【紅白對決】雞肉唔一定係白肉 紅白到底點樣分？
1 :
GS(14)@2016-11-11 08:10:58紅肉，白肉，紅肉，白肉，單憑顏色就分得出？禽鳥類一定是白肉，四腳行走的一定是紅肉？到底如何分辨？
「家營健康營養顧問中心」營養師陳筠霖說，其實一種肉是紅肉還是白肉，取決於它的肌紅蛋白數量。肌紅蛋白，是一種帶氧蛋白，當它處於帶氧狀態時，就會呈紅色。如果肉類中的肌紅蛋白數量較高，那款肉就是紅肉。一般來說就是，牛、豬、鴨、鵝、羊、鴕鳥肉等等。相反，肌紅蛋白數量較少，雞、魚、海鮮等等，就是白肉。不過又不能一概而論，以雞為例，雞胸雞翼都是白肉，但雞髀的肌紅蛋白較高，是紅肉。又例如牛肉，牛仔肉是白肉，因為肌紅蛋白數量不多，但成年牛的肉就是紅肉了。許多人說，白肉比紅肉健康，為甚麼有這樣的講法？雖然紅肉通常含較高飽和脂肪，但同時擁有較高的鐵質和鋅。另外，亦要看部位，例如豬柳是紅肉，但脂肪低膽固醇低。雞翼是白肉，但脂肪高膽固醇高，就不及豬柳健康了。有人問，雞是白肉，雞的內臟呢？其實大部份內臟，都屬於紅肉，而且一般膽固醇較高，鍾意食豬潤麵的朋友，要小心了。記者：李聰
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20161111/19829604
【$8照買】讀者：每日一定睇《蘋果》
1 :
GS(14)@2016-11-16 05:10:13《蘋果日報》加價1蚊，讀者陳先生話$8唔算好貴。
網絡新聞成為大勢趨，《蘋果日報》為咗有更多資源裝備自己，繼續將新聞做好，早前公佈本月14日起調整售價，由港幣$7加至$8，而這$1並無嚇走讀者！
讀者錢先生大讚《蘋果》有愛心，設立慈善基金幫人，所以加價都會繼續支持。
呢位讀者話香港得返一張報紙，就係《蘋果》！
有讀者話$8並唔算貴，將會繼續購買，因為睇《蘋果》已經成為習慣，好似錢先生就話：「我每日一定要睇《蘋果》！」睇咗《蘋果》十幾廿年嘅讀者何先生都笑住咁話：「啱我胃口吖嘛！」
講到內容方面，讀者麥先生話欣賞《蘋果》報道事實，體育、副刊同社評都相當受讀者歡迎。有讀者讚《蘋果》好關心政治，令社會有多種聲音，黎先生話：「唔使成個社會偏埋一邊！」
讀者黎先生話買《蘋果》係唔想社會偏埋一邊。
讀者張先生話會繼續買同支持，希望《蘋果》可以做得越嚟越好。
此外，讀者錢先生欣賞《蘋果》有愛心同人性，例如發生突發意外，有設立「蘋果日報慈善基金」，呼籲讀者捐錢幫助有需要嘅家屬，係好有意義嘅事。記者：鄒倩婷（阿仙）攝影：廖達燊剪接：Roy編審：陳家文
來源:
http://hk.apple.nextmedia.com/entertainment/art/20161114/19832805
【女人揸車】3個只揸棍波的90後女生︰「邊個話女仔揸車一定差？」
1 :
GS(14)@2016-11-29 00:15:41Yan（左）、Raina（中）和寶寶（右）因車而結緣，對駕駛同時亦有一份感情。
女士經常被標籤為駕駛技術差，其實這個只是大眾對女性的無形歧視，不論男女對路面情況不熟悉，同樣都會有問題。事實上，近年多了女性駕駛，而且更鍾情於棍波，對於駕駛的熱愛不會輸給男士。Raina、Yan和寶寶三位90後的後生女，她們鍾情駕駛，亦因此結緣成為好朋友。她們認為社會對女士出了意外後的反應過敏「有很多報道都一旦說是女仔駕駛撞車，就會直角覺得好嚴重，然後直指是女性有問題。但事實上，男士亦會撞車呀！」
她們認為這是一個標籤的問題，可是卻不認為女士在路面駕駛時會容易受到男士的欺負「我們都會有被爬頭、推尾等等的情況，但不認為是刻意的，因為對方也知道你是男或女。」Raina補充說，當她駕駛自己的車，亦即是Honda Civic Type R EK9時，或駕駛着一些俗稱飛仔車的車時，其他車主就無時無刻都會推她的車尾，有挑釁的意味。「可是我試過駕駛家中的7人車，卻沒有人理我的。」路面的不同情況，不同男女也會遇上，只說女士技術差有點不公平。她們認為女士們較少機會駕駛，香港亦非必要駕車的城市，女士們的經驗較少實在正常不過，例如泊車，怎麼會有男女之分「有時在等男司機泊車，等待了五至十分鐘，都不知道他在幹甚麼，讓我有少少衝動想幫他。或許自己都試過P牌，都試過泊不到位比人嫌棄，所以又不會專登催促他們。」Raina說。女士們愛上駕駛的理由，其實與男士也一樣，追求的只是片刻寧靜。從小鍾情駕駛的Yan正是如此「放鬆、輕鬆，有時不開心都會跳上車。聽下歌、散下心，人都放鬆一點，自己沒甚興趣除了車之外。」寶寶卻視為挑戰，而Raina則希望能擴闊社交圈子。說實在的，男士們不也是同樣嗎。記者︰梁立勤攝影︰林柏鈞
寶寶雖然不是駕駛棍波，但同樣愛日本車，Acura RSX你會想到是一位女性駕駛嗎？
Yan同樣鍾情日本車，她坦言小時候已經覺得很有型，除了車，她沒有太多別的興趣。
近年越來越多女士愛駕駛，她們都經常與朋友相約出外車聚。
來源:
http://hk.apple.nextmedia.com/su ... t/20161128/19847689
【旅遊心得】聖誕飛紐約平兩成 識揀一定唔住酒店
1 :
GS(14)@2016-12-09 00:04:16旅遊格價平台Kayak早前公布數據，指在旺季於聖誕期間飛紐約，機票竟然比平日平21%。立即格價，發現即買聖誕機票，直航國泰也不過是$7,733，最諷刺是同一日子坐國泰飛東京，竟然要$7,748。
雖然機票平，但紐約出名酒店貴，根據Hotels.com的Hotel Price Index調查，平均每晚US$275（約HK$1,969），好乸利。記者十一月初到紐約出差，撞正一年一度的馬拉松和總統大選，酒店貴到發神經，要慳錢唯有租屋一途。一輪格價過後，發現雖然airbnb名氣高，但選擇和介面都是Expedia旗下的HomeAway更勝一籌。比較同一日子，Homeaway上的租盤數量比Airbnb至少多一倍，而且搜尋後進行篩選，可以按價值平至貴排序，方便窮L如我一眼標出最平選擇，但airbnb就只能縮窄價錢範圍，但租盤顯示排序沒有規律，不太方便。這是記者首次用HomeAway訂房，流程和airbnb基本上相同，入住過程順利，撞正大選都可以$2,000晚價錢租四人住的一房一廳近400呎單位，鄰近帝國大廈和中央車站，地點幾方便，最估唔到係廚房有齊電飯煲、多士爐等煮食器具，想慳錢簡單煮個快飯都得。唯一不適應的是大樓採用中央暖氣，無得調校溫度和風速，有點翳焗，好彩屋主送上風扇，問題迎刃而解。記者：陶思敏拍攝：潘志恆
廚房乾淨企理，微波爐和雪櫃都準備妥當。
我租住的單位是一房一廳間格，但屋主將廳變埋睡房，可以住四人。
屋內只得一個浴室，但空間光猛，而且最重要夠乾爽。
大廈有電梯，在韓國街旁邊，轉個彎就有地鐵站。
竟然連電飯煲都有，真係估你唔到。
HomeAway有價格低至高排列選項，慳番唔少時間，好緊要。
來源:
http://hk.apple.nextmedia.com/su ... t/20161208/19858294
夾縫樹歷盡劫難 石屎中求存不一定影響大廈結構 專家促保育
1 :
GS(14)@2016-12-18 10:48:52【本報訊】都市中的低頭族，記得上次抬頭望向天空是甚麼時候？可有想過在舊街轉角、唐樓天台，可能藏着不一樣的翠綠風光？香港居住空間狹小，人在夾縫中生活，連樹木亦要在罅隙中掙扎求存。一棵棵長在石牆上、舊樓旁、天台上的「夾縫樹」便成為城市的獨特印記。記者隨「樹博士」詹志勇走訪港九多處，窺探一段段別「樹」一格的生存故事。記者：鍾雅宜
隨「樹博士」港大地理學系講座教授詹志勇遊走城市間的舊唐樓，感覺既陌生又熟悉，平日行經的街道，原來轉角別有洞天。西營盤是「夾縫樹」集中地，從繁忙的東邊街走進爹核里，矮矮的石牆上承托着2棵大榕樹，雖然被唐樓重重圍住，見證大廈翻新又重建，兩棵樹依然屹立不倒。詹志勇指，兩棵樹分別是大葉榕和細葉榕，體形較大的大葉榕估計已有70年歷史，雖然長在唐樓之間的矮牆，長年與垃圾為伴，卻充滿生命力，樹上滿滿的水橫枝就是它爭扎求存的鐵證，「因為唔夠食，所以生水橫枝嚟吸取陽光同水份，算幾茂盛」。另一棵細葉榕則較年輕，估計只有20多歲。從西營盤街市遠望，榕樹就如從石屎群中拔地而起，是一幅獨特風景畫。
建議引根落地減壓
位於第三街盡頭、有「鬼屋」之稱的高街舊精神病院旁亦有另一處綠蔭，這棵生於變壓站上的細葉榕屬古樹名木，亦是區內地標，詹志勇估計它有上百年歷史，是市區罕有的百年細葉榕，誰又會想到，原來它有三重生命，「佢最初係生喺護土牆頂部，係一棵石牆樹，然後生咗落地下變成地上樹，之後啲氣根落在變壓站上，而家就變成一棵天台樹」。詹志勇形容榕樹是樹木中的霸王，全因它有頑強生命力，「當佢唔夠養份，就會生氣根出嚟，如果落咗地，接觸到泥土就會木質化，變成樹幹」。他說這樹樹根蔓延至變壓站頂部，隨時間過去或會增加其壓力，建議將部份氣根引至變壓站旁泥地可分擔壓力。油麻地榕樹頭是著名地標，但若想欣賞特色榕樹，可選擇到廟街舊樓走走。廟街23號一幢看似荒廢的舊樓，竟是兩棵老榕樹的「花盆」，「阿大」大葉榕樹齡估計廿多年，長在大廈天台屋屋頂上，「阿細」細榕樹則十多歲，瑟縮在天台一角，氣根圍繞大廈牆身而生，兩棵在天台各據一方，如像默默廝守的一對。
料雀鳥助播種
詹志勇估計樹木都是全靠雀鳥賜予生命，「雀鳥將帶有榕樹種子嘅糞便散落到石牆或者天台裂縫，要好彩遇到水份、泥土先可能發芽，每棵芽亦要好好彩，有足夠空間又冇畀人斬先可以長成大樹」。大概城市中每一棵老榕樹都藏着一段歷盡劫難的故事，要擁有千萬分之一的緣份才能跟它遇上。天台樹、石牆樹這種具香港特色的城市景觀正悄悄地消失，舊樓越拆越快，加上業主會擔心影響大廈而將樹木移除，詹志勇認為，未必所有天台樹均會影響結構，如修剪得宜亦可與大廈和平共存。
來源:
http://hk.apple.nextmedia.com/news/art/20161218/19869057
太古廣場：邊個話冇free lunch？識食一定咁樣食免費餐
1 :
GS(14)@2016-12-21 23:40:53「若不用付費，用家才是商品（If you are not paying, you are not the consumer, you are the product being sold.）。」在KOL泛濫的年代，這句說話重新發揮它的魔力。不過家姐我志不在講呢啲marketing系高深話題，而是實實在在、飽肚嘅free lunch。最近一到lunch time，pantry又少咗人。Connie早早閃咗去尋找隱世美食、Priscilla搭叮叮返屋企陪個囡食完飯再返工，叫外賣free lunch塞爆pantry嘅情景已不復見。事源係一個幾個月前出現嘅叫外賣App，家姐我有幸收到風，又喺金鐘呢個咁具地利嘅地方返工，個App當時第一炮就係每個月sponsor三餐free lunch，上限二百蚊。二百蚊即係食到幾多嘢？我唔直接答你，我用例子答你。我叫嘅第一餐free lunch其實係free dinner，記得當日做完中期業績已經死死吓，飯都唔想落街食，偏偏又要喺公司等運到。唯一嘅highlight就係有得食免費餐。嗰陣個App仲未有好多餐廳，我揀咗一間越南餐廳，一碗火車頭、一盤刁草薯條配明太子沙律醬、一客蝦春卷，仲有兩罐汽水。落單半個鐘後送到嚟，薯條春卷熱辣辣，火車頭仲分湯上。而我，一蚊都無畀過。
App一開始送free lunch，梗係博你download咗個App先，以後再自己畀錢order；又或者博你打卡或者同朋友開心share，幫佢免費賣廣告。人肉廣告就係，你食咗佢餐free lunch，就變咗商品，好似變咗《千與千尋》入面隻豬咁。之但係既然要做商品，梗係要做賺到盡嗰個。新會員優惠當然用到盡，家姐我就食晒三餐free lunch。到Connie佢哋發現呢個App時，已經無二百蚊免費餐呢支歌仔唱，新會員得嗰五十蚊free quota。唔夠食free lunch，我哋都叫咗幾日免費芒果糯米糍同桂花糕做甜品，法國薄餅crepes都叫咗三、四次。媽媽級Priscilla做得仲盡，唔喺公司食lunch，都要叫支竹蔗矛根送到嚟公司，拎返屋企飲。免費喎，why not？個App現時已經唔算新，以一個App嘅周期嚟講，簡直係去到outdated嘅階段。呢個時候仲可以點幫自己日日賺？就係成為另一個商品──like佢facebook。公司都深明雞髀打人牙骹軟，日日都定時定候畀折頭promotion code，先到先得。計落我哋成個team加埋，已經免費食咗幾千蚊嘢。當然我哋貢獻晒啲私人資料去開account，又得閒喺WhatsApp同朋友讚吓隻App，仲like埋佢facebook。係做咗人肉廣告㗎，但啲免費炸雞同炸雲吞，又真係幾好食。故事係咪真係咁美好？梗係唔係啦，都話現時個個都出去食lunch又或者帶飯。除咗着數越嚟越少，啲伏位都慢慢浮現。有咩咁伏？下次再教精你，我到站落車趕去譚仔啦。【家姐教路】想知道免費優惠，都離不開subscribe email alert同埋like facebook。記得呢啲promotion多數有期限，如果唔想蝕，不妨order啲唔使補錢嘅細額小食，珍珠奶茶都係一個好選擇。最後最後，confirm order之前記得望吓係咪真係用咗promotion減咗價，詳情下次伏位揭密再講。關家姐
https://www.facebook.com/kwangajei/本欄逢周三刊出
來源:
http://hk.apple.nextmedia.com/financeestate/art/20161221/19871670
失蹤4個月終上水許亦妮：唔活躍娛圈一定係被包養？
1 :
GS(14)@2016-12-28 08:12:19圈中人忽然消失，有唔少傳聞，好似被指整容、被包養，呢啲都係傳聞嚟，不過就令28歲許亦妮有啲嬲嬲噃，本來喺網上公開帳戶消失咗四個月，近日又再活躍喺Ig同微博，貼出一啲近照，被網民批評佢「P到塊臉冇咗一忽」、「個眼妝化得好怪」云云。未知係唔係網民言論，觸動許亦妮嘅神經，佢喺微博忽然貼一張啲菜嘅相，先話香港人實在太大壓力，叫大家多食一啲蔬菜，少食肉，人唔會咁燥底，說話也唔會含血噴人，許亦妮就話：「不是不再活躍於娛樂圈，就一定是『被人包了』，『走了去整容』，每個人都有自己想走的路，你們都有媽媽，女兒，妹妹，姐姐，如果你們尊敬和愛的人也這樣被人說，你會怎麼想呢？」許亦妮又向批評佢嘅網民講，叫佢哋將心比己：「你不認識我，我不認識你，素未謀面，何必要以口傷人呢？如果你覺得我長得醜怪，令你感覺討厭，請你不要再看了，沒必要，你也難受，去多看看你們身邊愛惜的人。我只是在地球的另一個空間裏為更好的自己不停學習，不停努力著……」唔知許亦妮口中嘅「另一個空間」係唔係講緊目前佢要專心打理家族生意。
來源:
http://hk.apple.nextmedia.com/entertainment/art/20161228/19879244
【貴一定好？】三千蚊車cam熱賣 實試究竟值唔值？
1 :
GS(14)@2016-12-31 10:18:30iroad V9及Thinkware F770的外形都是長方形，論外形走平實穩陣路線。
今時今日，買車cam已經與買車一樣講究，雖說目的只是拍攝行車狀況，要一個價錢稍微便宜一點的小型鏡頭不就乭以了嗎？但是，每當你前往汽車用品店閒逛一下，不難發現要價二千幾三千多的車cam卻是熱賣中。這類型的車cam，一套有前後鏡頭，高清拍攝，有齊完整的行車紀錄、GPS定位、Wi-Fi接駁專用App，甚至有24小時電壓控制，以保護汽車電池，iroad V9和Thinkware F770這兩個韓國品牌車cam正是高價產品之例，但不若而同是現時香港較為流行的和熱賣的款式，可是這麼貴價的車cam，好處究竟在哪兒？
兩個車cam的規格相近，單憑這方面，難以透過規格來評定好與壞，所以要溝通與關懷，必需要深入測試才可。為了公正和深入，以兩周時間作測驗，除了記者自己，更找來另一位車主Cano作評測，以車主的角度來作批判。兩周後，Cano認為兩者在功能上都同樣優勝，兩部車cam都有手機app，可以連接到兩部車cam，以及做到Live View功能和獲取影片立即觀看，這是很方便的。它們的其他功能很相近，例如都有24小時電壓控制、前車距離警示、切線警示等等。而Cano覺得這些功能很貼心，而Thinkware F770更有廣東話發音，和有快相機位置提示，可以更進一步提示車主。可是缺點同樣來自廣東話語音「它會重覆三次告訴我要定期格式化SD card，每次開車都重覆提醒我，可能好重要所以要說三次。這樣是有點煩人。」對於車cam的要求，Cano坦言不高，「我來說畫質要求不是太高，最重要是前車能夠看得清楚，路面狀況、車牌，這些對我來說就夠了。」既然如此，為何不選平價的車cam？「我亦都試過一些後車cam，質素參差畫面很容易模糊，別說紀錄，就算泊車都未必看得清楚地下的線，一分錢一分貨都是對的。」因此，iroad V9較為合他心意「iroad V9的樣子比Thinkware靚仔，它的價錢較便宜一點。」至於我自己，對於兩個車cam的最深刻印象是夜攝能力，沒曝光及曝格的情況出現，在晚上看得清楚車牌，路牌及整個畫面都好清晰。Thinkware F770的Super night vision確實有料到，iroad V9的質素也不俗。畫面越清晰，一旦發生意外都有一個保障自己的紀錄，減少無謂的爭拗。可是，有點不滿的是兩部cam同樣採用3M貼紙，並不是用吸盤，一旦貼上了就不能轉位置，個人認為不夠user friendly。此外，Thinkware F770的喇叭有點煩人，若然可以透過app提醒車主，例如限速、快相機等等，會更方便。貴價車cam的畫質佳和功能多，是一般用來招客的手段，不過這些車cam最為重要的，其實是穩定和耐用。我都曾經嘗試不少車cam，為它們作評測，但是有很多車cam在功能上都不太穩定，甚至乎會影響拍攝，變相得物無所用。貴價的車cam，長時間使用，它的價值就能夠印證。
iroad V9
Spec.感光元件︰2,400萬像素前和後鏡頭採用索尼Exmor解像度︰1,920x1,08030fps（前及後鏡）鏡頭角度︰142度寬視角售價︰$2,680（16GB記憶卡）/$3100（64GB記憶卡）查詢︰Radarway HK（九龍觀塘觀塘道398號嘉域大廈）
Thinkware
Spec.感光元件︰2,190萬像素前和後鏡頭採用索尼Exmor解像度︰1,920x1,08030fps（前及後鏡）鏡頭角度︰140度寬視角售價︰$3,330查詢︰Carber Solution（元朗宏業西街33號元朗貿易中心11樓1110室）記者︰梁立勤攝影︰黃子偉、陳建邦
iroad V9的Wi-Fi是以USB的Wi-Fi手指方式拆除的，目的是當WiFi壞了，換一個就可。
24小時錄影是常見功能，但長時間開壠，對車內電池亦構成負擔，iroad V9 app可以設計電壓控制，以便用過量。
iroad V9亦有不同警示，例如路線偏移、撞擊偵測等等。
Thinkware F770亦有警示功能，更可以選擇你的車種，房車、SUV和貨車。
Live View流暢快速，畫面亦很清晰，沒有爆格情況。
來源:
http://hk.apple.nextmedia.com/su ... t/20161231/19881992
【動畫●每日健康】飯後即刷牙好傷牙 識刷一定飯前刷
1 :
GS(14)@2017-01-22 02:18:07想KEEP住棚靚牙，牙絕對不可以亂刷。
要KEEP住棚靚牙，不少人都會牙膏牙刷跟身，方便飯後立即刷牙，但這樣做原來很傷牙，特別是進食酸性食物後。
牙科醫生劉錦波指：「進食西柚、橙及檸檬之類的酸性食物後，酸性進入口腔，會令牙齒表面的琺瑯質有礦物流失，礦物流失後令琺瑯質軟化，若立即刷牙就會將琺瑯質磨走。」若長期這樣做，琺瑯質會明顯被磨蝕，而且流失了不會再生，最後令牙齒越來越黃、變薄、變細、表面凹陷易崩牙，甚至導致牙齒敏感，所以最好等30分鐘才刷牙。這段時間可讓口腔分泌足夠口水，令酸鹼度調整至平衡後，琺瑯質才可重新礦化，之後再刷牙就可避免牙齒出現敏感情況。若「唔刷唔安樂」，真的等不及的話，劉醫生指理論上可以先食香口膠，幫助增加口水分泌，讓酸鹼度盡快回復才刷牙。不過想防止蛀牙，保持口腔清潔，一定要將細菌膜清除，但留意其實飯前刷牙才是正確。劉醫生解釋：「所有蛀牙都來自細菌膜與食物產生作用，細菌排出的酸會侵蝕琺瑯質導致蛀牙，若果你進食時口腔內沒有細菌膜，基本上你不會蛀牙。」所以，飯後刷牙對於防止蛀牙只帶來有限度幫助，要刷就應該食飯前刷。記者：鍾溥敏攝影：徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
牙齒表面遇到酸性，會令琺瑯質的礦物流失而開始軟化，若立即刷牙就會將琺瑯質磨走。
飯後立即刷牙其實好傷牙，琺瑯質長期被磨蝕，就會令牙齒越來越黃、薄及細，導致牙齒敏感。
刷牙最好在食飯前刷，先清除細菌膜可減少與食物產生作用而導致蛀牙。
牙科醫生劉錦波
想輕輕鬆鬆健康?，記住留意健康蘋台
http://health.appledaily.com.hk/
來源:
http://hk.apple.nextmedia.com/su ... t/20170121/19903881
返工一定要化妝着高踭鞋？英國會：性別歧視犯法
1 :
GS(14)@2017-01-26 18:22:09不少職場女性上班必須穿高跟鞋及化妝，這是合理要求嗎？英國國會報告說不！英國國會一份報告周三出爐，認為公司要求女性員工上班必須穿高跟鞋及化妝等應屬違法，要求修例加強罰則及保障，避免職場女性受到性別歧視。接待員索普（Nicola Thorp）2015年在羅兵咸永道會計師事務所（PricewaterhouseCoopers）上班首天，拒絕買一雙2吋高跟鞋代替她所穿的平底鞋，跟上司辯駁時提出男員工並沒有類似的衣着要求後，更被趕回家，當天不獲支薪。她憤而在英國政府網站請願，國會女性及平等委員會決定展開調查。英國法律容許企業設立衣着準則，但要求這些準則絕不能歧視女性，委員會的報告認為，索普個案中的衣着準則已屬違法。委員會報告又指出，索普的例子只是冰山一角，職場上充斥歧視性的着裝要求，除了穿高跟鞋外，有人更被要求染金髮、穿暴露衣服及經常補妝，男性同事則無此要求。事實上，索普請願立例禁止公司強制員工穿高跟鞋，有多達15萬人聯署，反映英國不少人認為現有要求有問題。報告又指出：「很明顯現有法律未全面有效保障員工免受歧視，我們要求政府檢討這個部份的法例。」促請政府在有需要時修訂法例，同時向藐視法律的僱主加大罰款。推動女性權益的慈善團體「Fawcett Society」表示，有性別歧視的着裝要求除了物化女性之外，亦會令性小眾（LGBT）在職場感到受排斥。團體指僱主應着重員工的生產力及團隊精神，「而不是一雙高跟鞋」。穿高跟鞋對不少女性來說是一大酷刑，不少女性穿高跟鞋後雙腳疼痛，長時間穿高跟鞋更會造成後遺症，去年荷里活女星茱莉亞羅拔絲（Julia Roberts）出席康城影展時，索性赤腳行紅地氈。國會3月6日將就此展開辯論。英國《衞報》/路透社
來源:
http://hk.apple.nextmedia.com/international/art/20170126/19909573
Next Page