【《蘋果》專訪】揀港男神 棄發哥華仔小嶋陽菜恨嫁 睇中劉鳴煒
1 :
GS(14)@2016-07-12 22:08:14■日本組合AKB48成員小嶋陽菜日前來港出席活動，並接受《蘋果》專訪。 攝影：陳俊強、廖達燊
日本組合AKB48的28歲成員小嶋陽菜，出道逾10年，是隊中數一數二的女神級成員。即將離隊的她，當解除戀愛禁令後望明年嫁人，日前來港揀男神更視劉鳴煒是理想對象。小嶋陽菜相隔4年半再度訪港，今次主要是出席「The ONE x櫻桃小丸子 Mamma Mia得意之旅」的展覽揭幕儀式，陽菜亦接受《蘋果》專訪，對於宣佈「畢業」後便推出婚紗系列，更有日媒爆她隨時閃婚，陽菜笑言：「我曾在夏威夷占卜，占卜師說我在29歲結婚，剛好是明年，不知道是否真的呢？」上月陽菜遠赴南法為自己的婚紗拍攝廣告，她愛上當地牛油，每日都用牛油塗麵包來吃，令她現在很擔心體重問題。
■陽菜選了劉鳴煒為合眼緣的香港男神，更讚對方對眼很可愛。
■陽菜推出自家婚紗系列，上月更遠赴南法拍攝婚紗廣告。
■陽菜接受訪問後，更為《蘋果》送上親筆簽名。
期待有機會見面
陽菜的女神形象深入民心，儘管她對本地演員及名人認識不深，今次安排她挑選最合眼緣的香港男神。在周潤發、劉德華、黃子華、劉鳴煒及何猷君各年代男神當中，陽菜憑直覺選了身兼青年事務委員會主席的劉鳴煒，她大讚對方對眼很可愛，看似很聰明，當陽菜知道對方全套Package後吃驚謂：「很棒呢！原來並非全部都是演員，富二代竟然有這個質素，真完美，希望下次有機會見面。」芸芸大中華藝人中，陽菜稱因好友很喜歡陳柏霖，又經常給她看柏霖的照片，所以印象特別深刻。其實陽菜早在兩、三年前已有離隊打算，直至上月公佈退出AKB時已作好心理準備，她直言沒有太大轉變及壓力。陽菜上次來港留下美好回憶，故計劃未來到港舉行粉絲見面會，透露到時要為港迷現場唱出鄧麗君名曲《月亮代表我的心》，曾代言香港餅店的她說：「當時拍廣告前幾天收到CD，由於國語歌詞很難記，所以花了幾天時間練習，之後我去唱K都會點唱這首歌。」陽菜反問記者此曲是否大家都識，她即場哼了頭一句，笑言要再加練習，下次來港可大展歌喉。採訪：吳家偉
來源:
http://hk.apple.nextmedia.com/entertainment/art/20160712/19690603
發哥發嫂鍾情魚蛋粉黎諾懿孖老婆平食車仔麵
1 :
GS(14)@2016-08-14 14:29:18明星拖友或夫婦如普通市民，開餐未必一定要去米芝蓮、五星級大酒店開餐，魚蛋粉、大牌檔等平民美食都可以見他們的足印。周潤發發哥與發嫂家住九龍塘，愛去九龍城買餸，常常幫襯德昌魚蛋粉，他愛該處的魚蛋彈牙爽口。黎諾懿貴為「五億駙馬」的黎諾懿日前便帶同有米落選港姐老婆李潔瑩結婚，拍拖去了西環食車仔麵，幫襯食賣36元的三餸車仔麵。黃德斌黃德斌常被影到與女友Joyce去中環歌賦街大牌檔的勝香園開餐，嘆番茄牛肉麵。鄭伊健、蒙嘉慧筲箕灣安利魚蛋粉是不是明星追捧的平民食點，當中鄭伊健夫婦、葛民輝夫婦，甚至過億身家的沈嘉偉都成日與老婆邱淑貞開餐。
來源:
http://hk.apple.nextmedia.com/entertainment/art/20160814/19735694
街市有份人情味發哥青雲Ella愛買餸
1 :
GS(14)@2016-09-02 05:49:42街市又濕又逼，之但係買開買熟，傾得幾句，總係有一份人情味，去買餸又可以閒話家常…咁做藝人又唔係個個都好離地，有啲都貼地㗎，間唔中就逛街市!周潤發高大有型嘅萬人迷周潤發平時愛行山、閒時行街市，出入坐地鐵，絕對係親民巨星，咁發哥最愛行咩街市…當然係有「明星街市」之稱嘅九龍城街市買餸。劉青雲劉青雲同老婆郭藹明結婚18年，平時放假就會行山放狗，行街市買餸；廿四孝老公青雲今年2月去九龍城街市拎雞被野生捕獲。官恩娜官恩娜(Ella)上年仲係大住個肚嗰陣，被影到佢十足師奶仔咁，喺灣仔街市與菜檔、肉檔、生果檔等店主傾得好投契，完全放低明星架子。謝天華老婆Tina
Laughing哥謝天華亦陪過老婆Tina去跑馬地街市買餸，玩煮飯仔做廿四孝老公。
來源:
http://hk.apple.nextmedia.com/entertainment/art/20160902/19757132
【馮仁昭四圍超】發哥黑衫Loop
1 :
GS(14)@2016-10-11 08:11:52■發哥貼地又親民，去西環食麵被瘋狂集郵。
發哥周潤發最鍾意行山係人都知，不過唔行山嘅朋友想知發哥嘅去向都唔難。好似前日咁，發哥先去圓墩郊遊徑，然後再去西環源興隆麵檔醫肚，見到發哥當然嘅例牌動作係打卡同集郵。網民仲爆料話發哥唔係第一次去呢間麵檔食嘢，因為麵檔五十年代已經開業，麵食遵從六十年前風味。不過，大家除咗見到發哥集郵，又有冇留意發哥一年起碼有300日，被「捕獲」時都係着黑色長袖透氣運動衫、戴黑色cap帽？即係無論佢喺郊野公園定屋企樓下，佢個裝束都係冇變過，就好似老夫子，或者無綫劇《絕代商驕》嘅黃子華（麥提爽）一樣，都鍾意日日着一式一樣嘅衫。
■發哥的黑色戰衣加帽去到邊都見到，原來佢一次過買咗10多套。
吸熱散熱快
發哥嘅友人就話佢自從行山、跑山後，發現呢身黑色Dri Fit運動裝非常舒服，吸熱同散熱都快，一年四季都着得，加上發哥鍾意黑色，所以叫發嫂一次過幫佢買咗10幾件一式一樣嘅衫，等佢可以日日着，所以基本上係分唔到邊日打邊日發哥去過邊度。撰文：馮仁昭
來源:
http://hk.apple.nextmedia.com/entertainment/art/20161011/19796724
發哥幫手截車黎明匿名捐款助火災遺屬
1 :
GS(14)@2016-10-13 08:09:34日前三哥苗僑偉去到南生圍指揮交通，估唔到戲內做警察，戲外都咁威風凜凜。其實除咗三哥咁親民做好人好事，圈中好多天王級嘅藝人都成日做好人好事㗎。唔遠講近，鍾意行山嘅周潤發上個月喺西貢北潭路，幫三位行山客截的士；該名的士司機仲形容發哥好nice咁同佢影相，仲行去的士車頭親手揸機自拍o添！ 同樣喺上個月，出名錫fans嘅劉德華再次出手救歌迷。事源係華仔去到北逖宣傳電影，期間有歌迷走到台上打算送禮物俾華仔，之後被保安阻攔，令到華仔好激動行到台邊喝止。亦有人低調行善，就好似黎明咁，今年6月Leon以匿名身份捐款50萬到《蘋果慈善基金》，幫助九龍灣時昌迷你倉四級大火兩位殉職消防員，以及青葵公路兩死兩傷奪命車禍中的遺屬。《蘋果》致電黎明經理人公司問到捐款嘅事，行事低調嘅黎明表示冇回應。
來源:
http://hk.apple.nextmedia.com/entertainment/art/20161013/19799106
鍾楚紅想約發哥中東影相
1 :
GS(14)@2016-10-18 08:15:30鍾楚紅昨日於尖沙嘴出席「Overseas之旅」相展，笑言平時逛街已習慣被粉絲野生捕獲，問是否來者不拒？她笑說：「都唔係㗎！食緊飯就要尊重番我，食完飯先補影。」
周潤發 資料圖片
紅姑愛攝影，提到今次相展，她自言很嚮往外遊拍攝的日子，談到最想去的地方，她說：「自己想去伊朗同耶路撒冷，好鍾意《一千零一夜》嘅故事，黃土地、建築同廟宇。」會否考慮開相展？她說：「都未去，計劃吓唔難。而家政局穩定，好可惜打咗咁耐仗，遺址破壞晒。」她還大讚周潤發是selfie高手，笑言可約他到中東影相：「佢一定有興趣。」採訪：羅慧敏攝影：陳慧安
來源:
http://hk.apple.nextmedia.com/entertainment/art/20161018/19804038
明星名人愛吃清湯腩發哥Eason排隊幫襯
1 :
GS(14)@2016-11-11 08:10:33位於中環歌賦街嘅九記牛腩，曾獲飲食網站開飯熱店大賞，最出名當然係賣牛腩，不過啲服務態度之「優」亦非常馳名。儘管係咁，依然每日客似雲來，當中更有唔好名人明星走去幫襯，包括最最親民嘅發哥周潤發。周潤發唔少明星去幫襯食肆時都會被店員要求合照留念，更何況係見到發哥同發嫂？九記老闆潘權輝曾經喺2013年接受《蘋果》訪問時提到，啲明星去幫襯時要求同佢合照，所以佢先影，而且佢只會將啲相掛喺二樓唔當眼嘅地方，但係發哥嗰一張，佢坦言係自己要求嘅，可想發哥個地位幾咁與別不同。李連杰、向太陳嵐動作巨星李連杰雖然唔多時間喺香港，但係佢嚟香港時都會幫襯吓啲出外食肆，好似喺04年，佢由美國返香港拍廣告，一唔使開工就約埋老友向太陳嵐去上環睇佛珠，之後轉場去九記醫肚。任賢齊台灣男星任賢齊有一段時間經常來港，原來佢唔使開工嗰陣，都會去飲飲食食，喺04年11月，小齊就被《蘋果》撞見佢帶埋司機同助手去九記開餐。陳奕迅「吹神」陳奕迅亦係九記客仔，雖然佢貴為天王，但佢幫襯時毫無架子，同其他食客一齊逼喺圓枱開餐。滕麗名3年前嫁畀朱建崑嘅滕麗名，舊年都被目擊獨自揸車去九記買外賣，當時薄施脂粉嘅阿滕喺落單後，同店員吹水打發時間，約10分鐘左右就拎住兩大袋外賣離開。
來源:
http://hk.apple.nextmedia.com/entertainment/art/20161111/19829576
【能教能演】成立藝訓班 賞識發哥
1 :
GS(14)@2016-11-16 05:10:10【1971年】藝訓班教師 黑白圖片
戲劇泰斗鍾景輝在耶魯大學戲劇學院取得藝術碩士頭銜，62年回港任教浸會書院，67年加入無綫做開國功臣，71年成立藝訓班，當年周潤發投考失敗，幸King Sir慧眼識英雄造就國際巨星的誕生。接受西方教育的他，推崇俄國戲劇大師史坦尼斯拉夫斯基（Constantin Stanislavsky）的著作《演員的自我修養》教導學生，認為專業演員最基本的操守是守時。
76年King Sir轉投麗的電視，80年代擔任演藝學院戲劇學院創院院長達十八年，演過多齣舞台劇的他成就非凡，執導的有《夢斷城西》及陳寶珠演出的《劍雪浮生》，演出的有自言最喜歡的《莫札特之死》、首念莎翁對白的《李察三世》，又做過音樂劇《但願人長久鄧麗君》等，曾八度獲香港舞台劇獎的最佳男主角及四度獲最佳導演獎，2012年榮獲香港藝術發展局頒發終身成就獎；電視代表作有《甜酸爺爺》，電影為《最愛》，而由他擔任旁白的亞視紀錄節目《尋找他鄉的故事》，其獨特聲線更成為王祖藍的模仿對象。
周潤發
【2001年】音樂劇《但願人長久鄧麗君》
【2009年】莎劇《李察三世》
來源:
http://hk.apple.nextmedia.com/entertainment/art/20161114/19832726
發哥城城用同一個教練梁靖琪考牌開中心
1 :
GS(14)@2016-12-21 23:41:58喺度提下大家，下星期就係聖誕節，農曆新年就喺1月底，食唔停肥幾磅，邊個唔係咁先？但唔使怕喎，花啲時間做運動，總會變番靚嘅！想個外形再好睇啲，不如跟呢幾位星級健身教練學下嘢啦。杜德智：杜德偉平時喺演唱會都總有個招牌動作－－剝淨底褲晒完美身材。佢咁弗，因為佢阿哥杜德智正係健身教練！杜德智仲有個星級學生方力申，一樣操到爆晒肌。
Anson：普通人可能唔識佢，但Anson喺娛樂圈入面就好出名，因為周潤發、郭富城、楊千嬅等等巨星，都係跟佢健身！趙勁皓：啱啱先被人話大男人，要女友DaDa Lo一年內懷孕，佢哋以一張晒肚相證明相處得好快樂。睇中啲，趙勁皓線條勁好，原來佢本身係健身教練，仲同朋友合資開健身室，9月底參加WWF PRO及香港健美及運動適能錦標賽，仲拎咗3個冠軍。
來源:
http://hk.apple.nextmedia.com/entertainment/art/20161221/19872009
Next Page