📖 ZKIZ Archives

97蚊變2900萬受欺凌22歲仔靠計數變賭神

1 : GS(14)@2017-04-04 08:59:19

英國倫敦一名22歲小伙子從小喜歡計數，雖然讀書時因有數學天份而飽受欺凌，如今這卻成為他的賺錢武器－－靠數理知識及分析能力玩德州撲克，4年間就將10鎊（約97港元）變為300萬鎊（約2,900萬港元）。卡雷爾（Charlie Carrel）將數學天份用在賭德州撲克上，研究撲克多年後，18歲時在網上賭場以10鎊小試牛刀，一直順風順水。他知道可靠此賺錢，於是將所有精神及時間都投放在德州撲克上，試過連續8個月日玩16小時。「我在社交生活上本有更好的選擇，但我認為德州撲克可能是個很好的機會，它可改變我的人生，包括朝九晚五的工作生涯。」他後來轉戰現實撲克比賽，在技巧、天份加上懂得在賭牌時隱藏情感，繼續賭場得意，曾在歐洲撲克巡迴賽（European Poker Tour）決賽贏得100萬鎊（約974萬港元）。雖然已是千萬富豪，但他沒打算要豪使豪買，他聲稱：「我有賺錢慾望是想為這世界做點好事，我知道錢有多麼的重要，並知道可以聰明地運用它。」卡雷爾不捨得花錢買超級跑車，但就樂意請好朋友一同度假，「我常和自己及朋友說，如果我贏大錢就請他們去荷蘭阿姆斯特丹，那是我遇過最瘋狂的旅程，為了回憶一切都值得。」英國《太陽報》/《每日鏡報》




來源: http://hk.apple.nextmedia.com/international/art/20170403/19978810
PermaLink: https://articles.zkiz.com/?id=329139

無份拍《超級學校霸王》黎明扮gay扮賭神一樣掂！

1 : GS(14)@2017-06-10 12:40:52

香港娛樂圈藝人出晒名多才多藝，而早喺80年代已經有歌影多棲發展嘅生態出現，特別係當年一齣《超級學校霸王》，雖然黎明未有參與，但能夠搵黎多位紅星甚至係紅極一時嘅四大天王其中三位演出，可以話係轟動一時，到o依家都時不時被網民拎出嚟「翻叮」回味。而四大天王除咗歌唱了得，拍電影方面亦令觀眾非常驚喜。劉德華、張學友、黎明、郭富城四位都演技精湛，戲路又夠廣，愛情片懸疑片甚至喜劇都可以見到佢哋嘅蹤跡。黎明早喺1986年借參加新秀歌唱大賽出道加入大台，最初竟然唔係發展歌唱事業而係被安排去參與電視劇嘅演出，出奇地發掘出演戲天份，開始接觸電影圈，1995年拍攝紀念鄧麗君嘅電影《甜蜜蜜》，溫文儒雅嘅形象成功擄掠全球少女心，雖然金像獎輸咗俾鄭則仕，但係部戲就喺金像獎掃咗9個獎，相當犀利，以為黎明賣靚仔會繼續拍愛情片啦，你又估唔到1996年佢接拍王晶嘅《賭神3之少年賭神》，戲中又要夠型又要扮儍，都幾考演技㗎！不過去到02年嘅時候，黎明仲憑《三更之回家》首次榮膺金馬影帝。到咗1997年黎明將喜劇同愛情片嘅天份合而為一，同鄭秀文拍攝《愛你愛到殺死你》，劇情輕鬆幽默，而且戲中有多首兩人嘅金曲，當年都十分受年輕人歡迎。經過歲月嘅沉澱，近年黎明喺電影路上開始出演更加深入嘅角色，例如2008年飾演一代京劇大師嘅《梅蘭芳》，揉合故事、歷史與虛構，以虛實交錯的敘述方式，記述一代京劇名人嘅生平。其實黎明仲有好多精彩角色，例如《十月圍城》中嘅落泊公子乞兒、《火龍》當中嘅火爆警察等，演技越浸越出嘅黎明最近仲接拍咗長40集嘅大陸劇集，令大家都非常期待佢嘅演出。啱啱講到四大天王獨欠黎明，其實黎明唔係冇同其他天王一齊過拍戲㗎，好似92年喺《明月照尖東》同學友合作過，同年黎明就喺《龍騰四海》客串演殺手，同劉德華同戲演出。




來源: http://hk.apple.nextmedia.com/entertainment/art/20170606/20045920
PermaLink: https://articles.zkiz.com/?id=334728
Next Page
ZKIZ Archives @ 2019