苟姑娘炒車凌空打轉蔡思貝東廊危駕拍片
1 :
GS(14)@2016-10-19 05:28:46藝人為咗開工成日都要四圍去，學揸車自己做柴可夫就最方便喇，久而久之仲練到一手好「車技」，咁圈中有邊啲女藝人揸車有「一手」呢？苟芸慧：苟姑娘上年喺珠海參加賽車明星賽，不幸遇到意外，連人帶車反轉再反轉。大膽嘅苟姑娘冇俾意外嚇怕，一個月後喺同一個地方考到國際賽車牌，佢仲因為賽車認識到關係好親密嘅陸氏後人陸漢洋。蔡思貝：蔡思貝揸車資歷最淺，不過關於車嘅新聞就唔少，包括試過喺東區走廊一邊揸車，一邊舉機伸出車窗幫男友麥秋成影相。今年7月，蔡思貝又試過喺金鐘入錯線，再同的士相撞，不過冇影響到佢工作，同晚仍然換上長裙出席活動。佘詩曼：港姐揸車出意外嘅，仲有佘詩曼，00年佢揸住架寶馬喺清水灣失事，四輪朝天剷咗上路邊。一年後佢揸另一架紅色寶馬喺尖沙嘴加連威老道右轉彌敦道，失控撞到交通燈柱。未夠半年，佢再揸新寶馬車，因為閃避流浪狗，再次喺清水灣而撞車。莊思敏：莊思敏今個月喺中環參加過Formula E明星賽，同場仲有錢嘉樂、郭富城同方中信等等賽車明星，結果佢喺個次比賽排第14名，安全完成比賽，算係好叻女喇。不過咁，佢曾經喺社交網上載自拍照話塞車，但喺佢副黑超就連人影都冇乜，衰到應一應。
來源:
http://hk.apple.nextmedia.com/entertainment/art/20161019/19805057
【雨過天青】伍姑娘代夫道歉
1 :
GS(14)@2016-11-08 05:54:10練海棠、伍詠薇
鍾淑慧和吳岱融婚姻曾亮紅燈，幸好破鏡重圓，兩人越來越恩愛，不少娛圈夫妻都曾面對男方出軌，獲另一半原諒，成功挽救婚姻。
練海棠、伍詠薇
【車廂媾女】今年6月練海棠被踢爆在車廂密會34D長髮女，伍詠薇大方以一句「玩完要老婆執手尾」代夫鞠躬道歉。
彭順、李心潔
【偷嗒Liddy】彭順前年被爆背太太李心潔偷嗒僆模李悅彤（Liddy），公然在商場與Liddy拖手、啜嘴及搣胸，甚至孖咇返愛巢，事後彭順獲愛妻原諒，心潔今年7月為他生了一對孖仔。
陳肇麒、劉雅婷
【兩度爆房】南華球星陳肇麒於2012年背女友帶僆模張可義爆房，事後氹回女友Toby，前年成功求婚，但同年再被爆帶女直踩九龍塘，惟Toby心軟再原諒他，今年9月為他誕下兒子。
陳浩民、蔣麗莎
【箍陳嘉桓】陳浩民於2011年跟內地女模蔣麗莎（Lisa）奉子成婚，老婆在港待產期間，爆出他於橫店開工食消夜時向陳嘉桓箍頸吻臉。事後Lisa原諒老公，兩公婆更五年抱四。
來源:
http://hk.apple.nextmedia.com/entertainment/art/20161107/19824876
【馮仁昭四圍超】詹瑞文鹹濕創作 偷食伍姑娘
1 :
GS(14)@2016-11-17 11:30:42詹瑞文、伍詠薇（伍姑娘）、林嘉華同向海嵐主演嘅舞台劇《嬉春酒店2016》，下個月22日開騷，日前詹Sir喺觀塘接受訪問，佢演一個好想「偷食」嘅男人。套劇原作者係法國劇作家George Feydeau，法國人演繹有特色，好鹹濕。詹Sir笑話：「我勸伍姑娘出軌，因為我想偷食佢。」
■早前（左起）林嘉華、向海嵐、詹瑞文、伍詠薇同陳康出席《嬉春酒店》發佈會。
舞台劇冇分級
詹Sir話認識中嘅伍姑娘又儍又癲，角色正需要一個好放、好開心嘅人去演：「唔鹹濕唔做，香港舞台劇冇三級制，但我哋冇露點，呢部係有文化嘅鹹濕，講社會對婚姻『冇辦法啦』、『人哋結婚我咪結婚』，好多婚姻好固化，不得不偷情。」現實中，詹Sir同前妻甄詠蓓離婚，但詹Sir唔認為因為自己離過婚，所以至搵佢做呢個角色，佢話：「我做藝術表演，都係講緊人生喜怒哀樂，如果因為咁而搵我做，冇癮啦！我嘅才華唔係喺離婚度，我嘅才華係喺創作同幽默感。」撰文：馮仁昭
來源:
http://hk.apple.nextmedia.com/entertainment/art/20161117/19835980
王君馨入紙「退黨」處女黨嫁剩香香苟姑娘
1 :
GS(14)@2016-11-23 07:53:20因為王君馨(Grace)喺一次訪問，自爆仲係處女，令佢一夜成名，冇耐呢個處女宣言一出，其他圈中教友包括鍾嘉欣、李亞男、苟芸慧同岑麗香，亦相繼宣示處子身，於是有「處女黨」稱號。不過隨住李亞男、鍾嘉欣先後結婚，岑麗香同Grace拍拖，所以「處女黨」已經幾近名存實亡，0依家得苟芸慧嘅感情未有著落！王君馨(Grace)
Grace係最早出現嘅處女黨成員，雖然Daniel係佢初戀男友，兼且喺又試過俾人影到佢哋去台灣旅行，暗示佢哋已預支蜜月，但當時Grace堅稱大家係分房瞓未破戒，就算分隔兩地，不過Daniel經常來港陪女友，除咗等女友收工食宵夜，仲會去女友屋企洗碗執屋。鍾嘉欣(Linda)同伍允龍拍拖多年嘅嘉欣BB，分手冇耐，舊年年底秘嫁加拿大脊醫Jeremy，今年8月生咗B女Kelly，係「處女黨」最快做咗人媽咪嘅黨員。李亞男(Leanne)同王祖藍喺舊年2月結婚，正式成為祖藍嫂，係最快嫁得出嘅「處女黨」黨員。李亞男嫁雞隨雞長期陪老公北上，拓展大西北事業。舊年祖藍豪擲1.1億購入大埔逸瓏灣特色戶，作為新婚愛巢，李亞男亦正式加入億萬濶太行列。岑麗香(Eliza)性格鬼妹仔嘅香香，舊年10月俾《蘋果》踢爆同圈外男友Joshua拍拖。事後香香大方承認對方係男友，仲話男友有共同信仰，會守教規。苟芸慧(Christine)曾為「宅男女神」嘅苟芸慧，佢係處女黨唯一一個喺感情上冇著落嘅人，近排傳佢撻着好友朱璇男友湯珈鋮，又秘交經濟發展及勞工局前局長葉澍堃細仔葉瀚華、啱啱又同富三代陸漢洋傳緋聞，但苟姑娘通通否認，似乎真命天子仍未出現。
來源:
http://hk.apple.nextmedia.com/entertainment/art/20161123/19842537
伍姑娘任詹Sir胸襲
1 :
GS(14)@2016-11-23 07:53:25詹瑞文、伍詠薇、林嘉華和向海嵐等昨日在新蒲崗為舞台劇《嬉春酒店2016》綵排，眾演員又即場試演，劇中飾演一對偷情男女的詹Sir和伍姑娘，有一幕要挨心口兼摸胸動作，伍姑娘更大叫：「哎呀，我個波扁啦！」相當抵死。兩人受訪時稱今次為這經典劇目加插多項新元素，伍姑娘說：「初初排嘅時候我好緊張，成個人硬晒，好彩經詹Sir講解完即刻放鬆晒。」身旁的詹Sir就笑說：「你之前唔G（知）點呀嘛，而家你G（知）道晒個點係點啦。」公演時詹Sir會否真摸？伍姑娘說：「睇吓觀眾反應點啦，我多數都唔縮㗎啦。」採訪：曹家誠攝影：陳俊強
來源:
http://hk.apple.nextmedia.com/entertainment/art/20161123/19842327
處女黨嫁剩佢一個苟姑娘：幸福唔怕遲
1 :
GS(14)@2016-12-04 17:34:18「香香公主」岑麗香前日喺ig公佈與相戀年多嘅圈外男友強強(Joshua)即將拉埋天窗，數數手指，大台「處女黨」排住隊嫁，李亞男最先搶閘，之後輪到鍾嘉欣，王君馨亦已同男友Daniel排期註冊，o依家只係剩番苟芸慧一個未有聲氣......不過，苟姑娘最近同富三代陸漢洋（前名陸恭和）行得好埋，前日王君馨仲爆嚮口話苟姑娘可能快過自己結婚，剛從外地返港嘅苟姑娘今日接受傳媒訪問都叫大家唔使擔心，佢話﹕「大家不用擔心我，我認為幸福不怕遲，我d姊妺們捧我做『專業嘅新娘團代表』...等我把我的姊妹們都嫁出去了，屬於我嘅幸福就應該到了！」苟姑娘當然亦有恭喜一對新人，佢話﹕「香香強強一早已經將幸福同姊妹們分享，姊妹們都認為佢哋很合適，都很為佢哋兩個開心，祝福佢哋一直sweet到老，我都終於可以鬆口氣守少一個秘密啦！詳細內容等佢地自己去答覆！我尊重同埋100%配合新人！」
來源:
http://hk.apple.nextmedia.com/entertainment/art/20161204/19854717
伍姑娘抱敏之囝囝晒母愛
1 :
GS(14)@2016-12-25 13:18:55■伍姑娘（右）探敏之囝囝，並送玉
「索腿天后」陳敏之日前一索得男，「大姨媽」伍詠薇與老公練海棠前日到醫院探B，伍姑娘貼相facebook分享後留言：「摟着你……盡在不言中。」敏之也轉貼後表示：「多謝家姐、姐夫、哥哥來探小雷球。」伍姑娘進入病房後，立即攬實敏之送祝福，除送小雷球利是，還有小玉
苟姑娘 拍片籲捐骨髓 救血癌女
1 :
GS(14)@2017-02-05 10:48:26苟芸慧和陸漢洋低調拍拖，卻又高調支持對方的一舉一動，陸漢洋最近在fb轉發紅十字會一段緊急呼籲，指一名女子侯欣欣於2013年戰勝淋巴癌，但去年不幸再被確診患上血癌，陸漢洋和幾位朋友發起行動，邀請演藝界人士拍片呼籲捐贈骨髓，包括女友苟姑娘、陳敏之、關心妍及陳小春等。陸漢洋昨日透過短訊回覆本報，表示認識患者侯欣欣，更有感而發發起今次行動：「嗰位係前國泰空姐，佢血癌復發，亦係谷德昭導演朋友嘅朋友，香港不嬲都係好有愛心嘅地方，所以香港紅十字會同香港骨髓庫都做咗好多嘢，希望幫助呢位華人空姐。」陸漢洋認為政府對捐贈骨髓宣傳力度不足：「骨髓移植或者畀人錯覺，係一個比較好恐怖嘅嘢，但其實現今科技，捐骨髓同捐血係差無幾分別。」採訪：嵐山
來源:
http://hk.apple.nextmedia.com/entertainment/art/20170204/19917160
Next Page