ZKIZ Archives


【錢買唔到】開專頁講港式優雅 中佬愛冰室:飲奶茶有接吻感覺

1 : GS(14)@2017-10-09 03:15:12

Martin自稱是個想做50後的中佬,最愛蒲冰室嘆港式奶茶。



在人來人往的亞皆老街鑽進廣東道,好不容易找到間冰室歇歇,拾級而上,靠牆的卡位被霸佔了,是一個官仔骨骨的中佬。他看着書,徐徐把奶茶杯放到嘴邊,輕輕呷一口,動作優雅得像嘗杯中物。不只是優雅,是「港式」優雅,由這個中佬馮景行(Martin)發掘出來,「港式優雅,我覺得係混雜嘅優雅,混搭咗唔同嘅事物,有西式,有中式,我根本唔在意,而係港式嘅嘢,自發嘅,因為我係一個香港人。」


對他來說,港式奶茶與厚身瓷杯是最佳配搭,缺一不可。

70年代出生的Martin自認是中佬,更是一個有顆50後的心的中佬,幾個月前在facebook開了個專頁「港式優雅HK Class」講大小事物,小至忌廉溝鮮奶,大至古蹟建築,但凡優雅他便寫,優雅不只美,而是經歷歲月的沖刷仍不褪色,甚至留有韻味。無可否認,本土文化的確受不同國家文化影響,他形容:「香港人都幾識攝位,我哋可以係啲大家無發現到嘅空隙裏面享受生活。」有中國傳統元素,有英國殖民色彩,也有其他國家的文化衝撃,才形成今時今日的香港文化。一切無關「懷舊」和「戀殖」事,他覺得「優雅」是一件好理性的事情,不是單純因為事物夠舊或者夠英就能上榜,他崇尚一件美麗事物蘊含的意義,他以身處的冰室為例,「當年老闆要慳錢,去啲瓷磚舖、建材舖揀啲賣剩嘅玻璃紙皮石,揀咗五六種,茶餐廳柱身用一種,牆身用一種,出到嚟個collage似裝置藝術,雖然佢唔係藝術家,但佢用自己美學嘅觸覺,創造一個茶餐廳空間,好體現到港式建築特色,未必有最高手嘅工匠,我哋往往可以喺攝位嘅空間營造到有特色嘅地方。」



他十分欣賞這間冰室的老闆,以自己的美學眼光,用不算名貴的紙皮石拼湊出一個優雅的空間。

他再呷一口奶茶,對手上的厚身瓷杯讚嘆不已,雖不及英國下午茶的骨瓷茶具或中國茶杯薄身,去上海街廿多元買到套,手工也不高超,但惟有用這隻厚身瓷杯,他才貼身感受到那份熟悉的港式優雅,「呢啲茶杯要搵滾水碌過,可以令奶茶溫度保持到,厚度又對嘴形,同人嘅嘴唇比較貼近,我自己飲落去就有種接吻嘅感覺。佢杯口大,嘴掂到奶茶嘅面積大啲,觸感強烈好多,仲有港式奶茶掛杯睇,係一種視覺感受。」十元八塊的消費,也可以是一種港式優雅,與價錢無關,他說:「你可以去一間頂級餐廳或者酒店,但周圍嘈喧巴閉,就算個環境幾古典,幾五星級,你完全唔會覺得你享受緊嘅時光有幾優雅。」



近廿年港式優雅褪色了,是香港人躁了,甚麼都講速度講成本,不再重視手工。身為建築師,Martin對身邊的建築難免特別敏感,「以前就算只係鋪磚,工人相對畀心機好多,五六十年代欄杆係用上海批盪去做,其實係樣平嘅物料,但因為要用人手打磨,相對多啲工序,需要時間,未必好貴,但工人肯去做。依家大家都追求快,唔係追求個質量,就咁用啲貴嘅物料,一塊黐上去。」「在乎的你,歡迎加入獨家的《港式優雅》同學會。」是專頁的簡介,話就話同學會,現時只有Martin一人,所以他的心願是吸引更多來自不同界別的同路人,與他一起發掘港式優雅的生活方式。優雅是一種態度,不是一個show,「你去一間三星級米芝蓮,可能你部手機覺得好優雅,啲相影出嚟好優雅,但你個人唔優雅。」香港人,還是放下屠刀,呀唔係,放低手機好好感受只屬香港的優雅吧。記者:鄧天蔚攝影:張志孟2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20171002/20169968
PermaLink: https://articles.zkiz.com/?id=342099

Next Page

ZKIZ Archives @ 2019