| ||||||
港澳辦主任王光亞列出特首應有條 件後，特首戰情轉趨激烈，各派陣營支持者連番叫陣，梁派最新猛將是有公職王之稱、平日甚少牽涉政壇是非的市建局主席張震遠，他劈頭激讚梁振英正是王光亞所 說的特首適合人選。當李嘉誠揶揄梁不要得把口，張震遠告訴本刊，就是偏愛他靠把口，「梁不在其位就梗係得個講字啦，人在位了，就知道佢做唔做，及做唔做得 到啦。」 張震遠在上週一的市建局活動中，劈頭講港澳辦主任王光亞提到做特首的三大條件（愛國愛港、高管治能力及認受性），張震遠認為，下任特首一定要很了解草根， 而梁振英可謂完全符合王光亞提出的條件。「挺梁」言論一出，旋即被廣泛報導，張震遠從此被冠以「梁營」頭號先鋒，負責為梁振英開路，率先製造輿論，未來有 望梁上位後，張會獲委以局長一職。 山東同鄉 張震遠週一接受本刊專訪時卻表明，「CY（梁簡稱）之後有打過電話俾我多謝支持，僅此而已，有人話我同佢都係山東人，所以幫佢開路。係咪即係話，佢而家要 參選喇，然後我行出嚟同大家講，『呢個係個好好人選，大家嚟選佢啦。』咁樣嚟抽水？唔係啩。」但為何在今時今刻選擇公開挺梁？張震遠說：「佢好後生就做國 際測量師行嘅合伙人，係國際企業喎，咁證明佢有管理大型機構嘅能力，佢勤奮，白手興家，又係基層家庭出身，熟知普羅大眾嘅諗法，佢係上市公司主席，工作好 忙，呢幾年足足寫咗五十萬字，你做記者都知寫一篇文章會有壓力，五十萬字即係寫咗幾多篇？」張震遠與梁振英最近一次午餐，已經是三至四年前的事，「我同佢 確係喺土發（土地發展公司）共過事，不過係做咗一年幾同事，之後大家無乜聯絡，我近排去佢個簽書會，其實係佢發email叫我去，佢應該發咗俾好多人。」 張震遠承認，挺梁言論後有朋友曾致電告誡他，說他太衝動了，「佢哋話，我咁講，係要承受好大風險，我太衝動了。老實講，我根本就唔係想做官，我唔使去考慮 咩風險，人生苦短，仲要睇住吹咩風先至講咩說話，咁做人就仲辛苦。」據知，其實上週的活動開始前，張震遠認真的跟同場的市建局傳訊部高層透露口風，若果飯 局中有記者問他特首候選人的事，他會把心想的都全說出來。他預知要承受風險，而市建局的高層亦劃清了界線，一切只是張震遠個人意見…… 今次，張震遠也拒絕評論梁振英以外的疑似候選人，記者問他怎看陳啟宗罵唐英年成世人無做過一件正經事，張震遠叫記者：「不如你去問番陳啟宗吖。」記者再追 問他這位公職王，常常與政府高官交手，怎樣近距離觀察政務司司長唐英年的能力，張震遠睩大眼，緊閉嘴唇不肯說話，記者等他開腔，他繼續合緊雙唇，dead air差不多一分鐘，最後吐了一句：「我唔想講多錯多。」第三位疑似候選人范徐麗泰民望高，管治立法會的能力亦高，記者問張，管立法會好，代表她管治政府 也管得好嗎？張震遠做了一個噴飯的爆笑動作，又耍手擰頭，不肯回應。香港首富李嘉誠揶揄做特首不要只懂講，要識做，范徐麗泰也有相同的揶揄，張震遠一副忠 實粉絲的挺梁，「佢係得個講字呀，因為佢不在其位嘛，佢做得啲乜？在其位喇，先知道佢點做嘛，佢講過做特首，要有心，我覺得一定要係呀！（特區政府態度官 僚，沒管理過政府的人很難駕馭？）係呀，做領袖最主要係你秉持乜嘢精神，如果有心替市民解決問題，法律之下一定有好多方法可以變通解決問題，唔係死死實實 咁做囉！」 父母是國民黨員 張震遠重複說了三次梁振英是白手興家，值得讚揚，可能是一種條件反射，反映在張的身世上。一九五八年在香港出生的張震遠，父母都是大學生，不過是國民黨 員，四九年逃難來港，年幼時，張震遠與父母及哥哥是住調景嶺的。「我比同學仔優勝的地方係，我普通話講得幾好囉，但係屋企窮，想去外國讀書，就係靠自己半 工讀賺錢返嚟。」他後來去過英國，也到美國哈佛深造，九一年正值香港移民潮期間，他竟然帶着妻兒回流返港，從此在香港定居，「我份人就係怪怪地，唔依章 法，人哋趕住走，我寧願返嚟。其實我一直持有美國護照，○七年做市建局主席時都係持有，合約無講明做呢個位要放棄國籍，但係我個人心理上覺得，我第日要處 理一啲同香港人息息相關的大事件，無理由我係個美國人，所以決定自己走去取消個國籍，我仲記得去到領事館個櫃位，我同人講要取消國籍，個職員叫個領事出 嚟，用個咪問我，張生，你係咪喺受到壓力下要取消美國國籍？笑死我。」美國領事館奉送五年旅遊簽證給他，張震遠把特區護照留在領事館，卻一等等了多個月， 原來美國政府發現他特區護照中有兩次出入伊拉克的出入境印，把他的護照空運回美國研究。「所以話，始終香港係福地。」不僅放棄國籍，他在市建局的作風也一 樣「不依章法」。他入職後改變了政府及公營機構那種公事公辦的態度，「我係相信特事特辦的，可能你會話咁樣係破壞規矩，但如果你以市民的心態去睇事件，就 會容易處理好多。」 波鞋街阿婆 市建局的人都知道張震遠會親自回覆市民的來信，兩年前正值收購旺角波鞋街期間，張震遠便親自處理了一宗求助個案，「一位女士寫封信俾我，同我講佢係住喺波 鞋街一個七層高的唐樓單位，佢隔籬住咗一個阿婆，因為係獨居的，佢個孫隔日要上嚟孭阿婆落樓覆診，然後又孭番佢上樓，佢問我，既然市建局確定咗兩年後會全 面收購波鞋街的單位，可否做個好心，先買起婆婆的單位，讓她搬去一啲有電梯嘅單位呢。我睇到封信後，即刻打俾嗰位女士，佢初時仲以為有人玩電話扮張震遠打 俾佢。傾耐咗我第二日乾脆踩上阿婆間屋。」張震遠得知婆婆苦況後，迅即決定率先收購她的單位，「我同佢講，阿婆我哋而家先用四百萬買起你個單位，如果第日 正式收樓時有增加，我哋會補番個差額俾你，阿婆好開心，仲叫我幫佢買過另一個單位。」結果，市建局很快替她在附近購入一個三百多萬的有電梯單位給她居住， 剩餘的現金則存入她的戶口。市建局傳訊部數個月後致電婆婆欲探訪她的新居，婆婆喜孜孜的說她與親友正出發去郵輪旅行，又九個月後，他們再致電給婆婆欲在內 部刊物中訪問她的個案，但她的親人告訴市建局，婆婆已過身了……「我慶幸我當時咁衝動做咗呢個收購決定，如果我同嗰位女士講，咁樣做唔啱規矩，你叫婆婆等 多兩年等到我哋嚟收購啦，我諗，婆婆最後的一段日子唔可以咁舒服咁開心咁過。」張震遠感慨說。張震遠為「特事特辦」自傲，因為他很認同要走入民生，「做領 導嘅，一定要落區，唔係話落區就係賣你嘅橋，其實都係收橋，好多居民會同你講佢有乜困難有乜需要，聽得多，你會更明白市民需求，我成日都話要需求主導，唔 聽人哋反對乜支持乜，點可以做到最貼合民生嘅嘢啫？」現時三位疑似候選人，誰人落區最多？張震遠還是繞個圈來讚梁振英。 公職王簡歷 年 齡：53歲學 歷：英國University of Sussex數學及電腦科學一級榮譽學士美國哈佛大學工商管理學碩士家 庭：已婚，育兩子一女曾 任：羅省及香港麥堅時顧問公司中央政策組全職顧問Fortune Oil行政總裁富多資產管理行政總裁泰山石化行政總裁及副主席俄羅斯鋁業公司獨立非執行董事現 任：商品交易所主席公 職：廉政公署防止貪污諮詢委員會前主席市建局主席紀律人員薪俸及服務條件常務委員會主席薪酬趨勢調查委員會主席公務員薪俸及服務條件常務委員會委員山東省 政協常委 | ||||||