混血名模婚後幸福肥Rosemary兩層腩肉玩瑜伽
1 :
GS(14)@2017-03-04 10:18:31【攀鐵鏈】■Rosemary（右）已考獲瑜伽導師牌，輕易在柱躉及鐵鏈上做高難度動作。
【淺水灣】混血名模Rosemary已經34歲，近年積極轉型，與老公Jason去外地搞音樂活動，同時亦迷上玩瑜伽，之前更與好姊妹貝安琪考獲瑜伽導師牌，她更做私人導師，以及推廣瑜伽運動工作。日前，Rosemary與兩名女友人現身淺水灣，同行還有兩名攝影師，原來眾人在拍攝瑜伽相。當日下午約3時許，身穿運動bra top及短褲性感運動裝束的Rosemary，在海灘附近出現，她趁未輪到她拍攝時，站在附近玩手機。Rosemary曾在行內以魔鬼身材取勝，現在愛上瑜伽的她反而身材有點走樣，目測她腰間出現「兩層腩」，未知是否因婚後太幸福，出現所謂的「幸福肥」。
【展功架】■影相時，Rosemary收腹擺瑜伽的蹲腿動作。
【睇效果】■Rosemary（右）相當緊張，每影完一個甫士即與攝影師商量。
【擠腩肉】■Rosemary彎腰玩手機，不小心擠出兩層腩肉。
搞養生活動
Rosemary玩完一輪手機消磨時間，等到她埋位拍攝時，即擺出不少瑜伽甫士，當中有「腿張開」，擒上柱躉等高難度動作，她對自己表現顯得緊張，不時影完一個甫士，即與攝影師研究，不愧是專業模特兒出身。記者昨日致電Rosemary，她透露近月忙為推廣健康生活的工作：「會在今個月中後，在峇里辦一個關於瑜伽養生的活動，現在很努力向這方面發展。」記者笑言她有少少「幸福肥」現腩肉，她就笑言：「情人眼裏出西施。」採訪、攝影：徐錦池、吳耀輝
來源:
http://hk.apple.nextmedia.com/entertainment/art/20170304/19946651
「Sing之天使」藍莓轉行做sales雪梨教瑜伽殺出血路
1 :
GS(14)@2017-04-06 07:41:38齋講郭穎橋你可能唔知邊個，不過話埋畀你知佢係「Sing之天使」嘅菠蘿你一定記得佢係邊個。咁有代表嘅「Sing之天使」o依家又去咗邊呢？藍莓(劉俐)喺《耳分高下》同《美女廚房》都冧莊做「藍莓」嘅劉俐喺大台發展已經算係最好，拍過唔少劇，主要都做演性感角色，不過喺14年離開大台，o依家轉行做sales，仲被影到喺地鐵胸壓打工仔男友。雪梨(林芊妤)原名林婉霞嘅林芊妤(Coffee)，佢最出名嘅就係2014年，佢同富二代「Gathering」一事轟動全城，雖然Coffee因為呢年事被大台炒魷。不過，Coffee因禍得福，o依家仲轉行教瑜伽，早前仲同匯豐銀行總行副總監拍拖o添！香蕉(王淑玲)王淑玲(Vanko)喺08年加入大台，佢仲做過《街坊廚神》主持金剛嘅助手，佢仲拍過唔少劇，不過都係做啲路人嘅角色，不過去到2013年就離開大台。檸檬(李悅彤)李悅彤(Liddy)，原名李婷，事業嚟講唔算出色，不過佢喺2014年被影到同導演彭順喺圓方偷情，仲公然親熱。呢件事曾一度令彭順同李心潔嘅婚姻亮起紅燈，不過最後李心潔都原諒咗老公，仲生咗對孖仔o添！而Liddy就繼續銷聲匿跡。柑桔(陳蕊蕊)33歲嘅陳蕊蕊擁有34F魔鬼身材，大台舞蹈藝員出身，去年4月同金剛因為性格不合分手，之後仲自稱恨拍拖。早前就有傳陳蕊蕊同洗米華愛將余加榮撻着，陳蕊蕊亦承認有與對方聯絡。
來源:
http://hk.apple.nextmedia.com/entertainment/art/20170406/19981790
周秀娜拋胸帶隊玩瑜伽
1 :
GS(14)@2017-04-15 23:27:51周秀娜昨晚在觀塘與一班OL玩瑜伽，宣傳她有份主演的新片《29+1》。身穿小背心的娜姐做瑜伽動作時不時拋出事業線，但其筋骨頗硬，表現有點吃力。問是否因為宣傳自己新戲所以性感現身？娜姐說：「都唔係，不過今次反應好，優先場都加場，希望落力啲宣傳效果好啲。」若票房好的話會否再性感一點？她說：「都唔關事，票房我哋控制唔到，盡做啦。不過如果老闆有慶功嘅話，我又鍾意陽光與海灘嘅地方，到時泳衣就在所難免，一定會影番張相畀大家睇，欣宜都好中意陽光與海灘㗎。」
此外，娜姐昨午在旺角出席日本化妝品牌活動，自爆拍攝無綫劇《宮心計2深宮計》時，因眨眼頻率太勁而被工作人員指放電。娜姐說：「佢哋要求我用對眼電馬浚偉，有時我淨係眨眼，其實未交戲，佢哋已經話收貨。」採訪：卓寶花、盧妹攝影：仇志德
■娜姐為宣傳新片，昨晚率領一班OL玩瑜伽。
■娜姐昨午自爆拍劇時眨眼太密而被指放電。
來源:
http://hk.apple.nextmedia.com/entertainment/art/20170415/19990765
考導師牌似木人巷王馨平瑜伽血淚
1 :
GS(14)@2017-04-30 15:22:14【頭倒立】■48歲的王馨平經過4年學習瑜伽，現在身體已變得柔軟。
【《蘋果》專訪】現年48歲的王馨平（Linda）早前以開胸裝出席慈善騷，結果一露驚人，原來她是靠做瑜伽練得好身材，去年更考取瑜伽導師牌。日前她在中環親自示範瑜伽，一招頭倒立顯功架。
Linda形容苦練4年考牌過程，如打少林寺木人巷般辛苦：「之前打golf成日揈桿，搞到要搵物理治療師，啲人話瑜伽係自療，所以報名，呢4年真係好勤力學，過程好辛酸。我唔係好柔軟嘅人，考牌要學習200個鐘，每次拉筋都有血有淚，堅持每朝7點到課室，接受2至3個鐘體力訓練，直情覺得自己入咗少林寺，感覺好似喺木人巷裏面，而理論嘅嘢都好辛苦，要記梵文考試唔可以串錯。」
【立卧撐】■王馨平體重雖然沒減輕，但衣服卻穿細兩個碼。
【練平衡】■王馨平指做瑜伽有很多好處，包括令臀部及胸部堅挺。
■王馨平笑言老公從來不會讚她身材好。資料圖片
穿細兩個碼
學習瑜伽的初衷是治療身體，雖然收了身，但體重並無減輕，依然是64公斤，但衣服尺碼就細了兩個，Linda說：「牛仔褲以前係32吋腰，?家27吋都着到，所以一般人觀念嘅減肥係唔啱，唔係話幾日唔食嘢，上磅梗係輕咗啦！但咁係冇用，其實要透過運動令肌肉結實，自然會收水腫，呢種瘦法先健康。」
節食唔健康
老公有否讚身材好？Linda笑說：「從來唔會讚我身材好唔好，我肥佢都要鍾意，我都唔會嫌佢㗎，自己最大缺點係臀部大，好在我夠高，可以拉長比例。」她坦承以前做歌手時試過節食減肥：「為咗3日後塊面尖啲唔食飯，夜晚唔食都試過，但咁唔健康，有運動習慣，塊面係有一種光彩，唔食嘢餓到死係唔靚。」
Linda指做瑜伽可以令臀及胸部堅挺：「老師話好多倒立動作，肩倒立每日做10分鐘有拉提作用，肌肉結實咗，唔再埋怨身體邊個部位唔夠靚，接受番自己，呢樣好重要。」採訪：皓騫攝影：陳俊強
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170430/20006125
一樣未婚生B瑜伽Friend貝安琪簽Mandy 同母失和
1 :
GS(14)@2017-06-22 08:03:20■貝安琪與囝囝練習瑜伽動作時，囝囝十分配合，還笑到卡卡聲。攝影：陳慧安
【《蘋果》專訪】貝安琪今年初為男友Simon未婚產子，囝囝Sebastian接近四個月大，當了全職媽媽一段日子。她積極瘦身重投工作搵奶粉錢，選擇簽約好友Mandy Lieu旗下，和母親劉香萍結束多年工作夥伴關係。
■在德國讀書時貝安琪已經常做保母，對湊B十分熟手。
■過往每逢貝安琪現身，母親劉香萍（左）總會做貼身經理人。資料圖片
■貝安琪（右）和Mandy（中）當模特兒時已經是好姊妹。資料圖片
不顧一切產子
貝安琪帶着囝囝練親子瑜伽，在事業及家庭中她選擇為愛犧牲，不顧一切產子，當時和母親意見分歧，貝安琪感觸說：「有事業之際去生BB，?家冇晒事業，我聽到都嚇親，好唔開心，媽咪覺得我冇BB會好啲。?家我已經有自己家庭，想行自己路，獨立做自己嘢。」回想當時母親希望她繼續工作，以博取更大知名度，對貝安琪是最大的人生交叉點，她坦承現在比以前開心：「媽咪係幫我好多，但係too much，我覺得好辛苦，亦有壓力，?家大家都feel到我開心咗。」一個任性的決定，換來母女決裂局面，生B後母女割席兩個月，貝安琪不禁眼濕濕說：「完全冇同媽咪傾偈冇通電話，我關心同愛護佢，但唔想同佢鬧交，所以畀啲距離大家。」
減肥影婚紗相
現時老公Simon和媽咪關係如何？貝安琪說：「OK啦，媽咪唔開心我哋未結婚，佢好傳統我明白，我喺歐洲長大，覺得唔需要結婚住，?家我哋有計劃遲啲先結婚，自己身形又未ready，我都想影輯靚相，同老公一齊減肥，媽咪聽完滿意啲喇。」不過現時母女已重修關係。提到好友Mandy，貝安琪指二人同是混血兒和瑜伽之友，更一樣當了媽媽，貝安琪說：「我哋以前成日合作，近期未正式見面，見到一定會交流一下湊B，知道佢有兩個小朋友，收身收得好快好厲害。」採訪：卓寶花瑜伽服裝提供：Pure Apparel場地提供：Pure Yoga
來源:
http://hk.apple.nextmedia.com/entertainment/art/20170620/20061503
王馨平教瑜伽好開胃
1 :
GS(14)@2017-06-25 09:31:29王馨平（Linda）昨日到商台為將於下月23日於文化中心舉行的「國際電影音樂巡禮」音樂會宣傳，Linda是次與樂樂國樂團合作，Linda說：「今次會唱唔同嘅電影主題曲，包括《別問我是誰》、《不要躲避我的眼睛》等，同中樂團合唱，係難得機會，會好珍惜。」今次會否再有性感驚喜給大家，Linda說：「上次性感收到投訴，今次要搜集意見先。」
Linda去年考得瑜伽導師牌，最近開班擔任導師，Linda說：「我嘅學生男女都有，有同胞亦有西人，自己好享受做老師，我每次上堂都全情投入，好盡力，所以落堂好肚餓，食量好似再度發育。」採訪、攝影：張俊銘
來源:
http://hk.apple.nextmedia.com/entertainment/art/20170624/20066565
Coffee擬千萬開瑜伽學校
1 :
GS(14)@2017-06-25 11:27:04林芊妤（Coffee）前晚在尖沙嘴出席J&B Entertainment開幕，Coffee想開瑜伽學校：「想買而唔係租，因為我係完美主義者，一定大裝修，又想就啲學生，學校喺港島區，希望唔過一千萬啦！近排努力接job搵錢，一日教11、12堂瑜伽，真係人都癲！」同場的陳蕊蕊最近學了新式泳術，準備引入香港：「其實美人魚學校教嘅係一種游水方式，喺外國興咗好耐，香港就得一個教美人魚嘅老師，好多人唔明係乜，所以想推廣呢個運動。」雪子則表示以美人魚身份在書展推出旅遊書。採訪、攝影：張俊銘
來源:
http://hk.apple.nextmedia.com/entertainment/art/20170625/20067704
【歐洲大熱】飲住啤酒玩瑜伽「放鬆吓，出汗快！」
1 :
GS(14)@2017-08-02 06:15:55一班瑜珈愛好者初體驗歐洲大熱的啤酒瑜伽。
一提起瑜伽，自必然聯想到心靈合一，要有一個平靜的心境，可是歐洲最近捲起一陣啤酒瑜伽熱潮，一反傳統瑜伽的平靜理念，實行邊玩瑜伽邊喝啤酒。啤酒瑜伽源自德國，但熱潮於今年更捲至英國、澳洲和泰國等地，到底此股熱潮有甚麼特別呢？今次就請來一班瑜伽愛好者來試玩，看啤酒瑜伽到底有何不同。
有超過15年瑜伽經驗的Waterfall瑜伽導師李玉鳴（Ivey）指，她認為新興的啤酒瑜伽都不錯，因為其實瑜伽有很多不同類型，市場一向有開拓不同類型的瑜伽，讓參加者看哪款最適合自己。平日上的瑜伽課，大多學生都會專注在自己的墊上做動作，雖然瑜伽本身就是要專注自己，但卻缺少人與人之間的交流和相處。相反，啤酒瑜伽感覺是脫離了平日上課很認真和緊張的氣氛，以前即使是一大班人一起上的瑜伽課，但都未必會跟旁邊的同學溝通，而啤酒瑜伽就可令到大家較為放鬆，大家都可聊聊天，一減平日上班或生活的壓力。
導師和學員配合著啤酒樽來做出不同的瑜伽動作。
平日的瑜伽課可能欠缺人與人之間的互動，但啤酒瑜伽則可彌補這點不足，學員之間的互動多了。
學員Ling認為一起舉杯這樣的瑜伽課比較輕鬆。
相信大家都會疑問，但飲到醉昏昏，真的做到瑜伽動作嗎？Ivey解答，其實只要有點酒精影響，做平衡動作時始終會差一點，所以她會加強地上的動作，又或者做一些伸展動作，未必會做太多要站立的平衡靜止，這麼整體上會較放鬆和安全。第一次接觸啤酒瑜伽的學員Ling指，一起舉杯這樣的瑜伽課，大家可以放鬆一下，其實都不錯，只不過邊喝啤酒邊做瑜伽會有胃氣，若可改用為果汁都未嘗不是一個好辦法。另一學員Roni指，如果一起飲酒的話，一大班朋友會開心一點，個人會比較放鬆，而且對她而言，邊飲啤酒邊做瑜伽令她較快便出汗，令到她變得更熱。此款另類瑜伽，你又會否嘗試一下呢？不過無論是飲酒或做瑜伽，都要量力而為，感到不適就要馬上停止活動，尋求專業的協助。
由於受到酒精影響，所以做瑜伽動作時都會減少要站立平衡的動作，改為多一些坐下的動作。
有超過15年瑜伽經驗的瑜伽導師李玉鳴（Ivey）
場地提供：Waterfall Sports& Wellness記者：陳傲紫攝影：周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170801/20107703
Next Page