp?f=5YTPBH5B812303&id=263324&catID=&keyword=&searchtype=
葡萄牙成功拍賣國債的消息使投資者對歐洲債務危機的擔心情緒減輕。歐洲股市造好，杜指早段亦近升逾90點。但聯儲局發表褐皮書，指出美國經濟增長放緩，奧巴馬又話不會延長國民減稅優惠，杜指升幅逐步收窄。杜指收市報10387點，升46點或0.5%；標普500指數漲7點或0.6%，收1099點；納指升20點，報2229點。杜指期貨最新報10406點，比現貨低水19點。大市交投仍然淡靜，紐約證券所成交只有8.8億股。
港股美國預託證券偏軟，ADR港比指數收報21061點，比香港收市低28點或0.1%。中移動繼續下滑，收77.17元，比香港再低2.2%，匯控靠穩，收78.43元，比香港高0.3%。
市場憂慮歐洲主權債務危機和銀行可能大量舉債，令歐美股市上日下挫。不過昨日葡萄牙成功賣出超過10億歐元3年期及10年期國債，雖然利息高咗，對上一次國債拍賣，3年期的利息只係3.597厘，今次係4.086厘，但反應熱烈。反映市場對葡萄牙政府仍然有信心，投資者對歐洲債務危機的擔心，暫時可以鬆一口氣。歐美股市昨日又返回上升軌道。
昨日發表的美國經濟狀況報告，俗稱「褐皮書」，指出全美共劃分的12個聯邦區域，只有5個地區「經濟以穩健的速度增長」，其他7個地區只屬「正面的發展或凈改善」、好壞參半，甚至增長速度正在放緩。反映經濟增長有減速跡象。
奧巴馬日前公布一項修橋築路嘅刺激經濟措施，昨日又表示會停止延長布殊時代已經開始的減稅優惠，這包括年薪超過25萬美元的高收入人士。有交易員指奧巴馬此舉會惹來好大的政治爭議。在11月選舉前，所有有關稅務安排都會受阻，這包括他剛提出的500億美元基建計劃和企業的資本和科研稅務優惠。經濟已經唔好，政局又開始動盪。投資者真係要小心注意。
年青人開始愈來愈多好hea（無 所事事），皆因現代社會開始富裕，人們開始不用為搵兩餐而爭扎，就變成直升機父母，事事為子女做哂，做突，令子女失去求生能力，不止中產父母係咁，基層父 母都係咁，以前見到仔女唔讀書會鬧，而家見佢唔讀書覺得將來政府會養佢，亦唔太緊張。這種舒服的成長環境，造就大量無所事事的族群。
網友Monica話，東南亞氣候溫暖，人都懶啲，西北方氣候嚴寒，人就有奮鬥心。這 是事實，唔係種族歧視，只是環境分析，現實上也有例外，星加坡處於赤道，但亦可以把人催谷成奮發上進。中國歷史有好多例子，環境可以影響整個歷史的進程， 影響幾千年的文化。我地讀中學時中史科只求死背，不求甚解，但後來睇到美國歷史學者黃仁宇的《中國大歷史》，佢解釋歷史發展的成因，真有茅塞頓開之感。
黃仁宇講到中國地理上有「１５吋等雨線」，即係話每年降雨１５吋，這條線大約等如在中國地圖右上方（東三省）向左劃一條線斜斜地到西南部（雲南），在這條 線之南，就是每年降雨多過１５吋的濕潤地區，即是傳統中原之地，這條線的北面，就是降雨少於１５吋的乾旱地方，即是關外之地。中原氣候較好，發展出安定的農耕社會; 關 外乾涸苦寒，只能是遊牧民族聚居地。關外天氣唔好遊牧民族為求生存民風強悍，關內氣候好食好住好，人民變得柔弱。所以外族經常入侵中原，為的只是搶錢搶食 物。中原人唔夠人好打，慢慢就有需要形成中央集權的國家，集中國力，倚多為勝，用人多錢多打外族人少。所以中國的氣候因素，差唔多解釋咗幾千年歷史一半發 展原因，可見環境的影響有幾深。
後生仔hea係死局，但性格形成咗，就好難改，所以做父母的，自少就要培養子女靠自己唔好靠人的性格，唔好只係俾佢學英文、學琴棋書畫、讀名校、學做超人，但係平時自己和工人照顧佢照顧到加零一，佢只是按足家長規劃做事，完全唔獨立。但由於好似用咗腦其實唔使用腦，所以不知不覺間變成漫無目的之人。
歷史發展所見，舒服的環境，只會消磨人的意志。做 家長的，在細路仔細細個時要為小朋友製造一個將來要應付困難的預期，等佢地有應付困難的準備。要向他們傳播一個理念，你將來唔做嘢，就無飯食，你無能力， 預備瞓街乞食，唔好以為政府可以發綜援養你。做嘢交稅人少，白食的人多，到時政府破產，你就要食自己。仔女無正確的人生觀，只識hea，父母留下1億俾佢，佢未夠40歲都可以花光。記住10年河東，10年河西，花無百日紅呀，香港今日咁好，20年後大陸可以好過香港。
正如網友Goal所講，「看到現在的年青人，真的有點看不下去。本人F6開始替人補習，20多 嵗出來工作後，幫家人供房子。結婚後，自己的房子差不多供完。從不靠人（包括伴侶）（也自信永遠不需要靠人），財務獨立，日子過得很自由自在。喜歡做自 己，喜歡做自己喜歡的事，一定要財務獨立。有閒錢時幫吓人，無錢時也可以幫人。要先苦後甜，抑或永遠遵從阿爸阿媽支笛（唔係話阿爸阿媽錯），由他人支配自 己的人生，自己選擇。千祈唔好賴政府唔照顧你。」
正如Goal所講，財務自由靠自己，例如買樓，上一代買樓多數靠自己死慳死抵少消費打兩份工搵番來。現代年青人旅行多，一年去兩次日本，男女兩個人都唔見4、5萬，再加其他使費，唔花呢啲錢4、5年夠俾間細樓首期。你可能話，而家啲樓郁吓300、400萬一間，唔花都唔夠錢。我總覺得樓市有週期，而家走緊去週期頂部，儲埋都唔夠錢買樓，咪唔好買住，等到樓價跌番落來，自己夠錢時才買。
我的理念是靠自己，唔好靠政府，愈依賴政府，愈會跌向社會的底層。我地教自己、教仔女，都要有呢種自強自立的精神，才可以在人生戰場中生存發展，老豆係邊個，在邊間學校畢業，反而係次要。
人生戰場(6) 陸羽仁
http://blogcity.me/blog/reply_blog_express.asp?f=5YTPBH5B812303&id=263545&catID=&keyword=&searchtype=
美股昨日走勢與上日相若，先升係回。美國最新公佈的就業與貿易逆差數據都好過預期，推動美股早段造好，但市場對經濟復蘇放緩的憂慮仍然揮之不去，大市無力再上，升幅逐步收窄。
杜指收市報10415點，升28點；標普500指數漲5點，收1104點；納指升7點，報2236點。杜指期貨最新報10329點，比現貨低水86點。大市交投持續偏淡，紐約證券所成交只有8.4億股。交投異常淡靜的情況由8月開始已經係咁，對比去年同期，8月及9月份成交量大幅減少31%！
港股美國預託證券造好，ADR港比指數收報21258點，比香港收市高90點或0.4%。匯控收78.94元，比香港高0.8%；中移動靠穩，收77.51元，比香港收市高6仙。
技術因素可以解釋到美股升唔上去嘅原因，標普500指數的關鍵阻力位為100天移動平均線的1103 點及200天線的1115點，想要向上突破，就必須得到成交量的配合，需要有足夠多的買家到資金。但現時全球經濟時好時壞，情況未明，喺未有強勁利好數據的支援和重大宏觀經濟事件發生前，無乜投資者願意冒險入貨也。
昨日公佈的最近一周的首次申請失業救濟人數減少2.7萬人至45.1萬，降幅遠超市場預測的減少2000人。消息一度使投資者情緒振奮。但稍後有報道指，由於勞動節假期關係，最少有九個州沒有公佈相關數據，實際數字未必咁靚仔。股市升勢馬上受挫。另外，美國7月份出口大增1.8%至1533億美元，係自2008年8月以來最高, 進口則大減2.1%。貿赤大降14%！據此，大摩將美國第三季GDP增長由2.1%調升至2.4%。不過，一份藍籌股經濟指標報告則預計美國GDP全年增長2.7%，較6月預測降低了0.6%。
之前講到人生戰場上最恐怖的是「漫無目的型」，非常之hea，不知想做甚麼。今天想講另一種型態，叫「理想錯位型」。報載有一個35歲的AO(政務主任)，兩年前離職，放棄了一份月入8萬元的工作，呢個前AO叫邵力競，條件一流，中學讀男拔萃，A Level狀元、大學讀牛津、成功考做政務官，可謂天之嬌子。他做官逾10年後，不滿政府官僚僵化，芝麻綠豆小事如影印文件的數量，做政務官的也沒權決定，向上司提出反對意見隨時換來死亡懲罰，所以就無癮辭職。
無可否認，邵先生是成功人士，單是讀書背景，已可以保障他在人生戰場上走上一條直路，問題是他是否喜歡這條路而矣。人各有志，只要自己想清楚，追求「中環價值」也好，追求「上環價值」、「西環價值」都好，無乜所謂，關鍵是走的道路不要和自己的目的錯配。
我覺得這位邵先生就有少少理想和道路錯配。他遇上的問題，並不是一個特區政府的獨特問題，他應該一早知，全世界好多政府都是這樣，在這種龐大的官僚架構下，人只是一粒小螺絲，AO是天之嬌子，頂多也只是大螺絲吧，要話事不做螺絲，恐怕要升到做部門處長，甚至常任秘書長的級數，才有少少話事權(之所以話「少少」，因為理論上主要決策權在政治問責的局長或以上級的官員)，在升到這些高級職位前，就只是大螺絲而矣。
我二十幾年前睇個一個研究，話香港幾百人政務官的精英小圈子中，雖然考入去好難，但最後也有大約一半人升唔到上去，升咗一級到高級政務官呢個水平就行人止步，成為政務官階層的沈澱物，雖然薪高糧準，但不太如意。另一半就會逐步爬升，由首席助理乜乜司(當時的稱謂)、副乜乜司、乜乜司，當時華人升到呢啲位就停止，鬼佬就可以再升到財政司、布政司。現時的情況大體上也一樣，做AO十年八載，大體上都知道自己有無機會做到「坐直升機的一半」，做唔到呢一半，要麼甘於平淡做高級政務官終老，要麼就走出來，到商界博一博。
如果話而家的初級政務官無權，過去港英年代的政務官更無權，當時的英國外交及聯邦事務部(後改名外交部)每 天都發電報過來，直接就香港的重要決策落指令，所以不止小官無權，做到乜乜司的大官，都完全要聽命於英國老細，講唔上有好多決策權，有些敏感部門，更是清 一色由英國人自己做番，例如保安科，裏面連秘書都是英國人，當時保安科在政府總部的辦事處，有度大閘鎖死，和其他政府辦公室隔離。回歸後玩港人治英，一般事情不再有外邊老細代香港政府揸車，做官的決策權加大; 雖然話話權在特首和問責局長，但只要局長不是政務官出身，不熟悉政府運作，好多時還是要對常任秘書長言聽計從，所以AO升到D6、D8級，做到一個處長，甚至官至常任秘書長，就開始有啲話事權啦。
所以邵先生對AO工作不滿，覺得政府官僚僵化，只係佢揀呢份工之前，唔明呢份工的性質係唔升上高位無話事權，以為一做AO好大決策權。在 這種巨大而科層化的官僚機構，唔升到好高級的話事位，就唔好期望工作好有創意，這是理想和現實的錯配。你唔鐘意咁呆板僵化，可以選擇去私人機構做嘢，私人 機構會靈活好多，問題是私人機構人工無咁高，你做得好可以跳級升，但做得唔好會被炒魷，而且經濟環境唔好時會裁員，職位安全性比政府低，危機和機會同時存 在。
在人生戰場，即使一些人人都話筍的好工，亦有人做做吓唔鐘意做，或者捱唔到佢可以發揮的地步已經離場。也可以從一個反面講，最後勝利之人，中間捱得幾慘無人知，佢付出的代價亦不足為外人道，影印，濕濕碎啦，邊得閒俾咁多意見。
我並不想鼓吹目標單一化，或者鼓吹所謂做到生癌的「中環價值」，但係覺得做人要目標和道路要匹配至得，目標和道路不配合，人生會較崎嶇。搵工唔好太理想化，無乜工薪金又高，升職又快，做３幾年又話得事，而且工作又唔辛苦嗰喎。
講起辛苦，好多人抱怨工作，其實不是「理想錯位」，不是理想和道路不配合，只是抱怨工作太辛苦，好像早前有網友引述做會計的後生仔的文章，話做四大行工作時間太長，被人搵笨，佢是從打工權益角度出發，唔覺得做核數應該做到三更半夜。我又咁假設，假設四大行工作方式大改革，基本上每天都只返8個小時，但現實上四大行一年收數以百計的新仔，十零年、二十年後升得上去做合夥人者，你估係做夠8個鐘即走，還是做到唔願走之人? 我估只要你有合理的智商，博命和回報會升正比例。你付出比別人少，就唔好抱怨坐隔籬位的人爬左上去。
對就業環境不滿者，可以嘈，可以同老闆抗爭，但對自己投資戰績不滿，就無得嘈，無得上訴。投資失敗，99%和自己有關，即使有莊家設陷阱陰你，你都要問吓自己，點解人地跌錢，自己會咁蠢去執，搞到俾人扒埋個銀包。在投資的世界，「理想錯配型」的投資者好多，有些人入場時好天真，亦唔係諗住狂炒，只係受市況熱度鼓動，受朋友影響，以為買股好易賺錢，以為買一隻股唔郁佢升10倍就可以變富翁，我可以話，十隻股有九隻半唔係咁，你抱咁嘅心態買股，買咗好多唔理唔郁，最後好可能輸大鑊，買中電盈(008)
就係咁啦。投資唔做功課，唔研究，唔總結失敗經驗，可以玩到70、80歲一樣輸錢，在投資世界，理想和現實落差更大。
陸羽仁
人生戰場(6) 陸羽仁
http://blogcity.me/blog/reply_blog_express.asp?f=5YTPBH5B812303&id=263545&catID=&keyword=&searchtype=
美股昨日走勢與上日相若，先升係回。美國最新公佈的就業與貿易逆差數據都好過預期，推動美股早段造好，但市場對經濟復蘇放緩的憂慮仍然揮之不去，大市無力再上，升幅逐步收窄。
杜指收市報10415點，升28點；標普500指數漲5點，收1104點；納指升7點，報2236點。杜指期貨最新報10329點，比現貨低水86點。大市交投持續偏淡，紐約證券所成交只有8.4億股。交投異常淡靜的情況由8月開始已經係咁，對比去年同期，8月及9月份成交量大幅減少31%！
港股美國預託證券造好，ADR港比指數收報21258點，比香港收市高90點或0.4%。匯控收78.94元，比香港高0.8%；中移動靠穩，收77.51元，比香港收市高6仙。
技術因素可以解釋到美股升唔上去嘅原因，標普500指數的關鍵阻力位為100天移動平均線的1103 點及200天線的1115點，想要向上突破，就必須得到成交量的配合，需要有足夠多的買家到資金。但現時全球經濟時好時壞，情況未明，喺未有強勁利好數據的支援和重大宏觀經濟事件發生前，無乜投資者願意冒險入貨也。
昨日公佈的最近一周的首次申請失業救濟人數減少2.7萬人至45.1萬，降幅遠超市場預測的減少2000人。消息一度使投資者情緒振奮。但稍後有報道指，由於勞動節假期關係，最少有九個州沒有公佈相關數據，實際數字未必咁靚仔。股市升勢馬上受挫。另外，美國7月份出口大增1.8%至1533億美元，係自2008年8月以來最高, 進口則大減2.1%。貿赤大降14%！據此，大摩將美國第三季GDP增長由2.1%調升至2.4%。不過，一份藍籌股經濟指標報告則預計美國GDP全年增長2.7%，較6月預測降低了0.6%。
之前講到人生戰場上最恐怖的是「漫無目的型」，非常之hea，不知想做甚麼。今天想講另一種型態，叫「理想錯位型」。報載有一個35歲的AO(政務主任)，兩年前離職，放棄了一份月入8萬元的工作，呢個前AO叫邵力競，條件一流，中學讀男拔萃，A Level狀元、大學讀牛津、成功考做政務官，可謂天之嬌子。他做官逾10年後，不滿政府官僚僵化，芝麻綠豆小事如影印文件的數量，做政務官的也沒權決定，向上司提出反對意見隨時換來死亡懲罰，所以就無癮辭職。
無可否認，邵先生是成功人士，單是讀書背景，已可以保障他在人生戰場上走上一條直路，問題是他是否喜歡這條路而矣。人各有志，只要自己想清楚，追求「中環價值」也好，追求「上環價值」、「西環價值」都好，無乜所謂，關鍵是走的道路不要和自己的目的錯配。
我覺得這位邵先生就有少少理想和道路錯配。他遇上的問題，並不是一個特區政府的獨特問題，他應該一早知，全世界好多政府都是這樣，在這種龐大的官僚架構下，人只是一粒小螺絲，AO是天之嬌子，頂多也只是大螺絲吧，要話事不做螺絲，恐怕要升到做部門處長，甚至常任秘書長的級數，才有少少話事權(之所以話「少少」，因為理論上主要決策權在政治問責的局長或以上級的官員)，在升到這些高級職位前，就只是大螺絲而矣。
我二十幾年前睇個一個研究，話香港幾百人政務官的精英小圈子中，雖然考入去好難，但最後也有大約一半人升唔到上去，升咗一級到高級政務官呢個水平就行人止步，成為政務官階層的沈澱物，雖然薪高糧準，但不太如意。另一半就會逐步爬升，由首席助理乜乜司(當時的稱謂)、副乜乜司、乜乜司，當時華人升到呢啲位就停止，鬼佬就可以再升到財政司、布政司。現時的情況大體上也一樣，做AO十年八載，大體上都知道自己有無機會做到「坐直升機的一半」，做唔到呢一半，要麼甘於平淡做高級政務官終老，要麼就走出來，到商界博一博。
如果話而家的初級政務官無權，過去港英年代的政務官更無權，當時的英國外交及聯邦事務部(後改名外交部)每 天都發電報過來，直接就香港的重要決策落指令，所以不止小官無權，做到乜乜司的大官，都完全要聽命於英國老細，講唔上有好多決策權，有些敏感部門，更是清 一色由英國人自己做番，例如保安科，裏面連秘書都是英國人，當時保安科在政府總部的辦事處，有度大閘鎖死，和其他政府辦公室隔離。回歸後玩港人治英，一般事情不再有外邊老細代香港政府揸車，做官的決策權加大; 雖然話話權在特首和問責局長，但只要局長不是政務官出身，不熟悉政府運作，好多時還是要對常任秘書長言聽計從，所以AO升到D6、D8級，做到一個處長，甚至官至常任秘書長，就開始有啲話事權啦。
所以邵先生對AO工作不滿，覺得政府官僚僵化，只係佢揀呢份工之前，唔明呢份工的性質係唔升上高位無話事權，以為一做AO好大決策權。在 這種巨大而科層化的官僚機構，唔升到好高級的話事位，就唔好期望工作好有創意，這是理想和現實的錯配。你唔鐘意咁呆板僵化，可以選擇去私人機構做嘢，私人 機構會靈活好多，問題是私人機構人工無咁高，你做得好可以跳級升，但做得唔好會被炒魷，而且經濟環境唔好時會裁員，職位安全性比政府低，危機和機會同時存 在。
在人生戰場，即使一些人人都話筍的好工，亦有人做做吓唔鐘意做，或者捱唔到佢可以發揮的地步已經離場。也可以從一個反面講，最後勝利之人，中間捱得幾慘無人知，佢付出的代價亦不足為外人道，影印，濕濕碎啦，邊得閒俾咁多意見。
我並不想鼓吹目標單一化，或者鼓吹所謂做到生癌的「中環價值」，但係覺得做人要目標和道路要匹配至得，目標和道路不配合，人生會較崎嶇。搵工唔好太理想化，無乜工薪金又高，升職又快，做３幾年又話得事，而且工作又唔辛苦嗰喎。
講起辛苦，好多人抱怨工作，其實不是「理想錯位」，不是理想和道路不配合，只是抱怨工作太辛苦，好像早前有網友引述做會計的後生仔的文章，話做四大行工作時間太長，被人搵笨，佢是從打工權益角度出發，唔覺得做核數應該做到三更半夜。我又咁假設，假設四大行工作方式大改革，基本上每天都只返8個小時，但現實上四大行一年收數以百計的新仔，十零年、二十年後升得上去做合夥人者，你估係做夠8個鐘即走，還是做到唔願走之人? 我估只要你有合理的智商，博命和回報會升正比例。你付出比別人少，就唔好抱怨坐隔籬位的人爬左上去。
對就業環境不滿者，可以嘈，可以同老闆抗爭，但對自己投資戰績不滿，就無得嘈，無得上訴。投資失敗，99%和自己有關，即使有莊家設陷阱陰你，你都要問吓自己，點解人地跌錢，自己會咁蠢去執，搞到俾人扒埋個銀包。在投資的世界，「理想錯配型」的投資者好多，有些人入場時好天真，亦唔係諗住狂炒，只係受市況熱度鼓動，受朋友影響，以為買股好易賺錢，以為買一隻股唔郁佢升10倍就可以變富翁，我可以話，十隻股有九隻半唔係咁，你抱咁嘅心態買股，買咗好多唔理唔郁，最後好可能輸大鑊，買中電盈(008) 就係咁啦。投資唔做功課，唔研究，唔總結失敗經驗，可以玩到70、80歲一樣輸錢，在投資世界，理想和現實落差更大。
陸羽仁
人生戰場（７） 陸羽仁
http://blogcity.me/blog/reply_blog_express.asp?f=5YTPBH5B812303&id=264079&catID=&keyword=&searchtype=
上周五公布的美國商業庫存及中國進口數據超出市場預期，加上全球石油需求預期被調高。在能源股力萦下，美股上肚五小幅向上，連續第三日上漲，但波幅同成交量越來越細，杜指全日波幅只有68點，紐約證券所成交量縮至7.6億股，上升動力略弱。
杜指收市報10463 點，升48點；標普500指數漲5點，收1110點；納指漲6點，報2242點。杜指期貨最新報10444點，比現貨低水19點。美股9月份表現意外地好 過預期，總結全周，杜指升0.1%，標普500指數漲0.5%，納指升0.4%。雖然升幅輕微，但已經係第二周上漲。
港股美國預託證券偏軟，ADR港比指數收報21195點，比香港收市低62點或0.3%。匯控收79.02，比香港低0.2%；中移動收75.46元，比香港低1.4%。
中國上週五宣佈8月進口較去年同期大幅增長35%至增至1193億美元，遠高過市場預期的25%。數據反映，中國政府調控經濟的影響並沒有市場預想的那麼嚴重，不過，市場仍猜測中國可能很快就會出台額外措施，令經濟增長速度降溫，這在一定程度上會打擊到金屬及其他大宗商品市場需求。
美國方面，美國商務部宣佈，7 月批發庫存較上月增長1.3%，係兩年來最大增幅。Summit Place Financial Advisors總裁Elizabeth Miller表示，據近期經濟數據分析，雖然美國經濟復甦步伐放緩，但仍處於增長當中。上週五公佈的庫存資料符合這一趨勢，「表明企業目前正開始再次補充 庫存；通常企業只有在認為需求增長的情況下才會開始補充庫存。」
與此同時，國際能源署(IEA) 發表最新一期的石油市場月度報告，基於對GDP指數和經濟復甦前景的判斷，報告再次調高今年全球原油需求預測，升至每日8660萬桶，較去年上升 2.2%。並預期，到2011年全球能源需求將會再上升1.5%。報告顯示，7月由於金融市場反彈，以及墨西哥灣和北海的供應中斷，原油期貨呈走高趨勢。 截至8月初，原油價格已升至近三個月來的最高水準，北美和歐洲的石油價格會穩定在每桶80美元左右。
早前講起有個24歲後生仔返三份工後頂唔順同事，話唔做№綜緩的事件。從網友的回應看，這種情況都唔係個別事件。網友accdia咁講:「睇左Luk Sir 篇文我也不住開a\c回應, 我細佬就正正是這一類人, 試過做10幾份工, 每一份最長不過1個月, 理由是同事逼他走, 現在說都是要先讀書, 要孝大學, 將來找一份好工等發達; 但他已 repeat了一年; 第一次A-level 5科Absent 3科, 原因是前一天晚上打機太晚起不了身; 第二次沒有Absent了, 但我看不到他study, 不是打機就是上 forum, 經常問大學生活怎樣怎樣, 我叫他做 past paper 入左U再算,他 完全唔理, 只是幻想大學出來後找到份多工, 月入3, 4 萬; 告訴他改善自己與別人相處之道否則他入大學也沒用, 他就入房唔理我。屋企人唔比$他, 他就綜援, 他說這是他「應得」, 人人也是這樣, 覺得我好衰, 我歧視他; 我跟他的社工談, 社工說這是我細佬選的路, 我應尊重他..........」
對於accdia細佬的情況，我有兩點回應，第一，懶散的人時時都有，50年前、30年前也有，但那時候懶散的人都知自己唔飱，而家懶散的人開始覺得懶散無問題，政府應該養他，你批評他懶散才有問題。到唔做№的人多過做№的人時，這個社會就玩完。第二，社工話「這是他選的路，應尊重他…..」呢個邏輯從經濟學看來有鱓怪，如果呢個社會有99個人係非社工，有1 個人係社工，那99個人選的路是不做№發纒夢，咁邊個出糧俾那1個社工呢? 權利和責任如何平衡?
另一個網友Gooooood就話:「唔做野拎綜援有咩問題~? 無交過稅, 又想著數? 其實每人一香港人都有交稅,只不過形式上不是薪俸稅. 我地被逼放棄左我地有份的土地使用權, 景觀甚至空氣質素, 而換來大家係呢幅土地上發財. 政府出售市民的權益, 換取巨大的金錢收益, 分返比市民唔係應份呀?~ 我無做野用唔到D基礎建設,政府服務, 收返D綜援都好應該呀.」
我不想作政治爭拗，因為覺得這不是一個政治論壇，只想討論經濟、投資及人生自我改善的態度。看見 Gooooood的說法，我也有些回應。第一，從稅務層面看，有人話政府的賣地收入是變相徵稅，呢種講法唔錯，因為香港的直接稅低(即利得稅和薪俸稅)， 除了間接稅外，就是靠買地收入去填補，但是交這種「間接地產稅」的人，主要是買私人樓的業主，甚至加埋租私人樓的租客，所以買鰦貴樓的人，鱓錢除鰦去鰦地 產商那裏之外，部份亦俾鰦重稅，但若你和私人樓無關，你就無乜交呢種「間接地產稅」。當然，每個人都有交稅，例如你食支煙都要交煙草稅，但以政府2067億元的經營收入中(2009至2010年度)，這些間接稅只是佔極少比例。
第二，從社會運作層面計，土地唔郁不能產生收益。Gooooood話 他放棄了土地使用權，先不討論是否有這種權利，假設有，都不能乜都唔做產生收益，要社會上的人在土地上工作才產生收益。假設三個人坐船漂到荒島，島上乜都 無，只有地，三個人從到達那一刻佔有了土地使用權，但三個人你眼望我眼，唔做№，你叫我做，我叫你做，甲話你做啦，你種№食啦，我佔有三分一土地使用權， 我分№食得啦，其他兩個當然無咁笨去做，三個人都係咁講，結果大家都知，餓死哂。我的觀點只是唔好個個人講權利，唔做№。而家4人家庭可以近1萬元綜緩，在一宗案件中，法官舉出數字，07年6月至09年6月，共有11萬多宗綜緩申請。而07年至08年度的綜緩支出達180億元。假設如今綜援開支差不多，09至2010年經營開支2440億，社會福利支出佔392億，當中近半俾鰦綜緩，並不是少數目，試想如果多10萬人唔做№綜緩，開支就倍升，再多鱓，無眼睇。所以先不論對錯，如果社會上多數上只講權益，唔做№，個社會就頂唔順。
第 三，從個人計，唔做№唔過癮，有綛精神健康，更影響下一代。千萬不要以為綜援好過癮，你想像一下孩子被視為綜緩家庭孩子的感受。講到呢鱓問題，有人叫社 會唔好標簽，我就話實際鱓自己博命鱓上進鱓好過，做好份工，學好投資，財務自由，無人可以標簽你，不求兼善天下，只求獨善其身，搞掂自己更易。若將個人失 敗完全歸結他人，歸結社會，好似自己一鱓責任都無，但結果仍是失敗，何苦呢? 老土鱓講句，點解不在年青有得博時博一纒呢?
陸羽仁
人生戰場（８） 陸羽仁
http://blogcity.me/blog/reply_blog_express.asp?f=5YTPBH5B812303&id=264227&catID=&keyword=&searchtype=
全球就銀行資本金要求達成協議，新巴塞爾協議給予銀行漫長的時間到2019年去逐步實施新規定，銀行無需匆忙提高資本金，令投資者鬆一口氣；而中國及歐洲最新的經濟數據，顯示全球經濟繼續增長。歐洲三大股市齊漲約1%，美股連續第四日上漲。
杜指收市報10544點，升81點或0.8%；標普500指數漲12點或1.1%，收1122點；納指漲43點或2%，報2286點。杜指期貨最新報10482點，比現貨低水62點。大市交投轉旺，紐約證交所成回升至9.5億股。
港股美國預託證券靠穩，ADR港比指數收報21699點，比香港收市高41點或0.2%。匯控收80.81，比香港高0.3%；中移動收77.82元，比香港高2仙。
巴塞爾協議III 規定銀行將資本金由2%大幅提高至4.5%，以增強銀行抵禦來未風險的能力。新規定會使銀行系統更穩定，但投資者最大的憂慮係向銀行借錢的難度會高鰦。而 新規定實行期限延遲至2015至2019年，銀行好一段時間都唔需要提高資本金，銀行及投資者多一點時間適應。皆大歡喜的情況下，全球銀行股大漲，杜瓊斯 金融指數上漲1.6%。其實，美股近期的升勢主要由金融股帶動，費城銀行指數昨日勁升3.1%；9月份的累積升幅已超過一成。30隻杜指成份股中，摩根大 通及美銀鰠昨日鮋升幅榜中排第二及六，齊漲逾3%。地區銀行Fifth Third Bancorp亦升 3.5%。
另一個推動歐美股市向上的主要催化劑係來自中國及歐洲的經濟數據。中國8 月份工業産值增長13.9%，增幅超出預期，令好多預計中國工業産值增速將會放緩的分析家大跌眼鏡。歐洲的經濟數據亦同樣樂觀，週一歐洲委員會調升了歐盟 及歐元區16國2010年經濟增長預期，稱工業出口強勁增長推動該地區經濟復甦的速度超出原先的估測。中國及歐洲經濟的意外反彈使得全球經濟的增長前景好 轉。市場投資氣氛亦轉趨樂觀。「恐慌指標」VIX指數不斷向下，昨日就再跌近4%至21.21低水準。中國經濟轉強的消息提振了油價及金屬資源股價格。金 屬資源股全線向上。銅金公司Freeport-McMoRan Copper & Gold 及美國鋁業齊升逾 3.1%；美國鋼業亦漲近2%。
網友Gooooood回應我所講的話，提到一個我想討論的問題，佢話:「但如陸sir 所講, 自己唔做№唔過癮. 香港競爭激烈, 大把勤力人. 有過人之處, 上位當然好。 資質差的人, 唔通就點都要迫人在一個起晒”酒店”的大富翁遊戲上擲骰 !?」
我觀察呢個世界係咁，在100個人中，有10個左右係聰明人，佢地比一般人叻，轉數快，另外80個智力一般，但如果維基百科的數據係飱，香港人IQ全世界第一，呢80個智力一般的人，其實可能都有美國總統的智力;另外10個人智力略差。
普通人以為智力決定命運，讀書叻唔叻，主要睇智力，但據我觀察成功的學生以至做№成功的人士，發覺不一定如此，專注力都好重要，可能更重要，愈是低年級愈重要。在幼稚園和小學，一個專注力好的學生(即係我地一般講上堂留心聽書無發哂夢傾哂偈的學生)，佢成績會好好多。相反聰明而不專注的學生，直至讀大學之前，表現都會比較一般，年紀愈小愈是這樣。到大學就要講鱓IQ啦，光靠專注力不一定可以成功，所以大學裏有些不大讀書但成績都好好的學生。
但到做№的環境，講的又不同，只有專注力的工作者，做不上高級。光有小聰明的，也做不上高級。EQ高的人最大機會做上高級的職位，智力高EQ低的人做不上高職，這種人特別失落，會經常講廢人才坐上高位。當然，專注力高、智力高、EQ又高的人，不只可升上高位，更是世界級的水平。
講番那100個學生，20多年前大學學額只有1%多鱓，要在香港上大學，都要相當聰明比較專注的學生。如今大學學有18%，普通一點都可以入大學，或者可以咁講，智力一般，但專注力較好者，入大學都無甚難度，問題是入那所大學。若加埋副學士，有60%中學生可以升上大專，即係副學士有42%。其餘40%或許是家境不容許再讀，更多是學歷太差讀不上，這40%應該是甚不專注的一群。
如果你或你的子女屬於那1%比較專注相當聰明的一群，就不用太擔心了，輕鬆鱓啦香港人，唔使咁緊張啦，做父母唯一要訓練纒呢班叻仔叻女的EQ，教纒佢地綁鞋帶就得啦，免得佢高考4條A，但唔識綁鞋帶失禮人，或者因為第一份工無房坐而投訴。
真正要做鱓№的是那80%的「普通人」，只要做鱓№，就可以在這80%的人群跑出，讀書時成為大學生。或者即使讀唔到大學，將來做№做做纒都可以做番起。或者做№都係一般，但自己搞纒投資，搞搞纒又搞到有美好生活。令一般人進步，才是我寫文的目的，這樣才幫到人。對1%叻人而言，佢地唔使我幫。對10%太蠢的人而言，我亦幫唔到(記住大部入讀唔到書，都唔係因為蠢，只因為唔專注，我自己小學和初中時都屬於呢類人)
所以Gooooood話「資質差的人, 唔通就點都要迫人在一個起晒”酒店”的大富翁遊戲上擲骰 !?」 呢點我唔同意之處，就因為好多自以為資質差的人，其實唔差，只不過他們自己唔知。如果佢地以讀書唔成作為資質差的判別標準，我就唔係幾同意。以投資為例， 好多讀得書好似資質好的人，投資都唔得，做№都唔一定得。做№要博命做才可以上位，投資要有方法，買股票要計的數，好多只是「婆仔數」，唔係微積分，問題 是好多人買股只是用器官思考，唔係用大腦思考，隨著感覺走，所以輸錢，在呢個問題上，讀書上、事業上成功和不成功的人士，都會犯上類似的錯誤。
在幾唔公平的大富翁遊戲上，都有上位的機會，點解你唔可以擲骰? 點解你唔可以成功? 信自己，唔好信政治。我唔反對人建議改變大富翁遊戲的規則，但這些規則的改變，好多時都要5年、10年、20年，人生有幾多人個10年， 所以想改規則唔係錯，但在規則改到之前，如何跟到規則上位，係在人生戰場的鬥爭的關鍵。你以為你自己唔得，在學校、在職場、在股市唔研究遊戲規則，唔識／ 唔想順住規則去玩，咁你就老襯，在這些戰場上一般意義上的「成功人士」正中下懷，這樣等如少鱓競爭者。以職場為例，點解一個中學生唔可以做№做贏一個大學 生? 一個餓狼中學生，肯定強過一個小白兔大學生啦。
我想幫人生戰場上的弱者，唔係叫佢地唔鬧，佢地鬧乜都唔關我事，因為唔係鬧我，我只係想佢地明白，單是鬧改變唔到世界，改變自己容易一點。例如我話現在hea(漫無目的)的人有30%、40%，我不是想評論時事，以偏蓋全，話所有「XX後」都係hea，因為任何世代都有hea人，只是在富裕社會hea人多鱓而矣，因為社會養得起。我只係唔希望這種hea的文化蔓延，慢慢hea得理直氣壯，慢慢變成50%人hea、60%人hea……hea的人害到社會之前，先會害苦自己。不少人讀書時唔係幾專心，讀唔到書出來做№，慢慢讀番書，由於自己俾錢交學費，又知讀書有用，變得專注，網友RVR講自己做№時讀夜間大學的例子，就是如此，總有機會提升自己的戰鬥力，問題係你去唔去做。
以投資為例，我經常都講，呢個市場有好多大戶，特別係外資大戶，佢地財雄勢大，左右大局。又例如本地莊家，亦舞高弄低，謀殺散戶。但你輸了錢，媽大戶，又有何用? 一鱓用都無，不如檢討下自己點解輸，例如人云亦云，隨大流買貴№接貴貨。又例如見到莊家股跌錢就去執，執完俾人打荷包。檢討自己，改善自己，比媽人有用。你可能會話呢個世界「應該」如何如何，但在弱肉強食的世界，講「應該」無用，武裝自己最實際。
陸羽仁
人生戰場（９） 陸羽仁
http://blogcity.me/blog/reply_blog_express.asp?f=5YTPBH5B812303&id=264422&catID=&keyword=&searchtype=
美股先跌後升，但晚節不保，結束了連續四日的升勢。美股早段受德國經濟預期指數大幅下滑拖累向下，不過，美國零售業銷售及商業庫存數據超出預期，中午回升，但後繼無力，尾市再跌，最終以微跌收場。杜指及標普500指數齊挫0.2%。杜指報10527點，跌18點；標普500指數微跌不足1點，收1121點；納指逆市向上，微漲4點至2290點。杜指期貨最新報10441點，比現貨低水74點。大市交投與上日相若，紐約證交所成9.3億股。
港股美國預託證券靠穩，ADR港比指數收報21716點，比香港收市高20點或0.1%。匯控收81.06，比香港高1仙；中移動收78.09元，比香港高0.3%
歐洲經濟不穩，德國這個歐洲最大的經濟體，9 月份經濟預期指數從8月份的14勁插至負4.3點，遠低於市場預測的降至正9點，指數創自2009年2月以來新低。美國最新公佈的經濟數據卻不錯，8月份 零售額增長0.4%，及7月份的商業庫存增長1%，都高過市場預期，後者係2008年7月以來最大增幅；商業銷售亦出現了4個月以來最大漲幅，反映企業界 增加庫存的意願提高。
杜指昨日波幅不足100 點，大市沒有明顯方向，乏善可陳。黃金卻係市場亮點，金價昨日每安士跳升25美元至1271美元，再創歷史新高。有交易員分析，黃金及金股創新高的主要動 力源於美元走弱，而日本首相菅直人在民主黨內選舉中得以連任，他不主將干預日圓，亦令日元匯價走強。美匯指數昨日由82.186再跌至81.339，這個 月的累積跌幅已接近2%，瑞士醞釀在週四加息，亦推低美元相對瑞郎的匯價。歐元兌美元昨日重上1.3美元水準，而日圓亦再升0.5%至83.26日元兌一 美元。
這幾日講到hea(漫無目的)這個話題，忍不住一講再講，hea呢種態度古已有之，於今尤烈。網友小白蛇有此意見:「如果大家都hea, 生活得過且過，社會真的不會繁榮，不會富裕，但，這純粹是一件壞事嗎……….有人在追求『中環價值』，並逼使全世界去跟隨他們。陸sir不只一次提出『中環價值』不是唯一的人生意義。但在香港，一旦有人違背中環價值，就人人得而誅之，我覺得這個現象絕不健康。我也非常反對有能力不去工作而去拿綜援，但原因是in the expense of others, 你不做，別人要把你那份也做了，而不是hea，不是不願刻苦。在看到陸sir的文章前，我已在該forum留言指責他不負責任。所謂的hea，也可以看成是一種不求追物質，質撲的生活態度。不久前新聞有報導過不丹這篇快樂指數奇高的「樂土」。不丹的人也沒有要發達，要上位，要發明乜乜等的人生目標，在香港人眼中就是hea，但這就是失敗嗎？」
我也不讚成把所謂「中環價值」強加於一切人身上，我也不讚成把hea的定義無限引伸，引伸到不博哂命住上爬就是hea。但小白蛇對hea所作的定義，恐怕非一般人所講的hea，佢話「所謂的hea，也可以看成是一種不求追物質，質樸的生活態度。」但在我眼中，hea和簡樸生活完全是兩回事。我自已在某個意義來說，都在追求簡樸生活，起碼是比一般人略為簡樸的生活，或者是環保一點的生活，例如夏天盡量不開冷氣，我都認為是簡樸生活的一種(請大家不要笑我)，但我好明白自己不hea。追求簡樸生活，是追求不太物質化的生活，如果你自食其力，住去新界，生活要求低鱓，亦唔要求自己搵咁多，咁有乜問題? 一鱓問題都無，仲對社會有貢獻，因為減低了社會資源的壓力。如果我的仔女話追求簡樸生活，我唔會反對，甚至退休後會和他們一起這樣生活，但如果他們hea，我就一定會反對，因為hea的人好多不單生活得不簡樸，還對社會造成壓力，你可以做№唔去做，要做№的人養埋你，這是那門子的簡樸生活?
舉一個例子說明甚麼是hea， 我朋友有個仔，讀中三，聰明靚仔，成日發明星夢。朋友成日想我教纒佢數學，我話無問題，但要佢自己帶書來問我。有一次朋友有事，要把這個仔到我屋企半天， 這個小朋友來到，想開電腦打機，但明知我會反對，因為他接近考試，應該溫習，他打機不成，也不敢開電視睇，就打橫坐在梳化，一副半死不活的樣子，我亦特意 不問他，我做自己的事情，睇纒他如何，結果他就這樣眼光光坐了一個多小時，乜到無做，也無鲻覺，就係咁hea鰠度，令我大開眼界，佢父母話佢在家也是如此。我心諗，䒷面成堆報紙，你來睇，唔睇港聞，睇纒娛樂版都好呀，點解可以咁樣眼光光，乜都唔做一個多小時?
這個小朋友的生活要求一鱓都唔簡樸，去普通一點的茶餐廳覺得人地讁糟，住屋間房唔大又嘈，讀七八千元學費的私校，放假要去日本，已經去了兩次(屋企希望用去日本旅行刺激他讀書，可惜失敗)，我同佢講，你讀書唔成，將來做份5000、6000元一個月人工的快餐廳待應，你點去日本? 點維持而家的生活，二三十年後父母百年歸老你點算?
網友mkm介紹睇美國紐約時報一個專欄作家Thomas Friedman的文章，這篇文好好，名字叫「我地排第(十)一!」(We’re No. 1(1)!)佢話在新聞周刊一個全球最佳國家的排名中，美國頭十位也不入，係排第十一，美國人開始問自己是否失去超級大國的地位，總統奧巴馬話「美國人不甘心做第二!」但實情係第十一。
佢講到教育，話學生教極都唔好，或者問題不止是美國有好差的老師、廢柴的校長、自私的教師工會，最大問題是學生並無學習動機(同我講學生好hea如出一轍)。佢引述另一個作家的意見，指學習動機來自好奇、好勝心、父母期望、想入好大學的願望、好老師的引導、朋輩的影響等。但現實是美國學生的學習動機好弱，愈來愈多學生唔想返學，唔想用功、唔想做好。
佢認為在挑戰很大的年代，可稱為偉大時代，就產生好多偉人，如30年代大蕭條，40年代納粹，或50至80年代蘇共的挑戰，就刺激出美國人好大的動機。如今，政治領袖連叫人「犧牲」兩個字都唔敢講，所有解決方案都係無痛的，刺激經濟是在共和黨的減稅或民主黨的救市方案中挑選。
「誰敢把真相告訴國民? 中國和印度追上美國，不止是廉價勞工和匯率，她們追上來是他們都有美國那樣的自由市場，都有美國的教育，有美國人可取得的資金與科技，但最重要的是，他們有美國偉大時代人們上進的價值。他們的人民願意延遲獎賞，投資未來，比身邊的人更努力，對他們的子女有更高要求。」
這些話對香港都飱用，將「美國」兩個字換成「香港」就得啦。好彩這些話是由美國人講出來，如果上述那段話由我講出來，恐怕又有人話我睇唔起後生仔。如果想自己在職場、投資場上有進步，想自己仔女好鱓，就唔好咁hea啦，國內大城市全部都追近香港，佢地有香港的市場、教育、資金、科技，佢地有比香港更上進的價值，問纒香港有乜? 睇纒10年後自己仔女大鰦之後香港有乜? 10年之後，人民幣自由兌換，香港面對緊的唔係是否追求中環價值的問題，面對緊係競爭力問題，面對緊係生存的挑戰。
陸羽仁
人生戰場（１０） 陸羽仁
http://blogcity.me/blog/reply_blog_express.asp?f=5YTPBH5B812303&id=264594&catID=&keyword=&searchtype=
美國9 月份地區製造業狀況差過預期，房屋建造商及兩大鋼鐵生產商發盈警，令美股早段一度走弱，但杜指跌一跌就反彈，午後更發力再上，收市升46點，報10573 點，標普500指數漲4點至1125點；納指升12點至2301點。杜指期貨最新報10511點，比現貨低水62點。大市交投持續淡靜，紐約證交所成交縮 減至9億股。
港股美國預託證券個別發展，ADR港比指數收報21755點，比香港收市高29點或0.1%。匯控收82.05元，比香港高0.6%；中移動偏軟，收77.51元，比香港低0.3%。
紐約聯儲局公布9 月的紐約州製造業指數降至4.1，明顯低於上月的7.1，亦遠差過市場預期的上升至7.5。此指數係正數的話，代表製造業仍處於增長狀態。4.1雖然表示 製造業仍有增長，但與今年4月時的近期新高31.9，以及6月的19.6，就相差很遠，表明近來製造業的增速相對緩慢。8月份製造業、礦業和公用事業的産 出，合稱工業産出，較上月增長0.2%，增幅符合市場預期。
另外，8 月份美國進口價格較上月增長0.6%，超出市場預期，增幅創下了四個月來新高，這主要與石油和食品價格的大幅攀升有關。過去12個月，美國的進口價格增長 4.1%，年度增幅創下去年11月以來新低。進口石油和成品油期間價格大幅增長2.1%，若不計石油，8月進口價格的環比增幅為0.2%。
經濟數據麻麻，企業又無乜利好市場消息，淡友在開市頭半個鐘成功推低杜指近50點，但最後都係未能得逞，好友反敗為勝。近兩日形勢都差不多，反映淡友彈藥有限，無力壓住大市，美股走勢仍強。
網友andrew1212 講起佢自己hea(漫無目的)的經歷及其後的改變，十分十分值得大家睇睇。佢話:「TO 陸SIR...睇左幾日人生戰場....我有好大感觸...想同大家分享纒….因為以前我都係好HEA既人....無所事事.無理想.做四等人.等食飯. 等收工.等退休.等死...工作差.成日俾人話.. 人生無希望..自己讀書唔成........姐妹都係讀書有成畢業做OFFICER月入幾萬...自己就老散一個....所以成日唸要取綜援(橫掂做同唔 做無分別..成日問自己點解我要咁辛苦做工覺得全世界都欠左我)...對人生無理想.對工作無希望.成日覺得自己比人差...整係想快快完結此生...希 望可以快0的RESTART...以前我最開心時間就係打機我可以連打10小時後返工放工再打10小時返工放工再打...放假就打足24小時都無問題三餐 都係電腦䒷解決...係打機內我好似覺得我彷彿可以控制我的人生..我控制我PLAYER打到敵人嘔電.亦令我好有滿足感.係打機世界無人會罵我..我覺 得找回我自己....但係打完機我覺得好失落唔想返工..覺得打機先係我既人生...我第一份工係姐姐幫我蹾..自覺我人生好失敗…好唔快樂…」
「直到姐姐送我一個影響我一生的四個中文字-" 自強不息"(當然中間還有很多事情..有機會再說)或許我一生都不能比姐姐成就高.但我希望每天都比昨天的我進步一點點...以前選擇放棄我既人生.現在 希望可以改變我的人生..我好辛苦先從HEA圈內走出來...當我選擇改變我的人生...改變無即時出現,亦好辛苦..但係我感覺比從前實在...無左從 前打完機既失落...我以前成日埋怨工作俾人話.但係從來無唸過檢討自己….我無鲻過就工作..日日都無精打采.工作馬虎.更唔會唸纒上級如果唔話我.. 點服其他同事.俾人話就覺得人地針對我等等...之後我開始睇書.充實自己.其中有一句想同大家分享.思維決定觀念,觀念決定心態,心態決定行為,行為決 定命運.唔好成日埋怨自己既人生…閱讀後我發覺自己比好多人幸福,至少我可以擇選我既人生.有健全身體,可以自食其力,多點感恩少點埋怨..大家會活得更 開心,試纒尋找自己人生目標令自己活著更實在我每天都感謝主我有健康的身體可以去工作..而我人生目標就係努力理財,到財務自由,然後用餘生幫需要幫助既 人….雖然改變好辛苦..但像我這樣普通的人都可以為何你們不可能?」
「最後我想同大家分享我既一件小事情我好喜歡跑步從前我跑步遇到別人快過自己.. 我會追..追到無氣時就希望人地跑慢一0的就纒自己..最後別人當然無跑慢而且更越跑越快而我就呆呆收步.看著別人衝到終點.但現在我遇到別人快過自己, 我會希望自己跑快一點最後當然不是每次都可以快過別人.但至少我努力過亦比從前的我更快.其實跑步我都係想自己健康一點.唔好同別人太多比較!」
睇完andrew1212的自白，我好想知道更多影響他改變的事情，請有空多與我們分享。我也有眾多感受，想一一告訴大家。
第一，責任與改變。我在人生戰場的系列中，講到hea，講到有些人綜援覺得理所當然，惹起一些人士的迴嚮，話我將責任推到年青人、推到80後的身上。我初而錯愕，繼而反思，我自忖沒有這種用心，但為何有部份人會這樣看我呢? 我 的結論是香港不知由那天開始，流行起追究責任的文化，出了大小問題，先追究責任，搵人負責，我形容為「分配責任」，分配完責任後，就送「負責人」上斷頭 台，然後大家好開心睇完戲，好開心返屋企，雖然有人「被殺」，但社會無變，問題依然存在。我討論問題不是想分配責任，係想尋求改變，追究責任意思不大，改 變後脫離困境最實際。千萬不要以為在打工的環境，出了事找人問責最重要，其實有活力的商業機構相當實際，出了事找出出事的原因，主要不是想找人負責，而是要尋求改變，減低住後出事的機會，甚至借此改善，做得更好。
好 多犯罪學研究都發現，那些變態的連環殺手，都有不愉快的童年，好多曾受過父母的虐打，甚至性虐待。如果我們抱追究責任的心態，就應該追究戀態殺手的父母， 將他們拉去坐監，因為他們要為變態殺手的行為負責，同時應該將變態殺手放出來，因為他也是受害者，無責任。但世界上無一個國家地區會拉變態殺手父母而把他 放走，因為大家都想透過監禁甚至死刑，去阻止這個變態殺手再去傷害人，這就是改變，將一個變態殺手放入監倉，這個社會會變得安全一些。由此可見，尋求改變 比追究責任來得實際，來得逼切，而不是只求問責，不求改變。一個hea青的產生，主要成因當然是富裕的社會環境，加上父母的過份保護做成，唔使拗，父母的責任好大，愛佢變成害佢，若是一種問責思維，發覺父母最大責任，跟住就完了，任由hea青再hea下去? 還是想方設法，令hea青改變，不再hea呢? 人過18歲之後，長大了，就可以自我改變，即使成長的環境唔太好，成長時唔太培養到你的自強心，你還是有機會改變自己。
第二，打機害死人。我自己都有打機，但不沉迷，我見過沉迷打機的後生仔，觀察他們的行為，有鱓怕，其中一個問題就是andrew1212所講的restart(重開一局)，例如後生仔玩賽車，轉得兩個圈，發覺被人拋離，就restart重開一局，唔會捱下去。打機令人滿足，除了在虛擬世界可以令人成功之外，就是太多restart的機會，令人不會挫敗，問題人生可否restart? 其實人生好難restart，後生仔做工有少少唔高興，以為同事對佢作出「不友善的微笑」，咁就辭工不做，半年轉一份工，和打機restart一樣，他們卻不知道，在真實人生中，每restart一局，自己的戰鬥力就跌幾個level，因為你轉得工多，僱主都知道你適應能力差，最後唔敢請你。
更恐怖的是自殺，andrew1212已講出後生仔想尋死的心態，同樣是restart的概念，佢話「覺得全世界都欠左我... 對人生無理想.對工作無希望.成日覺得自己比人差...整係想快快完結此生...希望可以快的RESTART...」人死如燈滅，死亡不是 restart，是gameover，恐怕要搵人教一教細路仔gameover意思，話一話俾佢地聽，他們gameover之後，人生不會再來，父母家人 朋友有多難過，他們這樣做是摧毀了父母和好朋友的人生，他們「要負責任地」好好活下去。(我又好唔飱聽地講年青人的責任，我不是追究責任，而是要年青人承 擔責任)睇纒村上春樹名作《挪威的森林》，就知一個人自殺對身邊好友的影響。
第 三，努力與回報。無付出，無回報，千萬不要以為這個人生戰場的系列，和投資無關係，恰恰相反，有好大關係。你唔做功課去買股，聽一個軲巴就盲動，唔研究投 資投機的方法，就一定輸多贏少，若果配合埋輸鰦就賴人，輸鰦就追究責任而不尋求改善的心態，咁你就食齊ABC餐，可以輸足一世。好多朋友有買越秀房地產 (405) 或者中航科工(2357) ，我好早就提呢鱓股，但你聽到呢鱓軲巴，唔一定搵到錢，你唔做功課，可能低唔敢買高去追，可能成本好低入貨但一跌就震走鰦唔敢買番，總之有一百個輸錢的理由，佢地都曾經大升、插低、再破位大升。如果你到今天都分唔開越秀房地產(405) 和越秀地產(123) 的分別(兩個名只差一個字，睇名分唔清)，或者分唔開中航科工(2357) 和深圳中航(161) (兩隻都係中航)，我勸你唔好買股票住，做纒功課先啦，唔係輸死都唔知乜事，到時你唔好分配責任俾我呀，我唔係你阿爸，我話明唔負責架。人生就係咁，你 唔付出，唔好望有高回報呀。個鱓人話你唔得因為上一代剥奪鰦你的機會，你買股輸錢全因大戶陰你，講一鱓飱聽的說話俾你聽，只會磨滅你的戰鬥力，會害死你 架。你在人生擂台上，俾人打到鲻低，個裁判由1數到9時，起唔起到身再來過，全靠你自己咋。你想怪教練教你教得唔好呀？想叫阿媽幫手呀？無啦，食自己啦。
陸羽仁
人生戰場（１１） 陸羽仁
http://blogcity.me/blog/reply_blog_express.asp?f=5YTPBH5B812303&id=264805&catID=&keyword=&searchtype=
美股同前兩日一樣，朝早走弱，其後逐步回升。杜指尾市扳回失地，微升22點，收10595點，標普500指數就差少少，微跌不足1點至1125點。納指漲2點，報2303點。
港股美國預託證券造好，ADR港比指數收報21760點，比香港收市高68點或0.3%。匯控收82.26元，比香港高0.6%；中移動靠穩，收77.91元，比香港高0.2%。
美國勞工部公佈最新一周的首次申請失業救濟人數減少3000人至45萬人，四周平均數亦跌至46.5萬人，係連續三周下跌。而8月份生產者價格指數(PPI)較7月份上升0.4%。增幅超過市場預期，亦創下五個月來新高。不過9月份製造業活動指數負0.7，略差過市場預期但就遠好過8月的負7.7。
美國首次及連續申領失業救濟人數都在下跌，製造業連續第13 個月擴張，其他經濟數據亦表明美國經濟穩步增長。從牌面睇，投資者有充分的理由放棄觀望立場，積極入市，但昨日紐約證交所成交量仍然只有約9億股。美股近 期升幅淩厲，令好多分析家大跌眼鏡，標普500指數今個月已經升鰦7.2%，但成交量就出奇地偏低，比去年同期少鰦三成！成個市都只係乾升，無乜水份支 持。投資者普遍仍然鰠度觀望，對後市未係咁有信心。有報告指出小投資者對後市睇法非常飄忽，最新一周，有59%的小投資者認為現在正處於牛市階段，創了 52周新高，但僅僅三個星期前，有同感鮋只有20%，係52周鮋新低。鰠唔知實際狀況係點鮋時候，自然就變成「塘邊鶴」了。
盡 管人民幣兌美元，不斷創新高，但美國政府認為升值速度「過於緩慢」，美國財長蓋特納昨日在國會作證時表示，就炮轟中國政府「大力幹預」人民幣匯價，令人民 幣被低估。佢認為，中國政府壓住人民幣升勢助於中國增加出口，同時鼓勵了美國公司將製造業務外包至中國。他呼籲中國允許人民幣大幅且持續升值。他還稱，奧 巴馬政府已開始尋找有助於鼓勵北京允許人民幣更快速升值的工具組合。他在提交參院銀行委員會的書面證詞中指出：「中國有必要允許人民幣隨著時間的推移大幅 且持續升值，糾正其被低估的狀態，中國應該允許匯率完全受市場力量支配。」
美國銀行個人理財部門的首席市場策略師Joe Quinlan則表示，「對於國會可能針對中國採取行動的擔心正在加劇。它造成的問題不僅會擾亂美中貿易，還有可能擾亂美國的信貸市場，因為中國是美國國債的主要持有者之一。」
我講人生如戰場，我恐怕大家未明白乜№叫做戰場，所以今日想講幾個故事。
大 家首先要明白，戰場極之殘酷。我聽一個大陸高人講起一個解放軍的故事。話說70年代中國和越南開戰，有個解放軍將軍個仔要上戰場，離家出發前一晚，將軍和 兒子閒話，問兒子如果你地一隊作為登陸部隊要登陸搶攤，你衝上岸時第一件事做什麼? 兒子趾高氣揚地話:「我要衝在前列，奮勇殺敵，為國盡忠。」將軍長嘆一聲話:「孩子，你一岸第一件事要撲倒地上，唔好郁，唔好望，因為你地上岸人地一排機 關槍掃過來，10個搶攤士兵有9個歸西，你伏在地上，垂低頭，對方子彈射來，只會射到你的背包和頭盔，射你唔死。到睇清形勢，了解敵情後，才決定是否起身 進攻。」兒子聽完這話，心情大受打擊，不服氣地說:「這好像十分窩囊啊?」將軍說:「打仗是用腦的，不是用力的。我就是這樣從死人堆中爬出來，你估我當一 個死了的小兵貢獻大，還是做將軍對國家貢獻大?」
你不一定同意這個將軍的邏輯，但他說的卻是實情。很多年後，看到美國片雷霆救兵，第一幕就是美國大兵搶攤，槍林彈雨，血肉模糊，極度血腥，我當時想起這個將軍的故事，心想，這真是過來人的經驗之談啊。
我 們一生下來，就不自覺的上戰場，動物尤其如此。《狼圖騰》一書就講到，狼媽媽生一窩小狼，總有一隻力氣大點，它就會推開其他兄弟姐妹，搶佔狼媽媽最好最大 的乳頭，為自己創造更好的生存條件，它也會長得大點，強壯著，增加自己將來存活的機會。所以小孩在爸媽面前爭寵，其實是受著這種動物天性影響，背後的邏輯 是強者存活，但在如今的社會，資源過度多，其實兄弟姐妹就沒有實際需要去爭了。
但我們入學校讀書，幼稚園唔計，小學、中學一班30幾 人，好快就有幾人跑出，拋離其他人，這些成績好的一群，就爭取到往後上大學的機會，這已經是一個戰場。讀完書出來打工，更是嚴厲的淘汱賽，不同工作，上至 大公司行政人員新丁，下至一間快餐廳的待應，永遠都要和同級的人比較。以大公司的新人為例，一年請十幾個，不用一年，上司已經鎖定鰦一兩個係將來的「飛升 者」，覺得佢地最有潛質，其他人好有機會跌落平庸一族，在這種戰爭中，好快就有獲勝者。當然我唔係教年青人做№要起辳打同事，大玩宮心計，如何和同事保持 良好關係而自己又可以跑出，係一種藝術。但我亦大家明白，職場如戰場，你無預備入場，一返工就懶懶散散，№又唔做，福利要多，你好快就跌入去平庸的一族 中，你做老細，都想搵個博命鱓、醒目鱓，肯捱義氣鱓的伙記，幫你睇住個檔啦。學校和公司睇落唔算好殘酷，輸鰦好似無乜後果，但失敗的代價，可能是四、五十 歲才付出，到時你先至知，我有朋友甲就因為不斷創業，不斷失敗，最後搞到離婚收場，人生黯淡。
最似戰場的是投資市場，亦最殘酷。好多人唔知，你炒外匯、炒金、炒期指，其實係同金融公司對賭，佢地唔係同你落盤出街，而係佢坐鰦你個盤，同你對賭。我有個朋友乙最近一年炒金「好成功」，佢放低5%本金，放50萬，炒1000萬價值倫敦金，佢通常食10美元、8美元就走，買完跌鰦落來就坐，我問佢有無止蝕，佢話無。由於金價反幅不斷向上，所以佢輸鰦都坐得番，炒鰦一年，以本金計賺鰦40%，即係20幾萬，佢覺得好多，我就覺得一鱓都唔多，由於經紀教佢有糊要食，所以升的時候多數賺幾美元就走，如果佢坐住唔郁，過去一年金價升鰦10幾%，如果佢直坐下來，而家隨時賺70、80萬。朋友乙贏錢，因為黃金正值大牛市，跌完都升番，佢死買一個方向就得，唔係佢高明，係個市就佢，正如索羅斯話齋，金市已有泡沫。那一天金價跌下來，朋友乙又唔止蝕，跌你20、30%，可以輸200萬、300萬，就真係入哂肉。我睇得太多呢鱓個案，睇個現狀，未來都可以估到七七八八。
在呢鱓市場，散戶同間經紀行賭，你贏即係佢輸，佢而家輸緊20幾 萬俾我個朋友乙，但經紀教佢止賺唔止蝕，到時方向逆轉，一定一舖殺到你突，但散戶贏錢時覺得自己好得，你想話佢，佢亦唔聽。在呢鱓高度競爭的森林中，首先 要明白這是生存之戰，唔係講玩，如何認清對手，武裝自己，係勝敗的關鍵，好似朋友乙咁，佢唔係唔可以炒金，可以炒，但要倒過來止蝕唔止賺，止蝕會令佢唔再 舖舖贏，但最後可以保命，唔止賺可以令佢買中時贏多鱓，但唔知扣埋止蝕的成本會點。總之，佢好似而家咁止賺唔止蝕，就將自己暴露在極大危險中而不自知。
世 界永無公平，唔睇家底，單睇高矮肥瘦，聰明蠢鈍，都人人唔同，大家唔係在同一條起跑線上，但你可以調整自己的心態，培養自己的技巧，鑽研遊戲規則，才可以 在不公平的遊戲中找到生路，唔去鑽研，只批評遊戲唔公平，唔係話你唔飱，只係話你咁做無用，鬧完一輪，自己的人生一鱓都唔會改善。
陸羽仁
後記: andrew1212的經歷，特別係佢如何改變，值得大家一看再看。
Andrew1212 最新留言如下:「係人生戰場系列內………我好似見番以前既自己所以有好大感觸。我其實好平凡係一個八十後青年, .出生係一個中下家庭…小學我同姐妹讀書都好好..直到中學我就無心向學.. 我會考同姐姐A-LEVEL係同一年.結果姐姐A-LEVEL就3A佢話無唸過有咁好成綪..佢考之前成日都講A-LEVEL 0 的人好勁因為”水”個0的會考都FOUL哂…佢目標係5B咋…我會考就唸實升到誰知1C-1D-6E.連原校都重讀唔到..去一間我視為垃圾既中學到報名 重讀...個職員同我講~你會考唔夠十分唔會俾機會你面試無謂浪費大家時間~…呢句好深刻我現在也未能忘記…之後我連蹾校學都放棄.…覺得呢個係政府既 錯..教育制度既錯..總之我就無錯...」
「第一份工都係姐姐幫我蹾…我以前覺得好失敗…但現在我好肯定如果當時我無工作…可能一世我都唔會做長工….最多做纒散工..大家有無想過我同姐姐出生於同一家庭為何有如此大分別…我覺得係我地二人人生價值觀不同….. 希望大家唔好做以前既我….」
「之後工作識左一個女仔. 我對佢好有好感..足足等左三年先敢表逹自己..結果失敗了..佢問我有咩人生目標.我答唔到..言談間佢覺得我好無用..我接受唔到呢個事實選擇逃 避..之後我就沉迷打機..無心機工作..一打就十幾小時…同屋企人因打機成日嘈…我成日話佢地唔明我….姐姐就我每次打機都會同講0的人生道理..其實 我根本無心聽…但係佢從來都無放棄過我…其中有一句我記得係<打機好開心..打完後咪夢一場..你得到咩..人地睇死你..你唔係更應該努力俾人 睇..証明人地係錯咩?>」
「期後我去左報讀夜校(都 係唸住試纒)..係交學費時遇到中學同學佢又剛剛係交大學學費....咁大家換左電話.....現在就成為左我既老婆..係籌備录禮時…我終於發覺到我以 前既人生觀有問題..太多埋怨指責..其實上天對每個人都好公平..每人都擁有24小時…唔好好利用反而覺得全世界都欠左自己呢個係我以前問題….有人說 過結录會令人成長...我就成長了一點.點....係我結录當晚我姐姐俾左封信我..內容好多..都是鼓勵祝福說話..其人一句<不為別人而活.努 力向前.自強不息.永不放棄.>令我影響至為深遠…」
「我 希望改變亦選擇改變..往後我再無打機...我用工餘時間睇書..學習理財..亦問別人意見.. 訂立人生目標…我好朋友BILLY亦幫左我好多.其中推介陸SIR個BLOG…睇左之後除左理財有進步外令我始料不及就係令我人生觀更正面…更擴减自己思 維及人生價值觀....」
「人 生得一知己死而無憾..無BILLY幫助既話我未必會認識到陸SIR…如果唔係我老婆默默支持我...(講真未改變既我都幾難頂)….我未必會改變.…. 如果無我姐姐不停鼓勵(愚姐移弟)….今日就無機會同大家分享自己的小故事…..希望我既小故事可以令大家帶來一點改變….與其終日渾渾噩噩....埋怨 指責......不如努力活在當下....」
Next Page