📖 ZKIZ Archives

鍾嘉欣嫌悶　帶B女返港

1 : GS(14)@2016-10-28 06:24:16

■傳鍾嘉欣母女有意返港住，與老公「分居」。資料圖片



鍾嘉欣今年2月與脊醫Jeremy在加拿大擺酒，8月誕下囡囡Kelly，早前她透露下月會返港出席活動，12月會拍廣告及拍劇。昨日有周刊報道，指鍾嘉欣因嫌加拿大的生活悶，有意帶囡囡返香港，又傳她會加入拍攝《溏心風暴3》，換言之鍾嘉欣婚後不足一年，便會與老公分隔兩地。報道指雖然Jeremy好錫鍾嘉欣，但因工作時間長，所以想帶囡囡返港照顧，還指Jeremy本來不同意，二人曾為此事多次鬧交，鍾嘉欣已答應丈夫會兩地飛，多點返加國陪他。撰文：李察




來源: http://hk.apple.nextmedia.com/entertainment/art/20161028/19814162
PermaLink: https://articles.zkiz.com/?id=313833

鍾嘉欣帶囡囡返港

1 : GS(14)@2016-11-29 00:14:34

■鍾嘉欣今次帶同囡囡回港。



鍾嘉欣昨日現身大埔超級城出席活動，她透露今次有帶埋囡囡Kelly返港，但老公Jeremy未有同行，她說：「嚟緊預咗香港加拿大兩邊走，今次留港個幾禮拜，遲啲會拍個BB用品廣告。」問會否考慮一家三口一齊拍？她笑說：「老公一定唔得啦，佢話怕咗你哋（記者）呀，我都想同BB一齊拍，將來可以作為留念，應該好sweet！」



■鍾嘉欣昨出席聖誕活動，她直言將會香港加拿大兩邊走。

鍾嘉欣透露將會擔任好友王君馨的姊妹團，對於同公司的吳若希近日宣佈陀B，問會否趁機全面復出？鍾嘉欣說：「我從來冇話自己退出，唱歌約未完，要再傾吓。」她坦言要餵人奶到BB一歲大，所以婉拒拍劇。採訪：卓寶花攝影：陳俊強




來源: http://hk.apple.nextmedia.com/entertainment/art/20161128/19847668
PermaLink: https://articles.zkiz.com/?id=317382

揀啱粉藍色　「時裝終結者」鍾嘉欣顯白又精神

1 : GS(14)@2016-11-29 07:55:28

鍾嘉欣的衣Q一向偏低，上年台慶，她強行穿上一襲與她氣質不配的Vivienne Tam大膽透視裝，啞色髮、nude色嘴更令她暗淡無光，被封「時裝終結者」。未知長居溫哥華的鍾嘉欣，是否抖足精神，前日她產後第二次回港出活動賺奶粉錢，穿上Dorian Ho設計的淺藍色繡花tube dress，化個粉紅唇妝，顯得精神有光采。膚色偏暗的鍾嘉欣，這次選對淺藍色長裙，有助提亮膚色，令她顯白、好氣息。今個秋冬，Chloé、Calvin Klein Collection、Stella McCartney都有不少淺藍色連身裙的選擇，沒有白皙肌的女士大可一試。更多時尚、美容新聞，即上：http://add.appledaily.com




來源: http://hk.apple.nextmedia.com/entertainment/art/20161129/19849188
PermaLink: https://articles.zkiz.com/?id=317519

【馮仁昭四圍超】鍾嘉晴俾室友投訴太嘈

1 : GS(14)@2016-12-01 00:01:34

鍾鎮濤（阿B）21歲囡囡鍾嘉晴近年去咗台灣讀服裝設計，寄宿大學宿舍，但就畀宿舍隔籬房嘅女同學投訴長期製造噪音。投訴者話9月搬入去，夜晚就畀嘉晴嘅工業車衣機嘈到瞓唔到，仲話之前嘉晴嘅墨西哥室友就係畀佢嘅噪音嚇走。大學方面話長假期會為二人宿舍加裝隔音牆。阿B太太范姜反投訴對方踢門同踢牆，令女兒好驚，但為趕功課不得以用車衣機，佢希望同學仔可以同嘉晴好好溝通。撰文：馮仁昭




來源: http://hk.apple.nextmedia.com/entertainment/art/20161130/19849727
PermaLink: https://articles.zkiz.com/?id=317684

【馮仁昭四圍超】杏兒恨生B求教鍾嘉欣

1 : GS(14)@2016-12-03 05:12:35

微博圖片





胡杏兒（右）婚後不設防，揚言要為老公李乘德開枝散葉，鍾嘉欣帶女返港出席活動兼拍廣告，其間相約杏兒敍舊，話題離唔開養兒育女，噚日杏兒喺微博貼咗同嘉欣相聚嘅相，留言：「很開心再見到你，謝謝你和我分享做媽媽的喜怒哀樂，希望我很快可以向你請教。」噚日亦有報道話杏兒最近成日睇婦科調理身體，仲諗住打排卵針，增加成孕機會。撰文：馮仁昭




來源: http://hk.apple.nextmedia.com/entertainment/art/20161202/19851923
PermaLink: https://articles.zkiz.com/?id=318103

【馮仁昭四圍超】鍾嘉欣帶女同楊怡敍舊

1 : GS(14)@2016-12-07 08:01:04

資料圖片





鍾嘉欣（右）最近帶埋B女返港，出完活動又拍廣告，密密搵外快。難得喺加拿大返港，梗要搵啲好姊妹敍吓舊，呢排輪住見好友，噚日凌晨到楊怡放相上微博，佢同嘉欣母女一齊影合照，不過BB女就用公仔圖案遮咗樣，楊怡留言：「溫馨幸福的晚上，終於見到漂亮的媽媽和可愛的Kelly B，人生路上真的很奇妙，一轉眼，我們已不再是小女孩，小生命就是歲月的見證。Love u，My dearest friend！」撰文：馮仁昭




來源: http://hk.apple.nextmedia.com/entertainment/art/20161207/19857086
PermaLink: https://articles.zkiz.com/?id=318631

【馮仁昭四圍超】鍾嘉欣囡囡　變身萌爆聖誕B

1 : GS(14)@2016-12-10 03:45:25

■張嘉兒（左）同鍾嘉欣分別抱住囡囡Leora同Kelly，兩個BB都加咗聖誕帽，非常可愛。互聯網圖片





鍾嘉欣最近帶埋囡囡Kelly返港，除咗出活動賺奶粉錢，仲會把握機會見吓一班圈中好友。楊怡大前日喺微博放上同嘉欣嘅素顏合照，而Kelly就用公仔圖案遮樣。噚日又到靚媽張嘉兒貼相，佢就抱埋囡囡Leora同嘉欣抱住Kelly影合照放上Instagram。
Kelly同Leora兩位BB除咗頭上多咗聖誕帽圖案，Kelly仲多咗白色聖誕老人鬍鬚，露出精靈眼仔。嘉兒留言：「同嘉欣一齊拍完《警犬爸打》後，大家都好幸運可以成為媽媽！Kelly大Leora一個月，她們可以一齊玩啊。」之後嘉兒再用英文講，無論係餵人奶、見住BB笑，甚至冇覺好瞓，都令佢同嘉欣好享受。再睇番兩位靚媽，張嘉兒仲未收身，上身依然豐滿，相反鍾嘉欣已經瘦番晒，狀態唔比結婚前差。據悉岑麗香將於今個月17日喺加拿大結婚，相信嘉欣都會帶埋囡囡一齊出席。



■張名雅有老公陪慶祝29歲生日，真係好sweet！互聯網圖片

■葉翠翠老公懷疑患感冒自我隔離，怕感染懷孕嘅翠翠。互聯網圖片

另外，即將成為媽咪嘅張名雅同葉翠翠亦係網上輪流放閃，而前日29歲生日嘅張名雅亦有老公錫，獲送上生日蛋糕。不過，葉翠翠老公就因為懷疑感冒，要自我隔離瞓客房，搞到翠翠好心痛。撰文：馮仁昭




來源: http://hk.apple.nextmedia.com/entertainment/art/20161209/19859423
PermaLink: https://articles.zkiz.com/?id=318914

【馮仁昭四圍超】鍾嘉欣抱女會苟芸慧

1 : GS(14)@2017-01-02 11:51:14

互聯網圖片





鍾嘉欣（中）之前返港出席活動，搵完奶粉錢後，已同囡囡飛返加拿大，噚日佢喺社交網貼兩母女，同埋好姊妹苟芸慧喺飄雪中嘅合照，嘉欣BB叫囡囡做「毛毛球」，留言：「祝大家新年快樂！最重要身體健康！開心平安！充滿真愛！」而4個月大嘅Kelly，越大越似媽咪好可愛，苟姑娘貼嘅合照，就見到佢錫錫Kelly嘅頭頂，似乎恨做媽咪。撰文：馮仁昭




來源: http://hk.apple.nextmedia.com/entertainment/art/20170102/19883764
PermaLink: https://articles.zkiz.com/?id=321063

生娘不及養娘大鍾嘉晴自爆7年冇見章小蕙

1 : GS(14)@2017-01-27 07:40:35

章小蕙爸爸喺加拿大多倫多創辦中文電視台，所以章小蕙都擁有加拿大國籍，而佢同前夫鍾鎮濤（阿B）就喺加拿大認識，再喺88年拉埋天窗，先後生咗阿仔鍾嘉浚同阿女鍾嘉晴。不過章小蕙同阿B呢段婚姻，只係維持咗11年，兩人喺99年離婚，阿B仲痛斥章小蕙揮霍，敗盡身家。而章小蕙之後同商人「白頭陳」陳曜旻拍拖，阿B就同范姜結咗婚，而嘉晴喺4歲時就開始同范姜一齊生活，感情仲非常好，之後范姜為阿B生咗兩個女，待嘉晴亦視如己出。父母離婚，對子女難免留下心理陰影。阿B同章小蕙離婚之初，嘉浚嘉晴對母親的離開耿耿於懷。2011年，范姜與同住麥當奴道半山樓的章小蕙胞妹章小婉狹路相逢，兩人在大堂嘈交，最後更鬧上警署。嘉浚嘉晴在事件中極力維護范姜，嘉晴更稱已7年冇見過生母章小蕙：「我媽說她回港保護我？？？…我現在16歲，我諗我不需要她任何保護，我至少7年沒見過我媽，她又怎樣會突然為我回來？」。對於有人暗示范姜打她，嘉晴當時回應傳媒就說：「冇件咁嘅事發生過，佢對我好好，不嬲好錫我。」章小蕙與女兒關係疏離，但與嘉浚關係就較好。現年26歲的嘉浚跟章小蕙生活；至於鍾嘉晴，之後喺活動上話其實冇嬲過媽咪，仲貼過哥哥同媽咪嘅合照上社交網，證明親情係可以化解晒啲芥蒂㗎。




來源: http://hk.apple.nextmedia.com/entertainment/art/20170127/19910282
PermaLink: https://articles.zkiz.com/?id=324424

著雞仔衫應節鍾嘉欣囡囡眼大大超可愛

1 : GS(14)@2017-01-31 16:01:57

鍾嘉欣自從生咗囡囡Kelly，即過住少奶奶生活，雖然不時返港出騷，見吓大家，不過fans都會掛住身在加國嘅嘉欣BB，所以嘉欣BB亦多咗喺社交網貼囡囡Kelly嘅相。嘉欣BB昨日貼出兩張囡囡單人相，一張就著住粉紅色華服，寫道：「Kelly wishes everyone a little belated Happy Chinese New Year which includes Good health!!! Peace and safety! Lots of laughs!!! And just all the other good stuffs!!!」同大家講身體健康、和平啲，多啲笑聲。另一張相見囡囡Kelly著住可愛雞仔衫，眼大大，真係可愛到暈!!!




來源: http://hk.apple.nextmedia.com/entertainment/art/20170131/19913600
PermaLink: https://articles.zkiz.com/?id=324817
Next Page
ZKIZ Archives @ 2019