久松郁實下水拍寫真浮出D Cup胸器
1 :
GS(14)@2016-09-25 10:28:21現年20歲嘅上位日模久松郁實來勢洶洶，佢靠D Cup身材突圍而出，上年開始深受傳媒及日男捧成新一代咪神，去年更成為登上最多雜誌封面嘅女星。久松郁實以肉感及33、23、34三圍迅速上位，本月底將再有水着DVD《193》上架，近日久松瞓身造勢，又成為漫畫雜誌嘅封面女郎，率先公開新作嘅唔同水着靚相。《193》係久松推出嘅第三作DVD，今次飛到風景怡人的峇里島取景，為配合運動主題，久松以好動一面來硬銷健康性感，除咗融入棒球衫風格嘅泳裝外，佢更穿比堅尼化身出水芙蓉，久松浸喺水中展示驚人浮力，近日都喺網誌上公開拍攝花絮，久松話當攝影師要求表現出熱愛游水一面時，佢即大字形浮在水面凸出上圍，久松仲留言：「浮起咗！我太鍾意浮游。」
來源:
http://hk.apple.nextmedia.com/entertainment/art/20160925/19781267
20歲都丸紗也華動感胸突圍拍寫真
1 :
GS(14)@2016-09-27 08:02:19日本水着偶像都丸紗也華憑住F奶加上甜美面孔上位，早前穿着鮮紅色比堅尼演出電玩遊戲MONSTER STRIKE全新廣告「MONSTER SUMMER!!絕對反射主義」，立即受到外界注目，靠動感胸突圍。都丸紗也華喺廣告中全程展現出青春可愛一面，重點係佢跳脫表現令豐滿上圍勁有3D效果，獲東洋宅男力捧做女神，更被睇好機會陸續有來。今日係都丸紗也華嘅20歲生日，佢以白滑肌膚同埋F cup引起宅男關注，最近上位即獲出版社炮製處女寫真集於聽日上市，由於佢天賦巨乳本錢，而且又慷慨露肉，所以寫真集會以肉感作招徠，更幾乎半裸上陣，單係封面已夠晒吸睛。其實都丸紗也華早於中三已被星探發掘入行，前年獲得「Miss D2015」獎項，之後以四人組合FYT姿態發展，由於有成員被發展行為不檢，組合繼而解散，令到有機會單飛嘅都丸紗也華立即有運行。
來源:
http://hk.apple.nextmedia.com/entertainment/art/20160927/19782736
密斟葉青霖徒弟操刀36F李珊珊回歸 再出寫真
1 :
GS(14)@2016-10-15 12:12:16■李珊珊當年為纖體公司拍了一輯玩蛇廣告，由葉青霖操刀拍攝。資料圖片
在96年成為四料港姐冠軍的李珊珊神隱多年，今年6月突然在微博宣佈會拍賣港姐后冠，捐助予6間慈善機構。據知拍賣活動將於明年1月舉行，而珊珊更密謀推出一本純影集，以配合后冠拍賣宣傳。
完全信任Martin
過去珊珊只曾推出過兩本寫真集，包括99年《心塵泊岸》散文攝影集及01年《色相》攝影集，全部都由大師級攝影師葉青霖操刀。當年珊珊是風靡一時的36F性感女神，噴血身材迷倒一班宅男，不少攝影師爭相合作，但珊珊只對葉青霖投以信任票，05年兩人再度合作，為纖體公司拍下一輯玩蛇廣告，由於意識過於大膽而遭無綫禁播，成為一時熱話。今次拍賣后冠不容有失，珊珊亦希望能再一次與葉青霖合作，但葉青霖已削髮出家，令珊珊一度打消念頭。直至近月，葉青霖首席入室徒弟Martin Lam欲成其事，主動聯絡珊珊，據了解近日兩人已見過面洽談細節，珊珊早前透露正積極收身，昨日在電話中亦承認曾與Martin有接觸，問會有甚麼突破？她說：「係有呢個方向，多謝大家關心，但而家主打專心搞拍賣，其他嘢完全信任Martin，交畀佢搞。」Martin則賣關子說﹕「有見過面傾過，但詳情都係交番畀佢啦，佢先係呢個project嘅策劃人，珊珊係一位我好欣賞嘅藝人。」
■葉青霖已出家做常霖法師，但與徒弟Martin仍保持聯絡。互聯網圖片
■李珊珊昨日在微博晒相，輪廓鮮明似乎收身已見成效。微博圖片
直播介紹拍賣
珊珊昨日在微博貼上一張自拍照，雖然戴着太陽眼鏡，但輪廓鮮明，似乎積極收身已漸見成效。昨日凌晨，她亦在微博透露正向facebook申請個人賬戶，準備透過現場直播形式，親自介紹整個拍賣及即將舉行的宣傳活動，她留言：「等了fb很久遲遲未收到回覆，現階段就是等待確認便能正式啟動。」採訪：嵐山
■在01年的《色相》攝影集中，李珊珊大晒噴血身材。資料圖片
■李珊珊（中）將會拍賣港姐后冠，將收益捐予慈善機構。資料圖片
來源:
http://hk.apple.nextmedia.com/entertainment/art/20161015/19801072
【美圖晒晒】激索台妹推唯美寫真散文集顯才華
1 :
GS(14)@2016-10-19 05:28:37台灣美女「草莓甜心」李盈儀不僅有羡煞旁人的身材，更擁有無限內在美，成為不少宅男的偶像。李盈儀去年推出的寫真集《做你的女朋友》，內裏大騷迷人身材，讓許多讀者萬分意外。今年她再度推出寫真集《因為想你所以寂寞》，內裏再加上由自己創作的散文，描述一個個在人世間真實上演的愛情悲喜劇，展現「草莓甜心」的才華。現年21歲的李盈儀一直喜歡寫作，她一篇「愛情就像一條橡皮筋」的文章曾連續2周蟬聯「無名小站」網頁瀏覽冠軍。書中的散文描寫李盈儀對愛情及人生的觀察，將自己或身邊朋友的愛情寫成一篇篇故事，引起無數讀者的共鳴。東森新聞雲/facebook
來源:
http://hk.apple.nextmedia.com/international/art/20161019/19805764
黎姿陀巨肚出街5人服侍趙文卓全裸攬老婆影寫真
1 :
GS(14)@2016-11-11 08:10:29自演唱會之後，Kay休息咗差唔多大半年，個月肚一日大過一日，《蘋果》日前見到佢，個肚仲大到成座山咁，好彩身邊有老公張繼聰照顧咋。陀B係辛苦嘅，尤其係巨肚，好似黎姿咁，10年有喜時就要5個人喺身邊侍候，無耐就生咗一對孖女，大女重約6磅，細女都有3磅幾。10月懷胎呢個過程係辛苦嘅，但都好值得紀念，好似安排太太喺香港生仔嘅趙文卓，今年8月就同太太影咗全裸寫真，個焦點梗係影個巨肚啦。另外，黃伊汶（Emme）今年初都有約埋老公陳國坤影巨肚寫真，Emme除咗用巨肚頂老公，仲有一張係「低炒」，顯得個肚特別勁。除咗影相，巨肚都仲可以用嚟畫畫，鄭希怡（Yumiko）上年陀B嘅時候，就試過喺肚皮上畫咗個小女孩嘅樣，結果佢嘅B女梁浸浸出世，真係同幅畫一樣，精靈可愛。
來源:
http://hk.apple.nextmedia.com/entertainment/art/20161111/19829810
寫真隱藏另一個雪雪孫慧雪處女作Sell黑絲
1 :
GS(14)@2016-12-01 00:01:27■入行十年的雪雪今年靠處女寫真彈出。資料圖片
「雪雪BB」孫慧雪喺今年7月書展出佢嘅處女寫真，仲話係出道10年嘅一個紀念，不過似乎今次寫真係佢第一擊，亦都係婚前最後一擊。講番今次寫真，真係夠晒gimmick，因為佢搵嚟另一個「雪雪」客串，講緊嘅係林雪，喺寫真入面，有一輯相係雪雪BB除緊西裝，而喺中間隱藏住嘅拉頁，入面就係林雪，都咪話唔搞笑！而整體嚟講雪雪BB呢本寫，sell健康性感得嚟又恰到好處，而其中最性感嘅就係佢一輯着住黑色睡衣加黑絲嘅靚相，真係冇得輸！另外，喺寫入面，雪雪BB仲有着住婚紗嘅圖片，現在睇番，唔通雪雪BB係想暗示畀大家知佢就嚟做人妻？
來源:
http://hk.apple.nextmedia.com/entertainment/art/20161130/19849657
【馮仁昭四圍超】徐子淇寫真 賀34歲生日
1 :
GS(14)@2016-12-01 00:01:28■千億新抱徐子淇34歲生日，上載一輯同老公李家誠影嘅靚相放閃。互聯網圖片
千億新抱徐子淇噚日34歲生日，噚日凌晨時分佢喺社交網大放閃光蛋，貼咗多張同恒基二少老公李家誠外遊嘅靚相，大晒恩愛，相中嘅子淇同老公着住白色情侶裝坐喺韆鞦上面，同老公深情對望。另一張就係李家誠揸開篷古董車，子淇仲不經意露出一條久遺嘅事業線。
■徐子淇貴為四子之母，至今仍有少女味。互聯網圖片
揚言愛到老
四子之母嘅子淇，仔女一日一日咁成長，但係佢依然保持美貌同身材，佢喺社交網用英文留言：「我不介意自己老，因為有你陪我一齊老！」同李家誠已經係老夫老妻，但子淇喺生日再次對老公講愛的宣言，真係冧爆。子淇06年下嫁李家誠，喺澳洲舉行世紀婚禮，婚後專注家庭，為李家開枝散葉，十年間湊成兩個「好」字。結婚第二年就生咗長女李晞彤，晞彤轉眼已9歲，之後係7歲嘅二女晞兒，5歲嘅三子俊熹，同埋14個月大嘅四子建熹。今年仲係兩人結婚十周年，佢哋一家六口早喺暑假已去咗美國度假慶祝錫婚，心情愉快嘅索爆人妻子淇，當時仲被影到連環啜爆老公。撰文：馮仁昭
來源:
http://hk.apple.nextmedia.com/entertainment/art/20161130/19849715
Next Page