取代鍾嘉欣吳若希簽星夢Hana要守子宮10年
1 :
GS(14)@2017-02-12 15:23:302017-01-19 NM [table=100%]
[table=100%]
|
|
[td=3,1]
去年出道的創作女歌手菊梓喬（Hana），只是花了大半年時間，已經成功在各大頒獎禮中橫掃多個新人獎，新一年，她更得到星夢一紙合約，老闆何哲圖（Herman）更講明讓Hana接吳若希棒，點名力捧。
為免新寵再步同門的鍾嘉欣和吳若希生B停工後塵，傳聞Hana賣身契列明條款，嚴禁結婚生B。早前本刊發現已年屆三張嘅Hana去了佐敦一座醫務所林立的大廈睇婦科，有指她此行除了例檢，另一目的是了解「凍卵」手術資料，為10年後生仔未雨綢繆。禁結婚生B
破格以三十歲之齡闖樂壇的菊梓喬（Hana），身材無甚睇頭，但勝在樣子十足內地女星劉亦菲，加上唱得又彈得，去年出道火速成為宅男新一代女神。
踏入新一年，Hana正式泊碼頭加盟星夢娛樂。今個月七日，公司隆重其事為她舉行加盟記者會，獲星夢一眾師兄師姐包括鄭俊弘、許廷鏗等拍短片歡迎。
分屬同門的鍾嘉欣和吳若希分別為生B停工，搞到老闆Herman（何哲圖）冇晒符！雖然Hana不如吳若希青春，但Herman有意將她打造成另一個吳若希，務求紅歌又紅人；但首要條件，是要Hana守住子宮，合約期內嚴禁結婚生B。
已經三張的Hana為錢途着想，但又怕將來做高齡產婦，惟有預先「凍卵」，為未來做媽咪作準備！
葉璇都凍卵
上週六（一月十四日），Hana在尖沙咀出席完活動再會合友人行街醫肚後，再行去位於佐敦的嘉賓商業大廈，在大堂水牌看了一輪，便直上樓上一婦產科醫務所，等見醫生期間，Hana更與友人傾到有關「凍卵」的話題。「識Hana嘅朋友都知佢好鍾意小朋友，不過呢幾年係事業搏殺期，加上合約講明唔俾生B，所以佢都唔諗住拍拖；但女人將來最終係要有個家，所以我哋提議佢考慮『凍卵』，聽講葉璇都做過兩次呢種手術，大家驚佢甩漏，仲介紹埋醫生俾佢。」Hana身邊友人說。
撰文、攝影、攝錄：娛樂組
鍾嘉欣餵人奶升Cup
1 :
GS(14)@2017-02-18 09:51:50鍾嘉欣昨日到圓方出席鑽石品牌Hearts On Fire全新系列發佈會，她罕有大晒3吋事業線，示範逾350萬港元的鑽飾。她笑言要做空中飛人，因經常加拿大、香港兩邊飛：「今次都有36小時喺香港，上次都冇，不過唔辛苦，好掛住個女。頭先同佢Skype，佢眼定定望實我，好得意。」嘉欣指囡囡Kelly現6個多月大，開始食糊仔和學爬。提到她上圍明顯升cup，她笑說：「升少少，因為餵人奶後，會好似為小朋友度身訂做咁，都唔會大好多。」至於何時再造人？她冧笑說：「等Kelly歲半、2歲先，畀我足夠時間愛Kelly先。」採訪：盧妹攝影：沈健程
來源:
http://hk.apple.nextmedia.com/entertainment/art/20170218/19931931
同媽咪細個餅印一樣鍾嘉欣囡囡似番個女仔喇！
1 :
GS(14)@2017-03-24 17:08:04究竟係爸爸嘅基因勁啲，定係媽媽呢？呢個問題，不少網民都想問下佢哋，例如楊冪劉愷威，或者Baby同黃曉明、周杰倫同昆凌等等，因為佢哋都唔想BB曝光，所以大家就更好奇咁。似爸爸又好媽媽又好，BB個樣，其實日日都變緊，一不留神就錯過。好似鍾嘉欣個B女Kelly咁，出世嗰陣就似爸爸，依家大大下，半歲有多喇，就越嚟越似媽媽喇。香港時間昨午一點左右，鍾嘉欣一口氣upload咗三張lovely Kelly嘅相，真係超得意，豬膽鼻似足媽媽，內雙眼皮，眼仔大大水汪汪，十足十鍾嘉欣細個咁。呢位新手媽媽帶埋囡囡行「姨媽傢私」，戰利品似乎唔算多，架車車主要都係做Kelly嘅「座駕」，但見相中嘉欣就好開心同囡囡selfie，囡囡就頭岳岳嘴扁扁露出一副「走得未呀？」嘅表情，cute爆！
來源:
http://hk.apple.nextmedia.com/entertainment/art/20170324/19968703
Kelly冧暈曹敏莉鍾嘉欣囡囡唔慣香港生活狂喊
1 :
GS(14)@2017-04-04 08:59:29鍾嘉欣(Linda)去年與脊醫Jeremy結婚後，誕下囡囡Kelly，並長居加拿大。嘉欣曾透露自己餵人奶，時時刻刻都要照顧囡囡，所以早前推咗部劇，只係間中返港出席活動賺吓奶粉錢。最近嘉欣帶埋BB返港12日，除咗出活動，仲有探班香港班朋友。曹敏莉昨日喺微博貼咗佢同囡囡及嘉欣與Kelly嘅合照，原來佢哋都係人04年中華小姐，Linda攞冠軍，Mandy就得亞軍。Linda喺ig留言﹕「前中華小姐聚會，13年前你代表香港，我代表溫哥華。呢個比賽改變大家嘅命運，我好感恩我哋識到依家，你都仲係咁靚，Mandy你要繼續努力，很開心的一天！」相中見Kelly個樣真係好得意，白白淨，頭髮濃密，而眼仔碌碌，個樣越嚟越似媽咪。曹敏莉留言：「今天跟Linda媽媽過了一個非常愉快的下午！Baby Kelly真係可愛到不得了，It was so nice chatting with you dear!」而Linda早前亦接受咗鄭紹康fb live訪問，獲送贈BB衫，Linda即笑住投訴：「自從有咗之後，我地位都冇晒。」Linda透露囡囡唔習慣香港生活，失眠咗3晚，佢話：「可能有jet lag(時差)，返到嚟成日喊，今日好少少……加拿大超安靜，我哋屋企唔開電視，同老公商量過，盡量都唔會畀iPhone佢睇到，所以佢平時好calm.」被問點解咁快收身？Linda即刻企起身show纖腰，笑言：「餵人奶啦，收身好快。」
來源:
http://hk.apple.nextmedia.com/entertainment/art/20170403/19978780
鍾嘉欣想咬囡囡腳趾仔嗌好好味！
1 :
GS(14)@2017-04-13 22:40:32鍾嘉欣今個月9號過33歲生日，脊醫老公Jeremy為佢喺溫哥華搞咗個surprise派對慶祝，o依家嘉欣BB間唔中就加國、香港兩邊走，因為囡囡Kelly喺香港住唔慣，喺加拿大超安靜，返到香港成日喊，不過嘉欣BB一向好錫fans，所以佢都多咗喺Instagram分享生活照。嘉欣BB昨日貼出囡囡腳仔相，佢留言“Kelly: I really can't get enough of your feet! Tosiewosies are too delicious. Literally”原來嘉欣都好鍾意囡囡Kelly嘅腳趾仔，鍾意到想咬Kelly啲腳趾，打hashtag「feet too cute」、「want to bite them」、「even though it smells is till love」及「mommy loves you」!唔少網民留言問Kelly係唔係識行，寫道「乖乖係咪已經識企喇」、「Kelly well done，識企啦」、「我相信你咬咗好耐」!
來源:
http://hk.apple.nextmedia.com/entertainment/art/20170413/19989229
加拿大出巡會親友鍾嘉欣緊張湊女 嘆上海菜
1 :
GS(14)@2017-04-29 23:41:30■戴着眼鏡的鍾嘉欣於當地時間上周六在溫哥華與親友嘆上海菜，飯後她先行步出餐廳。讀者提供圖片
【爆相爆片】剛度過33歲生日的鍾嘉欣，去年為脊醫老公Jeremy誕下囡囡Kelly後，一直香港、加拿大兩邊走，回港出席活動賺奶粉錢。擺明廿四孝母親的嘉欣，日前在溫哥華帶着囡囡出巡與親友嘆上海菜。由於當地天氣仍然寒冷，身穿羽絨的嘉欣，時不時輕握女兒小手，確保囡囡不會着涼，非常緊張。
於04年參選華姐入行的鍾嘉欣，去年2月宣佈在加拿大溫哥華嫁脊骨醫生Jeremy Leung，並選擇在當地定居。囡囡Kelly去年8月出世，Kelly樣貌精靈可愛，出世時十足十老公的翻版，現時約8個月大的Kelly，五官已漸漸有母親的美人胚子。初為人母的嘉欣享受湊女之樂的同時，待女兒滿三個月大後，便開始加拿大、香港兩邊走出席活動及宣傳，除可以保持知名度外，亦方便她日後復出娛樂圈，同時又可為女兒的奶粉錢及教育基金籌謀。至近月囡囡已可以搭飛機，故嘉欣近幾次快閃返港出席活動時，都有帶Kelly同行，順道帶囡囡返港跟好姊妹及朋友見面，嘉欣更在Instagram貼愛女的照片，分享為人母的喜悅。
■穿着白色羽絨禦寒的嘉欣，不時回頭顧盼BB車上的Kelly。讀者提供圖片
■溫哥華天氣仍然寒冷，不時刮起風，緊張的嘉欣即拉起BB車的車冚遮擋。讀者提供圖片
■鍾嘉欣去年8月誕下囡囡Kelly，不時在社交網貼與Kelly的合照。互聯網圖片
輕握囡囡手
日前本報讀者高先生透過「爆相爆片」表示在當地時間上周六，於溫哥華見到鍾嘉欣帶着囡囡跟幾名親友飯敍。高先生透露：「佢哋一行人去到當地一間出名嘅上海餐館食晏，食完晏之後，素顏戴住眼鏡嘅嘉欣先行行出餐館，然後就將囡囡放喺紅色嘅BB車上。」雖然已是4月時值春天季節，不過溫哥華天氣仍然寒冷，身為母親的鍾嘉欣仍要身穿一件白色羽絨禦寒，她擔心囡囡不夠暖，不時見她在街上踎低輕摸囡囡小手。當吹起一陣風時，她又急忙拉起嬰兒車的車冚，緊張得來盡顯母愛。據高先生指當日同行親友中，不見嘉欣老公Jeremy的身影，當眾人齊集後，他們行過對面馬路的停車場，之後便取車離開。
■好姊妹苟芸慧（左）去年12月曾到溫哥華探嘉欣及Kelly。資料圖片
■定居溫哥華的鍾嘉欣，近月不時返港搵銀。資料圖片
計劃追多個
作為新手媽媽的鍾嘉欣，曾經在訪問中講過，等到囡囡一歲半時，就會計劃追多個小朋友，因為第一次做人母的感覺非常良好，嘉欣說：「Kelly係超級、超級乖，唔扭計、唔喊，除咗夜晚瞓前喊3、4分鐘，跟住自己就瞓，瞓8、10個鐘就起身，擺佢喺度畀啲公仔佢，佢就會自己玩餐飽。」既然湊得開心又舒服，年紀尚輕的嘉欣當然希望追多個，不過等她復出的粉絲就要多等一陣子。採訪：王梓嫚難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170429/20005104
【節日留念】鍾嘉欣媽媽日新階段
1 :
GS(14)@2017-05-18 02:14:13母親節是很溫馨的日子，藝人都愛在這偉大的一天公告喜訊。去年母親節，鍾嘉欣在微博宣佈懷孕消息：「母親節快樂！很快，我會進入人生另一個階段：做媽媽！我非常期待、異常興奮！當兩個心連成一個，感覺很奇妙下年的母親節，會是怎樣的呢？lovelovelove」台灣女神徐若瑄則選在前年母親節，公佈腹中胎兒是男B，她在社交網留言：「我想今年我只要按醫生指令乖乖卧床！健健康康、母子平安、能順產，不讓她們擔心，就送給兩位媽媽最好的母親節禮物了！」
來源:
http://hk.apple.nextmedia.com/entertainment/art/20170515/20021290
鍾嘉欣望母女檔拍廣告
1 :
GS(14)@2017-05-27 08:54:28■鍾嘉欣指囡囡現在很嗲，是最好玩的時間。
鍾嘉欣和Ana R.昨日到中環出席奶粉活動，Ana R.帶同女兒現身，嘉欣在台上分享9個多月大囡囡Kelly的生活。訪問時，她興奮地說：「好記得係4月17號，Kelly叫媽媽，22號就叫Dada，之後又講Hi，又識企，真係轉變得好快，佢?家好嗲，係最好玩嘅時間。」嘉欣透露最近為愛女寫了幾首歌：「其中一首叫做《媽咪晨早起身就望住我》，每朝我見到佢對我笑哈哈、流口水，真係好開心。如果有個廣告可以放入去，真係好正。我同老公傾過，如果遇到鍾意嘅品牌、有個好機會，唔介意同Kelly一齊拍廣告做紀念。」採訪：盧妹攝影：陳順禎
來源:
http://hk.apple.nextmedia.com/entertainment/art/20170527/20034902
鍾嘉欣擔遮變大妗姐王君馨榮升章太「我好幸福」
1 :
GS(14)@2017-06-16 01:47:46【依足傳統】■王君馨於香港時間前日與Daniel在紐約舉行婚禮，除穿上裙褂出嫁外，更有鍾嘉欣（左）擔遮兼任大妗姐。
現年31歲的「處女黨」成員王君馨（Grace），去年11月與圈外男友Daniel申請註冊結婚，至香港時間前日，二人終在紐約舉行婚禮，正式升呢做章太。身為王君馨好姊妹的鍾嘉欣、李亞男、衛蘭和裕美等均有親到紐約分享好友喜悅。
【透視晒腿】■換上婚紗禮服的王君馨與老公在婚宴上切蛋糕。互聯網圖片
■王君馨與Daniel在教堂宣誓，正式成為夫婦。互聯網圖片
【星級姊妹】■獲一班圈中好姊妹陪伴出嫁的王君馨，笑到見牙不見眼。
姊妹團Rap歌
新娘子Grace於昨日凌晨時分，向傳媒分享出嫁心情及婚禮場面的靚相，她除穿上傳統裙褂出嫁外，更由好姊妹鍾嘉欣做大妗姐擔遮陪出嫁，甚至向父母斟茶，一切跟足傳統。另外，王君馨又穿婚紗跟老公錫錫，認真甜蜜。忙到一頭煙的Grace昨日興奮地說：「我喺噚日6月11日喺紐約同Daniel結咗婚啦，好嘢，哈哈哈。噚日係非常開心啦，一朝早起身，啲姊妹幫我着褂啦，我哋又有斟茶畀我哋嘅父母，總之成件事都非常之開心嘅，嘉欣變咗我嘅大妗姐，因為我哋冇一個大妗姐。」
Grace透露她與老公現身婚禮場地時，衛蘭帶領裕美和李亞男等唱詩歌和rap歌，眾人並準備了十分甜蜜的歌詞送給她和老公，她說：「我哋都好感動，我係章太啦，我好幸福呀！」開心爆燈的Grace其後更於微博和Ig分享婚照，正式宣佈「Hi！I'm章太。」Grace在紐約舉行婚禮後，將於下月11日在香港的美國會補擺喜酒大宴親朋。
香香送祝福
原來Grace所揀的婚紗為本地設計師Marco M Chan設計，食正今年的短袖嫁衣熱潮，而她之前已穿過他多套婚紗影pre-wedding相，可見她對Marco情有獨鍾。此外，岑麗香雖然未有出席好友Grace在美國的婚禮，但透露將會出席好友在香港的喜酒，屆時她還會擔任姊妹，香香於Ig留言向一對新人送上祝福說：「你們結婚啦！」撰文：魯吉
來源:
http://hk.apple.nextmedia.com/entertainment/art/20170614/20054799
Next Page