阿旦下令巨胸翠如晒胸器
1 :
GS(14)@2016-09-24 23:30:53參加ViuTV實況選美《美選D.n.A》的焦點佳麗、現年18歲的「巨胸翠如」鄧月平（Larine）擁有35F導彈胸，搶先在大銀幕發射，下月將參演由鄭丹瑞（阿旦）執導兼演出的電影《小男人周記3吾家有囡33D》，飾演阿旦的囡囡，阿旦同時在戲中交上D奶女友周秀娜。阿旦昨與Larine在鰂魚涌為新片試造型，阿旦嚴父上身教女，Larine即頭耷耷。
慘被降Cup
阿旦表示佔戲重的Larine會出動「胸」器撒手鐧，他說：「我對佢身材喺鏡頭前有要求，當然要佢拎出嚟。」但戲名卻把其上圍數字降cup，阿旦說：「等觀眾發掘驚喜啦，33D都好開心。」並透露Larine會與扮Tomboy的談善言有瞹眛關係，身邊又出現演富二代的蔡瀚億（BabyJohn）。阿旦自爆寫劇本時，一想到與娜姐爆父女戀便興奮：「早前拍電影《分手100次》，我見到娜姐同鄭伊健有出浴戲，我唔抵得佢哋咁開心，我今次拍都要加番場。」可擔心屆時有生理反應？他淡定說：「我都幾十歲人啦，驚呢啲唔做得導演。」面對「來勢胸胸」的Larine和娜姐，阿旦可會怕在片場噴血？他坦言：「諗到都噴血，我度劇本時諗到都開心。」
■阿旦嚴父上身，看到Larine擺港女舉V手勢即場訓示。
■Larine自知經驗淺，希望新戲中獲旦爸爸多加指導。
■阿旦和鄭裕玲在《小男人週記II錯在新宿》中演夫婦，Larine在《小男人3》演他們的女兒。劇照
暗示單親
Larine和阿旦甚有父女相，阿旦大爆試鏡時沒想過選對方，全憑她自白爭到演出機會。Larine說：「我覺得自己同戲中角色相似，填補咗現實有啲填補唔到嘅嘢。」暗示自己單親家庭長大缺乏父愛，阿旦即說：「我對佢另眼相看，18歲有人生經歷，啱我呢個角色。」雖然未正式開工，阿旦已當Larine囡囡般看待，看到她影相時高舉V手勢，即時喝止，顯示老竇威嚴：「再係咁換人。」採訪：陳杰攝影：陳慧安
來源:
http://hk.apple.nextmedia.com/entertainment/art/20160924/19780113
巨胸翠如被揭哩啡唔剃毛
1 :
GS(14)@2016-09-25 10:28:17■「巨胸翠如」鄧月平彈跳着出場，畫面熱血沸騰。互聯網圖片
日前《美選D.n.A.》在facebook上載的另一宣傳片，片中見現年18歲、35F「巨胸翠如」鄧月平（Larine）穿運動bra top彈跳出場，「胸」湧做運動，主持方力申、火火和郭偉亮看到譁然。火火抵死叫Larine揸咪不要遮着胸前事業線，她鬼馬指着三男說：「你曳曳喇！」Larine甚至蹲下拉筋，防走光胸墊又移位，小方即衝口而出說：「我條筋有啲緊呀！」
■Larine表演打拳時，不慎令防走光胸墊移位。
另外，Larine遭工作人員爆料指她「哩啡」，把淺色衣服着到變色，又沒剃腋毛，出埠外景時行李篋亂糟糟，甚至把需要冷藏的果汁也放入篋內，Larine昨透過短訊回覆說：「其實個篋我前一晚已經執，拍攝keep住有分類邊啲嘢擺邊格。我好少着衫去拍攝場地，通常都係外套入面着bra就出門，腋下做咗激光，點會出毛？」採訪：楊定
來源:
http://hk.apple.nextmedia.com/entertainment/art/20160925/19780900
佳麗寸「有容乃大」揭《美選》黑幕巨胸翠如內定冠軍 火火食35F豆腐
1 :
GS(14)@2016-09-27 08:02:16■18號「巨胸翠如」Larine突被爆是《美選D.n.A》內定冠軍。
選美真的有黑幕？ViuTV真人騷《美選D.n.A》前晚首播，18號「巨胸翠如」鄧月平（Larine）憑35F箒喱胸搶風頭。據聞一班美選女不滿ViuTV偏袒Larine，傳她是內定總冠軍；前晚眾人在中環看首播時，Larine被其他佳麗質問傳聞，12號李靜蓮（Alina）更說：「我信嘅，呢個世界本來就唔係一定公平！」Larine亦因不覺被火火食豆腐而被寸「有容乃大」！
早前89年港姐季軍梁佩瑚大爆選美黑幕，逼到當年冠軍陳法蓉要與姊妹聯手還擊：「吃不到的葡萄是酸的。」想不到28年後，ViuTV首個舉辦的《美選D.n.A》亦盛傳早已內定鄧月平是總冠軍。有指眾佳麗認為ViuTV偏心Larine，參選期間仍可以與周秀娜合作拍電影做女主角，令其他佳麗羨慕又妒忌。早前有幾位佳麗更向ViuTV投訴Larine在節目中着運動top打泰拳時露出pad墊，擺明想博出位！
■上圍35F的Larine前晚在節目拉筋甚有睇頭。
【18號鄧月平 飛身踢】才藝表演：着bra top打泰拳，起飛腳、側手翻，35F巨咪卻十級震撼。小方評語：睇完自己條筋都有啲緊。
自稱：心已死
一班佳麗與三位主持兼評審方力申、郭偉亮（Eric）及火火等前晚在中環一間酒樓齊齊睇首播，氣氛熱熾！Larine與6號趙詠瑤、7號崔菲嫣、13號梁婉微和14號呂善婷一齊受訪，提起有傳Larine是內定冠軍，其他佳麗陰陰嘴笑，反問Larine：「你自己點睇？」令Larine一臉尷尬說：「其實我係目前最低分，我喺死亡邊緣好多次，我心已死。」趙詠瑤和崔菲嫣似有弦外之音說：「會反敗為勝嘅，黑馬可以變白嘅。」反而Larine看好Alina，對於火火在節目中叫她將咪放歪，擺明要偷看她的事業線，問可覺得被人「食豆腐」？Larine說：「嗰一下唔覺，聽番啲人講就話好似係。」她笑言不會嬲：「方丈份人好大方。」崔菲嫣繼續寸爆：「所以佢心胸廣闊，有容乃大。」
■（左起）13號梁婉微、6號趙詠瑤、14號呂善婷和7號崔菲嫣，質問Larine是否內定冠軍。
■（左起）評審Eric、火火及小方自認評語尖酸刻薄。
■Alina直入12強，不過她直言相信Larine是內定冠軍。
Alina：唔公平
Alina坦言相信有內定這回事：「我信嘅，呢個世界本來就唔係一定公平，但我會繼續玩，做好自己。」11號羅伊婷和15號馬倩宜被其他佳麗看好，羅伊婷說：「咁我都信有（內定），但唔係話呢個比賽，我參加呢個比賽都唔係為冠軍，只係想喺ViuTV繼續發展，咁我同佢賣嘅嘢都唔一樣。」馬倩宜笑言當玩遊戲：「我最近聽咗首歌，話贏輸係天知嘅，係天曉得，我覺得佢（鄧月平）非池中物，係一個好好對手，就當一個好好遊戲，狠狠地去玩。」16號石希露（Olga）早前於facebook講粗口鬧爆ViuTV，前晚她臨時甩底，節目中不留情面狂踩石希露演奏大提琴表現差的Eric，直言不會收斂尖酸惡評，他說：「我哋唔係只係激嬲Olga一個，個個都激嬲，我哋啲評語實在太苛刻，啲ladies冇機會畀我哋收斂，佢哋太唔爭氣。」採訪：嵐山攝影：陳俊強
【講賽制】天使與魔鬼之爭
《美選D.n.A》的賽制非常殘酷，成功晉級的佳麗會分成天使組（Angel）及魔鬼組（Devil），早前已分別出發往日本及泰國進行一連串特訓及打造新形象，天使組獲日本攝影師米原康正教路擺甫士，而泰國人妖亦會教魔鬼組女人應有儀態，其間會再淘汰4位佳麗。總決賽將於12月18日以直播形式舉行，屆時8強會競逐Angel、Devil及The Queen成為總冠軍。
來源:
http://hk.apple.nextmedia.com/entertainment/art/20160927/19782621
巨胸翠如每朝食蕉等輸
1 :
GS(14)@2016-10-01 13:19:55ViuTV選美節目《美選D.n.A》參賽者「巨胸翠如」鄧月平、余逸思、張沛樂（沙律）和譚凱倫昨日在尖沙嘴出席服裝店開幕派對，同場還有日本攝影師米原康正。自嘲現時最低分的鄧月平，表示不明為何指她是內定冠軍，直言自覺會大熱倒灶。會否買零食谷肥其他對手？她笑說：「我唔用呢啲招數，我唔係用招，我每朝只係食蕉。」對於日前播出《美選》首集，余逸思應Eric Kwok要求即場撩鼻，她坦言「好正」，想做吳君如接班人？她笑說：「係呀，好想做諧星，我唔介意核突。」問她有沒有底線？她謂：「唔可以全裸。」採訪：黃曉妍攝影：陳順禎
來源:
http://hk.apple.nextmedia.com/entertainment/art/20161001/19787120
修讀藍帶課程 黃翠如三妹 黃麗茵：容祖兒係我食客
1 :
GS(14)@2016-10-05 05:24:222016-09-28 EW
修讀藍帶課程
黃翠如父親黃永華由街市賣魚佬，升呢當上市公司老闆後，家中排行第二的黃翠如，一度被喻為「78億千金」，黃家的五朵金花也廣為人注意。
繼五妹黃曉琪為候任立法會議員朱凱迪拍助選短片後，八十後藝術家的三妹黃麗茵也浮上面，在日前的活動大獻廚藝。於藍帶修讀課程的她，將藝術混入烹飪，連天后容祖兒也是其食客，不過她卻自謙︰「我只係廚房小蝦毛。」
自學廚藝
黃麗茵（Cam）自○六年畢業於中文大學藝術系後，曾於海外多地舉辦個人藝術展。不過藝術創作並非人人都懂，二家姐黃翠如曾表示︰「我細妹係畫家嚟嘅，佢係八十後畫家，佢嘅作品好深㗎。」
擁有一雙巧手的黃麗茵，揸畫筆出色，揸鑊鏟一樣了得，隨着獨自到紐約生活，自己要搞掂三餐，由對廚藝一竅不通到上年考取藍帶國際學院馬德里分校的西班牙烹飪文憑課程。近日她晚上化身廚師，黃翠如也曾聯同大家姐及自小相識的鄰居好友容祖兒到其餐廳撐場，天后也大讚「巧厲害」。她說︰「以前細個阿媽唔畀入廚房，但喺紐約就開始煮嘢食。我唔鍾意法國菜，因為太精緻，反而鍾意西班牙菜，款式有啲似中國菜。我讀藍帶，就可以攞一張通行證入廚房玩。其實我只係廚房小蝦毛，試過煮西班牙菜畀屋企人食，但佢哋反應好似麻麻哋。」
一門五傑
黃氏一家共五姐妹，雖然全是女，不但容貌相似，且全都學有所成。家中排行第二的黃翠如因是無綫花旦，較多人識，而黃麗茵是老三，大家姐黃翠紅是工程師，跟容祖兒和王祖藍是同班同學；四妹黃曉芙是 CNN旅遊編輯，現留在倫敦開了間「Lub Lub London」賣港式雞蛋仔；五妹黃曉琪同是修讀中大藝術系，因早前為朱凱迪拍了短片，睇完的網民均大讚有「仙氣」。
不過五姐妹當中，黃麗茵小時候自覺二家姐最靚女，曾以「童話中漂亮公主」來形容。問及長大了有否新睇法？她說︰「二家姐以前講靚女唔放屁唔疴屎，我細個時真係信唔屙屎㗎。至於大家姐，以前我被阿媽打，佢會為我擋。 家二家姐成日問我要唔要買嘢？佢有discount喎。」
文人老竇
五姐妹相處融洽，無所不談。至於父親黃永華，突然升呢為身家過億的上市公司大老闆，在外間看來是個傳奇人物，但在黃麗茵眼中，父親卻只是個才情橫溢的文化佬，她在紐約短暫生活時，曾收到父親充滿詩意的家書。她說︰「佢喺鄉下讀好多書，啲老師原本攜佢去讀清華大學，但後來嚟咗香港，為生活而賣魚。佢寫中文字好靚，以前同我喺大陸教書嘅公公一齊寫揮春，公公好喜歡我爸爸嘅文采。我爸爸之前有寫詩，記錄喺本簿，但被人偷咗。」
對於家庭一夜變富，她直言︰「我哋係humble family（謙遜家庭），都係咁正常生活，同以前無分別。」她笑言家人突然成為外間焦點，母親最為不習慣，曾被人問及是否「黃翠如媽媽」，竟不知如何反應，最後女兒教她笑着點頭就夠了。
慈善饗宴
剛於上周六（廿四日）首度參加聲音掏腰包及現在音樂聯辦的《Feeding Frenzy音樂饗宴》的她，一小時要煮十道菜，要跟時間競賽，絕不容易，「之前喺藍帶上堂時，啲老師好惡咁猛push我哋，都有啲怕煮唔切，但有信心搞得掂。我都煮過畀朋友食，佢哋覺ok，都有煮過brunch畀二家姐食，佢梗係讚個妹啦。但我唔會教佢烹飪，因為佢喺呢方面冇概念。」
不過是次公開大獻廚藝後，她指因出年有三個個人展覧，要重新分配時間，「我好鍾意擺展覧，雖然內容可能好飄渺，但好多人嚟同你握手，分享佢哋嘅觀後感。」看來要一嘗她的手藝，似乎要盡早訂枱。
撰文、採訪☆娛樂組 攝影☆何國豪場地提供☆A side/B side 設計☆黎志堅
談善言新片戀「巨胸翠如」
1 :
GS(14)@2016-10-17 08:09:31貌似毛舜筠的「少女毛毛」談善言最近在電影《小男人週記3之吾家有喜》中飾演一名女同性戀者，與「巨胸翠如」鄧月平有一場泳池親熱戲，她說：「劇本係要kiss，但最後錫面交代，其實真咀我都唔介意。」談善言為配合角色鏟短頭髮，笑說：「連阿媽同弟弟都以為多咗一個囝囝同阿哥。」她直言經常被人誤會是TB：「讀中學時已有師妹問我係咪鍾意女仔，但當時我有男朋友，可能體內散發住男性特質。」她大方透露現在有一位做模特兒的男朋友，提到蘇麗珊和游學修疑公司壓力致分手，談善言說：「自己冇壓力，人哋嘢唔評論，兩個人先知發生乜事。」採訪：嵐山
來源:
http://hk.apple.nextmedia.com/entertainment/art/20161017/19802887
巨胸翠如奉旨親熱
1 :
GS(14)@2016-10-18 08:15:29鄭丹瑞（阿旦）自導自演的電影《小男人週記3之吾家有喜》，昨日於灣仔一所健身房拍攝，演員包括「巨胸翠如」鄧月平（Larine）、蔡瀚億（BabyJohn）、陳友、陳嘉莉及談善言。身材出眾的Larine飾演阿旦女兒，她說：「我同BabyJohn有親熱戲，都係攬吓，點到即止。」
■阿旦（右）自導自演的新片，請來陳友（中）及蔡瀚億演出。
阿旦指今次碌盡人情牌，當中陳友二話不說答應飾演他的老闆，陳友笑說：「講多句都傷感情，當我契弟得喇。」阿旦透露今次會有不少神秘演員，而他心目中的女神周秀娜更在戲中與他共浴，「上次拍《分手100次》，淨係畀鄭伊健同佢泡泡浴，今次我已經準備咗浴缸。」採訪：張俊銘攝影：仇志德
來源:
http://hk.apple.nextmedia.com/entertainment/art/20161018/19804016
拍咀戲前狂扯煙翠如BB嫌棄口臭洪永城
1 :
GS(14)@2016-11-11 08:10:32黃翠如同洪永城呢對老死近排孖住拍新劇，做對小夫妻。以往兩個做節目已經嘈到拆天玩到癲，拍劇理應更加有默契，但估唔到佢哋拍親熱戲，反而顯得避忌又尷尬。昨日有報道指二人日前拍一場結婚咀戲，拍咀戲前，洪永城唔知係咪有心整蠱翠如BB，竟然狂扯煙兼飲咖啡，搞到個口臭到冤。兩個試位嗰陣，都顯得有啲啲尷尬，對住口臭洪永城，翠如BB仲忍唔住擰歪面迴避，試完位仲9秒9彈開。到正式拍攝時，翠如BB醒目遞上香口膠俾拍檔，啪咗幾粒香口膠之後，洪永城個口即刻清新晒，咀戲順利一take過！
來源:
http://hk.apple.nextmedia.com/entertainment/art/20161111/19829843
Next Page