| ||||||
| 期 指結算日好淡雙方打得燦爛，以表面走勢論，早前淡友本來略佔上風，然而好友卻未鳴金收兵。小妹舊東主始終係大行，日前飯局，前上司已一語道破許多人百思不 得其解之為甚麼，今次升市顯然係對冲基金挾傳統基金，迫佢哋追貨，與有排唔會好嘅實體經濟無關。大家應該明白點解當前可以睇淡，但係唔可以做淡。以下一 則，是個人近期用作教學之實例：去年11月試過小注買入一隻16500收回嘅熊證，短線賺3格嫌冇肉食冇收割，結果再坐一會就要等足半年，喺3月頭至走得 甩，雖然好彩仍賺3格，其間已損失不少機會成本，所以睇得準都要夠狠。前周五（15日）見恒指先升412點尾市卻只升249點，代表個市升唔到，於收市前 小注再開隻17700收回嘅熊仔，然而上周一（18日）個市先跌456點後好快跌幅收窄到唔夠300點，即係話個市跌唔落，在經驗教訓下，即時決定於網上 自行了斷賺兩成。講得咁大聲其實賺晒都係千幾蚊咋，小注小壓力，只係用嚟測試自己對大市短期走勢嘅判斷。 追貨要揀落後股 論炒 輪操作之靈活，當然不及小輪后E般一日來回炒十幾轉牛熊證，E真的可以連廁所都唔去，自問呢啲錢唔係我等一日到黑撲嚟撲去嘅人所能賺。E最幫得上忙就係時 刻監察輪商嘅行為，同埋個別股證嘅資金流向，呢啲資訊好重要，尤其在妹仔大過主人婆嘅衍生市場，只係識睇期指盤路，已經唔足以定輸贏。身邊不少市場中人近 期收到「料」，指大市要先稍作調整，恒指要先見萬三至萬五點水平，之後才再會升到你唔信、一舉挾上兩萬甚至兩萬五千點。只是當市場上一傳十、十傳百，將同 一組信念口耳相傳，再真的傳聞也只會淪為主觀願望。中國銀行（3988）於假期前升近一成，P/B仍然只係1.76倍，還有13分人民幣股息未除；工行 （1398）現價P/B係2.67倍，不過已經除咗息；至於建行（939），P/B已經達到2.52倍，班傳統基金唔係癲嘅，就算真係被迫要追貨，都寧願 揀隻落後嘅。不過或者有人鍾意唔睇P/B睇股東資金回報（ROE），中行、工行、建行嘅ROE分別係14%、19.4%及20.9%，你又會點揀？跟勢還 是信自己？胡孟青 | ||||||
2009-06-03 AppleDaily
| ||||||
| 鐵 達尼號97年前處女航撞冰山沉沒嘅最後生還者迪恩（Millvina Dean），在大前日與世長辭。當這艘號稱「永不沉沒」嘅郵輪撞向冰山時，迪恩只有兩個月大，當時船上貴賓正在飲酒唱歌跳舞傾偈，樂團正在演奏悠揚音樂， 同時亦有唔少賓客在房間瞓緊覺，結果這場驚世災難中，葬身於大海的罹難者竟達1517人，倖存獲救者則只有706人，而且多是老弱婦孺，當中體現唔少人性 之偉大。所謂意外，即係意料之外，最鍾意喺你毫無防範之時，殺你一個措手不及。今時的美國，與當年的鐵達尼號頗有相同之處，表面上都係極盡豪華穩如泰山， 原來都係不堪一擊。鐵達尼號用咗兩個幾鐘頭沉晒，美國又要苟延殘喘多久，才能夠置之死地而後生呢？當前的金融危機，教人體會不少人性唯利是圖之醜惡。 睇實美國十年債息 美 國金融界在次按爆煲前，一片歌舞昇平，就算爆緊煲，美國政府同財金官員有如大合唱，統一口徑異口同聲叫大家唔使怕。到了今年，在狂印鈔票發債救市嘅環境 下，仍然有36間地區銀行及大量企業倒閉。當百年老店GM（General Motors）都已經變成另一家GM（Government Motors），仲有幾多人相信華府可以成功將車廠起死回生？也許投靠中國仍可有機會讓其借屍還魂，在陽間闖多一陣。隨着鐵達尼災難最後一位生還者過世， 我們已不能再找到第一身經歷之描述，最後的記憶會否從此消失，視乎人們對該段歷史的重視。究竟好了傷疤忘了痛嘅人有幾多，唔難統計，只要睇睇身邊次次股災 都有份嘅投資者有幾多，就可知「有賭未為輸」嘅威力。本月正值半年結，基金經理唔一定要刻意Mark-to-Market，尤其是能夠成功勝利大逃亡者， 更會黑心啲希望個市快啲回，可以有機會翻炒。6月凶險之處係大行報告紛陳，上周話地產股到價，本周可以再出報告看好；剔出確信買入，但係叫你繼續買，荷媽 金句「耳聽三分假，眼看未為真」，任你點相信建國60周年穩定會繼續壓倒一切，都要盯緊十年期債息，一旦衝破4厘就會好大鑊，資金有可能由股滙商品市場海 水倒流，唔識睇就望住近期弱不禁風嘅美元幾時出現回馬槍，資金始終有腳，而且不會永遠單向，水能載舟亦能覆舟。胡孟青 | ||||||
2009-06-04 AppleDaily
| ||||||
| 列 斯特城（有人稱作李斯特城）位於英國中部偏東地區，距離高雲地利城、諾定咸、伯明翰分別20、30及45分鐘車程，經M1高速公路落倫敦亦只需個半鐘頭， 約97英里。當年列斯特城隊足球隊名不經傳，頻頻被降落乙組，唔同今日可以踢英甲聯賽及英冠聯賽，近年最出名嘅球星係希斯基，最出名嘅特產係Walker 薯片。當年唔係好多香港人知道有呢撻地方，每次介紹自己所在都會反覆用幾個較具知名度球隊嘅地方去定坐標，大學在全國大學中排名38，雖非一流大學，甚至 刻薄成性者會認定係二流，講嘅人又通常唔係出自牛津、劍橋、帝國甚至LSE等英國名牌大學，怕且更加多人連二流大學亦苦無機會進入，證明好多香港人患咗眼 紅症又唔去睇醫生。當年揸着一張阿媽死慳死抵加埋自己做咗兩年銀行小職員嘅微薄積蓄，袋住一張足夠畀3年大學學費嘅本票就上咗飛機，落咗機就即刻走入去郵 政局一炮過開咗個定期戶口（National Savings），年息10.8厘，每次攞錢要一個月前通知，反正用來交學費，零用錢靠做餐館外賣店暑期工，後來連平時周末都去捧餐賺番廿鎊零用錢。 歌舞昇平人人向錢看 好 多留學生當年仲唔捨得買嘅電視機，我都用咗65鎊整咗部二手嘅，當年中國北京發生中國人殺中國人事件，就係咁樣從BBC睇到，有人可以唔去正視唔去認錯， 但係唔可以逼人忘記當日畫面上所見慘事，特別係睇到畫面上有學生以身擋坦克嘅一幕。我哋成班香港留學生當年更即時在市內發起遊行集會，通宵寫 Banner，當日遊行人數超過200人，並成功募捐咗3000鎊捐去紅十字會。假如有人要幫當年嘅旁觀者洗腦，甚至要在當年仍未出世嘅新一代面前，刻意 扭曲或隱瞞事件真相，試問呢班人如何能夠通過「良知」嘅審判？如此罪行等同於日本竄改侵華歷史。今天街頭巷尾、茶餘飯後人人只談股票，風花雪月向錢看，滿 腦袋都是股票冧巴，淨係想知恒生指數幾時見、又或者見唔見二萬，時既窮節卻未現，歌舞昇平的背後，也不知是否另一樁全民自願洗腦的裝置。胡孟青 | ||||||
| ||||||
| 康 文署修訂指引，讓前線員工在欠缺專業知識及適當儀器測試下，自行決定狗頭鍘侍候大樹，新指引令市民震驚。早幾年有本港發展商起樓，遇樹阻胡亂斬樹，都搞到 要罰錢，o依家政府就可以話斬就斬，美其名係提升工作效率，保障市民安全，但係自指引出台後即有20株被認為「危險」嘅大樹慘遭殺戮，連死因都唔使研究。 引用中資機構慣常用語「多做多錯少做少錯」，大家可以預期以康文署斬樹之效率，唔使一年就可以趕盡殺絕市區多數大樹。所謂市區綠化就係千祈唔好種好似榕樹 咁嘅大樹，而係要種弱不禁風嘅樹仔，雖然我哋唔使怕再塌樹，反而要擔心俾太陽曬到中暑。香港地容不下一株大樹，下一代人好難再想像咩叫「榕樹頭講故事」， 而咩係「大樹好遮蔭」，睇怕要離開香港始能感受。將來我哋在街道旁找到嘅，可能只有當局所種、對人毫無殺傷力嘅一棵唐生菜或者菜心。呢次事件，反映出一種 病態官場文化，就係只想為Close File而Close File，勞工處最叻就係叫勞資雙方和解，再唔係就叫僱主就範；最新一宗漁護署誤殺西施犬事件，都反映同一種官場病毒，更甚於H1N1變種，唔通咁樣就叫 做打好份工？ 大行一條龍服務 類似的官場病毒無處不在，國家天天宣傳節能減排，卻有暴發者願出5億美金，想買人家視為國寶嘅通 用悍馬品牌，以展示大國崛起。外國人唔肯賣畀你嘅未必係寶，賣得畀你者多數係草，睇TCL當年收購湯姆遜，結果要變成漂流嘅魯賓遜；聯想（992）收購 IBM個人電腦，唔見得可以成功走向國際；中投入股黑石，慘過超人碰到黑氣石。不過區區5個億美金，影響唔到大家日常生活，冇所謂啦。假如有朝一日解剖驗 下架悍馬，原來只係一嚿廢鐵，或者到時擅長翻版嘅同胞，已經成功複製出千千萬萬輛山寨悍馬、悍牛甚至悍豬悍狗，一樣可以在爛路飛馳，咁5億美金嘅代價，又 似乎難以用正常價值觀衡量。近期同一家大行研究部出完唱好報告調高目標價之後，不足一星期已經由另一部門一條龍做埋配股，呢個現象已不只一次，令人不禁再 次質疑，呢一個行業所講嘅所謂Firewall係唔係子虛烏有，最新一宗可能出現嘅個案，唔知會唔會涉及利豐（494）呢？胡孟青 | ||||||
| ||||||
| 一 命二運三風水，信不信由你，炒開股票嘅小老散，應該留意到一個「股價與人」息息相關的關係，所指並非甚麼人為因素，而是在股市有一類股民喜歡專注，炒開一 隻股每次都有錢落袋，覺得隻股好利自己，於是實行與股結緣，漸漸形成一種情意結，無論晴天陰天雨天，皆對之不離不棄，唔知呢個係咪好多滙控（005）癡心 情長劍之寫照。當然以上情況亦常見於炒波幅的日子。唔同嘅股票有唔同性格，技術走勢話畀我哋知，有啲股份對10天線比較敏感，即係每次跌至10天線都有支 持，也有股份對10天及20天線毫不留情話穿就穿，但係每次久唔久跌至50天線又會畀吓面，呢種情況，每每出現於一個長達3個月的反覆向上趨勢，過去3個 月嘅中國食品（506）就係表表者，每次回見10天線都係接你上車，最關鍵係每次回吐都成交縮減少有人落車，過去幾個月未曾跌穿10天線超過一日，因此呢 條線之重要性就不容小覷，若跌穿超過1日就非同小可，配以大成交好可能隨時轉勢。 致力拓展鈾資源 也有股份喜歡玩旗形整固，即 係每次出現大陽燭後例必悶足十日八日，甚至來個回吐後抽，形成一支旗，一旦突破就非同小可，例如中核國際（2302）。3月時筆者在首本著作的第3章 （101頁）中，已對核電在中國內地的前景作出樂觀的展望，而且書中少有的點名提及值得憧憬之中核國際，此股乃中國核工業集團（央企）借殼上市，是唯一可 於香港買得到最具備軍工核能概念的股份。筆者人微言輕，中核國際平時人氣唔夠，唔係突然有大成交配合矚目升勢，鮮有人埋身。公司剛於上月22日發公告，將 收購加拿大Western Prospector最少50.1%以至全部股權之要約延至本月底，皆因對方所持、位於蒙古之鈾礦床探礦權許可證遭當地監管當局撤銷，現時還要等候對方釐 清事件。公司手頭現金超過4億，資本負債比率23%，目標是加快拓展鈾資源領域，多名高管與執董均來自中核工，大股東現時持股75%。以其業務前景及有中 核工作後台，中核國際可以稱得上是「有前有後」的股份。更值得玩味的一點，就係前揸Fit人細劉剛申報於6月2日於4.9元水平增持股份，算係翻兜，呢個 指標果然比任何一種走勢分析更準繩。胡孟青 | ||||||
| ||||||
| 近 期新股浪接浪，市場除了關心個別新股之投資價值外，亦更關心機構投資者取向，尤其市場早前傳出基金界「女皇」劉央要怒沽中金再生（773），股民更加留意 呢啲機構投資者究竟係跟散戶一樣短炒定係長揸。做基金經理最緊要勤力，綜合觀察及友儕間茶餘飯後討論所得，女性基金經理及分析員普遍較勤力，唔好睇小啲妹 妹仔，好多雖然嬌生慣養，但係好勝心同埋鬥心較強，反觀男孩子就較貪玩唔定性，好多時要等到同期出道嘅女同事都嫁埋人生埋仔，先至等到班男孩子定性。近排 有兩隻同時以內需概念作為賣點嘅新股熱炒，股票行孖展額爆晒燈，股評人及分析員與公司管理層食完餐飯攞完贈品例必特別精靈，試想想有生意點會唔做，作為股 票行活動廣告板更加唔可以倒公司米，即使個客只係抽得一手，一出一入都係經紀佣金收入。 o靚模吸引基金經理 散戶有見之前有幾 隻明燈引路，唔發晒茅先至奇，尤其係水源充足財雄勢大嘅銀行，有客自投羅網抽新股總好過佢地買投資產品，起碼解決一下資金出路嘅難題，因此銀行都好積極 派旗下基金經理及分析員去IPO簡報會，通常呢啲簡報會都有餐酒店例牌午餐食，食完又唔少得一人一份小小紀念品，最開心係可以第一時間攞到招股文件，所以 除非時間唔許可，否則都會去『目及』一『目及』，費事有客戶問抽唔抽得時口啞啞，而且自己有搞基金嘅銀行或者股票行，更加唔可以唔派人睇真啲。話說有銀行 投資部門老闆見同一日有兩個IPO簡報會，打算派晒旗下基金經理空群而出，點知班衰仔基金經理全部湧晒去其中一隻，皆因可以在簡報會一睹近期熱爆嘅o靚 模，既然佢哋唔怕被電瓜，老闆亦唔阻止，咁另外一隻中年漢才會吼嘅單一產品洗頭水就好慘情，好彩間銀行仲有位女基金經理，佢就好抵得諗咁去咗睇隻洗頭水。 現場所見，竟然又真係冷清咗些少，邊個叫你撞埋同一日吖，而且嗰兩位巨星又唔係好似o靚模咁真人Show，而o靚模嗰邊，又真係萬人空巷，唔少男士更不請 自來，差啲逼爆玻璃，所以有時財經公關遇上呢啲咁嘅場面都真係好頭痕。好彩兩隻都食正概念，招股反應雙雙熱爆，皆大歡喜。胡孟青 | ||||||
2009-06-23 AppleDaily
| ||||||
| 熱 錢唔散，令港股未能成功散熱之餘，連銀行貸款業務都一片好景，整個金融市場水浸嘅後果，就係股樓雙翼齊飛。大家都知道，除咗內地大款真金白銀啲錢辦投資移 民外，樓與股均可以玩槓桿，而內地人向銀行貸款進入股市樓市已是公開的秘密，問題是假如你沒有門路，休想參與這個遊戲，而有門路者又離不開與「官」有關。 大家會問點解內地銀行唔肯貸款畀內地中小企，無他嘅，中招中得多就會學精。今時今日就咁畀個可行性報告或者商業計劃，以為銀行就會放水，已經行唔通，因為 過往銀行已領教過好多宗同類騙案，而且手法完全雷同，單單都係一Drawdown就逃之夭夭，試問同一條橋點會仲行得通。不過近日又有一條騙貸新路線，一 如世界銀行首席經濟學家林毅夫在其年初所著《解讀中國經濟》一書內所指「裙帶資本主義」之形成條件：部份沒有自生能力之企業，在扭曲的政策環境下，依賴政 策性補貼便能享有高利潤，而呢批產業之擁有者，偏偏就是有錢有勢與政府關係密切的人，直接受政策庇蔭的族類。 官商「努力」皆大歡喜 唔 屬於以上優勢族群者，仍然有辦法，好彩內地為官者唔少都心口有個貪字，而且貪得聰明，堂堂正正搵人開間顧問公司，收你一至兩百萬顧問費，成為你我與銀行之 間嘅橋樑，銀行既有生意以完成貸款指標，又唔使擔心個客來歷不明。上半年內地新增貸款點解去得咁快，完全係官商共同「努力」嘅成果，至於貸款人日後有冇錢 還，係日後嘅事。中資銀行搶開生意有癮，來自不同陣營嘅外資銀行朋友，異口同聲咁話中資銀行爭生意非常積極，皆因中央下達武林聖火令誓要保八，鼓勵銀行放 水養魚，假如你係國企，銀行當然十萬個放心，不過有規模而且有齊中外賓架水喉射住嘅企業，亦成為中資銀行嘅獵物。據說某夜幾位來自不同銀行嘅賓架與客戶共 晉晚餐，酒酣耳熱之際，某中資銀行高層突然向個客爆咗一嘢令其他賓架目瞪口呆嘅貸款條件，就係Hibor+20點子，個客仲以為講笑，點知翌日 Confirm一下，原來係真。國家要開放，寬鬆政策都要開放，股樓有錢齊齊搵，睇幾多指標都唔及中央一句放水養起晒環球炒家。胡孟青 | ||||||
| ||||||
| 近 期大大小小公司排隊上市，有啲棚尾拉箱嘅味道，加上每天輪住有內房股及二三線股大開抽水機，此情此景，唔需要等到資金流走嘅數據曝光，都應該先行鳴金收 兵！呢幾日連熱炒嘅細價股都跌到一仆一碌，就更加要步步為營，小股民要學識保護自己，睇唔通就索性沽之哉。近年成功蛻變之變色龍股份，比例上10隻之中都 有1隻，通常隻隻吹晒上去，小股民好難睇得清楚邊隻係人邊隻係鬼，因此好鍾意搵盲公竹。早前有隻新時代（166），散仔以為跟彤叔冇甩碌，點知雖然見佢現 兜兜幾百萬幾百萬股咁買，之不過後面原大股東就幾千萬幾千萬股咁走。懂得捉股民心理，係上市公司股價醜女大翻身嘅基本條件之一。改咗名唔夠兩年、前身金豐 21嘅中國金融租賃（2312），近期又再大換班兼有大動作。首次認識此股係因為龔耀輝之前入過去做CEO。此君出過書教人識別上市公司易容術，肯出任高 職，好易畀投資者一個印象，就係佢替呢間公司做咗盡職審查，只可惜呢位CEO只係做咗唔夠一年，對呢間公司嘅質地好難有咩啟示性。 狂發CB任意攤薄 不 過諗深一層，呢類金融租賃企業絕大部份都係銀行之子公司，因為金融租賃呢門生意極為資本密集，少啲實力都好難成功。用得呢類服務嘅主要係航空公司，其次係 車隊或者船隊，以前者為例，大部份航空公司就算買得起新飛機，都因為每年折舊蠶食利潤而唔會食起晒成組機隊，即使錢多如國泰航空（293），手上一半機隊 都係租番嚟，咁係邊個買起架飛機呢？當然就係呢類金融租賃銀行一手包辦，私人公司少啲背景實力都好難入行。呢間公司本身市值才五千萬左右，最近忽然配售3 年期可換股票據（CB），而CB嘅規模竟達4125萬，幾近公司市值的8成，而換股價更只是2.75港仙，相當於現價折讓8成3！試想想，資金用途已經唔 再係本業，而係證券投資及一般營運，唔通借錢炒股？究竟上市公司有否諗過，睇好你間公司將來可以透過本業食大茶飯嘅小股東，突然變成苦主嘅感受？此事只係 冰山一角，市場上還有不少類似例子。由毫子股跌到升仙，再大折讓大比例供股嘅細價股，就算將來由供股價升番上去都一定冇散戶份，皆因高難度大動作嘅目的， 就係要自己玩晒。胡孟青 | ||||||
| ||||||
| 以 古鑑今可知興替，前事不忘後事之師，這番道理人盡皆知，但現實中又有幾多人，真正可從前人或自己過往的決策失誤中吸取教訓，避免重蹈覆轍？最不變者仍是人 性中的貪婪基因。利益最大化創造文明，但不受監管的貪婪卻是金融海嘯禍首。能把垃圾包裝成寶物高價出售，相信是金融推銷員的至高境界；但Buy Side亦不一定全部好人，掌握他人資金（OPM）前途者說到尾其實也只是產品的美麗包裝，被行內尊崇備至的基金經理，也有害群之馬，2003年美國就有 互惠基金經理自肥醜聞。美國證監會作為證券市場把關者，究竟有沒有做好保障投資者利益的本份？假如監管有效，又何來馬多夫及史坦福事件？連監管機構亦信唔 過，怪不得有位從事債券交易超過三十年的仁兄，竟然會選擇把現款存放保險箱的極端例子。 幫襯華爾街有如掟錢落河 利之所在，連 一向講求至高誠信的傳統商業銀行，亦撈過界經營證券、保險業務。1999年11月4日美國國會通過了《金融服務現代化法案》，標誌着金融分業經營管理的瓦 解，改寫了整個行業的盈利模式，但始料不及的是，此舉也同時成就了一場金融生態災難，不出十年已成功累積能量引發一場金融海嘯。傳統銀行、保險公司為追求 回報，美其名為跨業混業經營創造價值，問題卻在於「利益衝突」。銀行掌握了企業與個人信貸資訊優勢，客戶對銀行的信賴被濫用，銀行既是企業貸款方，又為企 業發行證券充當承銷商。書中自有黃金屋，一本寫於半世紀前的財經寶典，叫做《Where are the Customers' Yachts? Or a Good Hard Look at Wall Street》，中文版譯作《你的遊艇在哪裏？》。作者Fred Schwed以無間道角度揭露華爾街的掠水手法，不外乎積極搵機會刺激客人做大大小小買賣，簡直可以用唔理好醜去形容，華爾街被形容為街頭係一條河流，街 尾卻係墳場，原來幫襯華爾街就形同掟錢落水，由得佢冲咗唔知去邊！本書的震撼力，在於點出在變幻才是永恒的金融世界，今天投資者與中介人的行為、小股民所 犯的錯誤，竟跟數十年前一樣。書中記述的故事都來自華爾街，但天下烏鴉一樣黑，在全球一體化下，不同的市場不會有多大差異，別以為自己那會這樣容易中招， 更不要自命聰明以為可以戰勝大鱷，切記機深禍更深，貪婪才是每個人應該突破和克服之最陰暗面。胡孟青 | ||||||