【動畫】痛關樣事 靚女護士打針無咁痛
1 :
GS(14)@2017-07-09 03:56:50如果你覺得靚女就溫柔，咁當有靚女護士幫你打針，可能就無平時咁痛！
「啊！唔好啊！我唔打針！」唔理你係大人抑或小朋友，都有機會因為怕痛而驚打針。如果俾你揀，你會揀一個黑口黑面、粗聲粗氣嘅auntie，定係笑容可掬、望落溫柔絕頂嘅靚女幫你打針？相信唔少人都會揀後者。
偏好靚女打針，未必完全關色心事，註冊臨床心理學家趙思雅指，這可能受到社會心理學入面的「光環效應」（Halo effect）影響。所謂光環效應，是指當對某人有好印象，自然會覺得他所做的一切都特別好，例如你覺得靚女護士特別細心溫柔，自然會認為她打針手勢、技巧特別好，感覺上無咁痛。其實除生理上的痛感，我們對痛楚的認知、想法、情緒，都會影響我們感受到的痛楚程度，所以只要有「靚女特別溫柔」的想法和印象，打針就可能無咁痛喇。
註冊臨床心理學家趙思雅
制服的顏色對病人的情緒都有影響，鮮艷的顏色有助令病人放鬆，痛楚自然減少。
光環效應跟一般分散注意力不同，用其他事物或言語令人分心，咁先叫分散注意力。例如幫小朋友打針時，家長或護士都會同小朋友傾偈、叫小朋友望另一邊等等，咁樣除咗可以神不知鬼不覺地順利幫小朋友打針，亦可藉此減輕小朋友痛楚。當然，如果閣下真係特別鍾意望靚女，打針嗰時掛住眼甘甘咁望住護士姐姐，咁都可以係分散注意力嘅。除此，原來護士姐姐的衣着，甚至連診所環境，都可能會影響打針時的痛楚感覺。趙思雅指，大部份人與生俱來就會受「白袍效應」（White coat effect，又稱白大衣高血壓，White coat hypertension）影響，當入到診所、醫院，見到白色一片的牆身、醫生袍等等，會不其然地產生焦慮感並緊張起來，對醫護人員所做的一切都特別驚恐，在這種情緒下，打針可能會比較痛。趙思雅建議，醫護人員可以笑多啲、着顏色較鮮艷的制服，甚至戴有公仔的口罩，都會令病人接受治療時較為放鬆。
資料來源：註冊臨床心理學家趙思雅記者：李煒汯攝影：梁志永2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170707/20081146