孖展融資套現大法 高仁
1 :
GS(14)@2016-03-16 14:41:182016-03-14 HJ
各位「巴打」是否記得，在港產片《無間道》裏面，警方臥底陳永仁（梁朝偉飾）「3年又3年，3年之後又3年」的經典對白嗎？現實生活中，恒發洋參（00911）大股東「陳永仁」（不好意思，應該是楊永仁才對！）未夠3年就擬以每股1仙賣盤（請閱2月29日〈洋參「仙」生真假賣盤〉），可見一個3年都不容易捱，何況3個3年。
「高仁指點」話你知，有一些上市公司大股東的孖展融資，被迫斬倉搞到「一鑊粥」，其實有機會避免。雖然有時候大股東抵押股票融資套取現金會都有限制，但高仁與「豬朋狗友」卻有破解相關限制的大法。
在披露對話實錄之前，請各位「巴打」與「絲打」重溫人物背景，簡介如下：
大股東抵押股票方法多
戴孤劃─又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
程更計─本地證券行經紀兼財務顧問，除了招呼散戶之外，亦向上市公司出謀獻計；
李至成─「大孖沙」律師行合夥人之一，最「叻」教導客戶遊走法律灰色地帶。
高 仁：據玲玲師傅話，2016年係丙申火猴年，火猴年係咪咁惹火，我就唔知嘞。但係，我覺得呢隻馬騮仔零舍百厭，未過年已經搞到部分細價股「立立亂」咁。
程更計：你係咪講緊之前嘅城中熱話呀？「洋參『仙』生」懷疑孖展被斬倉，股價走勢勁過坐過山車，約莫一個鐘就暴跌91巴仙，之後仲盛傳有人想借勢搶殼？
戴孤劃：咦！呢隻股票，市場之前吹到好大喎。我上大陸嗰陣時，周不時聽到有人討論，仲有唔少內地基金坐貨。唉！做股票呢一行，如果唔啱時勢嘅話，吹得大，就死得快。
程更計：鬼咩！計我話，中國人好多事情都唔齊心， 但斬起倉上嚟就最齊心，股價要跌幾多有幾多。但呢間公司話晒曾經都有超過200億元市值，算係「生得偉大、死得光榮」啦。
高 仁：阿程，人哋都未死，你唔好激動啦！香港係一個多元嘅社會，不同嘅股票，都會有不同嘅投資者（及券商），與人無尤。
戴孤劃：（用普通話）對呀！這樣激動幹嗎？
高 仁：（心想，真係頂戴Sir唔順）講開又講，大家知唔知道，大股東要抵押股票做融資，可以有好多種唔同嘅方法？
李至成：我知其中一個方法係，大股東可以把股票抵押畀私人銀行或某些券商，但因為某些限制嘅緣故，大股東唔可以直接拎錢走，只可以把錢投資喺其他股票度，咁樣融資成本很低，總成本可以低至2%至3%。
戴孤劃：但係，大股東都攞唔X到錢走，有X用（高仁按：繼阿程之後，戴Sir心情煩躁，憤然爆粗）？
高 仁：戴Sir，唔使勞氣，阿程做經紀兼財務顧問，一定有方法解決。係咪？
交叉持股易燒連環船
程更計：（突然冷靜落嚟，好似好專業咁）係呀！戴Sir可以把筆錢買咗股票先，再把該批股票轉倉去其他證券行，咪可以順利cash out囉。另外，戴Sir又可以搵「友好」交叉持股【圖】，你買我公司不超過5%股權，我又買你公司不多於5%股權，又毋須披露持股。
李至成：不過，我要提醒大家一句，小心火燒連環船呀。之前突然爆煲嗰隻股票，同另一家公司簽咗戰略合作協議，據聞兩家公司被券商「巴打」懷疑交叉持股，所以第一隻股票爆完之後，另一隻股票咪跟住爆囉。
戴孤劃：咁仲有冇其他方法呢？
高 仁：戴Sir唔使心急，我哋會繼續慢慢講。
（飯局未完，下周待續。）
本欄逢周一刊出
歡迎交流上市公司的財技個案及招數，請電郵至
[email protected]。
?
#高仁 #財經拆局 #財圈識真假 - 孖展融資套現大法
孖展融資「搶錢」攻略 高仁
1 :
GS(14)@2016-03-23 15:39:442016-03-18 HJ
上文提要：有一些上市公司大股東的孖展融資，被迫斬倉搞到「一鑊粥」，其實有機會避免。雖然有時候大股東抵押股票融資套取現金都有限制，但卻有破解相關限制的大法。
「高仁指點」話你知，除了向私人銀行或某些券商抵押股票融資之外，上市公司大股東至少還有3個途徑可以「搶錢」（cash out）【表】，包括搵基金「巴打」幫手打救、把紙質股票抵押予銀行融資，以及向Qualified Lenders（認可機構）抵押股票。
抵押紙質股票要防蠱惑
在披露對話實錄之前，請各位「巴打」與「絲打」重溫人物背景，簡介如下：
戴孤劃——又稱為「戴Sir」，《信報》〈蠱壇辨虛實〉專欄作家，上市公司大股東，經常欺壓小股東；
程更計——本地證券行經紀兼財務顧問，除了招呼散戶之外，亦向上市公司出謀獻計；
李至成——「大孖沙」律師行合夥人之一，最叻教導客戶遊走法律灰色地帶。
李至成： 頭先唔記得提醒大家，如果戴Sir把嗰批股票射倉（轉倉）去其他證券行，之後喺證券行沽貨cash out，咁樣做交易使費可能會幾貴，仲要承擔股票買賣價格變動嘅風險。
程更計： 戴Sir每次做親都係大「刁」，呢啲交易使費應該濕濕碎啫。
高 仁： 呢種射倉嘅方法，如果買藍籌股都OK嘅，主要係相信股價變動會冇咁大；但係，如果買中細價股風險就會好大，皆因股價有機會大上大落，高台跳水更加會跌到渣都冇。
李至成： 其實，大股東都可以利用買賣單據同股份轉讓書，把批股份賣畀友好嘅基金「巴打」幫手打救cash out；但就要一早預先安排，證監會可能會check。
戴孤劃： 呢個方法好似比較麻煩喎。如果搵銀行抵押股份融資，唔知又得唔得呢？
李至成： 當然可以。有啲銀行會接受紙質股票做抵押，從而向大股東批出融資貸款。
程更計： 咁做銀行會承擔好高風險喎！因為紙質股票轉做電子股票需時，之後先可以喺二手市場沽貨，中間會有好大time lag。
高 仁： 點止呀！如果大股東蠱惑嘅話，仲可以報失紙質股票，之後向過戶處補領新股票，當中涉及嘅誠信風險可以好高。
李至成： 最近咪有一間上市公司大股東抵押紙票股票融資，貸款人過咗一排攞啲股票去過戶處搞轉名手續，點知過戶處回覆嗰批股票已經失效咗，最終搞到要報警處理。
戴孤劃： Mmm……呢樣似乎係個別大股東操守問題啫。Anyway，我見到大股東抵押股份融資，有時候要做披露，另一個時候又唔使披露，搞到我都矇查查，唔知道究竟要點做先至啱？
押股認可機構毋須披露
李至成： 根據上市規則【小檔案】嘅規定，其實並冇阻止控股股東把股票抵押去取得商業貸款；至於使唔使披露，如果受惠人係Qualified Lenders（認可機構），大股東就可以唔使做抵押登記嘅權益披露，呢一樣嘢相信就唔係咁多人知囉。
程更計： 高仁應該知喎，我記得佢之前講過（詳見2014年12月8日的〈大股東押股借錢蠱惑招〉文章）。
李至成： 因為高仁係人如其名嘅「高人」嘛，所以呢隻馳名燒鵝左髀，真係抵畀你食。
高 仁： 多謝晒！大家過獎啫。
後記：《無間道》都是3年，高仁在《信報》「開壇作法」（撰寫專欄）拆解上市公司財技、蠱惑招數，以至與各位「巴打」輕輕鬆鬆分享飯局對話，已差不多完成第二個3年（第6年）。要給予高仁原動力，各位「巴打」與「絲打」一定要繼續鼎力支持。
本欄逢周一刊出
歡迎交流上市公司的財技個案及招數，請電郵至
[email protected]。
?
#高仁 #財經拆局 #財圈識真假 - 孖展融資「搶錢」攻略
銀色債月底首發 專家﹕可購10手 不設二手市場 陳家強籲勿借孖展
1 :
GS(14)@2016-07-17 15:24:18【明報專訊】政府今年首度發行、專為65歲或以上長者而設的銀色債券（Silver Bond），將在本月26日開始接受認購。凡1951年12月31日或以前出生，並持有香港身分證的居民，即符合申請資格。銀色債券的派息率與通脹掛鈎，但保證最低有2厘，故業界預料認購反應踴躍。但由於銀色債券不設二手市場，沒炒賣空間，政府建議勿以孖展借貸認購。銀行界人士認為，由於認購人數料遠較iBond少，長者大可申購10手銀色債。
明報記者 廖毅然
銀色債券的原理與iBond相似，每半年派息一次，息率以最近6個月的通脹率平均值釐定。但iBond的保證回報只有1厘，銀色債券則有2厘。另一個不同之處，在於iBond設有二手市場，即在港交所（0388）掛牌，故不少人採取短炒策略，以孖展借貸大量認購，然後在上市初段，趁其價格上升3%至5%沽貨獲利。然而銀色債券不設二手市場，因此財經事務及庫務局長陳家強稱，以孖展認購銀色債券並不合理。政府明年亦會再發行銀色債。
保證回報2厘 明年會再發行
他解釋，由於借孖展要還利息，但銀色債券的價格不會有變動，故沒有炒賣水位，不足以覆蓋利息成本。而且政府設計銀色債券的原意，是希望向長者提供穩定回報的產品，鼓勵持有人長期持有。不過，持有人可以提前贖回銀色債券，政府將以100%本金贖回債券。除本金外，持有人也可取得未付的利息，以2厘年息計算。
這次發行銀色債券，認購期由7月26日（星期二）早上9時開始，到8月3日（星期三）下午2時。債券在8月12日正式發行。債券發行年期為3年，每手入場費1萬元。配售銀行數目達21間，但市民須留意，銀色債券不可經證券行申請，只可經銀行申請。
中銀：料超額認購 建議最少入5手
政府數據顯示，現時65歲以上人口，佔本港總人口15.7%，即有約110萬人。中銀香港（2388）財資產品管理（投資）主管張穎思預計，銀色債券會獲超額認購，故策略可進取一點，長者如有充裕資金，應最少認購5手。
上海商業銀行產品拓展處總監陳志偉表示，剛在上月發行的iBond 6，約50萬名認購人當中，有約6.5萬人是65歲或以上人士。假設認購銀色債券的人數相若，一人申請5手，有機會全中。然而，銀色債券不適宜短炒，故他相信實際認購人數會更少，所以在資金情况許可下，建議認購6至10手。
來源:
http://www.mpfinance.com/fin/dai ... 2030&issue=20160716
孖展融資新潮流 高仁
1 :
GS(14)@2016-08-03 02:02:262016-08-01 HJ
今年3月，細價股孖展斬倉風潮，高仁就推出一連兩集的〈孖展融資套現大法〉及〈孖展融資「搶錢」攻略〉，成功拆解大股東4種不同股票融資攻略。
「高仁指點」話你知，大股東孖展融資有新潮流， 利用人頭一次過抵押3至4隻股票，因投資組合夠分散，較受證券行歡迎；另外，大股東孖展融資被斬倉， 有時會故意不護盤，希望檢便宜貨賺錢。
在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》〈蠱壇辨虛實〉專欄作家，上市公司大股東，經常欺壓小股東；
程更計──本地證券行經紀兼財務顧問，除了招呼散戶之外，亦向上市公司出謀獻計；
李至成──「大孖沙」律師行合夥人之一，最「叻」教導客戶遊走法律灰色地帶。
戴孤劃：話時話，阿程，如果大股東想做孖展融資，而家有乜最新方法呢？
程更計：而家大股東流行用人頭去做，一般會一次過抵押3至4隻股票，即係margin portfolio。由於投資組合夠分散，唔會咁容易造成火燒連環船，所以比較受證券行歡迎。
高 仁：點止呀！大股東揸住友好人士嘅倉，一樣可以攞嚟再抵押，循環再用夠晒環保。最重要係唔好超過5%，一來唔使披露權益，二來chain effect火燒連環船上嚟，就真係「大檸樂」啦！
程更計：如果孖展經紀做得小心嘅話，可能會要求大股東抵押嘅股票，只可用嚟reinvest喺其他高流動性嘅股票，例如藍籌股或二線股。即使佢哋做三成孖展畀你，都唔會火燒連環船，因為把其他股票賣清光之後，應該可以cover到大部分嘅exposure。
李至成：點解大股東咁都願意做呢？
戴孤劃：無他嘅，既然人頭攞住股票都唔可以賣，可以cash out當然最好啦；就算唔得嘅話，起碼批股票可以活用嘛。
高 仁：大家記唔記得我之前講過，沽空機構最鍾意喺上市公司出業績前一至兩個禮拜郁手，令到上市公司隨時要「以一敵五」（詳見2014年6月〈破解Glaucus狙擊旭光策略〉）；但其實，大股東仲有一個致命弱點，就係blackout period（緘默期）前一般係唔可以抵押股票，甚至補孖展都唔得【表】。
程更計：我記得有一個類似嘅case，雖然長港敦信（02229）唔係被沽空機構狙擊，但大股東抵押股票被貸款人私自攞左去沽貨，大股東為保控股權夾硬要喺市場買貨（詳見2015年3月〈長港敦信的奇幻押股旅程〉）。
李至成：其實，大股東咁做唔係咁啱規矩，相信最後要證監會畀返waiver。如果佢真係要在緘默期護盤只有兩個方法，第一係搵朋友或用暗手補倉，第二就係申請喺極端情況下抵押或處置股票。
戴孤劃：之前咪有一隻被斬倉嘅股票，老闆明明有銀在手，偏偏唔護盤任斬孖展，引發小股東恐慌性拋售，老闆低價供股再收貨，洗盤後再嚟過，高手！
程更計：有一次，我遇到一個老闆嘅股票炒到好高，想趁機會派貨出街，攞到錢後再炒上。佢於是叫我幫手搵對沖基金接舊股，折扣仲高達五成，點知佢搵咗另一班人幫手做margin。嗰班人幾日後嚟搵我，話要喺我間行做margin，但我間行孖展跌兩成係要斬倉！頂！
高 仁：OMG（Oh my god）！So stupid！
戴孤劃：高仁始終都係最醒，開創財經拆局文章的先河，以我哋「鐵哥們」飯局對話形式，為讀者輕輕鬆鬆拆解最新財技招數。
高仁：多謝戴Sir讚賞！
本欄逢周一刊出。
歡迎交流上市公司的財技個案及招數，請電郵至
[email protected]。
?
#高仁 #財經拆局 #財圈識真假 - 孖展融資新潮流
郵儲行孖展暫錄6700萬
1 :
GS(14)@2016-09-15 08:07:46【明報專訊】暫為今年全球新股「集資王」的中國郵政儲蓄銀行（1658），已於昨日正式展開招股，首日招股反應冷淡，多間券商合共僅借出約6700萬元，只佔公開發售部分足額所需的31.36億元約2%。
細價股受捧 汛和超購逾200倍
信誠證券聯席董事張智威表示，郵儲行招股反應一般，主要是因為近日大市表現疲弱，令投資者變得更審慎；而且臨近中秋，假日氣氛濃厚；加上郵儲行的招股價較為進取，均令投資者需要更多時間考慮，預計下周一（19日）才會有明顯的資金流進。他又補充，近期新股市場「細價股」當炒，如早前超購1694倍的易緯（3893），市場對郵儲行這種「巨無霸」的興趣反而不大。
而事實上，昨日孖展截飛的「細價股」、本港地基工程承包商汛和集團（1591），認購反應十分熱烈，券商合共已為其借出約28億元，較公開發售部分的1400萬元超購逾200倍。
郵儲行將於下周二（20日）截止發售，並與汛和集團一同於28日正式掛牌上市。
來源:
http://www.mpfinance.com/fin/dai ... 5989&issue=20160915
進昇孖展超購逾354倍
1 :
GS(14)@2016-12-01 08:01:11【本報訊】本地建築股進昇（1581）孖展熱爆，統計7家券商共為其借出53.3億元孖展，單是輝立已借出19億元，超額認購逾354倍。有券商明言有延長截飛時間，因同樣「細細粒」的膳源（1632）日前掛牌即飆75%，令投資者熱捧集資僅1.5億元的進昇。進昇下周四（8日）掛牌。招股中的尚有中信建投（6066）及南方通信（1617），兩股孖展認購均未足額。另外經營古兜溫泉度假村的古兜控股（8308），將於下周五（9日）配售上市，每股0.6至0.88元，集資最多2.288億元。連同KNK（8039）、飛思達（8342）、安科（8353），四隻創業板新股趕在聖誕前上市，合共集資最多4.45億元。另外，In Technical Productions已遞交創業板上市申請，該公司曾為郭富城、五月天等演唱會提供視像顯示解決方案。內地男裝公司杉杉品牌亦遞交主板上市申請。
來源:
http://hk.apple.nextmedia.com/financeestate/art/20161201/19851393
中證監：逾300倍市盈率不能做孖展
1 :
GS(14)@2016-12-03 05:21:14【明報專訊】內地透過瘋炒股票來抵押融資的情况或有所收斂。上交所和深交所近日修訂規則，規定市盈率超過300倍的股票，不能折算為融資融券（孖展和沽空）保證金。中證監昨日在例會上表示，此項調整可抑制瘋狂押股貸款炒股等行為，降低投資者風險。
兩地交易所近日修訂《融資融券交易實施細則》，對融資融券可充抵保證金證券折算率進行調整，將靜態市盈率在300倍以上或者為負數的股票折算率下調為0%。調整後，靜態市盈率超過300倍或公司業績虧損的股票，將不能折算為融資融券保證金。修改新規給予一周過渡期，於12月12日起正式實施。
「抑制融資追漲炒高投機行為」
中證監表示，此項調整，將可充抵保證金證券折算率與其靜態市盈率掛鈎，可提高融資融券擔保物質量，降低業務風險。同時，降低高市盈率股票的折算率，還有利於引導投資者價值投資，抑制融資追漲炒高等投機行為，降低投資者風險，維護市場穩定運行。
稱提升擔保物質量 降風險
中證監又表示，經過初步計算，目前融資融券業務擔保物中，靜態市盈率在300倍以上或者為負數的股票佔比不高，這些股票不能折算為保證金，對市場影響較小。
來源:
http://www.mpfinance.com/fin/dai ... 3374&issue=20161203
產品性質介乎ETF與孖展
1 :
GS(14)@2016-12-24 05:42:53【明報專訊】槓桿及反向產品首次出現於美國，過去10年，槓桿及反向產品已伸延至歐洲及亞洲。
傳統ETF屬長線持有，槓桿及反向產品性質則明顯不同，首先可買反向指數，另外有槓桿元素，換句話說投資者能看淡看漲，在市况單邊升、跌一段時間，甚至在市况波幅收窄時，以較少資金獲得倍數回報，但是看錯市時亦要按日計算帳面損失。
毋須保證金及強制平倉
不過，三星資產交易所買賣基金市場推廣副董事蕭曉婷稱，槓桿及反向產品雖有槓桿元素，但與孖展仍有很大分別。孖展既要收保證金，亦要平倉，而槓桿及反向產品就沒有這回事。另一方面亦由於產品存在槓桿元素，因此證監會要求槓桿及反向產品不能以ETF命名，避免令投資者誤會。華夏基金（香港）業務拓展部總監陳志豪亦表示，槓桿及反向產品就像介乎ETF及孖展之間的產品，為投資者提供多一種投資工具。
據證監會規定，槓桿及反向產品的最高槓桿為兩倍，反向產品最高槓桿率為1倍，令風險受一定限制，亦強調產品較適合每日有時間觀察市况的投資者，否則還是選擇ETF較適合。
來源:
http://www.mpfinance.com/fin/dai ... 0715&issue=20161224
內地孖展鬆綁 下調按金
1 :
GS(14)@2017-02-18 00:47:39【明報專訊】自2015年股災後大舉收緊的A股融資「孖展」正式解禁，中金所昨日公布，由今日（17日）開始下調滬深300、上證50、中證500股指期貨平倉交易手續費，同時全面下調各類期貨合約按金。中金所表示，下一步工作將集中加強交易所一線監管，抑制過度投機，防範市場風險，以及提高會員合規意識。
中金所昨晚公布，將股指期貨日內過度交易行為的監管標準，從原先的10手調整為20手，套期保值交易開倉數量不受此限；期貨合約按金方面，滬深300和上證50股指期貨非套期保值持倉的交易保證金標準，由現時40%下調為20%，中證500股指期貨則由40%調整為30%。A股於2015年7月爆發股災，當時中證監從各方面全面救市，其中一項正是收緊孖展融資，減低對市場影響，今次放寬或意味監管機構確認股市已全面恢復正常。
傳中證監擬限再融資
此外，據彭博引述知情人士稱，中證監計劃推出限制再融資政策，限制再融資頻率和規模，但計劃細節尚未最終確定。彭博稱，中證監計劃限制再融資頻率，考慮中的選項包括每隔1年或1年半，只允許一次再融資。在再融資規模方面，中證監考慮按照市值一定比例確定再融資規模；中證監還計劃改變再融資的定價方式。同時，中證監考慮對使用募集資金購買理財產品的上市公司，限制其再融資。
來源:
http://www.mpfinance.com/fin/dai ... 9796&issue=20170217
二五中環 萬南 2017/05/16 (週二) 券商咳孖展 經紀冇肉食
1 :
GS(14)@2017-05-22 02:46:29http://www.metrodaily.hk/metro_c ... E9%A3%9F/?page562=3
近期證監會(圖)好多動作，例如同電視廣播(511)開拖，TVB喺申請股份回購時要求可享清洗豁免(即無須全面收購)，但證監唔多同意，額外加入條件，令TVB入稟挑戰裁決，仲講到明未能肯定回購股份計劃是否會進行。另一邊廂，證監會又向中介人埋手，負責呢瓣業務嘅證監會執行董事梁鳳儀開到聲，指部分經紀行批出嘅孖展過高，需要即時改善。
話說經紀行而家嘅經營模式，如果仍然全靠賺佣，早已摺埋等吃蕉了，好多經紀行惟有靠孖展勁鬆手，提供大量彈藥畀客炒，喺賺佣之餘仲食埋利息。點知好衰唔衰，近期有幾隻冧把急插，券商即使斬倉都瀨嘢。於是乎證監做嘢，頻頻要券商做壓力測試，睇吓夠唔夠水支持，唔掂就提早介入。
結果好多券商變成驚弓之鳥，紛紛關水喉狂咳孖展額度，某間以往出名鬆手嘅中資大牌券商，更由今個月開始，將客人原本最低30至50萬嘅貸款額加多度閘，客人若果要用，每次要搵RO再批，令到好多炒鬼叫苦連天。事關炒鬼都係見勢好即衝，等到RO批可能已升咗廿格，導致落場意欲大減，就連經紀亦大呻冇啖好食叫苦連天。
Next Page