大S湊仔引發心臟病汪小菲心痛：四個一個不能少
1 :
GS(14)@2017-03-03 00:54:38汪小菲同徐熙媛（大S）結婚5年，育有一對子女，兩公婆成日微博貼相晒幸福，不過前晚汪小菲喺微博發文：「昨(前)夜病床看你，腦海一直重複這首歌，今(昨)天恢復過來，想起兩小崽子，要好好的，咱們四個一個不能少。」事後再補文：「想聽你的聲音...你為孩子付出太多，醒來還想著孩子們...」唔少網民睇到汪小菲留言，都擔心大S病。對此大S妹妹小S昨日中午回覆台灣傳媒：「好多了，心臟不舒服。」大S之後亦報平安：「沒事了，心臟老毛病，休息兩天就好了。」事後大S媽媽向傳媒透露，指大S有心臟二尖瓣脫垂宿疾，呢幾日保母放假，大S一個帶兩個小朋友，加上天氣變化大，日前已經覺得心臟唔舒服，去醫院檢查後已無大礙。大S媽媽表示大S心臟病係後天，醫生話食藥冇辦法根治，只能多注意唔好太粗勞。
來源:
http://hk.apple.nextmedia.com/entertainment/art/20170301/19943561
MC Jin返美國專心湊仔囝囝一聽佢Rap就瞓着
1 :
GS(14)@2017-04-13 22:40:26一句「ABC係我係我」唱得街知巷聞的hip-hop歌手MC Jin（歐陽靖），早年突離開香港回流美國。《蘋果》在紐約找到MC Jin專訪，他坦言一切只為4歲半兒子獲得更好成長環境，「囝囝係我一生中最美好嘅事情」；仍在網上發佈新作的MC Jin笑言，兒子「沒有半點hip-hip遺傳」，每次聽到父親作品竟立即熟睡。駐紐約記者：鄭柏齡在邁阿密出生、父母為香港移民的MC Jin，2002年在黑人電視台（Black Entertainment Television）音樂節目上「Rap贏」黑人而聲名大噪，由美國紅回亞洲，先後在香港及台灣推出中文唱片。其後他轉戰大銀幕，簽約「大台」TVB後慢慢被家庭觀眾認識，更贏得2011年「飛躍進步男藝員」大獎。不過，「囝囝」歐陽健（Chance）2012年在紐約出世後，MC Jin選擇急流勇退，低調地離開香港，回流美國繼續音樂創作。記者在當地找到MC Jin，專訪期間他無時無刻流露出對喜獲麟兒的喜悅，「Chance係我一生中最美好嘅事情，謝謝最美好嘅太太，將囝囝帶到我身邊」。一家三口住在紐約的MC Jin指，兒子出生對他造成巨大、良好的改變，「以前放唔得低嘅嘢，依家無咁執着，目標更清晰」，養家成為其最重要人生目標。他續指，雖然Chance只得4歲半，作為父親要以身作則為他灌輸正確觀念，「一方面唔可以夾硬迫佢，但佢大得好快，到16歲時就會同我講鍾意邊個女仔，或者要考車牌」。因hip-hop成名的MC Jin笑言，兒子沒有遺傳到半點音樂血統，「開車時候，唔想囝囝一直玩iPad，老婆就會同我講『you know what to do』（你知道要怎樣做）」，MC Jin說，他只要在車內播出自己的hip-hop作品，兒子「完全無興趣，10次有11次即刻瞓着」。現時，MC Jin保持在社交平台如facebook、YouTube頻道發佈新作，雖然歌迷數量遠較亞洲當紅時期少，但他欣然接受，「覺得好感恩，仍然有工作之餘，同屋企關係更親密」。他表示，將來是否回到香港或台灣娛樂圈需要「見步行步」，視乎機會而定，現階段正學習國語，又嘗試向棟篤笑（stand-up comedy）方面發展。
來源:
http://hk.apple.nextmedia.com/international/art/20170413/19989286
林宥嘉學做爸爸湊仔
1 :
GS(14)@2017-06-23 01:44:34■林宥嘉笑言走可愛路線，自嘲不帥。
林宥嘉在紅館舉行一連兩場演唱會，前晚尾場他太太丁文琪坐於後排捧場。當林宥嘉獻唱《神秘嘉賓》一曲時，觀眾齊高舉入場時獲大會派發印有他和太太的卡通肖像的囍字手幅，相當合拍，林宥嘉笑說：「你們家裏有人結婚是不是？不過我很感動。」林宥嘉又開心到要跪地謝歌迷。
■林宥嘉（後排左三）一連兩場的香港演唱會前晚圓滿結束。
完騷後，林宥嘉受訪時說：「為了今次演出，舞蹈練了很久，我不是很帥，走可愛路線。」對於有歌迷大叫催他生B，他笑說：「有男生叫我早生貴子，生小朋友是有計劃，但不是今年，可是我也不想太晚，做爸爸要有計劃，我要學習照顧家人。」採訪：黃曉妍攝影：陳慧安
來源:
http://hk.apple.nextmedia.com/entertainment/art/20170619/20060477
屋企裝修 老公四圍飛千嬅湊仔做家務謝晒
1 :
GS(14)@2017-06-23 02:58:32領賢慈善基金昨日假尖沙嘴舉行慈善晚宴，翁嘉穗低胸赴會，楊千嬅就和老公丁子高現身。問到會否頂替劉德華年尾紅館檔期？千嬅說：「應該有好消息，公司安排緊，場數量力而為。」千嬅樣子有點倦，她表示因為屋企局部裝修，老公經常要飛，自己朝早7時要湊小朋友返學，跟住做家務。
■翁嘉穗昨晚打扮性感出席慈善晚宴。
■楊張新悅也有到場湊熱鬧。
電筒照醒以為賊
千嬅指今次主力幫囝囝房裝修，更爆老公夜晚扮鬼，丁子高解釋：「因為囝囝瞓喺老婆隔籬，唔想嘈醒佢，所以用iPhone電筒照醒千嬅，佢可能以為係賊，大嗌。」問到老公地位是否被兒子霸佔了？他扮呷醋說：「係囉，邊個男人瞓喺你側邊。」千嬅聞言即啋。
■陳奕迅和Renée（右）合唱單曲為基金籌款。
■鍾鎮濤拖老婆范姜現身，透露父親節收卡。
Eason搵藉口放假
鍾鎮濤（阿B）拖老婆范姜出席，他透露父親節收卡：「鍾幗送superman油畫，冧到superman塊面都甩色，但唔係好似我。」對於譚詠麟在父親節貼兒子曉風牽手相，阿B笑言：「唔係曉風，係許冠傑，點解以前我同佢開騷，佢唔拉我隻手。」至於基金會青年大使陳奕迅（Eason），就跟國際女高音歌唱家Renée Fleming合唱單曲《I Want》為基金籌款，這首歌很多人曾翻唱，Eason說：「係呀，我都有參考，呢首歌係我揀，覺得幾得意，首歌可以容納唔同語言，未認識呢位女高音前，都諗佢可唔可以唱啲咁鬼馬嘅歌，點知佢都好鍾意。」
Renée以英文表示：「今次好開心好興奮，Eason是很有趣的人，我好喜歡他的聲音，覺得好有力量，聲音質感好好。」問會否盡地主之誼帶Renée周圍去？Eason說：「下次先啦，佢話覺得香港好潮濕，但對把聲好好，知道佢嚟緊喺紐約有音樂劇，可以帶埋阿女去，有藉口放吓假。」採訪：羅慧敏攝影：沈健程
來源:
http://hk.apple.nextmedia.com/entertainment/art/20170622/20063977
陳凱琳羨慕黎諾懿識湊仔
1 :
GS(14)@2017-07-01 10:50:22陳凱琳和黎諾懿昨日在九龍塘出席動畫《反斗車王3》宣傳活動，黎諾懿表示除了兩個月大兒子，家中還有四個姪仔，已變成一個兒童樂園，更令他成為湊仔公，他說：「?家淨係憑囝囝喊聲都分得出肚餓、眼瞓定屙咗臭臭。」陳凱琳大讚他犀利：「聽到佢咁講都好羨慕，但自己唔識湊。」
■黎諾懿認為任何情況下都不能對小朋友使用暴力。
談到網上瘋傳一條虐兒短片，黎諾懿說：「莫講話小朋友，就算對小動物都唔應該用暴力，無論任何情況下都唔應該郁手。我諗個仔第時點曳都唔會曳得過我以前，小朋友都唔識，我會慢慢同佢講，好似我老婆教狗一樣，對我都係咁，不停哦足我兩個鐘。」採訪：曹家誠攝影：仇志德
來源:
http://hk.apple.nextmedia.com/entertainment/art/20170701/20074606
Next Page