搭升降機急飲熱杏霜 57歲朱玲玲面青睇中醫
1 :
GS(14)@2016-08-10 07:54:52【買杏霜】■朱玲玲前日由司機送到北角睇中醫。
【北角】朱玲玲由最美麗港姐，變了最美麗嫲嫲，下月便58歲的她，40年前參加港姐奪冠，更加是當年最上鏡小姐。雖然相隔四十載，13年她更升呢做嫲嫲，但她仍然容光煥發，身材苗條，比不少年輕女士身材更fit。不過，前日記者在北角發現她看中醫，未知身體不適還是找醫師調理身體。前日下午約5時，朱玲玲由司機駕駛寶馬房車到北角，身穿粉紅上衣、白褲加平底鞋的她，雖然戴上黑超而且隨意將長髮束起，但依然散發其獨有氣質。
離開時步伐輕盈
當朱玲玲抵達一座商業大廈門口時，卻未有即時上樓，反而着司機替她購買熱杏霜，然後一邊乘升降機上樓，一邊飲熱杏霜，但可能怕被認出，她全程站在升降機一角兼擰轉臉飲杏霜，到達16樓中醫樓層便急急腳步出升降機。
【入升降機飲】■乘升降機期間，朱玲玲扭開杯蓋，飲剛買回來的熱杏霜。DV圖片
【睇手機】■朱玲玲在中醫診所等見醫師前變低頭族，不停篤手機。DV圖片
看來有點面青青的朱玲玲，進入診所後仍然戴着黑超，繼續飲杏霜的她等候見醫生時還變了低頭族，全神貫注篤電話，直至入診症室才放下手機。據知，這間診所最拿手打梅花針，且一定要預約才有機會見到醫師，而當日朱玲玲與中醫會面約半小時，離開時未見她拿藥，但步伐明顯較到埗時輕盈，事關她發現記者後即急急腳返回座駕離開。採訪、攝影：朱志聰、黃曉程
【急急腳】■朱玲玲離開診所恢復精神，急步返回座駕離開。
■朱玲玲與羅康端十分恩愛，不時結伴出席活動。資料圖片
來源:
http://hk.apple.nextmedia.com/entertainment/art/20160810/19729665
有心有力劉華50歲做爸爸 羅大佑57歲老來得女
1 :
GS(14)@2016-09-02 05:49:4254歲嘅杜德偉，同細佢24年嘅老婆李曉冰（Ice）結婚3年，今年5月終於宣佈造人成功，仲要係一索得男，真係可喜可賀！原來圈中除咗杜德偉有心有力外，仲有唔少年過半百嘅男藝人，榮升做老竇。劉德華「民間特首」劉華，喺佢50歲嗰年，就成功做老竇，老婆朱麗倩喺養和醫院，幫佢生咗個女劉向蕙，當時劉華仲喺佢嘅官網公佈喜訊，好多粉絲仲留言送上祝福。齊秦王祖賢嘅前男友齊秦2010娶咗佢年輕24年嘅孫麗雅做第二任妻子，同年佢就以51歲高齡做老竇，老婆幫佢生咗個囡囡齊心，14年佢老婆再幫佢生多個仔，湊成「好」字。羅大佑「台灣音樂教父」羅大佑喺2010年，同細佢13年嘅圈外女友Elaine結婚，兩年後誕下Elaine幫佢生咗個女Gemma，當時羅大佑已年屆57歲，今年4月，佢哋一家三口被台灣傳媒影到佢到一家三口同朋友食飯。溫兆倫結過三次婚、51歲嘅溫兆倫，去年先做老竇，佢第三任老婆趙庭幫佢生咗個可愛囡囡柔美。
來源:
http://hk.apple.nextmedia.com/entertainment/art/20160902/19757127
57歲唐唐爆肌打羽毛球除衫場邊唞涼
1 :
GS(14)@2016-09-13 08:04:21■日前唐唐打羽毛球至滿身大汗，率性地除衫唞涼。讀者提供圖片
【爆相爆片】昨日是一代巨星張國榮（哥哥）的60歲冥壽，雖然哥哥離開了13年，但哥迷和生前摯愛唐鶴德（唐唐）都忘不了哥哥。唐唐於前晚11時許，在社交網貼煙花短片並留言：「有你們，他比煙花燦爛！」
■哥哥生前常跟唐唐打羽毛球，雖然哥哥走了，但唐唐的興趣不變。讀者提供圖片
52蚊兩個鐘
哥哥生前跟唐唐共同度過18年歲月，自從哥哥走了之後，唐唐至今依然是孤家寡人，沒有人代替哥哥在他心中的地位。日前讀者何先生透過「爆相爆片」報料，於上月中在西灣河港島東市政體育館，見到唐唐跟一名中年女人打羽毛球，打了兩小時後，滿身汗水的唐唐除衫裸露上身，57歲的他率性晒胸肌身形甚弗，型到爆。何先生說：「唐唐打到成身汗，跟住就除衫休息，佢身形都幾弗，精神亦幾好，同埋幾好笑容。其實個場只係26蚊打一個鐘，屬於平民價，估唔到喺度會見到佢！」
來源:
http://hk.apple.nextmedia.com/entertainment/art/20160913/19769564
急減腩肉 57歲吳岱融 踢波狂操
1 :
GS(14)@2016-10-05 05:31:222016-09-21 EW
因為大奸角「高天鷲」，令吳岱融成為《巨輪II》的亮點，事實上，他自去年回歸參演《刀下留人》後，便劇接劇未停過手，但畢竟已年屆五十七歲，又曾經發福至一百八十磅，要長拍長有，惟有努力keep fit。
日前，他便與明星足球隊成員到馬鞍山足球場操波，雖然跑足全場狂追波，但球衣濕透之際，豐厚的腩肉仍隱約可見，要保持型佬樣貌與身形，明顯還有進步空間。
落場爆腩
去年回歸無綫拍劇的吳岱融，雖然已由當年靚仔小生，變成五十七歲銀髮蒼蒼的熟男，但熱愛足球的他，日前仍與一眾明星足球隊成員到馬鞍山足球場操波。負責踢中場位置的他，當日與前鋒黃日華，跟梁漢文和劉浩龍等人對疊，每逢看見對家球員帶波到不遠處，即跑上前搶波，相當落力。
踢至中段時間，雨勢忽然變大，然而吳岱融卻跟大夥兒愈踢愈起勁，衣衫盡濕，令發福的腩肉現形。球賽最終在雙方沒有入波下完場，興致勃勃的他即走到黃日華身旁，談論賽事，又拿着水壺跟對方「碰杯」，似乎十分滿意剛才表現。
斷食收身
其實，在《巨輪II》中飾演大奸角「高天鷲」的吳岱融，九十年代中離開香港幕前後，體重曾試過一百八十磅。「嗰陣我喺星馬搞製作公司，成日要同老闆應酬，又冇做運動，搞吓搞吓，我連行兩級樓梯都氣喘，就開始踢波當做運動。 家每個禮拜都有四場波踢：明星隊、視藝隊、晨㬢，仲有一班我喺大陸住嗰陣踢開嘅波友，另外又會游水、踩單車，流吓汗，真係爭好遠！」
踢波後，他的體重已長期維持在一百六十磅以下，但為了在幕前演出時，能減低福氣十足的肚皮搶鏡程度，踢波以外，他更會進行辟穀斷食來收身。「我試過成個禮拜淨係食生果，唔食其他嘢，又或者七日都唔食任何嘢，淨係飲水，一次可以輕到廿幾磅！對我嚟講，辟穀除咗可以收身減磅，仲可以清理埋身體裏面啲毒素，我覺得好健康。」
心中有火
相比當日同樣是八十年代小生，又年過五十的隊友，關禮傑的鋼條身形比黃日華還要fit。主力前鋒的他，由落場開始，幾乎未見有笑容，視線和身體全程投入在足球上，即使要跟比自己年輕九歲的對家梁漢文搶波，仍見他猶如足球小將上身般，只顧衝呀衝。
操波時表現勇猛，就連完場後，關禮傑仍坐在球場旁邊，繼續做體能練習，提起雙腿狂操腹部運動，其後又張開雙腿成大字馬拉筋，看來十分注重自己的體形。
五十四歲的他，樣貌如吃了防腐劑，身形比年輕時顯得更結實，除了靠踢波keep住，平日閒時亦會經常到健身室做gym，且甚注重飲食，戒吃澱粉質。「我喺呢個圈仲有團火，仲想有代表作，就係呢團火推動我去keep fit同保持健康。」心中有火，做人確係積極啲。
撰文、採訪☆娛樂組 攝影☆何國豪 設計☆李浩然
又似吳秀波！57歲吳岱融靠拉筋回春
1 :
GS(14)@2016-10-19 05:49:1857歲吳岱融喺大台劇《巨輪II》演高天鷺唔知係「奸」定「姦」出人氣，戲份搶過晒「花生仔」蕭正楠，女主角陳凱琳又被彈戲屎，今次真係靠一角孭起救成套劇嘅重任，演技高幾班嘅吳岱融，唔只演得投入，身型keep得幾好，當年有網民話吳岱融似湯鎮業，分唔到二人，不過時至今日，吳岱融似乎保養得更好，網民覺得佢似大陸男神吳秀波，外型一樣咁man……今日有周刊爆吳岱融冇中年發福，多年都有踢波，差唔多每個星期三都會參加明星足球隊嘅操練，當年係志偉搵佢入明星足球隊，吳岱融喺周刊訪問中，就話主要係拉筋，即使已57歲，佢都可以擘一字馬，多得以前喺新加坡服兵役，被派去專門表演畀軍人睇嘅隊伍，每日要拉筋8粒鐘，周刊又問咗隊友黃日華，佢話吳岱融有「晒靴融」之稱，起腳同攞波都踢得比較高。
來源:
http://hk.apple.nextmedia.com/entertainment/art/20161019/19805041
52歲黎耀祥壁咚激咀57歲毛舜筠一早預言睇到嘔
1 :
GS(14)@2016-11-16 05:47:54每晚放工返到屋企，換件衫開電視諗住抖下，如果你睇到呢一幕……真係當堂嚇一跳，然後得啖笑。52歲黎耀祥同57歲毛舜筠喺《愛．回家之八時入席》入面上演一幕壁咚加激咀，兩個加埋成109歲呀！劇中黎耀祥角色名係古曉臣，花名叫邦主，係一個電視台監製；毛舜筠個角色就叫林小小，花名叫細姐，本身係黎耀祥嘅秘書，之後機緣巧合之下變咗飲食節目主持。劇中邦主同細姐呢對歡喜冤家經常都鬥嘴，相信好多觀眾都有印象。有網民喺討論區開post，話好日都唔開電視，諗住開住電視食飯，點知一開就見到呢個世紀畫面。嗰位網民仲話本身大台劇嘅劇情老土都唔係第一日嘅事，不過睇完兩位「前輩級」演員激咀，本身想添飯都冇晒意欲。有另一位網民話好耐冇睇呢套嘢，咁啱請病假一出廳食藥就睇到呢個世紀之吻，嚇到個心都離一離。網民一致俾負皮，喺facebook上面都有網民話「啱啱等緊食飯，睇到呢幕..飯都食唔落，好日唔睇電視，一睇就.....有冇諗過觀眾嘅感受？！唔怪得冇人睇」、「大佬唔好咁痴線啦過百歲，我心臟唔係咁好㗎咋。」不過都有網民借呢套劇抽水話「其實我幾鐘意睇八時入席，好過睇四十歲扮貓」講緊嘅係《來自喵喵星的妳》。其實早喺今年4月，毛舜筠同黎耀祥出活動時都被問過會唔會有咀戲，當時毛毛笑言擔心觀眾睇到會嘔，估唔到預言終於成真喇……
來源:
http://hk.apple.nextmedia.com/entertainment/art/20161116/19834985
美孚57個車位傳即日沽清
1 :
GS(14)@2016-11-24 07:32:42【本報訊】樓市淡靜，兩大龍頭發展商長實（1113）及新地（016）亦加入拆售車位行列。新地昨拆售荔枝角美孚新邨位於4及8期共57個車位，售價100萬至170萬元。有代理向本報投訴，指認購美孚車位熱線全日未能接通，「公司同事打咗300次都打唔通，有冇咁搶手」，另一間代理行高層亦投訴同一樣問題，「我冇打300次咁多，打咗60次，得3次通，但冇人聽」。據知，該批車位傳聞即日沽清。新地近年多次拆售屋苑車位，對上一次拆售車位是在今年8月，當時拆售位於4、7及8期共59個車位，有指兩日內全數獲認購，售價95萬至125萬元。據知今次再拆售，已加價約一成。長實日前公佈荃灣西站五區新盤命名海之戀（Ocean Pride），畀人話肉麻到反胃後，響應近期車位拆售潮，同系區內的環宇海灣及昇柏山亦推出車位發售。消息指，環宇海灣昨推出23個車位供買家選購，售價139萬至166萬元，只售予屋苑業主，每人只准最多買3個，代理佣金4.5萬元﹔昇柏山亦推出11個車位發售，售價分別143萬元及150萬元。
來源:
http://hk.apple.nextmedia.com/financeestate/art/20161124/19843769
57歲余安安做岳母！愛女眼濕濕蹺實媽咪入場
1 :
GS(14)@2016-11-29 00:14:3757歲余安安做岳母喇!佢個律師大女李文琪終於同拍拖多年嘅男友Jeremy拉埋天窗，昨日髮型師Kelvin Koo喺微博貼出去婚禮嘅相，相中見婚禮跟足傳統儀式，榮升岳母嘅安安亦好細心，成程睇住囡囡靚靚出嫁，為囡囡打點，囡囡有穿上紅色旗袍，見相中有茶杯等，估計有進行斟茶儀式!婚禮就以簡單嘅白色玫瑰花佈置為主，囡囡李文琪蹺住媽咪安安出場，李文琪有啲眼濕濕，完成儀式後，仲同老公深情一吻，余安安前夫李萬祺及好友曾志偉亦有到場，志偉認真唔話得，前晚出席完台灣金馬頒獎禮，噚日就趕返香港，見證世姪女嘅人生大事。
來源:
http://hk.apple.nextmedia.com/entertainment/art/20161128/19847977
潮玩父女戀 57歲林敏驄 征服26歲港姐新歡
1 :
GS(14)@2017-03-05 23:05:152017-02-22 EW
現年五十七歲的林敏驄，〇八年與第二任妻陳伶俐離婚後，並無再婚，對上一次獲他公開承認的女朋友，已是一一年俄羅斯籍的Natasha。之後，間中見他攬洋妞、㗎妹自拍蜜照上網；回復單身後，他似乎更好艷福，根本不愁寂寞。
本刊發現，有「鬼才」之稱的他，近來口味愈玩愈後生，更仿效天王郭富城、小生鄭嘉穎等，貪嫩口而潮玩「父女戀」。據悉，他網聊媾掂現年二十六歲、身材玲瓏浮凸的一六年落選港姐阮嘉敏。早前，他更以情侶檔姿態，不避嫌拖新歡出席圈中人的宴會，如沐春風！
女伴國際化
現年五十七歲的林敏驄，與陳伶俐離婚九年，大家各有各的生活。前妻再婚改嫁，而他則有如脫韁野馬，回復單身多年來，出現身邊的異性團團轉；而且，女伴更衝出國際，先有韓妹「小花」，後有俄妹Natasha；早前，他又拖疑似㗎妹，並肩睇鄭中基的演唱會，艷福不淺。
素有「鬼才」之稱的林敏驄，憑藉才華獵女無數，兩個前妻李美鳳、陳伶俐都是選港姐出身，最新鮮熱辣媾掂到手的新歡，姿色亦絕不平庸。新歡叫阮嘉敏，現年二十六歲，樣貌與身材同樣出眾，一六年參選港姐，可惜落敗。兩人相距三十一年，圈中從此又多一對「父女戀」。
據悉，向來擅用社交平台的林敏驄，透過fb、Ig關注了許多中外吸睛異性的帳戶，並憑着一流的口技，結交不少靚女，從而進一步深入認識。年前，他機緣巧合下，認識當時正在美亞電視擔任女主播的阮嘉敏，據密友爆料：「阿驄，當然事不宜遲馬上抄牌，兩人更先由網聊開始，再發展友誼。」
網交撩女仔
本刊發現，早於阮嘉敏參選港姐前，林敏驄已三番四次於社交網暗示對她有意思。有一次，阮嘉敏攬寵物兔仔合照，他即留言回應：「lor泥反下?（諧音：攞嚟玩吓）」，醉翁之意當然不在「兔」，明顯想與她打開話匣子才是真。另一次，林敏驄網上撩女，更加明目張膽，他上載阮嘉敏的眼睛近鏡照，並留言道：「懈兵个」，即「係邊個」的同音，叫人猜猜相中人是誰？結果只有阮嘉敏神會才子的心意，並回覆他一個「：P」伸脷圖案的符號，大有調情feel。據密友透露，兩人網絡傳情了好一段時間，直到後來女方落選港姐，男方藉口安慰對方，更主動出擊，約女方出來見面食飯，關係再進一步。密友說：「個女仔一心想喺娛圈發展，阿驄以提攜後輩咁嘅姿態出現，梗係冧到吓女仔啦！」
根據資料，阮嘉敏畢業於中大專業進修學院的媒體及傳播學系，一二年讀書期間，已入行兼職模特兒，曾經與古天樂、張繼聰等拍攝廣告，又擔任美亞電視娛樂節目主持。早年，她亦曾參選過雜誌舉辦的校花選舉，一早立志加入娛圈，並似乎野心勃勃。
引薦識老細
早前，一間電影公司舉行宴會，本刊就發現，林敏驄大方與阮嘉敏結伴同來。期間，男方不斷為女友作引薦，介紹認識場中各大電影公司的老闆。現場所見，林敏驄即使大部份時間忙於與人寒暄應酬，但他對女方卻不失細心體貼，一直跟阮嘉敏保持着眼神交流，一時含情互望，一時眉來眼去，而只要一有機會，兩人更會走到一旁竊竊私語。林敏驄全程高度呵護着女方，如沐春風的表現，很多人都看在眼裏。
密友續指，大夥兒察覺到林敏驄與阮嘉敏近來出雙入對，關係殊不簡單，但求證兩人是否拍拖時，他卻大耍太極，一味「鬼鬼馬馬」推搪過去，相信他仍未肯為女方收心養性。
18歲大仔擁「小新」眉
林敏驄與陳伶俐育有兩子，大仔林肯（Lincoln）現年十八歲，至於細仔林善（Yohji）就十三歲。據悉，林肯和林善皆為乳名，而大仔的真名是林哲鋒。兩兄弟皆於聖保羅男女中學上學，大哥讀中六，而細佬則唸中一。
陳伶俐曾對傳媒稱讚大仔林肯，說他小小年紀無師自通彈鋼琴，又能背出年曆每個日子是星期幾，結果帶他測試，驗出IQ超過一百三十，屬資優兒童。據悉，林肯在校內成績優異，亦積極參與各類型課外活動，樣子與林敏驄餅印，另一特徵是似足「蠟筆小新」的濃眉。他除外表似爸爸一樣惹人注目外，連性格上亦一樣鬼馬，平日鍾意在同學面前搞笑搞氣氛，所以校內人緣不俗。
離婚後，陳伶俐獲兩子撫養權；不過，兄弟於媽媽再婚後，便跟外婆同住，而有指他們與後父關係融洽，不時見面飯敍；反而有傳兩子跟林敏驄較少見面，父子關係疏離。
港姐舊愛嫁得好
「鬼才」林敏驄雖然其貌不揚，但憑着其獨特才華，先後媾掂港姐亞軍李美鳳、落選港姐陳伶俐，並結為夫妻；他又曾與「豬扒港姐」之稱的張嘉兒傳過緋聞。不過，無論是前妻或緋聞舊愛，一經他手，都能覓得好歸宿，個個嫁得好。
李美鳳
八七年港姐亞軍李美鳳，因合拍電影《笑星撞地球》而與林敏驄撻着，兩人在九〇年於多倫多秘密註冊，夫妻關係維持了五年。李美鳳與林敏驄離婚後，認識台灣富商鄭翔中，兩人在九六年結婚，兩年後誕下龍鳳胎。全面息影的她，專心相夫教子，偶爾返港拍廣告或出席慈善活動。
陳伶俐
九六年，十九歲的陳伶俐參選港姐，落選兩年後與林敏驄奉子成婚，先後為他誕下兩子。〇八年，陳伶俐與猛男麻雀腳傳出緋聞，同年，她與林敏驄公布離婚。一二年，她帶兩子改嫁，與新加坡隱形富豪後人劉頌銘結婚。一五年，她為劉家誕下一子；有指她母憑子貴，獲得老公打本千萬在銅鑼灣開畫廊。
張嘉兒
〇九年，林敏驄主持無綫節目《三個女人一個噓》，與〇七年港姐冠軍、有「豬扒港姐」稱號的嘉賓張嘉兒結緣，並傳出緋聞。其後，林敏驄笑指被「砌生豬扒」，張嘉兒亦否認緋聞。一五年，張嘉兒覓得好歸宿，下嫁本港第一位華人爵士何啟後人、任職會計師的老公Nathan，去年誕下一女Leora。
撰文☆娛樂組 攝影☆攝影組 設計☆蔡宛真
梅西旗艦店地皮重生！建57萬呎娛樂購物中心
1 :
GS(14)@2017-04-08 20:44:16美國網購盛行，傳統百貨公司及商場日漸萎縮，近年不少老牌百貨公司如梅西百貨（Macy's）、JCPenney、Sears紛紛宣布關店及裁員，而位於北荷里活Laurel Plaza佔地47.5萬呎的梅西百貨亦於去年底結業清場。發展商周四正式宣佈，將會在上址重新打造一個綜合娛樂購物中心NOHO West，並舉行動土儀式。駐洛杉磯記者：張紫茵位於北荷里活Laurel Plaza歷史悠久，是60年代May公司的地區總部，附近有不少商店及溜冰場，亦是洛杉磯西邊最大型的購物中心；但1994年洛杉磯大地震重創該商場，從此這個地段就一蹶不振，May公司於2006年撤出，隨後梅西百貨進駐，但亦難復當年光彩，隨着近年百貨公司日漸萎縮，梅西百貨亦順水推舟，將地段出售予發展商。發展商Merlone Geier決定，要將該地段打造成一個57萬平方呎的綜合娛樂購物中心NOHO West，當中包括一條綠化商店街、餐廳、健身室、超市及電影院作配套，加上4至10個商業單位及642個高尚住宅單位，料將於2019年下半年落成，希望為附近居民帶來一個假日消閒好去處。洛杉磯市議員Paul Krekorian周四亦有出席動土儀式，他表示作為一個具歷史的地段，這個項目的意義重大，他成長時這就是最潮購物中心，當中載有好多聖費爾南多谷居民的回憶，亦是當年美國最前衛的廣場，所以周四的項目動土別具意義。「自1994年大地震後，這地區的零售業就一蹶不振，商店通通關門，廣場大部份都拆掉，只剩下梅西百貨。這項目將會成為一個新地標，亦希望可以吸引到投資及商業活動到此地區，亦是聖費爾南多谷居民來消閒去處，此區居民已經等20年了。」Krekorian又覺得，今時今日的零售環境轉變不少，已經不能夠用60年代的模式去經營，而這項目包括各項元素，「不再是單單讓你去買一件衣服的地方，而是可以花時間及享受這地方，又或是住在這裏以及來上班，相信是現今最合適的經營模式。」而負責項目的發展商Merlone Geier發展部副總裁洛根（Stephen Logan）表示，過去40年這裏曾經有一個很好的商場，他相信區內居民現時缺乏一個零售及餐飲的地標。「這是一個地方可以讓附近居民周末時間來逛逛、看電影、享受美食車或活動，這不會像以往舊式的傳統購物中心。」
Laurel Plaza位於住宅區，附近除了有一家學校、快餐店及健身室外，幾乎是一片死寂，亦有不少流浪漢在附近流連。有不願上鏡的老居民表示，以前Laurel Plaza及Laurel Canyon大街都是非常熱鬧，現時已落得一片荒涼，重建發展已經傳了很久，所以她非常樂於見到發展商投資在此地段。
來源:
http://hk.apple.nextmedia.com/international/art/20170408/19983912
Next Page