📖 ZKIZ Archives

馮仁昭四圍超：薛凱琪最憎男友攞手袋

1 : GS(14)@2015-04-17 08:24:41

薛凱琪（Fiona左）同林欣彤（右）噚日喺尖沙嘴出席手袋活動，林欣彤以露出3吋事業線性感打扮突襲成功。Fiona同記者講討厭男友代勞拎手袋：「如果太重，𢭃一𢭃都可以，之前有男友話幫我拎，我即刻同佢講嗰手袋係襯我唔係襯佢，搞到人哋以為我有公主病。」林欣彤被笑禾稈冚珍珠，她表示：「多謝大會睇得起我，健康性感都OK，自己接受到露背，透視就要打底。」撰文：馮仁昭





來源: http://hk.apple.nextmedia.com/entertainment/art/20150416/19113874
PermaLink: https://articles.zkiz.com/?id=289648

馮仁昭四圍超：曉明Baby晒恩愛造勢

1 : GS(14)@2015-04-17 09:06:20

因為電影《何以笙簫默》，黃曉明同女友Angelababy頻頻以情侶檔宣傳，日前佢哋現身重慶大學造勢，繼續喺台上晒恩愛，曉明仲好搞笑咁扮鬼臉，兼且扯住女友嘅衫角撒嬌，唔少fans趁機催婚，但曉明仲未出聲，Baby已經話：「我還沒答應呢，你甚麼時候說的。」講過話票房有十億就娶Baby嘅曉明話：「其實不管票房是多少，哪怕不及格，我都娶定Baby。」撰文：馮仁昭





來源: http://hk.apple.nextmedia.com/entertainment/art/20150417/19114946
PermaLink: https://articles.zkiz.com/?id=289663

馮仁昭四圍超：林依晨生B慢慢嚟

1 : GS(14)@2015-04-17 09:06:53

林依晨同惠英紅前日喺北京出席電影《神秘家族》宣傳，《神》片係林依晨婚後首部作品，被追問到有冇準備生BB，佢話：「生孩子還不急。」佢又自爆戲份交代她常發噩夢，經常要奔跑，最長一場戲更跑了整個下午。而一直患有哮喘嘅惠英紅抵京時，卻遇上沙塵暴引致氣管敏感，不停咳嗽，所以佢喺北京嗰段時間，都盡量足不出戶。撰文：馮仁昭





來源: http://hk.apple.nextmedia.com/entertainment/art/20150417/19114948
PermaLink: https://articles.zkiz.com/?id=289664

馮仁昭四圍超：李珊珊為小孩爆粗

1 : GS(14)@2015-04-24 08:19:51

李珊珊








《五個小孩的校長》有一幕講幼稚園學童都要入補習班。唔知係咪借橋，噚日網上瘋傳一張「讓孩子成為interview之皇」嘅海報，金句係「你不愛競爭？但競爭會找上你」。


互聯網圖片


對住呢張海報，港姐出身嘅李珊珊睇唔過眼爆粗鬧：「好X反感。18個月還是嬰兒，已和競爭扯上？只有被廁蓋夾過腦袋的人才受落這一套，那更希望被廁蓋夾過的人不多……」撰文：馮仁昭





來源: http://hk.apple.nextmedia.com/entertainment/art/20150423/19121917
PermaLink: https://articles.zkiz.com/?id=289872

馮仁昭四圍超：蘇有朋7億票房裸跑

1 : GS(14)@2015-04-28 22:51:47

「五阿哥」蘇有朋導演處男作《左耳》，喺內地上映兩日已經有過億人民幣票房，蘇有朋話如果過7億票房就裸跑。而前日嘅北京觀影禮，仲請嚟當年合作嘅林心如、古巨基、李明啟同秦嵐等三代《還珠格格》演員撐場，老友林心如話自己全部青春都係同蘇有朋一齊度過，唔知佢哋會唔會兌現45歲仲單身就結婚嘅承諾呢？撰文：馮仁昭





來源: http://hk.apple.nextmedia.com/entertainment/art/20150428/19127697
PermaLink: https://articles.zkiz.com/?id=290010

馮仁昭四圍超：Kay工作排到出年

1 : GS(14)@2015-04-30 09:06:45

有報道話謝安琪（Kay）見老公張繼聰越撈越掂，決定今年7月同經理人夏森美約滿後，停工同老公努力造人，夏森美噚日喺電話否認：「唔係7月約滿，仲有一段時間，當然有信心續約，嚟緊會幫Kay啟動10周年計劃，包括世界巡唱、廣告、新碟、電影，工作排到明年年中，唔知點解有呢啲吹水講法。」Kay知道後都反問：「乜嚟㗎？」撰文：馮仁昭





來源: http://hk.apple.nextmedia.com/entertainment/art/20150430/19130074
PermaLink: https://articles.zkiz.com/?id=290077

馮仁昭四圍超：阿佘抱家蔚細仔冧晒

1 : GS(14)@2015-05-04 13:55:30

啱啱生咗第二個囝囝JT嘅周家蔚，原來已經出咗院返屋企坐月，唔少好友都有去佢屋企探BB，JT嘅契媽佘詩曼噚日喺微博貼咗幾張JT嘅新相，其中一張阿佘仲好冧咁用下巴貼住JT個頭，佢仲話：「JT唔鍾意包到實，解除束縛後，就乖乖畀契媽抱啦！Congratulations。」睇落JT個樣同哥哥洪大仁一樣都係得盡爹哋洪天明嘅遺傳。撰文：馮仁昭





來源: http://hk.apple.nextmedia.com/entertainment/art/20150504/19134572
PermaLink: https://articles.zkiz.com/?id=290104

馮仁昭四圍超：趙薇下月星光大道留手印

1 : GS(14)@2015-05-04 13:56:15

要喺荷李活星光大道留下印記唔容易，最近黃曉明、趙薇同華裔導演林詣彬就被揀中，喺下個月3號現身洛杉磯TCL中國大劇院，留低佢哋嘅手印，佢哋更係繼吳宇森、成龍同馮小剛後，獲得呢個榮耀嘅華人電影人。三人都好感恩，趙薇仲話：「我是一個非常幸運的電影人，雖然所有已經取得的成績都會過去，但它們同樣會留下印迹，非常感謝影迷的厚愛和支持。」撰文：馮仁昭





來源: http://hk.apple.nextmedia.com/entertainment/art/20150504/19134576
PermaLink: https://articles.zkiz.com/?id=290105

馮仁昭四圍超：千嬅演《五個小孩》獲獎

1 : GS(14)@2015-05-06 23:16:33

楊千嬅主演嘅電影《五個小孩的校長》，票房已經超過4,500萬，成績理想，噚日千嬅就再收到好消息，就係佢獲得香港薩蘭托國際電影節頒發「Salento Cinema Actor Award」，真係可喜可賀。千嬅大後日就會由意大利駐港總領事Antonello De Riu手上攞到呢個獎項，以表揚佢係藝術成就同對電影業界嘅貢獻。過去劉德華同葉德嫻都曾攞同一個獎。撰文：馮仁昭





來源: http://hk.apple.nextmedia.com/entertainment/art/20150506/19136881
PermaLink: https://articles.zkiz.com/?id=290199

馮仁昭四圍超：Dino發力追仔「太太有咗5個月」

1 : GS(14)@2015-05-14 08:33:53

今年娛樂圈喜事重重，馮仁昭收到風孖仔組合Soler成員Dino，繼兩歲半混血囝囝Damiano之後，成功再追仔，今年9月將榮升第二任老竇，噚日Dino接受電話訪問興奮宣佈：「太太有咗5個月，呢胎都係囝囝，生埋呢個夠啦，唔追啦。」
Dino原本一個夠晒數，但就被雷頌德（Mark）改變咗主意，佢話：「舊年幫港台做主持，訪問阿Mark傾起我得一個囝囝，佢話最好生兩個，如果大咗父母唔喺度，有兩個會好啲，我同太太傾完趁仲追到就生多個，囝囝都好開心就嚟做哥哥。」


■Damiano精靈可愛，俾內地節目睇中邀請父子檔演出。

考慮拍《爸爸3》

Dino嘅囝囝Damiano精靈可愛，之前行貓步搶盡老竇風頭，據知內地節目《爸爸去哪兒》第三季想邀請Dino父子檔上陣，Dino承認：「節目一直對我哋有興趣，自己都有避忌，因為佢仲好細，不過都會考慮吓，因為分分鐘可以幫助佢學習新嘢，應該都會做。」問囝囝係咪要學普通話？Dino話：「節目唔一定要國語，如果要求我哋講國語好奇怪，應該會用番英文。」撰文：馮仁昭





來源: http://hk.apple.nextmedia.com/entertainment/art/20150514/19146407
PermaLink: https://articles.zkiz.com/?id=290305
Next Page
ZKIZ Archives @ 2019