Mark讚黎明企騷新穎
1 :
GS(14)@2016-11-11 08:10:37雷頌德（Mark）和太太Jade昨到銅鑼灣出席聖誕藝術裝置揭幕禮，他們表示聖誕會帶兩子到新加坡玩5日，提到黎明於明年2月重返中環海濱開騷，Mark勁讚：「好新穎，室外第一個全企位騷，售賣方式都好新穎，喺網站賣飛冇內部認購，好公平。」
Mark還強調設施沒問題：「成件事佈局好得意，好多嘢都好新鮮。」至於海報設計有很多企鵝，Mark笑說：「因為全企位騷，黎明諗到企鵝。」是否都是4D騷？他說：「有啲嘢就算企喺度都開心，黎明都會排舞。」黎明會否化身明福俠出場？Mark保持神秘：「佢話而家好多嘢度緊，賣吓關子先。」採訪、攝影：王連連
來源:
http://hk.apple.nextmedia.com/entertainment/art/20161111/19829666
【add】紅人主場：Mark嫂梁家玉 完美煮婦
1 :
GS(14)@2017-01-12 08:08:37Dolce& Gabbana透視波點衫Tu es mon TRÉSOR牛仔褲(Lane Crawford)Giuseppe Zanotti手鈪、白色高踭鞋
這年頭觀眾愛看飲食節目，煮得一手好餸的圈內人不少都紛紛擔任主持顯身手。雷頌德(Mark)太座梁家玉(Jade)醉心煮西餐做甜品，年前都主持過大台飲食節目。曾做模特兒的Mark嫂真正做到入得廚房，出得廳堂，靠的是對煮食一顆奄尖的心，「我係好奄尖，乜都要煮得好、做得靚，老實講我係完美主義者。」統籌：林妙萍造型及撰文：趙潔恆攝影：周樂恒化妝：Krisie Wong髮型：Kavi@fifth廚藝了得的梁家玉，不時在youtube放上教學短片，上月更終於推出首本心血結晶、名為《Gorgeous》的烹飪書，「啲食譜都係原創，都儲咗大大話話七年。今次都出唔晒，希望可以出第二本啦。」
Camilia& Marc印花裙
Esteban Cortatar黑色背心黑色長褲(Joyce)
■與阿Mark今年慶祝結婚十周年。
為囝囝學廚
Jade入廚多年，當初學煮飯單純是為了做個稱職人妻與媽媽，與前夫育有一子、共三子之母的Jade說：「因為老公同囝囝都好鍾意食西餐，但係成日出街食又唔係咁健康，咁喺屋企阿仔成日都話想食，咁佢哋想食我就去學煮喇。」芸芸這麼多道菜與甜點，阿Jade一學都是手到拿來，但惟獨有一味難倒她。「其他菜式基本上我一試就成功，但馬卡龍頭兩次係唔得嘅，對我嚟講印象係深刻，因為真係難做，任何一個步驟做唔好就做唔成，要做到完美嘅樣已經難，仲要兼顧埋好唔好味。兩次做唔到，我係一定要做到為止，到第三次換一個方法就做到，我啲仔最鍾意食。」
■上月推出食譜，封面靚相由老公拍攝。
煮得有要求
不難想像Jade在煮食上有幾固執堅持，她亦直認自己好奄尖，「所有廚具、所有食材，我都想用到最啱，唔係貴就係好，有啲係貴嘅好，有啲唔一定，總之係啱自己，做到你想做嘅就係好，呢個係我標準。對自己有要求先會進步，係件好事。」早幾年阿Jade為了增值都有去上課學廚，「想professional啲所以學，嗰時又幫老公公司手，又要湊小朋友，夜晚去返學真係好辛苦，不過其實證明咗你好想做一件事，你就會令自己fit到去做，有心去做就會做到。」學海無涯，Jade已計劃今年再去外國進修，有沒有打算開餐廳?「開餐廳一個人未必會兼顧到，可能會試吓做bakery。」
老公都愛宅
阿Jade同雷頌德今年結婚十周年，人前人後恩愛到爆。今次Jade出烹飪書，封面靚相就是由阿Mark操刀拍攝，早前Jade在Instagram放上新裝修的廚房照片，原來亦是阿Mark負責室內設計，夫婦倆相當合拍，「我同佢好相似，要搵一個都鍾意揸電單車就已經好難啦，仲要搵到個係揸烈火戰車，嗰時一拍拖佢知道好似執到寶咁啦。?家都係吼啲小朋友瞓咗先會出去揸電單車，我哋兩個都係好homey，我同佢又唔飲酒，所有嘢都係perfect match。」
■Jade對煮食好有要求，樣樣都要做到完美。
■愛上儲廚具，不時在Ig晒心頭好。
儲煲上晒癮
Jade是時裝迷，家中珍藏過百對靚鞋，不過近年儲鞋癮已變成儲煲癮。「近幾年去旅行唔係買衫褲鞋襪，而係買廚具。有啲煲喺香港買唔到，我都會捧返嚟，係物有所值，因為我會成日用到。我鍾意Le Creuset，會儲齊佢，越儲越多，我好明啲collectors，真係會上癮。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20170112/19893680
教煮意粉過冷河辟鹼水味Mark嫂：有點蝦碌
1 :
GS(14)@2017-02-08 22:31:29■Mark嫂梁家玉日前教煮意粉要過冷河去鹼水味，被網民瘋狂洗版。
雷頌德（Mark）太太梁家玉曾做模特兒，又為無綫《閨密教煮》教煮餸及推出烹飪書，成功由model轉型做型格飲食界icon。不過，前日Mark嫂在網上教煮意粉時，揚言自己煮意粉會習慣先過冷河，原因是要辟走意粉鹼水味，結果惹來網民洗版批評，質疑意粉何來鹼水味。對此Mark嫂昨日回應指自己烹調意粉方法，是個人喜歡而非傳統烹調，她沒說過意粉必須要過冷河，而是說自己會過冷河。Mark嫂透過電話回應：「我沒有說過意粉是用鹼水做，我個人習慣是只有新鮮的意粉，我才不會過冷河，其他在外面買的，經過脫水處理的，我也會過冷河。」
Mark嫂繼續解釋：「因為我不喜歡那種濃濃starchy（澱粉）味道，而當時我又想不起starchy的中文，對我個人來說那就像鹼水的味道，所以我用了鹼水來形容那種味道，真的有點蝦碌。若這句引起大家誤會，謹此致歉，希望大家可以尊重及包容。」採訪：皓騫、黃曉妍攝影：陳慧安
來源:
http://hk.apple.nextmedia.com/entertainment/art/20170208/19920873
杜汶澤寸Mark嫂：雲吞麵檔買㗎？
1 :
GS(14)@2017-02-08 22:31:30■杜汶澤昨出席奇妙電視《杜汶澤食住上》開鏡禮，獲拍檔盧頌恩（左）及鄺芷凡餵古怪食物。
杜汶澤昨日在荃灣為奇妙電視主持的《杜汶澤食住上》舉行開鏡禮，對於Mark嫂教人煮意粉要過冷河去鹼水味，阿澤感到愕然說：「吓？煮意粉要過冷河？自己10幾歲開始煮飯，但我成世都未試過過冷河囉。可能每個人入貨地方都好唔同，我未試過買啲意粉有鹼水味嘅。其實烚完啲意粉夾上嚟嘅時候，係會有小小水掛身，咁樣就會容易上汁啲。不過人外有人天外有天，可能佢嘅做法都好食，但我就冇呢個機會去食，我知阿Mark老婆最出名煮燒牛肉。呀，佢嗰啲意粉係咪喺中式嘅雲吞麵檔買㗎？」
■阿澤被爆曾在家中赤祼上身煎牛排。
阿澤表示煮食其實各師各法，希望將來可以試到對方所煮美食。採訪：皓騫、黃曉妍攝影：陳慧安
來源:
http://hk.apple.nextmedia.com/entertainment/art/20170208/19921393
烈女辣車Mark嫂Jade
1 :
GS(14)@2017-02-12 15:50:542017-02-09 NM
Mark嫂阿Jade（梁家玉），絕非柔弱小家碧玉；出名煮得一手好菜的她，更是一名辣車手，加上性格率正，正宗烈女。
三歲定八十！阿Jade在食譜的序自述在陽氣盛的家庭長大，玩伴是哥哥和弟弟，玩具是刀刀槍槍和車車；小時見舅父有部PGM電單車，從此種下烈火戰車情緣。
老婆愛揸辣車，雷頌德自認執到寶。當雷頌德遇上辣妹
二十歲考電單車牌，意外是老媽子未有反對，任由掌上明珠「皮包鐵」。
「因為媽咪唔阻止，反而令我學會做事有分寸，就算係青少年期，我都冇反叛呢樣嘢。」Mark嫂Jade說。
烈女性格，毫無性格的綿羊仔自然看不上眼；更何況她的另一半雷頌德，初出道已經揸住私伙「玩具」Harley Davidson一晒。兩公婆嗜好相投，當日颷車男首度遇上颷車女，反應是？
「佢覺得執到寶o架，哈哈！要搵到女人揸電單車幾難呀，仲要揸呢類！當時成班車隊，得我一個女仔，其他經過司機都會望一望。冇乜女仔揸到呢隻咁重型嘅車，我都要專登去操同玩舉重。我好大力o架，同男仔打交未必輸。」雖然身形瘦削，但Jade絕對唔講得笑！
為小朋友學錫身
婚前婚後，兩人的活動是孖住颷車。不過，二人從未有過《天若有情》的浪漫場景，坐車尾，Mark嫂never say yes！「我一定唔坐人車尾！就算冇得揀坐過老公車尾，原因係佢載我去攞番架整好嘅車。其實坐車尾好危險，每個人對突發事情反應唔一樣，我對自己嘅駕駛技術同反應都好放心，但信唔過其他人。」不過，自從成為人母，烈女Jade便自動減辣。「自認技術唔差，但始終有小朋友，要錫身，天氣唔好或者精神唔夠一定唔揸。真係今時不同往日！以前唔理咩天氣落晒雨都照去，唔驚死！好在未試過有意外。」
老公重開綠燈
阿Jade雖然懂得自動自覺，但雷頌德亦不敢怠慢，落令禁止老婆再揸電單車。「生咗大仔後，老公曾經反對我再揸電單車。但我唔想因為咁，將自己喜歡嘅興趣埋沒，其實最緊要揸得安全，況且我性格唔魯莽。」Mark嫂最終用實力說服老公，重開綠燈。不過，每次老婆出車，雷頌德一定跟，以防萬一！
撰文：盧韻琴攝影：葉志明攝錄：黎以諾化妝：Krisie Wong髮型：Kavi@Fifth Hair Salon服裝及場地提供：Harley Davidson
Next Page