圈中人愛開曲奇店 霆鋒最巴閉 欣宜鋪後路
1 :
GS(14)@2017-01-22 02:17:15「整餅除咗係一門興趣之外，佢仲係一門生意，有唔少圈中朋友都有開餅店做老闆，不過就唔係個個都咁成功喇！
謝霆鋒
霆鋒有生意頭腦大家都知，佢仲將興趣變埋事業，喺中環開曲奇餅店。而霆鋒因為《12道鋒味》系列喺大陸人氣急升，由佢出品嘅「鋒味曲奇」都一樣咁受歡迎，喺淘寶有一籮代購之外，仲有指喺大陸網站仲出現咗山寨版「鋒味曲奇」，而霆鋒仲打算報警o添！
黃婉曼
黃婉曼兩年前同老公馮柏基結婚生B，原本可以做幸福少奶奶嘅佢，喺去年決定做老闆喺鰂魚涌開麵包學校，仲話打算今年開舖賣法國麵包。佢仲話原來佢前年喺東京報讀法國藍帶製作麵包課程，為咗開舖仲要努力做主持賺錢補貼咁話。
Amanda S.
出晒名廚藝了得嘅Amanda S.，曾經喺2011年於中環ifc開餅店，全盛時期仲開埋分店，不過分店開業1年就頂唔住結業，而2014年Amanda S.突然宣佈同老公離婚，翌年仲傳出其餅店結業，而Amanda S.就即刻澄清佢已經賣咗手上餅店嘅股份，所以執笠唔關佢事咁話！
欣宜
鄭欣宜自稱從小就鍾意食軟曲奇，去年仲失驚無神仲喺尖沙嘴開埋pop-up store，成績仲唔錯，之後仲開埋實體舖o添！
來源:
http://hk.apple.nextmedia.com/entertainment/art/20170121/19904430
【馮仁昭四圍超】霆鋒鑊氣牛河一萬蚊一碟
1 :
GS(14)@2017-01-26 18:22:23謝霆鋒、韓星鄭容和同衛詩雅噚日喺中環大牌檔，宣傳新戲《決戰食神》，霆鋒更即場煮乾炒牛河做慈善義賣，每碟一萬蚊，佢炒咗三碟，現場吸引近一百名粉絲圍觀。霆鋒就話之前喺屋企準備食材：「喺屋企準備咗風乾牛肉，風乾咗牛筋兩個鐘頭，牛筋用空氣鍋煮咗似骨膠原片，好有益，以前細個住沙田，都有去隆亨邨食大牌檔，好鍾意大牌檔爐火，屋企冇咁有鑊氣。」衛詩雅即場問霆鋒會唔會收徒弟，又說：「碟牛河賣一萬蚊，我食咗一嚿，都一千幾，食落似牛肉乾好好味。」在旁嘅鄭容和就大讚霆鋒廚藝，以韓語表示：「以前不懂烹飪，現在有濃厚興趣，間中會煮麵，想學整餃子，拍戲時霆鋒還弄蘋果批給我吃，味道難忘。」
■霆鋒為慈善下廚兼宣傳新戲。
■鄭容和同衛詩雅大讚霆鋒廚藝，衛詩雅更想拜佢做師傅。
避談王菲
霆鋒同鄭容和喺戲中有唔少對手戲，佢哋講番自己語言，三頁半紙對白都冇NG，鄭容和表示：「完全不知他說甚麼，是看他的表情，以及綵排過，記着他講到哪個音接下去。」霆鋒透露新年會喺香港過，之後要返內地十八個城市宣傳。問到會唔會同女友王菲一齊過年，佢就話唔答。撰文：馮仁昭
來源:
http://hk.apple.nextmedia.com/entertainment/art/20170126/19908828
霆鋒開餐廳驚老闆鬧
1 :
GS(14)@2017-01-27 07:40:41謝霆鋒跟韓國樂隊CNBLUE主音鄭容和前晚在銅鑼灣為主演的電影《決戰食神》宣傳，吸引200多名粉絲圍觀。在台上鄭容和表示拍攝時吃過霆鋒弄的蘋果批及烤乳豬，假如有一日霆鋒開餐廳，定天天去光顧。霆鋒接受訪問時笑言有想過開餐廳，他說：「有諗過，但開咗，我就會二十四小時對住餸菜，仲會特別緊張，到時會俾老闆（楊受成）鬧，?家幾自由，得閒做吓客席主廚或者顧問好啲。」霆鋒的內地節目《12道鋒味》亦已拍到第三季。早前有傳謝賢再為人父，霆鋒多了一位弟弟，霆鋒笑說曾指使妹妹婷婷去問，得到的答案是粗口一句「黐X線」。採訪：張俊銘攝影：陳俊強
來源:
http://hk.apple.nextmedia.com/entertainment/art/20170127/19909980
【《蘋果》專訪】霆鋒難忘霉髧墮飯盒：最有家嘅味道
1 :
GS(14)@2017-01-28 12:04:15■謝霆鋒笑言可能在片場長大，所以覺得最好吃是霉髧墮飯盒。
謝霆鋒由影帝到食神，前日他跟韓國樂隊CNBLUE主音鄭容和為主演的電影《決戰食神》在北角接受訪問，電影安排在下月10日上映。在公在私話題離不開食，雖然霆鋒鍾意煮好食好，對食物有要求，但最令他難忘的仍然是片場飯盒，甚有《喜劇之王》中尹天仇的感覺。
■片中霆鋒跟鄭容和都是煮食高手。
■霆鋒和陳奕迅（左）拍節目時曾經掃街。資料圖片
■霆鋒跟鄭容和（右）合演新片《決戰食神》，訪問話題亦離不開飲食。
喺片場長大
霆鋒說：「做咁多美食，最好食係乜嘢？我真係會答喺片場我哋收到嗰盒霉髧墮飯盒。無論係魚香茄子、滑蛋牛飯或者蒸肉餅飯，個發泡膠盒邊仲要熱到溶溶地咁樣，係最有家嘅味道，可能我哋都喺片場長大。」旁邊的鄭容和透過繙譯表示認同，令他非常回味。原來霆鋒對貼地的食物情有獨鍾，喜歡去大牌檔和掃街，蛋撻就喜歡吃酥皮：「覺得最好食都係嗰間啦，擺花街。」想不到他跟末代港督彭定康品味相同，他補充：「呢個又係真係睇邊間㗎咋，大部份嘅酥皮已經開始好油。」
難搵靚鴛鴦
經常光顧茶餐廳的霆鋒，鴛鴦、西多士都是指定必吃，他慨嘆好港式的鴛鴦已經越來越難找，西多士一定要有花生醬：「個餡起碼要有花生醬，咁佢要夠厚，要真係沾蛋漿再去炸，最好係多士側邊嗰啲絲係脆皮，同埋油唔可以太老，唔係嗰塊包會變黑。」至於港人至愛的燒味飯，霆鋒認為精髓在於薑茸，如果整得好已足夠撈一碗飯吃，連燒肉、义燒都不用。他亦認同最好吃的腸粉是深水埗鴨寮街那一檔，反而最難找是一粒完美的咖喱魚蛋。採訪：何永寧、阿仙攝影：林德雄
來源:
http://hk.apple.nextmedia.com/entertainment/art/20170128/19911168
《春嬌救志明》登《蘋果》fb Live阿樂寸霆鋒整雞蛋仔 千嬅爆曾戀人渣
1 :
GS(14)@2017-04-13 00:23:58■（左起）導演彭浩翔昨率楊千嬅和余文樂現身《蘋果》fb live，出席「春嬌救志明」答問大會。攝影：陳俊強
現年43歲的楊千嬅憑電影《春嬌與志明》首奪金像影后，四年後千嬅「余春嬌」和余文樂「張志明」三度合作，拍攝彭浩翔執導《春嬌救志明》，昨日三人亮相《蘋果》facebook live接受網民挑機，千嬅坦言現實中遇過人渣，樂仔就笑言想去屯門巴倫紐謝票食雞蛋仔，網民問整唔整雞蛋仔？他暗寸：「我唔係謝霆鋒喎。」採訪：鍾國仁、何永寧
楊千嬅22年前參加新秀歌唱大賽入行，成為天后的她轉戰影壇，2013年憑《春嬌與志明》榮膺香港電影金像獎影后，本月27日，電影的第三部曲將上畫，昨日導演彭浩翔率男女主角到尖沙嘴，現身《蘋果》fb live「春嬌救志明」答問大會，網友的提問少少鹹多多趣，三人妙語連珠笑破肚皮。楊：楊千嬅余：余文樂彭：彭浩翔記：記者彭：張志明幾時先肯戒煙？余：戒咗好耐啦，第二集已經戒咗！彭：成世人流流長總會愛上幾個人渣，你哋有冇試過？楊、余：梗係有試過啦，點會冇啫。彭（抵死地）：樂仔有冇做過人渣？呢樣問佢唔知，要問其他人。余：最難忘春嬌志明邊句金句？彭：我噚日教張孝全講嗰句，粉紅色乳頭，可遇不可求。楊：佢明唔明呀？
■一講雞蛋仔，就即想起霆鋒，樂仔也不例外。資料圖片
■《春嬌》系列被指參照彭浩翔與老婆拍成。資料圖片
樂仔被問JJ
楊：點解余文樂……（掩臉大笑）彭（接着代網民問）：條JJ咁長？係咪牛仔褲牌子嚟呢？JJ？楊（大笑）：唔知喎，點解會咁嘅？彭：同埋佢點解會知呢，最重要佢係一個男士，阿John。余（一臉尷尬）：係喎，唔好嚇我喎！彭：平時都叫你匿喺更衣室換衫啦！余：都話跌咗番梘唔好執啦！彭：哈哈，點解知道佢「丁丁」長，我真係唔知喎，都係你講咋。阿樂即落閘：不如唔好睇呢啲（網友提問），你揀啲嘢傾。楊：問你食老本食到幾時？彭：吓，我哋集集有變化喎。余：如果呢個老本食到一世我都願。彭：最重要有人埋單。記：拍唔拍第四集？余：把聲咁似我睇劉鑾雄訪問，唔通劉鑾雄嚟咗。（三人大笑）彭：去唔去屯門謝票？余：巴倫紐我都想去，前面有雞蛋仔食。楊：有人問你整唔整雞蛋仔？余（暗寸）：我唔係謝霆鋒。
■千嬅表示跟樂仔及拍攝班底都很熟，拍床上戲一點都不尷尬。
■提問中有人話千嬅在片中穿制服幾靚。互聯網圖片
床上MMA
記：第三集有床上戲，狀況係點？楊：好激烈囉，MMA咁囉。記：有幾暴露？楊：佢冇嘢露，成件衫由頭着住。余：最尾大爆發㗎，你玩制服又唔認，手銬嚇死人。記：角色愛情觀同你本身相同？余：一定唔同，《春嬌》拍彭浩翔同佢太太，真嘅余春嬌好似喺戲入面照顧弱智兒童。彭：千嬅拍床戲尷唔尷尬？楊：唔尷尬，識嘛，全部都咁熟，屋企人嚟嘛。余：冇理由同屋企人做床上戲，好怪！場地提供：洲際酒店
■《春嬌》今集新加入秦沛角色，加強家庭描寫。
■《春嬌救志明》用了Raidas的《傳說》，片中Isabel和Brenda跟着歌曲狂跳。資料圖片
Isabel（左）和Brenda
來源:
http://hk.apple.nextmedia.com/entertainment/art/20170412/19987384
沈月倒模邱淑貞冇得輸霆鋒同囝囝又型又愛車
1 :
GS(14)@2017-04-13 00:24:00袁詠儀(靚靚)同張智霖嘅囝囝魔童，話咁快都已經10歲大喇！魔童盡得爸爸媽媽優良基因，年紀少少已經係靚仔一名；唔單止夠靚仔呀，眼大大十足靚靚喺《金枝玉葉》入面反串時個樣o添呀！其實圈中都有好多餅印星二代㗎，去相！邱淑貞沈月第一個要數嘅，就緊係近期曝光甚多嘅邱淑貞囡囡沈月啦！o依家15歲嘅沈月婷婷玉立，又識得打扮。而且佢盡得媽咪邱淑貞嘅真傳，樣子甜美，身材又好，絕對係唔少宅男嘅女神。譚詠麟譚曉風譚校長囝囝譚曉風，眨吓眼就已經大個仔，其實早年已經報道過佢成績優異係十優狀元，而且入讀英國牛津大學，真係不得了！除咗成績好，曉風相貌仲好似校長後生時o添！羅敏莊陳禛4歲大嘅陳禛表情多多，眼仔碌碌，而且經常面帶笑容，實在討人喜歡！除咗夠可愛，陳禛同媽咪羅敏莊成個餅印咁，真係唔怕會走失！謝霆鋒謝振軒謝振南霆鋒係靚仔又夠型就眾所周知，其實佢囝囝謝振軒（Lucas）、謝振南（Quintus）都盡得佢真傳，不單止十足餅印都係靚仔，而且興趣都一樣鍾意玩車！所以話，有啲嘢係打風都打唔甩嘅！
來源:
http://hk.apple.nextmedia.com/entertainment/art/20170412/19988271
爆料者稱錯了直播食屎霆鋒反擊被指分手「期待佢食畀我哋睇」
1 :
GS(14)@2017-04-28 02:10:58■宋祖德指王菲去年底在上海開演唱會撈金失敗，與謝霆鋒越來越僵。資料圖片
現年47歲的王菲和36歲的謝霆鋒經過離合，14年世紀復合，歌迷及雙方家人都支持，今年初有網友影到兩人在機場熱吻，不過前日號稱內地「宋大嘴」的宋祖德，卻在微博貼文驚爆鋒菲戀分手，宋祖德更誇口如流料要直播吃狗屎。宋祖德前日在微博爆鋒菲「分訊」，聲稱王菲去年演唱會撈金失敗後，兩人關係越來越僵，他說：「據圈內人士透露，兩人最近已簽分手協議，有商業上的合作就同時出現。兩人走到一起的真正目的，就是為了撈金，老百姓喜歡看八卦，年近50歲的王菲只能靠男男女女這點破事維持關注度。而浪子謝霆鋒，揮金如土，王菲能為他帶來錢。」宋祖德為證堅料說：「我敢發誓，如果我爆料錯了，我會直播吃400克狗屎。」
■謝霆鋒昨午在fb貼出背影並留言，反駁與王菲「分訊」。互聯網圖片
■爆料者宋祖德（右）曾因言論被劉曉慶及徐大雯提告。資料圖片
四哥豪語撐仔
霆鋒友人前日不屑宋祖德爆料，在facebook貼出截圖後留言：「常有這些垃圾傳聞，真的好需要平衡。」霆鋒即回應：「期待佢食畀我哋睇。」火藥味甚濃。霆鋒昨午在fb貼出背影，頭上有幾片雲，他留言：「廚房round3，俾人搞到我頭暈（雲公仔）。」霆鋒老竇謝賢（四哥）昨日聽到宋祖德「食狗屎」論，即哈哈大笑，表示不知誰是宋祖德，四哥豪語撐仔，衝口而出：「我食雙倍㖭呀！」問四哥可覺有人此舉沒口德？他教誨：「博你寫佢，唔好益佢，唔好睬佢。」
寬姐斥污染狗
王菲經理人陳家瑛昨以短訊回覆：「想睇吓人食狗屎直播……」王菲好友、台灣製作人邱瓈寬昨也在fb貼出一張狗仔掃屎相後留言：「王菲愛跟誰合愛跟誰分是又關誰事？幹嘛要污染狗屎？誰要看喜歡用屁眼講話狗看了都掉眼淚，不如狗的人吃狗屎？王菲的感情又關你狗XX事？」陳家瑛和邱瓈寬齊撐鋒菲。採訪：陳杰、皓騫
■在2月時，王菲和霆鋒在香港機場被網民拍到疑似咀嘴。資料圖片
■四哥（左）豪語撐兒子霆鋒，笑稱食雙倍回應「食狗屎」論。資料圖片
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170426/20001337
Next Page