向一萬個阿姨唱足三小時五月天紅館上班叫爽
1 :
GS(14)@2017-05-13 01:56:33台灣天團五月天前晚假紅館舉行首場「人生無限公司」演唱會，五迷齊齊唱到聲嘶力竭high足三小時，怪獸和瑪莎都用廣東話介紹自己，阿信更興奮說：「今日大家要加班！」全場叫到拆天，石頭笑說：「覺得自己在秘密集會結社一樣，今天上班很爽。」
指揮五迷讚冠佑
當唱到《乾杯》時，螢幕播出五月天的figure片，由於主題是飲酒，當阿信在台上走近石頭時，石頭則扮醉挨着他。其後播出《訓練及重返戰場》短片，更獲影帝梁家輝助陣拍攝。而唱到《知足》時，全場五迷亮起手機燈營造浩瀚燈海，十分壯觀。唱《離開地球表面》時台頂更爆出煙火，五迷又再high爆狂跳兼大合唱。五月天答謝觀眾支持，表示就算直到一日跳不動，都仍然唱歌給大家聽，阿信唱到《如果我們不曾相遇》更感性地說：「沒有遇到冠佑就不會存在這首歌曲，我想今天晚上不知會在哪裏，也許五月天會結伴來香港觀光。」阿信指揮五迷齊讚冠佑「靚仔」，笑說：「這裏有一萬個阿姨。」其他隊員忙喝止，阿信即補鑊：「是年輕貌美的阿姨。」
■安歌時阿信穿自家品牌T恤，笑言跟隊友開OT慰五迷。
■五月天的演唱會製作不惜工本，舞台大玩視覺效果。
■五月天坐在台前自彈自唱兼傾偈，螢幕播出短片配合。
■阿信指香港對他們有特別意義，承諾會繼續5月之約。
「沒香港就沒開始」
之後五月天想當年初來香港沒有人認識，於live house舉行音樂會，其後有機會跟譚詠麟同台，直至現在去過很多地方開騷：「香港對我們有特別意義，沒香港就沒開始，無論將來如何，也繼續香港的5月之約。」尾聲時再播出短片，梁家輝對五月天說：「人生係有限，但友情係無限。」安歌時，五月天先後唱出《傷心的人別聽歌》和《溫柔》，全場大叫「OT」，五子唱出《我不願你一個人》、《洋葱》及《倔強》後，並向五迷90度鞠躬十秒返後台，五迷才依依不捨散去。採訪：馬建華攝影：葉君海
來源:
http://hk.apple.nextmedia.com/entertainment/art/20170512/20018336
一萬蚊租樓要求「入屋十件事」！樓主離地定樓市離地？
1 :
GS(14)@2017-06-18 21:42:12安居樂業邊個唔想，不過樓價逼人，租屋幫人供樓都係等閒事。不過，可唔可以合理價錢，有間企理小小嘅樓呢？最近就有網民啖facebook出po幫朋友搵租（佢朋友係咪佢就唔知喇），列出十大要求，要市區樓又租金最多萬一，又趕住兩日要搬到，感覺諸多要求，但睇真啲其實都幾令人唏噓。首先睇吓搵樓嘅係咩人先：一對父女，兩個收入穩定，不過就講明「不要要行一層先搭lip（?）的」，因為阿爸要靠拐杖行動。睇吓，阿爸即使行動不便，仍然努力做嘢，收入穩定，呢啲咪係香港人打不死嗰種精神囉。而佢哋想搵個10,000蚊樓下嘅標準兩房單位。雖然唔知佢哋收入幾多，當佢兩個份人工大概係香港入息中位數，即係15,000蚊左右，兩個人加埋就30,000蚊，其實都佔咗佢哋3分1收入喇。再睇多啲要求先，譬如要有廚房、廁所，嘩，呢啲係咩要求嚟？聽完好似去咗非洲咁，連乾淨食水呀、食物呀都係「非份之想」，要特別講到明架！佢哋仲要求廚廁唔可以太污糟，咁有女仔住，呢啲要求算正常；不過如果你話用10,000蚊租間樓，係冇資格有個乾淨嘅廁所，喺生活重擔中有個小小嘅空間refresh吓，咁都無咩好講，人人價值觀唔同嘅。然後地點呢？佢列出嘅地點主要係旺角附近嘅地鐵沿線，同紅磡大角咀，亦話其他九龍市區都會考慮。呢個要求配搭廚廁唔好太污糟，就真係絕配，睇返幾個流行嘅樓盤網，10,000蚊樓下，一般都係交通方便就好舊咁，企企理理嘅就可能係村屋，市區嘅企理樓，好多都超晒價，雖然唔可以話冇，土瓜灣大角嘴都有機會搵到，但得幾個少到要搶，個網民都話曾經搵到，不過「上緊堂missed call就俾另一個買家簽左」。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170616/20058010
【果粉撐唔撐？】LEGO版Apple Park 量產要儲夠一萬Fans
1 :
GS(14)@2017-07-01 09:54:45LEGO產品線有個非常特別的IDEAS系列，產品設計完全來自LEGO Fans的創意；不過由提出設計概念到得到LEGO青睞推出產品，過程中要過五關斬六將，唔知剛剛有位果粉上傳的LEGO版Apple Park，有冇機會勝出呢？
Apple新總壇Apple Park雖然還正進行工程，但剛剛已有員工開始進駐工作，這個名為「Apple Park BE」的設計用意就係令無機會親身去朝聖的果粉「望梅止渴」。當然現時「Apple Park BE」都只係提名階段，要收集到過10,000名支持者，LEGO先會再考慮會否真正推出產品。現時「Apple Park BE」支持者只有38人，離第一關「10,000個支持」仍有一大段距離，但離截止日期有48日，都唔一定無機會。Fans還Fans，平心而論，Apple Park真實建築確實好厲害，但這個LEGO設計就未免太過簡單，如無真正Apple Park內的小山坡，連Steve Jobs Theater都只係用一塊圓形LEGO砌成，細位設計得未夠精細。
Apple Park BE細位設計略嫌未夠細緻。
最新Apple Park航拍圖片。（來源：Duncan Sinfield YouTuber Channel）
資料來源：LEGO IDEAS記者：布偉倫2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170629/20072092
【iPhone X開賣】先達Lo哥：頭水有望賺一萬 下周六再開預約
1 :
GS(14)@2017-10-30 00:53:47Lo哥看好iPhone X銷售前景。
iPhone X開訂，持續時間14分鐘，不論預約到門市購買（iReserve）或是網上購買付運出貨（Apple Online Store AOS）！先達Lo哥表示情況和iPhone5相約，預計炒風應該會持續一段時間，AOS出貨時間是3至4個星期或者5至6個星期也應該有水位。兩位先達分析員G World Lo哥和流動帝國阿基對市況表示樂觀。Lo哥說14分鐘完售情況似iPhone5：「咁辛苦撳到，我諗頭水加千幾蚊你都唔肯放，放機賺五千至一萬都有可能。」另外他亦估計iPhone X會長期缺貨：「Apple都想部機長期多人講，保守估計炒半年都得。」
流動帝國負責人阿基指頭水應該極度渴市：「大機頭水回收價去到二萬至二萬五，甚至三萬元樓下我都唔會意外。」256GB大機原價9888港元，炒到二萬多，即是Lo哥和阿基都預計頭水有機會賺過萬。不過阿基則覺得Apple不會再像iPhone4年代般玩長期缺貨，Apple Store比以前多了這麼多，預計聖誕後供貨就會穩定，到時炒風應會急速冷卻。
15分鐘後已無供應。
11月3日落舖買機的iReserve難度頗高，先達現場只有1位人士中獎
如果錯過這次機會的話，預約買機會於11月4日早上8時再開放，至於AOS過往慣例會無預警下再開，但預計在11月3日開賣前也不會再次開放。記者：科技組
來源:
https://hk.lifestyle.appledaily. ... e/20171028/20196847
爾巒「八按盤」呎價跌穿一萬
1 :
GS(14)@2018-01-08 01:26:01【本報訊】元朗私樓呎價罕見跌穿1萬元。美聯翟安暉表示，新地（016）發展的元朗爾巒剛錄得一宗低價成交，為茵羅洛斯大道3座低層C室「八按盤」，實用面積886方呎，單位由一對父子聯名持有，父親為內地客，其子則為港人，單位去年10月開始放盤，原叫價950萬元，因急套現，最後累減82萬元至868萬元沽出，呎價9,797元，較屋苑本月另外3宗成交的平均呎價1.1萬元，低市價一成。土地註冊處資料顯示，兩父子2014年以691.6萬元買入單位，獲恒生銀行提供一按，之後先次七次向私人財務公司及私人形式加按。
首都凶宅平三成放售
環亞拍賣表示，日出康城首都2座低層LB室，實用面積681方呎，下月9日拍賣，開價550萬元，呎價8,076元，平絕日出康城。此單位獲三間銀行估凸價，是次開價較估值低最多230萬元或近三成。拍賣行稱，上址屬凶宅單位。一女租客於2010年首都入伙八個月後在該單位墮樓身亡。中原伍錦基表示，清水灣半島8座高層A室連天台三房戶以1,150萬元成交，呎價16,813元創屋苑新高。消息指，鰂魚涌逸樺園2座中層D室售1,338萬元，呎價21,899元，創屋苑兩房新高。世紀21柏宇黃學宇稱，大埔寶湖花園A座高層1室售485萬元，呎價14,140元創屋苑新高。馬鞍山海栢花園1座低層H室售848萬元，創屋苑樓價破頂。
來源:
https://hk.finance.appledaily.co ... e/20171228/20257630
Next Page