📖 ZKIZ Archives


馮仁昭四圍超:杏兒英國派英鎊大出血

1 : GS(14)@2016-02-09 12:33:28

胡杏兒同老公李乘德(Philip)仲享受緊新婚假期,新年當然係去老公最多親戚住嘅英國啦!杏兒噚日喺微博貼兩人同十幾個小朋友嘅合照,留言話:「祝大家猴年快樂,今年開始不能再拿紅包要發了,因為在倫敦所以還要發英鎊,大出血呀。」仲有佢兩人拎住大叠利是開心合照㖭!撰文:馮仁昭





來源: http://hk.apple.nextmedia.com/entertainment/art/20160209/19484476
PermaLink: https://articles.zkiz.com/?id=295661

馮仁昭四圍超:鍾嘉欣婚紗杏兒出品

1 : GS(14)@2016-03-05 01:12:11

鍾嘉欣上年底秘密嫁咗畀脊醫老公Jeremy,日前已經喺溫哥華補擺喜酒。雖然結婚消息事前好保密,但而家唔使再收埋,所以又有一套pre-wedding着婚紗相出爐,嘉欣着住性感露肩款式婚紗,手拎花球,遮住個肚又遮住個胸,似乎有啲刻意。而呢條白紗裙,正是出自好姐妹胡杏兒有份嘅婚紗公司。撰文:馮仁昭





來源: http://hk.apple.nextmedia.com/entertainment/art/20160303/19513619
PermaLink: https://articles.zkiz.com/?id=296721

蜜月即興影水着杏兒:想練多啲肌肉

1 : GS(14)@2016-03-30 14:42:10

■杏兒在蜜月期間,在未有專人化妝和整頭的情況下,即興影了一輯性感泳衣照,效果不俗。


胡杏兒去年12月底榮升人妻,與李乘德(Philip)結婚後,隨即展開兩個多月的悠長蜜月之旅,他們先後到了日本、大溪地、新西蘭、美國、英國、希臘、馬爾代夫等十多個地方旅遊。



■新婚的杏兒和Philip不時在網上晒恩愛相,認真幸福!互聯網圖片

■杏兒向來甚少影泳衣相,想不到今次蜜月之旅竟然有這收穫。



在最後一站馬爾代夫,杏兒拍了一輯性感泳衣照,今次杏兒大玩即興,她先穿上一套黑色兩件頭泳衣在沙灘拍照,其後又穿上白色長恤和披上橙色薄紗大晒身材,身形fit到漏。不過今次操刀的並不是老公Philip,杏兒笑說:「成件事係好即興,呢輯相係喺我哋度蜜月嘅最後一個站影。喺我哋住嗰間酒店入面,有一間舖頭係專幫人影相留念嘅,佢哋啲職員知道我哋嚟咗,於是咪建議影番輯相,雖然影嗰時冇化妝整頭,只係好簡單咁戴副超就影,嗰度啲景同陽光都好靚,所以點樣影都好有感覺。」原來杏兒過往私下未試過影泳衣相,只是前年與閨密遊船河時被拍下泳衣照,她坦言對效果感滿意,但亦笑說:「身形永遠都可以再好啲,而家興健康型,自己都想多啲肌肉,都好努力去練。」



■穿上長恤的杏兒,雖然只露香肩或晒長腿,仍流露性感的感覺。





今為樂視造勢

另一方面,距離亞洲電視熄機的日子只餘下兩天,這除了代表亞視將會成為歷史外,亦意味着電視行業將會有新轉變,電視大戰亦一觸即發,不過大戰陣地就由免費電視移師到互聯網,從內地攻港的LeEco樂視,今日亦會舉行記者會,公佈最新內容及頻道,杏兒亦獲邀擔任嘉賓。撰文:唐琛悠





來源: http://hk.apple.nextmedia.com/entertainment/art/20160330/19549301
PermaLink: https://articles.zkiz.com/?id=298758

杏兒撐楊怡離無綫

1 : GS(14)@2016-03-31 14:49:00

■胡杏兒昨出席樂視發佈會,以貼身中空裙晒身材。


胡杏兒昨日於九龍灣出席樂視發佈會,穿上綠色貼身中空長裙是否要做索爆人妻?杏兒笑說:「要㗎!就算生咗BB之後都要努力靚。」提到好姊妹楊怡跟羅仲謙結婚,她說:「戥佢開心,幾好呀!我嗰group好幾個未結,希望快啲去飲,做姊妹。」下一個會否到胡定欣結婚?她說:「好難講,個個都叫糊,都睇好,都有chance。」會否怕楊怡爬頭生B?杏兒笑說:「唔驚,開心事,請飲一定要請我,等佢張帖。」她更拍拍肚皮謂會努力。談到楊怡即將離開無綫,杏兒說:「呢個係循環,十幾年,離開唔係終結,轉吓環境,生活上嘅轉變,一定會發生,而且TVB好多新花旦,係好事,大家有不同發展。」採訪:羅慧敏攝影:沈健程





來源: http://hk.apple.nextmedia.com/entertainment/art/20160331/19550921
PermaLink: https://articles.zkiz.com/?id=298882

杏兒忙搵銀冇造人

1 : GS(14)@2016-04-18 12:12:20

胡杏兒昨日在西貢為代言的阿膠拍平面廣告,她指酬勞是開心價,穿上運動bra top示人的她,前晚忍口不吃飯以保最佳狀態。杏兒坦言年紀大越來越怕冷,要進補令血液循環,記者笑謂攬住老公便不怕冷,杏兒說:「咁佢唔係24小時喺我身邊嘛。」問她是否為生B調理身體?杏兒謂做藝人要調理身子,又笑指未有時間造人:「真係冇乜時間,順其自然啦,我哋兩個都忙,放完兩個月假,要努力工作。」至於老公可有補身?杏兒忍不住大笑說:「佢唔需要㗎,佢OK呀。」但她自爆最近忙於拍電影、廣告,被老公投訴沒時間陪伴:「我都要盡量平衡番,都有試過煮飯同意粉,不過煮飯要好多時候,又要買餸又要煮。」採訪:盧妹攝影:陳慧安





來源: http://hk.apple.nextmedia.com/entertainment/art/20160418/19575304
PermaLink: https://articles.zkiz.com/?id=299475

【add】紅人主場:胡杏兒 一次生三個

1 : GS(14)@2016-05-08 01:56:26

Proenza Schouler露肩上衣、長褲Swarovski Epilogue髮飾Ease耳環Eden戒指


娛圈生B喜事浪接浪,最新有陳茵媺及陳豪三年抱三,成功追女,接着還有湯唯、李心潔等。去年底結婚的36歲胡杏兒都想趕上這股生B潮,正積極調理身體,期待組織圓滿大家庭:「一次生晒佢,我唔介意三胞胎。」兩夫妻才完成兩個半月的環球蜜月之旅,杏兒這位客家新抱,要兼顧拍片、婚紗店生意及兩家長輩,大呼「女人唔易做」,幸得老公照顧有加,連出埠工作都愛相隨,看來愛得纏綿的他們距離造人目標不遠。統籌:林妙萍造型、撰文:林嘉慈攝影:周樂恒攝錄:郭賢興化妝:Miko Wong of Cyrus Lee Team髮型:Lorraine Lam of hair culture胡杏兒與才俊李乘德(Philip)由相識至結婚,於一年內極速完成,傳宗接代都要快,「我哋都唔想話等好耐,但會順其自然。」現階段,她一邊享受工作,一邊調理身體。問想生多少個B?她爽快地說:「最圓滿係一次生晒佢,我唔介意三胞胎,哈哈,但唔知呀,唔係咁容易啦!」組織五口之家,目標明確。



Dries Van Noten連身裙Christian Louboutin高踭鞋SwarovskiAttract耳環Edify綴珠頸鏈Alpha頸鏈Creativity手鐲

Marni背心、短裙SwarovskiEast多行頸鏈Distinct手鐲Ethic金、銀色手鐲

Lanvin恤衫、短裙Swarovski Edify耳環、頸鏈Curly玫瑰金色戒指Vittore戒指Every金色戒指


■杏兒日前去新加坡開工,有老公陪伴。

養肥老公

兩公婆婚後即展開環球蜜月之旅,遊遍日本北海道、美國紐約、希臘小島Santorini、新西蘭塔拉威拉湖、大溪地波拉波拉島、馬爾代夫等12個地方。在日夜相對兩個半月期間,杏兒覺得老公婚前婚後沒有改變,關愛、甜言蜜語如昔,笑說只有身形走樣:「我覺得我養肥咗佢少少。」至於杏兒自己的分別?她說:「好多人話結咗婚,好似開心咗。」的確,杏兒笑得更甜。心底裏,也有着微妙的變化,「有咗個身份,責任上係大咗,真係以前覺得好free,鍾意去邊就去邊,鍾意做乜就做乜,而家就真係需要諗多一層,諗多一步,企喺對方嘅立場去諗,多咗責任。」離港工作前必定知會老公,「喺香港做嘢,當然唔需要徵詢意見,譬如要離開幾日、幾個禮拜,甚至乎有啲好長時間,當然要講啦,係互相尊重。」杏兒這段關係的幸運,在於互相遷就,老公的工作夠彈性,「如果接電視劇就真係會長啲,佢都好好嘅,話:『如果有需要,我咪嚟探你囉。』」


■杏兒與好姊妹們自組胡說八道會。

女人難做

肩負人妻責任不久的杏兒,要兼顧拍攝戲劇、處於起步階段的婚紗店,復工短短一個多月,已有所慨嘆,「其實真係好忙,現代女性想有自己嘅career,又想有自己嘅家庭,又想有朋友,家庭方面,除咗自己個家庭,仲有爹哋媽咪嘅家庭,老公嘅屋企人,開始慢慢感覺到女人唔易做。」但她欣然接受挑戰,「人生都係咁,冇挑戰又會好悶。」面對夫家的客家大家族,她卻沒有壓力,「盡量做到嘅就做,好多嘢唔係你自己控制,OK嘅,冇乜壓力。」大後日是婚後首個母親節,杏兒早有準備,打算買首飾給媽媽及奶奶,「通常都揀啲戴住嘅,佢哋戴住又開心,見到人會話:『呢個係我新抱送㗎,呢啲係我個女送㗎』,咁咪好啦。」對兩位媽媽盡責,這個女兒及初歸新抱,絕對稱職。



兼任公關

工作成為杏兒的頭號挑戰,尤其是成立未滿一年的婚紗店,「做一啲之前未有機會嘗試嘅嘢,譬如品牌個brand building,點去marketing,點去擴展生意,希望去到唔同嘅地方,呢啲自己一手一腳,都會去搞。」不僅親自示範做生招牌,背後的公關工作,亦是親手負責,運用自己的人脈、網絡,發掘更多機會,「安排去新加坡,帶啲婚紗去影雜誌,都係我自己聯絡。我覺得幾好玩,但係都忙嘅。」演藝工作同步,她望角色不要不斷重複,恨飾演如殺人犯、有精神問題等富挑戰性的角色,亦想與未曾合作的對手及導演合作。最新拍攝的愛情電影《在澳門說我願意》,就夥拍前跳水王子田亮,新鮮感大增,「雖然佢以前係運動員,但都好專業。」


■杏兒愛玩針對手臂的運動。

戒加工食品

生B講求健康,女士太瘦、太肥都影響受孕。110多磅的杏兒屬標準身形,平日抽空跟私人教練學做運動,主要為保持體態穿靚衫,「我幾鍾意玩拂繩,基本上係全身運動,加收手臂,係咁做係咁做,做到擲都擲唔切,但知道辛苦就有result。」飲食均衡,最重要新鮮,「盡量食新鮮整出嚟嘅嘢食、生果等,唔食process出嚟嘅,好似罐頭、醃製食物。」更多精采時尚內容,盡在http://add.appledaily.com





來源: http://hk.apple.nextmedia.com/entertainment/art/20160505/19598040
PermaLink: https://articles.zkiz.com/?id=299890

杏兒驚喜攬錫老公

1 : GS(14)@2016-05-21 18:29:44

■杏兒突然出現攬實老公,令他很意外。互聯網圖片


剛在內地宣傳舞台劇《我和春天有個約會》的胡杏兒,雖然她工作好忙,但她都爭取時間同老公李乘德(Philip)見面,昨日Philip在Instagram上載一片段,原來他這幾日去了台灣放天燈,天燈寫上「祝李杏福」,希望老婆大人健康美麗。夜晚Philip出席一個朋友的婚禮,突然間有一女子從後攬住他兼錫他一啖,最初Philip表現好享受,不過當他知是杏兒後,即尷尬抹面,杏兒更即攬住呵番老公,還餵他「食波餅」,Philip亦攬實老婆!事後Philip留言:「李太提早完成咗佢啲工作之後,飛咗去台北參觀我朋友嘅婚禮,兼送咗一個意外驚喜畀我!」撰文:李森





來源: http://hk.apple.nextmedia.com/entertainment/art/20160520/19619384
PermaLink: https://articles.zkiz.com/?id=300846

【男女之間】胡杏兒甜蜜放閃 十大sweet爆情侶習慣

1 : GS(14)@2016-05-21 19:13:21

胡杏兒自結婚以來就不停放閃,近日即使因工作與老公仔Philip分隔兩地,也特意到台灣給參加當地婚宴的老公仔驚喜,靜雞雞在其身後出現,冧得老公仔一陣陣。曾出版多本心理學書籍的心理學家Mark Goulston指出,sweet爆情侶都有十大習慣,不知你跟另一半又中了多少項呢?


1.同時間上床睡覺拍拖初期當然要一起「覺覺豬」,不過拍久了還是你有你打機,我有我睡覺。專家指要關係親密,同時間上床睡覺很重要,即使有事要做都應與另一半共同入睡,再自己起床做要做的工作。增加肌膚之親自然多了機會「曳曳」。2.建立共同興趣與朋友一樣,共同興趣相當重要,起碼大家會花更多時間做同一件事,增加相處的機會。即使本身沒有共同興趣,sweet爆的情侶就是會一起建立同一嗜好的。不過當然自己也要花時間做自己喜歡的事,擁有適當的私人時間,關係才會健康。3.手拖手肩並肩情侶們剛拍拖大多數會拖手逛街,不過老夫老妻便認為拖手尷尬,一於前後腳或當左右門神,還以為怕狗仔隊偷拍。不過sweet爆的情侶無論拍了多久還是很自然地手拖手或肩並肩同行,看到街上那些手拖手的老公公老婆婆是不是甜到入心呢?4.自動信任與原諒面對不同意的事情或爭論,如果不能解決的話,sweet爆的情侶還是會選擇信任或原諒對方,而不是破口大罵或說出不能收回的說話,就是不會變「14巴港女」吧。5.多看到對方的好處任何人都想被讚而不是被彈,所以在批評另一半的種種不是之前,不妨先看看他的好處,不要雞蛋裏面挑骨頭。多讚他一點感情自然好,兩人的關係自然更正面。6.放工即攬我們的皮膚也有種「記憶」的,就是好的接觸(愛)、壞的接觸(受虐)和沒有接觸(忽視)。情侶們的擁抱當然屬於好的接觸,放工攬一攬更能紓緩工作的壓力,自然愛多你幾錢重。7.每早一句我愛你個個女人都愛聽「我愛你」,其實早上說一句「我愛你」或"have a nice day"也能為對方展開美好的一日,當他上班時遇上大塞車也不會那麼燥底吧。8.睡前一句晚安即使與對方吵了架,睡前一句晚安也不能少。這最起碼告訴了對方,「雖然我還生你的氣但我其實仍然愛你,仍然跟你在一起。」9.每天問候一句當對方工作時send他一個短訊,簡單一句「辛苦嗎?有人欺負你嗎?」已很足夠。遇上對方當日工作真的很失意,這句真的很窩心,那當然不要狂send短訊,人家可在上班的呢。10.自豪成為對方的另一半就算不放閃,也應該為成為對方的另一半而自豪,起碼在街上遇上同事,也不要指另一半是朋友,另一半聽了內心會很痛,說不定真的變回你的朋友呢。記者:羅祖兒





來源: http://hk.apple.nextmedia.com/su ... t/20160521/19620995
PermaLink: https://articles.zkiz.com/?id=301018

胡杏兒婚後愛白裙甜美似新娘

1 : GS(14)@2016-05-22 12:16:14

胡杏兒與老公李乘德(Philip)婚後環遊世界honeymoon,回到香港就開始工作,去完台灣放天燈後,杏兒就回到內地宣傳舞台劇《我和春天有個約會》。人妻杏兒婚後愛上白裙,身穿英牌Needle& Thread的喱士釘珠白裙出席,設計流麗簡潔,感覺高貴優雅,再襯上Forevermark的鑽飾,更覺閃亮動人,就像待嫁新娘般甜美可人。更多時尚新聞,即上:http://add.appledaily.com





來源: http://hk.apple.nextmedia.com/entertainment/art/20160522/19622725
PermaLink: https://articles.zkiz.com/?id=301099

胡杏兒唱錯歌囧樣重現

1 : GS(14)@2016-07-06 07:59:05

胡杏兒、吳雨霏(Kary)、陳瀅與吳千語等昨日於中環出席「Longchamp2016年秋季預覽派對」。最近參加內地真人騷《跨界歌王》的杏兒,唱出《愛如潮水》時一臉囧樣,唱錯歌詞兼表情痛苦,負評如潮。杏兒昨日承認發揮不好,緊張怯場兼揀錯歌:「佢哋揀歌好嚴謹,會揀啲多人識、有難度嘅,未必自己最有把握。」提到囧樣重現,杏兒說:「都唔係第一次,我自己唔知,投入晒好難顧住個樣靚唔靚,會盡力改善。」會否覺得獻醜不如藏拙?她說:「參加完就唔再唱。」是否要封咪?她說:「唔使封咪咁嚴重,我又唔會再出碟。」同場的Kary否認懷孕,她希望生育問題能順其自然發生。採訪:羅慧敏攝影:陳順禎



■吳千語亦悉心打扮出席活動。

■Kary昨日再次否認懐孕傳聞。



來源: http://hk.apple.nextmedia.com/entertainment/art/20160705/19681212
PermaLink: https://articles.zkiz.com/?id=302587

Next Page

ZKIZ Archives @ 2019