十億駙馬貼地生活布志綸帶老婆掃平衫
1 :
GS(14)@2017-01-08 19:02:47【收穫豐富】■布志綸夫婦日前逛街，老婆Sally極速睇中了不少衫褲。DV圖片
【又一城】樂隊Mr.主音布志綸（Alan）前年做「老襯」，將有米女友陳雪瑩（Sally）私有化變成老婆，去年更榮升人父，Sally為他誕下囝囝Adam。不過Alan一直表示好介意被稱為「十億駙馬」，更指自己不追求大富大貴，身上穿的都是百多元的平民價衫褲。
Alan日前以行動證明自己言出必行，並不追求物質生活，本報記者日前大約晚上7時，發現他與Sally撇甩囝囝，現身九龍塘又一城拍拖逛街。二人泊好車後，便直上平價服裝連鎖店H&M血拼。
【主攻底衫】■趁店舖大減價，布志綸細心慢慢揀鞋和打底衫。ＤＶ圖片
【攞位醫肚】■布志綸預早去壽司店攞位，等老婆試衫後即刻有得食。ＤＶ圖片
■布志綸前年和有米女友Sally拉埋天窗。資料圖片
踎地尋寶
臨近農曆新年，不少商戶都進行大減價，H&M亦不例外，由於品牌本身已經走大眾化價錢，減價就平上加平。Alan入店後即刻四出尋寶，他主攻睇鞋和打底衫，其間他贒中一件15元的底衫，更踎地慢慢揀，但最後可能款式或質料不合心水，他沒有購買。相反，購物向來是女士們的強項，Sally入店後不夠15分鐘，已經發現很多心水，她攞到一手衫，當中包括大褸、中褸和恤衫。可能花多眼亂心大心細，Sally好尊重Alan，每一件衫都問Alan的意見，之後二人商量了一會，Sally便走入試身室慢慢試。
嘆平壽司
Alan相當細心，趁老婆試衫期間，立即爭取時間去附近的壽司店千両攞位，好讓老婆買完後就有得食，不會餓親。而Sally亦算快手，大約試了20分鐘便買完，急急腳去會合Alan，兩公婆大嘆平民壽司，認真幸福甜蜜。採訪、攝影：徐錦池
來源:
http://hk.apple.nextmedia.com/entertainment/art/20170108/19889753
王浩信靚仔又識影相幫老婆影靚靚三點式
1 :
GS(14)@2017-01-12 08:03:27一個女仔，身邊有一個識影相嘅男朋友，絕對係一種幸福，因為留住自己最靚一刻，好緊要㗎嘛！如果唔係刻意去認識啲攝影師，真係要幾幸運先可以做到，而以下呢幾位女士，就做到喇！陳自瑤老公王浩信，最近就人氣急升，雖然攞唔到視帝，不過就好多網民都覺得佢應該嘅，都叫做「民間視帝」。王浩信除咗好戲，仲係好老公，一年前佢同老婆去旅行，王浩信就幫老婆影咗輯靚相，已為人母嘅陳自瑤係以三點式上陣㗎！何佩瑜（Jeana）自從同翁子光公開戀情之後，成日都晒恩愛，之前佢哋兩個去咗馬爾代夫，翁子光就化身「私家」攝影師，幫Jeana影咗輯寫真，有水着，又有背心短褲造型，睇到心心眼。林峯堂妹林夏薇，同拍拖兩年嘅45歲才俊莫贊生(Jason)結婚後，早前兩公婆出海玩，莫贊生仲幫林夏薇影咗輯泳裝相，fit嘅程度拍得住未結婚嗰時。喺節目做司儀好叻嘅陸浩明（6號），女朋友就係專業模特兒Ayan，之前《蘋果》影到佢同埋個朋友一齊去街，6號仲攝影大師上身，教埋女朋友擺甫士，識影相又識教，仲係難得。
來源:
http://hk.apple.nextmedia.com/entertainment/art/20170111/19893373
陳曉東尊重老婆封肚
1 :
GS(14)@2017-01-12 08:08:34陳曉東（東東）昨日在葵芳拍頭髮健康產品廣告，產品前代言人是DJ森美。問東東是否取代對方？他說廣告換代言人好正常，又指已有十年沒有在港拍廣告。東東說：「本來?家喺深圳拍劇，但delay到過埋農曆年先拍，農曆年就會去新西蘭做跨年騷，新年就陪小朋友。」東東老婆已為他誕下一對寶貝女，他說太太表示封肚：「大女同細女相隔一年就生，老婆都要唞吓，尊重老婆決定，而且生唔生冇所謂，都怕囝囝會難教啲。」另外，東東指家中近日大裝修，想打造成六星級的家。採訪、攝影：馬建華
來源:
http://hk.apple.nextmedia.com/entertainment/art/20170112/19893664
小齊傷腰返港攬老婆
1 :
GS(14)@2017-01-14 07:54:35任賢齊日前到阿根廷參加越野車大賽發生意外，在爛泥地撞樹整個人飛跌落水潭扭傷腰，他前日負傷返港，老婆Tina親往接機，讀者陳女士透過本報「爆相爆片」分享兩夫婦重逢時刻，她在電話中說：「3點幾喺機場見到任賢齊返嚟，佢見到老婆即刻行埋去，兩人開心到攬埋一嚿，傾咗一陣先行去停車場。」
任賢齊、Tina資料圖片
由於小齊傷勢未癒，行路時要用手支撐腰部，兩夫婦拖手慢行。據知，小齊昨到醫院再檢查，年三十晚他要到外地做騷，醫生指不會影響唱歌，但跳舞不可大動作。採訪：皓騫
來源:
http://hk.apple.nextmedia.com/entertainment/art/20170113/19894845
【《蘋果》專訪】歷喪孫之痛 走投無路領綜援車保羅感謝老婆：陪我走過最慘日子
1 :
GS(14)@2017-01-18 22:21:21■車保羅日前接受本報專訪，經歷失業、喪孫之痛後，現當博愛醫院雜工的他，感激菲籍太太令他重新站起來。
近年屢傳死訊的車保羅，其實打不死。03年沙士爆發，同年車保羅經歷被無綫炒魷、外孫女車禍慘死、失業要攞綜援，要幾黑有幾黑。幸堅強意志令他走過低谷，縱使今日只在博愛醫院當雜工，但他坦言：「有固定收入，?家好滿足。」更感激不離不棄的菲籍太太Inday：「佢陪我走過最慘嘅日子。」
憑六呎三高人一等身材晉身娛樂圈的57歲車保羅（原名吳溟蒼），由當年在電視劇《IQ成熟時》演學生哥到電影《踏血尋梅》老父角色，做過明星又做過保安和地盤雜工，最霉日子要靠攞綜援過活，甚至連母親病逝也要四處籌錢殮葬。十年前，車保羅到博愛醫院董事局做雜工，由月入幾千做到今日五位數，生活未算富裕但知足，日前他接受本報記者專訪時笑說：「如果你唔enjoy，絕對係好辛苦，但如果enjoy，絕對冇問題。」
【瘦虎肥龍】■車保羅（左）與施介強（中）在《審死官》演瘦虎肥龍跟周星馳鬥戲。劇照
【夥拍戇豆】■與路雲艾堅遜拍攝西片《特務戇J之救國大業》演澳門線人。劇照
■菲籍太太Inday對車保羅不離不棄，跟兒子一家三口互相扶持。互聯網圖片
「有羞恥感覺」
03年沙士爆發，同年車保羅被無綫炒魷，他說：「嗰時有班老人家，強積金佢哋（無綫）唔想再同你供，啱啱你個期一完咗，佢哋話：『咁啦，我哋唔係唔想同你續約，我哋用另一個方式同你續，就二千蚊一年啦。』我話不如算數，我行返出去，總之我口煙我罐啤酒仲顧得掂嘅話，不求人啦。」
惜車保羅被無綫炒魷後，找不到工作，生活陷入困境，要靠綜援過活，他說：「攞咗幾個月，有種羞恥嘅感覺，後來朋友知道，叫我唔好再攞跟佢做樓宇維修。為兩餐好多工種我都做過，譬如保安、地盤雜工、跟人尾遞架生、搬石屎，香港地你肯做就得。」屋漏兼逢夜雨，車保羅被無綫炒魷沒多久，他的5歲外孫女李津兒慘被車撞斃，他形容是人生最黑暗日子：「真係好潦倒、好黑，無綫唔要你，出去搵唔到嘢做，突然間又整單意外，百感交集。後期都係靠自己意志同樂天派思想撐番起，唔會自怨自艾，到今時今日我覺得自己好僥倖，我可以做番人。」
■車保羅兒子卓偉（左一）上月與太太Gerlie（左二）在家中擺喜酒。互聯網圖片
■於博愛醫院做雜工的車保羅，搬搬抬抬一樣做得開心。
月底榮升爺爺
令車保羅繼續撐下去的，還有過去二十五年不離不棄的現任菲籍太太Inday。原來55歲Inday曾是車保羅家中女傭，跟首任太太一樣都是奉子成婚，他笑說：「點解我帶女人返去，佢好似有少少呷醋嘅？有一晚風雨交加之夜，就搞掂咗啦，咁我哋就共諧連理，佢陪我走過最慘嘅日子。」車保羅跟前妻所生女兒早年再生下一子一女，至於他與現任太太所生的25歲兒子吳卓偉，不但遺傳父親高頭大馬基因，身高達六呎七，而且跟父親一樣奉子成婚，於月前與菲籍女友Gerlie註冊結婚，車保羅預計本月底榮升爺爺，他笑說：「有其父必有其子吖嘛。」車保羅偶爾會客串電影，但他斷言不會再以演員為終身職業：「我寧願要一份穩定嘅工作，每個禮拜做45小時，逢紅色放假，有乜唔好？我?家好滿足，有固定收入，月入五個位，希望做到退休。」
■正因為這段落魄的日子，令阿Paul感受到人情冷暖，見識到「登天難，求人更難」。
■有時候要穿晚禮服做接待員，也要做解款員監護善款，亦要走遍全香港九龍新界離島送貨。
■結婚超過廿五年，太太一直陪他走過高山低谷的日子，所以夢想就是送老婆一粒鑽石。
■車保羅曾憑住獨特外型，成為無數電影電視中的金牌綠葉。
■03年約滿無綫後，阿Paul又失業，孫女又遇上交通意外，陷入人生低潮。
■阿Paul已在博愛醫院董事局做了十年全職工作。
■雖然有很多不幸經歷，但阿Paul仍然覺得自己很僥倖，因為「可以做返一個人」。
採訪：戴彩煥、余傲芝攝影：陳慧安
來源:
http://hk.apple.nextmedia.com/entertainment/art/20170118/19900083
老婆順產誕小海綿曉明：Baby非常疲憊
1 :
GS(14)@2017-01-18 22:21:22■黃曉明昨午專程到醫院門口，向在場守候的傳媒送上水和老婆餅。
恭喜！恭喜！楊穎（Angelababy）與黃曉明的愛情結晶在昨早出世了，兒子小海綿重6磅4安士。昨早10時許曉明工作室在微博報喜，之後曉明在微博也放了自己與囝囝的大拳頭與囝囝的小小拳頭手合照，完成了兩個男人的第一次對話。而Baby也在微博轉發老公的微博，貼了一朵玫瑰花。好友如趙薇、范冰冰和李冰冰契媽向華強太太陳嵐等都在微博恭喜，而李冰冰已報名要做小海綿契媽。曉明昨午約5時45分在病房走到醫院門口親自為等候的4、50名記者派水和派餅，他開心表示：「非常謝謝大家的關心，你們也不容易來等我那麼久，Baby都非常疲憊，希望大家給我一點時間，給他們休息一下。」
■Baby昨晨誕下兒子，老公曉明全程陪住。資料圖片
■曉明在微博晒出自己的拳頭與兒子的拳頭合照相，有指兒子樣貌似足曉明童年（小圖）。
■曉明昨午準備進入嬰兒房。《全明星探》圖片
向太送BB衫
約傍晚6時曉明契媽向太拿住禮物到醫院，問契孫兒漂亮嗎？她表示：「買咗嬰兒服裝畀契孫，佢好可愛又漂亮，大眼高鼻兜下巴大耳朵，手長腳長成個翻版曉明，Baby順產好勇敢係真正媽媽！寶寶同我同一時辰同一星座，係猴子，呢啲就係緣份。」據悉新手爸爸曉明心情十分緊張，當看到小海綿出世一剎那，心情十分激動。據悉全程陪Baby入產房的曉明，當護士把BB抱到他手上時，即感動得流下男兒淚。曉明和Baby父母也來了香港等待孫兒出生，昨在醫院首次見到孫兒時，心情也是很激盪。Baby日內會返家坐月，曉明在港再多待幾天便要返回橫店繼續拍攝，到農曆新年才可與Baby和小海綿相聚。採訪、攝影：鍾國仁、梁繼光、朱志聰
來源:
http://hk.apple.nextmedia.com/entertainment/art/20170118/19900012
【動畫】面對面都唔得老婆敏感不能與夫共處一室
1 :
GS(14)@2017-01-21 03:36:44美國明尼蘇達州一名人妻，患上肥大細胞活化綜合症（Mast Cell Activation Syndrome，MCAS），免疫系統出了問題，幾乎對任何東西包括丈夫的氣味都會敏感，嚴重者可以致命，令兩夫婦雖然能活在同一屋簷下，但卻不能共處一室。29歲約翰娜（Johanna Watkins）不但不能親吻丈夫沃特金斯（Scott Watkins），甚至不能與他共處一室。因為她患了MCAS後，本來保護她免受外來威脅的細胞，反過來攻擊她的身體。「沃特金斯與我會嘗試一起看電視，我們不能共處一室，因為我對他過敏。他只能在相隔3層樓的房間，我們透過手提電腦看同一個節目，然後透過文字通訊討論劇情。」
MCAS患者的病情嚴重程度及症狀因人而異，但約翰娜幾乎對所有東西過敏，就算有人在一英里外炮製薄餅，都可能令她過敏，甚至出現致命的過敏性休克。因此她只能獨居一間密封了門窗的房間，更要用濾網淨化空氣，除了到醫院外，約翰娜已逾一年未離開過房間。由於約翰娜只能吃15種食物，故身為老師的沃特金斯每天下課後，便要回家為妻子煮飯。約翰娜2013年嫁給沃特金斯，其病況在婚前並未如此嚴重，雖然出現皮疹、腸易激綜合症和偏頭痛等症狀，但仍可擔任老師工作，兩人更經常一起行山，但婚後病情越來越嚴重。沃特金斯說﹕「大約3至4年前，當時仍未確診，如果我太接近妻子，尤其是我的臉貼近約翰娜的臉，她便可能咳嗽。」去年約翰娜更趨嚴重，兩夫婦已不可一起生活。約翰娜說﹕「我們發現沃特金斯進入（房間），我便開始越來越不適，我的日常症狀會加重。有一次他剪髮回到房間，僅僅兩分鐘，我便開始出現過敏，他必須離開。」沃特金斯一周後嘗試再見妻子，結果又出現同樣情況，令兩人明白必須分開生活。約翰娜表示，她以往首先對父母過敏，然後開始擴展至其他人，但連丈夫都不能倖免，才令她最害怕。約翰娜接受了針對MCAS患者治療，但可惜無甚起色，令他們都無法預測何時才能「再在一起」。沃特金斯說這問題不容易解決，「我能照顧她的其中一個方法，就是不見她，我不想危及她的生命，我們互相努力，我們一直等待，是否有其他治療方法。」雖然兩人深愛對方，沃特金斯承認平日相處時，仍會為困境發怒及感到沮喪，但慶幸兩人能好好溝通，能一起探討如何令他們生活過得更好。約翰娜坦言，即使不能共處，但丈夫永遠會在她的生命之中。「我們在婚禮上曾向對方承諾，不理未來如何，我們至死才會分離。我可以告訴你，即使我到90歲時仍然如此，我仍會愛他及忠於這個誓言。」英國廣播公司
來源:
http://hk.apple.nextmedia.com/international/art/20170120/19903433
老婆胞妹外甥都做娛圈曾江全家都係星
1 :
GS(14)@2017-01-21 03:36:49家陣興講星二代，星爸星媽星仔星女，全部都有根可尋，不過，於1960年代加入演藝圈嘅曾江，演藝經歷約半世紀，除咗佢本身係星，佢身邊嘅原來都係星，今次真係星，全部都係星。太太焦姣曾江現任太太焦姣，於1961年考入台灣中影演員訓練班，演藝經歷同曾江差唔多，近年少喺幕前出現，比較近期嘅有台劇《流星花園2》同電影《竊聽風雲2》等。而曾江嘅前兩任妻子，藍娣同鄧拱璧，前者係五六十年代嘅香港電影明星，後者則係專欄作家及著名模特兒，都係名人。女兒曾慕雪香港舞台劇演員曾慕雪，係曾江同第二任太太鄧拱璧所生嘅女兒，佢係香港演藝學院戲劇學院（榮譽）學士，主修表演，佢曾經參演過《羅密歐與朱麗葉》劇目，並於2005年加入PIP劇場，佢數年前接受周刊訪問時，坦言抗拒借父母之名發展，亦絕少提及自己係曾江個女，但佢強調自己同曾江關係良好。胞妹林翠已故港星林翠（原名曾懿貞），係曾江嘅胞妹，林翠於1953年考入由導演黃卓漢領導的自由影業，曾拍攝《四千金》、《游龍戲鳳》同《豆腐西施》等名作。外甥女王馨平林翠之女、即歌手王馨平係曾江嘅外甥女，雖然王馨平近日淡出幕前，但佢同舅父曾江關係良好，仲有一齊食飯見面。外甥陳山河林翠同男星秦劍（原名陳健）之間育有一子陳山河，亦即王馨平同母異父嘅哥哥，同樣係曾江外甥，不過陳山河星途不及母親或妹妹，星途浮沉，喺1997年淡出娛樂圈。其實再數多一層，王馨平個爹哋（即曾江個妹夫）係港台武打明星王羽；而曾慕雪個後父（即鄧拱璧丈夫）係粵劇名伶阮兆輝，個family tree再散開都仲係星……
來源:
http://hk.apple.nextmedia.com/entertainment/art/20170120/19903262
Next Page