演唱會黑洞 Sammi黑咗四份三
1 :
GS(14)@2016-09-07 21:46:15明年1月嚟香港紅館舉行演唱會嘅台灣天王周杰倫，暫時會開六場演唱會，門票昨早開始公開發售，但開售廿分鐘已經賣晒，好多網民就喊晒話買唔到飛。睇番今次周董喺香港開嘅演唱會，只係開三面台，觀眾位就已經少啲，公開發售嘅門票仲要唔夠四分一，一票難求。對比起最近幾個喺紅館開嘅演唱會，好似上月喺紅館開演唱嘅「坤哥」吳業坤，佢嘅座位表堪稱「黑洞」，開售量極少，而且大部份都係背台位，有網民問坤哥：「係咪傳說中嘅開一面台？」無論係最貴嘅$480，定係最平嘅$180，幾乎九成都係背台位。正喺紅館開演唱會嘅郭富城，今次就開足15場。城城一向愛錫歌迷，所以佢公開發售演唱會嘅門票就有三分一至一半，好多歌迷都能夠自己買飛入場支持偶像囉！至於將於下星期喺紅館開騷嘅天后鄭秀文(Sammi)，今次Sammi就開六場演唱會，門票已經售罄，雖然都係一票難求，但Sammi演唱會公開發售嘅門票就有三分一以上。
來源:
http://hk.apple.nextmedia.com/entertainment/art/20160907/19762505
樂基兒羨慕Sammi魅力
1 :
GS(14)@2016-09-13 00:19:20潮爆的鄭秀文（Sammi）應皮鞋品牌Staccato邀請為名模樂基兒配搭造型，還襯新款靚鞋，兩美女碰頭乘機交流扮靚心得。樂基兒大讚Sammi：「佢係我心目中成功女性，喺舞台上有銳不可擋嘅魅力，希望我有佢嘅恒心，對身形有嚴格要求，以健康美態做終身目標。」蜜運中的樂基兒期待聖誕假期會在美國跟家人團聚兼往滑雪。
■Sammi為樂基兒配搭造型。
Sammi正忙於為演唱會作最後衝刺，她賣關子表示到時會有驚喜和突破。問到Sammi最愛哪一對鞋？她說：「係一對陪我開過多次演唱會嘅百搭短靴，一年四季都啱着，即使而家鞋踭被磨蝕，我都唔捨得丟咗佢。」撰文：楊定
來源:
http://hk.apple.nextmedia.com/entertainment/art/20160912/19767830
安仔陪外父外母紅館睇老婆Sammi閃眉紅番打頭陣
1 :
GS(14)@2016-09-17 17:52:52■Sammi的造型展現性感，尤其大晒雙腿。
鄭秀文（Sammi）於紅館舉行共8場演唱會，昨晚揭開序幕，這次開騷門票早已售罄，一票難求。Sammi父母、吳雨霏、羅霖母子、黃又南和車婉婉夫婦等昨晚均有捧場。演唱會於8時50分開始，燈光轉暗，Sammi老公許志安坐到嘉賓席，陪外父外母。
抱恙聲沙
Sammi以紅番頭晒長腿出場，非常吸睛，第二套衫時，她在台上除頭盔及外套，內裏是短裙，身邊有舞蹈員伴舞。Sammi曾表示有點不舒服，抱恙開騷的她喉嚨有些發炎，獻唱時聲音有少少沙啞。向來愛玩新意的Sammi，這次大玩閃石眉，十分有型，跟着唱出《Fabulous》、《螢光粉紅》及《煞科》等歌曲。
■Sammi在舞蹈員伴舞下，華麗登場。
■安仔（左）昨晚傍實外父外母欣賞Sammi演唱會。
第三套衫為水晶長裙，Sammi說：「我都好期待part II演唱會，用咗兩個月刻意操練，有少少肌肉。」Sammi又學港姐般繞場一周，向觀眾晒靚腿，她續說：「早兩日開唔到聲，噚日仲走音，今日突然心中湧現一句福音說話，把聲開咗，醫生又畀咗藥我。」她笑言這晚會勁走音，希望觀眾不要介意，但現場所聽，Sammi只是說話走音。
■劉德華在拜神儀式開始前到達紅館。
華仔到場
昨午Sammi一直留在場館綵排，其間劉德華到過紅館，並逗留約一小時離開。至於天后背後的男人許志安，也親自駕車到場，看到歌迷時笑笑口揮手。到傍晚6時半左右素顏的Sammi戴上眼鏡去到後台拜神，歌迷大叫偶像，心情靚靚的Sammi也打招呼兼鞠躬。有歌迷關心問沙聲的Sammi是否好了一點，她攤大手板示意一般。由於Sammi是虔誠基督徒，當工作人員拜神上香和化寶時，她都站在一旁唸唸有詞，估計是在祈禱。可是現場大煙，Sammi咳了幾聲，參與切燒豬後，即返回後台準備。而成龍、張學友、蔡卓妍、鍾欣潼、郭富城和謝霆鋒等昨晚都有送花籃到賀。採訪：王連連攝影：陳俊強
來源:
http://hk.apple.nextmedia.com/entertainment/art/20160917/19772901
熬過失聲災難Sammi：不哭了！
1 :
GS(14)@2016-09-18 10:51:47【前晚爆喊】■Sammi的紅館個唱前晚開鑼，她抱恙演出以致表現失準，更三度痛哭。Saint Laurent蝴蝶上衣、迷你裙
鄭秀文（Sammi）事前瘋狂操練準備共八場在紅館舉行的「鄭秀文Touch Mi2世界巡迴演唱會2016」，可是開騷前被病魔入侵，即使聲音受損，前晚首場仍傾力演出，面對舞台上失準表現，Sammi形容是一場「災難」，還求退票，歌迷心痛偶像用笑聲送上正能量，Sammi昨日凌晨平復心情，在fb留言並承諾：「不哭了。」昨晚如常開騷。
天后鄭秀文昨晚繼續在紅館舉行第二場個唱，Sammi昨晚8時40分開騷，老公許志安、李嘉欣夫婦、梁漢文夫婦和徐濠縈等捧場，許晉亨更拿着枴杖到場。Sammi出場時雖仍沙聲和走音，她呼籲：「畀啲聲嚟聽吓！」歌迷反應熱烈，當Sammi唱到高音時再應付不來，笑着做耍冧手勢後說：「多謝你哋！」
【素顏床照】■Sammi昨日凌晨在fb留言，承諾不哭，並會盡全力做好餘下七場個唱。
■Sammi全晚落力又唱又跳，令全場歌迷high爆。
■安仔昨晚繼續到紅館撐老婆。
叫歌迷戴口罩
Sammi唱完《煞科》後飲水，然後喘着氣笑言把聲乾過粒柴，她聲沙走音說：「唔記得提你哋戴口罩，我呢啲菌係會傳染㗎。唔使我多講，你哋有睇報紙，都知噚晚觀眾幾難受，成晚聽住我走音，雖然把聲好難呢兩日好番，仲要晚晚用聲，我諗得好正面，啲飛都賣晒，你哋都落晒叠。雖然我把聲甩甩漏漏，但我仲有力，我仲有華衣美服同美腿，有最好嘅觀眾，我唱唔到，你會幫我唱嘅。」Sammi唱《男仕今天你很好》表現不差，全場拍手支持。台灣失明創作歌手蕭煌奇跟Sammi合唱《沒那麼簡單》時，唱到中段高音位，Sammi唱不到，由蕭煌奇獨唱。
【昨晚勁跳】■Sammi昨晚出場時雖仍沙聲，她呼籲：「畀啲聲嚟聽吓！」
【胸部遊走】■前晚赤膊的男舞蹈員胸襲Sammi，意識大膽。
【透視倒掛】■穿魚網裝的Sammi倒掛在男舞蹈員身上，她的下體對正男方臉部。
Sammi前晚雖抱恙開騷，但絕不欺場，還自嘲：「啲人成日問我part1同part2有乜分別，part2會全晚走音。」其實Sammi最初只是說話時才走音，唱到《薩拉熱窩的羅密歐與茱麗葉》高音位時力不從心，其後都多番失準，令Sammi忍不住落淚。中段當Sammi唱出《最後一次》時，高音位又失準，歌迷見狀送鼓勵，Sammi非常內疚說：「辛苦晒你哋，成晚聽我呢個走音歌后唱歌。」觀眾用笑聲力撐，Sammi說：「已經走音啦，你哋仲喺度笑我，我好痛苦㗎喇。我仲有七場，可唔可以畀番錢你哋？我把聲咁樣，我好痛苦，可唔可以退錢？」Sammi唱《終身美麗》時不小心跣一跣，差點跌倒。到尾聲，Sammi幾乎唱不到《不要驚動愛情》，她苦惱喊起來：「我好對唔住，多謝你哋。」即使力不從心，但Sammi仍用心唱下去，堅持繼續安歌，觀眾陪Sammi和唱《默契》，她唱完向四面台鞠躬：「對唔住你哋！」首場於11時23分完騷。
【激光展翅】■Sammi的白色巨型大鳥翼，由著名頭飾設計師Rinaldy A. Yunardi製作。
【十字架台】■十字架舞台升高，Sammi沒綁安全帶，只是手扶欄杆獻唱。
洗澡平復心情
Sammi前晚經歷了一役舞台災難，昨日凌晨入睡前不忘在fb留言：「洗了澡，躺在床上，細細回想昨晚的演出。想說，感激你們，多得有你們，多謝你們。但更重要的是：對不起。心中清晰知道，自己一定會盡全力完成餘下七場。不哭了！我需要的是在這股崎嶇中奮力前進。」採訪：王連連、黃曉妍攝影：陳俊強、陳慧安
【鄭秀文演唱會曲目】
1 Fabulous2.螢光粉紅3.煞科4.親密關係5.迷糊情慾對象6.發熱發亮7.男仕今天你很好8.如何掉眼淚9.哭泣遊戲10.沒那麼簡單（與蕭煌奇合唱）11.你是我的眼12.愛是…13.罪與罰14.薩拉熱窩的羅密歐與茱麗葉15.上帝早已預備16.朝聖17.最後一次18.回來我身邊/如果我們不再見19.終身美麗20.我們的主題曲（與劉德華合唱）21. Medley：犀利、獨家試唱、星秀傳說、信者得愛22.火熱動感La La La23.荒漠甘泉24.熱愛島25. Medley：愛的輓歌、你愛我愛不起、上一次流淚、心血來潮26.捨不得你27.不要驚動愛情28.默契
來源:
http://hk.apple.nextmedia.com/entertainment/art/20160918/19773782
Sammi歌衫爛拉鏈
1 :
GS(14)@2016-09-23 08:10:09鄭秀文（Sammi）前晚請黎明（Leon）及林日曦做演唱會嘉賓，刻意穿新裙配襯Leon，未料Leon出場前，她發現背脊拉鏈爆開，即時大叫救命：「我條裙拉鏈爆咗呀，救命呀，好驚呀，我咁瘦點解會爆？」
■（右起）Sammi、Leon及林日曦在台上自拍。
Leon在台上自爆前日胃部不適，Sammi即搞笑問他面青青是否屙爛屎？未料Leon認真回答：「實與虛嘅邊緣，但冇事嘅！」即時全場爆笑。Sammi又指她與Leon的演唱會頭場都發生意外，一個失篷、一個失聲，但處理危機方法也算不錯。首次踏紅館的林日曦，爆Leon叫自己最緊要自然，但由那天開始已自然不了。撰文：小米
來源:
http://hk.apple.nextmedia.com/entertainment/art/20160923/19778701
Sammi嘲鎮宇濕過條底褲
1 :
GS(14)@2016-09-27 07:14:43■吳鎮宇為Sammi練唱《歲月如歌》，獲讚非常認真。
鄭秀文（Sammi）前晚繼續在紅館開騷，請來台灣歌手蕭煌奇和吳鎮宇擔任嘉賓，Sammi大爆鎮宇瘀事：「唔好睇佢而家扮晒老定，其實隻手濕過條啱啱洗濕嘅底褲。」首度開金口唱歌的鎮宇獻唱《歲月如歌》，Sammi繼續玩踢爆：「佢一聽到我請佢做嘉賓，好快答應，仲馬上練歌，請老師練咗6堂。我仲要爆多個秘密，佢本來想整埋Sam哥蛋撻頭同着飛機師制服，佢真係好認真。」其間有歌迷大叫「Sammi你好索」，她自信地說：「我44但似34，邊有人44歲好似我咁弗？」她又透露綵排時有驚喜：「有位男dancer向女dancer求婚，真係好感動，我明明好靚，但喊到隻眼腫晒。」撰文：陳以晴
來源:
http://hk.apple.nextmedia.com/entertainment/art/20160926/19781581
Next Page