發哥家輝北京賀城城封帝
1 :
GS(14)@2016-04-12 18:16:13周潤發、郭富城與梁家輝三大影帝前日在北京為電影《寒戰2》做宣傳，該片投資公司安樂電影老闆江志強前晚宴請他們晚飯，在飯局尾聲還準備了一個蛋糕，祝賀城城奪得香港電影金像獎影帝，而發哥第一個走到城城身邊恭喜：「當晚睇頒獎禮，見到你得獎，真係好為你開心，你咁多年嘅努力，終於有回報。」
■出爐影帝郭富城開心地切蛋糕。
原來發哥一直是城城很欣賞的前輩演員，所以多年前已希望和發哥合作，城城表示：「發哥不但演技好，做人同工作態度都好值得學習，我好慶幸同發哥有機會做對手戲。」在《寒戰2》飾演大法官的發哥和飾演警務處處長的城城有多場對手戲，由於其中一場對白特別多，所以開工前一晚兩位演員都做足準備，到現場拍攝時，完全熟背如流地演出。採訪：鍾國仁
來源:
http://hk.apple.nextmedia.com/entertainment/art/20160412/19567294
三分鐘內與131人自拍發哥玩Selfie 誓破世界紀錄
1 :
GS(14)@2016-05-19 02:23:02■（右起）城城、發哥與梁家輝挑戰健力士自拍紀錄，參加者在旁排隊逐一自動波埋位影相。
周潤發、郭富城及梁家輝3位《寒戰II》主角，昨日在旺角麥花臣體育館舉行「挑戰世界Selfie紀錄」，發哥手執電話帶領現場觀眾於3分鐘內逐一自拍，有望成功打破105人的健力士世界紀錄。自拍王發哥主理挑戰健力士世界紀錄，他事前已安排工作人員試位，隨後又親自指揮現場燈光安排、移動佈景板等，首次進行挑戰時，由伍家謙及呂麗紅校長打頭陣，發哥摩打手狂按電話完成首次挑戰，但初次嘗試未成功，他說：「影咗過千張，1秒拍6至8張，有幾下甩咗手，可能做唔到個紀錄，聽講有兩次機會，嚟多次。」
下令唔准郁
第二次挑戰時，發哥要求所有參加者在拍攝時盡量不動，以免影響拍攝，就連城城和家輝亦不敢亂動，最終有131位參加者成功與發哥、城城和家輝自拍，發哥即笑說：「開頭影咗999張停咗，之後再影576張，加埋影咗1575張，應該破到紀錄。」城城也表現得很興奮，知道發哥拍到很累，家輝就笑言替發哥手指痠，不過完成創舉的發哥就回應：「我唔痠，啲人叫我影相，我都話舉手之勞。」原本在大馬拍戲的城城，昨日請假回港宣傳《寒戰II》，能參與挑戰世界紀錄，他感到很開心說：「幾好玩呀！可能郁一郁影嘅相都係廢，唔知發哥喺屋企有冇鍛煉。」城城又指自己平時都有好多機會自拍，最多就是拍打邊爐與朋友分享。採訪：張俊銘攝影：仇志德
■負責揸機的發哥下令不能亂動，連城城及家輝都不敢隨便換甫士。
■三人在台上完成挑戰，再在台下自拍輕鬆得多。
來源:
http://hk.apple.nextmedia.com/entertainment/art/20160516/19613145
《殭》收視低 監製怪觀眾網民：畀發哥你拍都死
1 :
GS(14)@2016-05-21 13:13:39無綫劇《殭》大結局收視平均有25.8點，最高收27點，前晚該劇監製陳維冠接受傳媒訪問時，就話有啲失望，仲話拍呢套劇，其實只係想改變觀眾睇電視劇嘅習慣——就係唔好齋聽人講，亦唔好只係睇一兩集就下判斷，而係要真真正正去煲——陳維冠仲話，作為電視媒體係要不斷去試，而作為觀眾，陳維冠話，佢哋都要不斷進步。有網民反問：叫人睇多幾集先知好睇？點解唔索性將唔好睇嗰幾集刪走佢：「識拍戲啲人去晒邊，有啲咁嘅監製，畀發哥你拍都死。咁大反應係為喜見無綫任用新面孔，拍啲無乜點拍嘅題材，但點解可以拍成咁！叫人睇多幾集先知好睇就死啦，不如將唔好睇嗰前幾集取消好過，將啲出外景錢放喺有用的地方，例如編劇。點解無綫變到現在咁……」
來源:
http://hk.apple.nextmedia.com/entertainment/art/20160518/19616018
發哥61歲牛一全港街坊唱歌仔賀壽
1 :
GS(14)@2016-05-21 17:49:38街市海鮮檔姐姐
噚日係5月18日，即係香港巨星周潤發61歲生日。大家睇發哥喺《寒戰2》入面，咬牙切齒咁話「我唔鍾意做人隻棋！」，中氣十足霸氣凌人，借問有邊忽似61歲先？眾所周知，發哥一向平民化同低調，就算上年六十大壽，有唔少權貴幫佢搞豪華宴，發哥都一一婉拒，只係同二十多位好友食餐盆菜宴。所以今年，我哋《蘋果動搞作》特登去咗九龍城，深入魚檔、菜檔、水果舖同凍肉舖，搵嚟一班街坊街里一人唱一句歌仔為發哥賀壽。首歌就揀咗發哥嘅《大丈夫日記》，貪佢夠鬼馬吖嘛！去歌！
生果檔老闆
老字號餅店姐姐
街市菜檔嬌姐之子
串燒檔姐姐
可愛美少女
球場上熱血小子
鄰家男孩
美國來的旅人
《我要賀發哥》（原曲：《大丈夫日記》）填詞：周定發係就生日喎？（Oh birthday right？）我要賀發哥（he very nice）各地華人齊示愛 與別唔同係我唱番首歌 放facebook播
day day encore
oh many likes大壽星係你（Oh Thank you you）永遠係咁tall（Oh very tall）日日嚟尋獲你夜夜嚟圍捕你拍番張囉 錯fo都可媽媽得咗
facebook呃likes你永遠實在係very nice
we love you you love us真不錯我愛你 hmmmmmmmmm
Oh我愛你 Oh birthday nice（普通話）生日快樂生日快樂六十一又到嘞 （Oh Sixty One）永遠係咁Man（Oh very man）有薈蓮陪住過快活悠悠渡過咖啡西多買抽生果通山穿梭
Oh very nice你永遠實在係twenty five你外貌跟心境都不老我愛你 hmmmmmmm
Oh我愛你 Oh birthday nice（普通話）生日快樂生日快樂大壽星係你（Oh birthday nice）個個賀發哥（he very nice）我地全城同賀你 我地蒲頭齊賀你（合唱）唱呢支歌 晚朝都播
Day Day Encore
Oh very nice
Oh many likes
Oh many likes
來源:
http://hk.apple.nextmedia.com/entertainment/art/20160519/19617472
獲街坊唱生日歌感動發哥行山賀61歲 好意頭
1 :
GS(14)@2016-05-21 17:49:39■發哥周一已與楊千嬅、關智斌和姚子羚等人食飯預祝。互聯網圖片
昨日是周潤發61歲生辰，本報《蘋果動新聞》特別製作一條賀壽片送給他，記者深入九龍城魚檔、菜檔、水果舖同凍肉舖，搵來一班發哥街坊街里一人唱一句生日歌為他祝壽，這首歌是用了發哥舊作《大丈夫日記》改編了歌詞，歌詞改得夠鬼馬，街坊唱得搞笑，難怪發哥昨日都看得好開心和感動。
■《蘋果動新聞》找來九龍城的街坊唱歌祝周潤發生日快樂，唱得非常搞笑。
■盧姓行山友昨日捕獲壽星發哥，更嘟嘴selfie。互聯網圖片
寓意步步高陞
到底主角發哥昨日如何慶祝呢？原來他一早與老婆在家吃完早餐，就約了健身教練去行山，晚上偕太太和朋友一起吃飯慶祝。據知，發哥的賀壽行山選了輕鬆易行的錦田甲龍徑，經川龍、牛寮上荃錦坳，再經甲龍林徑落雷公田。昨早11時有盧姓女行山友在雷公田野生捕獲發哥，合照後即刻把照片放上facebook，並留言話：「上得山多終遇發，原來今日發哥61歲生日，我超lucky呀！發哥生日大快樂！」發哥表示生日去行山特別好意頭，代表步步高陞的意思，而他在本周一已約楊千嬅等食飯預祝。發哥和發嫂昨日看到本報的賀壽短片後，他倆被一班街坊打動，沒想到九龍城街市好友如此有心，發哥表示：「見到呢班街坊咁有心幫我賀壽，真係既開心又感動，多謝！多謝！生日年年有，都冇乜要啲乜嘢特別慶祝，不過今晚就約咗老婆、朋友一齊食飯。」採訪：鍾國仁
來源:
http://hk.apple.nextmedia.com/entertainment/art/20160519/19617570
馮仁昭四圍超：跑山練心肺發哥生日老婆送山水蛋糕
1 :
GS(14)@2016-05-21 18:29:45■發哥前日61歲生日，發嫂訂做咗個有齊發哥興趣嘅3D蛋糕，氹到發哥好開心。
周潤發前日61歲牛一，發嫂陳薈蓮約咗一班好友喺銅鑼灣西苑酒家食生日飯，發哥一到場啲職員就熱情款待，讚佢越嚟越後生有型，氹得發哥好高興。發嫂為咗畀驚喜老公，一早訂咗3D生日蛋糕，上面有山水小溪、相機、單車同電影菲林，全部都係發哥喜歡嘅嘢，搞到發哥好感動。
■發嫂唔止送蛋糕，仲送咗香吻畀發哥。
愛上運動停唔到
在場好友大讚個蛋糕好靚同有心思，發哥就對住老婆話：「老婆都係你最知我心意，多謝你！」問發哥有乜生日願望？佢話：「身體健康，做人開開心心囉！不過對我人生最大啟發，係呢兩年開始頻頻行山同做運動後，我發現成個人都精神咗好多。以前成日搵中醫睇，以為食下中藥調理身體係最好，但自從愛上跑山，整個人嘅心肺功能都比以前好咗好多，跑住上山成個鐘都冇氣喘。」發哥仲話冇得做運動會周身唔舒服。發哥忠告大家，如果想身體好，運動就一定要做，只要養成習慣就肯定唔會停，成個人精神爽利，病痛都會少好多！撰文：馮仁昭
來源:
http://hk.apple.nextmedia.com/entertainment/art/20160520/19619269
發哥演《蘇乞兒》險死
1 :
GS(14)@2016-05-26 17:39:56資深電視製作人楊紹鴻最近推出新書《一起走過的日子》，分享曾共事的周潤發、劉德華及翁美玲等33位藝人的故事。書中指周潤發30多年前拍無綫劇《蘇乞兒》時，有場要獨自撐船離開碼頭的戲，發哥的小船越飄越遠，半小時後他坐警車現身，甫落車就怒罵要告導演謀殺，原來當日懸掛3號風球，風勢太大，發哥獲途經的捕魚船救起，之後報警送回。楊又指當年有人請發哥拍電影《巡城馬》，但撞正劇集《衝擊》檔期，發哥想拍該片，但礙於電視台合約不能辭演，故他玩失蹤。撰文：陳以晴
來源:
http://hk.apple.nextmedia.com/entertainment/art/20160526/19627358
宣傳《寒戰II》訪內地大學 發哥堅持廣東話
1 :
GS(14)@2016-06-21 07:39:08■周潤發昨日在廣州出席座談會，笑言自己的普通話很爛。記者曾小嘉廣州傳真
【廣州直擊】周潤發、導演陸劍青及老闆江志強昨日到廣州華南理工大學，出席電影《寒戰II》的試映會及座談會，吸引近千名學生及內地記者到場。發哥在台上問現場學生喜歡自己說白話還是普通話時，台下一致大叫「普通話」，發哥以廣東話說：「我啲普通話好爛，唔可以喺廣州混。」之後他分別以普通話及廣東話溝通。
自拍多角度
席間學生預先製作了一條「人人問發哥」的短片，有學生問發哥知否自己有「自拍狂魔」之稱，他笑說：「我知，好多時係啲人隻手唔夠長，所以我出手。廣東話有句說話『死喺你手上，不如死喺自己手上』。」學校方面準備了自拍神棍及電話，讓發哥跟一名女學生合照，不過發哥以手代棍自拍，更分享自拍的重點：「不能太近，唔係對眼就變成火星人，想影瘦啲就高角度拍。」之後再在現場抽出三名學生到台上一起玩自拍。發哥接受訪問時表示在廣州聽廣東話版會較親切，他說：「因為廣東話版後期合成未做好，所以今次播普通話版，相信學生都會睇得明。內地同香港市場分別係人口問題，內地人口多啦，同埋內地有審查，有啲唔可以拍、唔可以接觸，如果要賺錢就有好多嘢要遷就。」他覺得內地觀眾口味都是動作、科幻及愛情題材。
■有「自拍狂魔」之稱的發哥分享自拍心得。
■難得發哥到訪，學生都爭相向發哥提問。
■發嫂陪伴發哥上廣州，認真恩愛。
清身體垃圾
近年發哥愛上運動，他笑言現在正職是健身，演戲只是副業：「而家專注做運動，做清道夫清理自己身體垃圾，練內功逼番啲死氣出嚟。」他以車形容自己，自言大維修執好就可以見人。陸劍青透露廣州跟北京的試映反應很不一樣，他認為廣州觀眾反應較強，他說：「可能廣州觀眾更多睇香港電影同文化，所以容易啲投入。」老闆江志強則表示廣州會上映普通話及廣東話版，演員會自己配音，以保證原汁原味，他又不排除會開拍第三集。採訪、攝影：曾小嘉
來源:
http://hk.apple.nextmedia.com/entertainment/art/20160621/19662484
【我Q你答問會】人人問發哥 「賭神呃人㗎！」
1 :
GS(14)@2016-07-06 08:11:28■周潤發雖然演過賭神，但原來他唔識鋤大Dee。攝影：陳順禎
周潤發日前去了老婆陳薈蓮的娘家新加坡宣傳《寒戰2》，做完宣傳會留在當地度假一星期，在他離港前，《蘋果動新聞》邀請他做「人人問發哥」環節，請來一批市民考考發哥。雖然發哥的賭神形象深入民心，但他笑言唔識賭錢，賭神全靠液晶體眼鏡呃人，認真爆笑。問到通識問題，被喻為最貼地的民間特首發哥，一般都能對答如流，但仍然會被郵費幾多這類問題難倒！採訪：倩宜
Q1.范先生：Show Hand入面最大副牌係乜？發哥：老老實實，你唔好搵呢啲嘢嚟蝦我，我話晒都係賭神嚟，其實我係唔識嘅。鋤大Dee我都唔識，賭神唔使識，呃人之嘛，有個液晶體眼鏡就得㗎喇！
Q2.黃小姐：香港本地平郵幾錢？發哥：仲有人寄信咩？我唔識寫字，冇寄信好耐，雖然舊陣時我做過助理郵差。而家平郵使唔使$1.1呀？係咁上下啦，你哋寄多啲信啦。（答案：$1.7）
Q3.洋先生：想請問吓九巴61X嘅起點同終點站喺邊？發哥：你當我係邊個呀？站長呀？我阿爸開九巴㗎？我鬼識呀？我最多係坐7號由九龍塘去尖沙嘴。（答案：九龍城碼頭至屯門市中心）
Q4.麥先生：發哥，知唔知邊條係全港最長嘅行山徑？發哥：大家都以為麥理浩徑100公里好長，其實唔係，現時有條150幾，喺八仙嶺嗰頭兜一圈。
Q5.Carrie：發哥，facebook有個捕獲你嘅群組，你知唔知最多合照嘅地方係喺邊？發哥：行山囉，都係城門呀、大帽山嗰邊多。
Q6.Jason：發哥，你覺得整一個盆菜最重要嘅靈魂係咩？發哥：個盆囉，係咪咁話呀？其實對我嚟講盆菜最緊要係豬皮、蘿蔔。而家有黑松露嗰啲唔啱嘅，盆菜嘛，盆菜好粗嘅嘢嚟。
Q7.楊小姐：發哥，你知唔知道菜心幾多錢一斤？發哥：楊小姐，老老實實，阿太好錫我嘅，呢啲嘢通常係佢去街市聯絡好晒，等啲人送過嚟，幾錢斤可能佢都唔知，佢月結嘅。
Q8.李小朋友：美國幾時選特……總統呀？發哥：美國無特首得總統，特特特特特！李小朋友，呢個選舉將會喺今年嘅11月選，祈望新一屆總統，為世界帶來和平。（答案正確）
來源:
http://hk.apple.nextmedia.com/entertainment/art/20160706/19682554
【馮仁昭四圍超】八杯水保靚樣61歲發哥跑山喼弗
1 :
GS(14)@2016-07-09 06:36:02■發哥而家逢一、三、五跑山，二、四、六就做肌肉訓練。
今年61歲嘅周潤發越來越fit，有乜嘢秘訣？原來佢近年愛上跑山，人哋就喺平地跑步，但佢就走去郊外跑山，而且仲跑到上癮，每日唔跑番半粒鐘會周身唔舒服，發哥話：「跑嘅時候有個胺多酚走咗出嚟，我入面隻鬼到時到候就叫你，如果唔去周身唔舒服，跑完個人好開心。」原本體重185磅嘅發哥，自從開始做運動就瘦咗好多，最瘦時只得148磅。
■跑山跑上癮嘅發哥，曾喺山上遇到劉嘉玲。資料圖片
■發哥話原本體重有185磅，開始做運動後曾減到148磅。
唔食補品
問發哥會唔會同發嫂一齊跑步？佢抵死咁笑話：「我唔同得佢跑，佢跑得好快，佢爭啲貴利數多嘛，佢要跑山呀！你知我就好少借錢啦，我就冇乜爭貴利數，所以好悠悠閒閒咁跑。佢就大鑊喇，借落好多通街數，一走起嚟最快嗰個劉易斯都追佢唔到。」呢個發哥噏得就噏，坐喺身邊嘅發嫂聽到都冇佢咁好氣。既然發哥個body就靠做運動keep，咁個靚仔樣又點keep先？佢話：「我乜嘢都唔食，又唔食補品，我淨係飲水，八杯水就最基本。除咗一、三、五去跑山做呢啲帶氧運動之外，二、四、六我就去做肌肉訓練，每日呢啲就係補品嚟，呢啲有時補到你標鼻血喇！」撰文：馮仁昭
來源:
http://hk.apple.nextmedia.com/entertainment/art/20160707/19684084
Next Page