捱30年入圍金像男配黑仔多謝亞視熄機
1 :
GS(14)@2017-03-04 00:34:44■黑仔苦盡甘來，認為坎坷經歷有助演戲。攝影：陳俊強
【《蘋果》專訪】姜皓文（黑仔）入行逾30年，19歲時貪玩做臨時演員，星途由此開始，86年參加亞視第一屆香港電視先生選舉奪亞軍始正式入行，他由公仔箱跳入大銀幕，全憑奸角上位，現年50歲的他憑電影《樹大招風》角逐今年香港電影金像獎最佳男配角。
■難忘在亞視出道的日子，黑仔還記得第一句對白。
■黑仔（左）憑《樹大招風》爭金像獎最佳男配角。劇照
■黑仔姜皓文已經入行超過30年。
窮到得幾蚊
黑仔日前在油麻地接受本報專訪，回想在亞視當新仔，他對第一句對白「探子回報」記憶猶新：「我拎住張紙練講，揸到張紙爛。」他自爆很想拍古裝黐頭套，「黐咗特別似明星，放飯去酒樓，明明唔想去廁所都想去，人哋會當你係明星，好低能。」黑仔形容90年代的自己：「直頭沉，邊有浮過。」發霉期幸得前輩谷峰一句「呢行排隊總會輪到你」點化，黑仔堅持對演戲的熱誠，即使拍戲吊威吔三小時至髀罅甩皮、跳海、碌落樓梯均頂硬上，「導演叫action，我唔想佢叫cut。」
■黑仔86年參加香港電視先生選舉入行，但84年開始已經開始做臨時演員。
■縱使拍戲常常受傷與無得瞓，字典從來都沒有辛苦二字。
■被問到覺得8,90年代星途是否浮浮沉沉，黑仔立即話「邊有浮過，簡直就係沉啦」。
■因為喜歡演戲，所以即使有十幾年時間「混混噩噩」，都堅持留在演藝圈。
■近年黑仔接到一個又一個令觀眾深刻的角色。
■「如果你係一個真正演員，你唔會放棄任何一個表演機會，一定堅持到最後一秒」。
■黑仔感激老婆金慧英18年來的鼓勵。資料圖片
老婆做少奶
黑仔慶幸亞視熄機才有出頭天：「好彩，亞視如果仲多嘢搞，可能我冇時間出去拍電影，佢造就咗我。」黑仔出道時窮到燶：「試過包租婆追屋租、鎖門、追稅，問人借錢度日，銀包冇錢，得幾蚊去買六合彩，中獎就有錢交租。」崎嶇人生令黑仔頓悟：「太平坦唔會珍惜，經歷對演戲有幫助。」捱世界的日子，多得老婆金慧英過去18年不離不棄，「我婚後好順暢，可能佢旺我，我有能力養佢，唔想佢做嘢，做少奶奶乜都好，佢喺屋企我就安心。」他近年成功從高峯期190磅，減去40磅贅肉，全靠日日至少做兩小時gym同跑步，還有烚蒸煮食物一定要冇油冇糖冇鹽冇味道。採訪：陳杰、余傲芝、譚倩宜攝影：陳俊強服裝提供：Scotch& Soda
來源:
http://hk.apple.nextmedia.com/entertainment/art/20170303/19945599
財金冒險號：多謝沽空機構
1 :
GS(14)@2017-06-10 13:26:25沽空機構造成滿城風雨，業界有人痛罵葛咸城之流，主張加強監管沽空機構，以免法規只管好人、不管壞人。此「好/壞」之分幾好笑，預設了唱好、買上嘅係好人，唱淡、沽空嘅係壞人，同大陸嘅「惡意沽空」論如出一轍。借定貨沽空，然後出報告唱淡，如非證監會持牌人，絕無違法，正如任何非持牌人都可以喺報紙、網上唱好自己嘅持股，除非故意發放虛假訊息誤導公眾，而證監會本已有監管，對Citron Research唱淡恒大（3333）而裁定市場失當，就係例證，根本毋須再加強監管。業界抨擊沽空機構，彷彿沽空就係原罪，廿年前索羅斯狙擊港股港元，就被罵作「大鱷」。但批評者無視沽空者嘅作用，第一係「價格發現」（price discovery），令價格趨向理性，第二係捉妖。港交所（388）總裁李小加講過，監管者無法事前過濾老千股，投資者唔好掂就得。渾水之類正好幫手捉老千。沽空機構絕非英雄，無非圖利，但散戶應該感謝佢哋，令潛在老千唔敢咁猖狂，亦令投資者得知老千常用技倆，減低踩地雷風險。紙包唔住火，老千股始終會爆煲，只係沽空機構令佢哋盡早現形。沽空機構亦唔係攪屎棍，只係指出問題所在。不過現今香港有問題時，唔係設法解決，而係鬧指出問題嘅人「搞亂香港」，所以沽空機構被鬧，可算意料中事。笑笑生
http://fb.com/sneeringman
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170609/20049525
呂志和：香港強大要多謝內地
1 :
GS(14)@2017-06-25 10:29:59【本報訊】嘉華國際主席呂志和早前亦接受新華社專訪，他回想當年香港回歸，認為有中央政府的支持，對香港而言是一個發展機會，因而他集中在香港投資。他在專訪中表示，中央政府對本港的政策配合到其發展，而香港亦將內地推向全世界，兩者相輔相成，互相得益。
指靠中央支持度過沙士
新華社上周五（16日）刊登呂志和專訪，他於訪問中多次強調指，香港回歸後遇到很多機遇，是因為有中國作為後盾，又稱「如果不是背靠祖國，香港也不會如此強大，香港人是得益的，應該多謝內地」。回顧過去20年，呂志和指香港作為一個外向型經濟體，其間先後歷經亞洲金融風暴、「非典」疫情及全球金融危機，最終都可安然度過，其一是由於香港人「韌勁十足」，惟最主要仍是有中央政府支持香港度過難關。他續指，香港在一國兩制之下能夠維持繁榮穩定，此制度亦是平衡兩種不同政見，以及經濟制度最聰明的方法。對於中國一帶一路政策及粵港澳大灣區發展，呂志和指希望其集團可以參與其中，包括基建項目及石礦場開採等等，期望能夠超越其於香港的業務規模。他續表示，嘉華國際正與粵港澳三方商談項目，有信心可參與其中。呂志和又稱，看好中國發展前景，預計在未來5至10年將繼續維持穩定增長，又指香港亦正急起直追。■記者江靖然
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170625/20067911
奶媽特首第一個工作天多謝習總先！
1 :
GS(14)@2017-07-05 03:34:29行政長官林鄭月娥首日到政府總部工作，她昨早先在行政長官辦公室大堂會見傳媒，她指雖然是第一個工作天，但對辦公室大樓一點也不陌生，過往多次以署理特首身份見傳媒，但認為今後是帶領香港再創輝煌的「第一責任人」，任重道遠。林鄭又先感謝國家主席習近平訪港，認為是體現了中央的祝褔關懷及支持，相信未來日子各部委亦會支持香港，發展經濟及改善民生，「中央對我哋嘅支持，亦都會體現喺稍後我會出席嘅開債券通開通儀式，同埋喺今個月7號開始，遼寧號艦母嘅訪港，我深信未來日子，中央同中央各部委都會繼續支持香港特別行政區，發展經濟同改善民生。」林鄭月娥又指，政府管理新風格是創新、互動及協作，其中以互動相對最易做，因為只要有心就可做到，她指過去3個多月在候任期間，已低調做了大量互動工作，與各界會面100多場，昨天亦落區見市民。她指與傳媒的互動亦將馬上展開，她已透過特首辦和新聞處，邀約了前線記者和編輯會面，聆聽大家意見：「我完全明白去調查、訪問，作出事實報道，係傳媒嘅天職，所以日後如果傳媒喺日後履行工作時，要政府配合，會以關懷態度去聆聽，然後採取適當嘅行動。」
來源:
http://hk.apple.nextmedia.com/news/art/20170704/20078581
智取大市：我們要多謝恒生
1 :
GS(14)@2017-11-05 16:39:09一隻閱文（772），火熱起上嚟可以有成40萬人認購，以18歲或以上超過600萬嘅香港人口計，大約每15個成年人就有1個抽閱文，凍資成5,200億。最出奇嘅係，身邊有唔少細佬妹同事平時唔炒股，一拎就坐底十幾萬蚊出嚟，透過恒生提供嘅「一口價」，借夠一球抽閱文。喺港股市場內，佢哋平均冇機會贏錢，就連拎幾千蚊出嚟博都費事，但只要出現連自己都十拿九穩有得贏嘅局，原來多多錢都敢拎出嚟博，甚至要借一世人都未必儲到嘅一筆錢，都狗衝埋佢。小弟平時對抽新股興趣一般，今次都由冇得抽新股嘅IB，搬番少少錢去恒生「一口價」抽孖展，奈何恐怖到堂堂大銀行恒生，上星期五「一口價」孖展都爆埋。事後諗深一層，恒生做嘅係普羅大眾生意，一次「一口價」，就為一班連耀才、致富證券戶口都懶得開嘅用戶，打開進入股市之門，所以「孖展爆得快，其實冇乜壞」。呢40萬人今次相信能夠贏到蠅頭小利，正因為絕大部份嘅百萬孖展客平時冇乜留意股票，於是抽一抽新股賺過一次，亦會提高佢哋對股市嘅興趣。一隻閱文，能夠刺激咁多潛在新手入場，一班戰友自然笑逐開顏：「嚟緊又有魚吃咯！」仲要留低句：「多謝恒生！」晉佳
http://fb.com/advanceguy1本欄逢周一、三、五刊出
來源:
https://hk.finance.appledaily.co ... e/20171101/20201092
收市閒情：謹此多謝閱文！
1 :
GS(14)@2017-11-13 03:55:21仲講High tech揩嘢？現時冇Tech先領嘢。騰訊（700）親生仔閱文（772）上市，全世界慌死執輸。炒股年資唔算好長，但呢一浪新股潮，你會發現幾個現象，然後要講句，#多謝閱文。1）正所謂唔賭唔知時運高，唔IPO唔知咁多有錢佬。學老死盧卡股話齋，一隻閱文令朋友身家無所遁形。話說今日一個朋友WhatsApp問，「我抽到兩手呀，應該點做？」呢位人兄，平時根本唔買股票嘅，竟然會抽到兩手，「你咁叻？孖咗好多錢？」「我孖展咗500萬呀！」「嘩！抽10萬股，突然變到50萬Cash去做按金」點知佢應我一句，「我平時除咗錢，我咩都冇。」（堅係真實對白，好寸嘅回應）冇錯，呢個世界真係好多人，腳踏實地將所有錢一蚊一蚊儲起，然後將錢放喺度吽，吽得只剩吓Cash。#多謝閱文，令呢班人有股票市場初體驗，跌入呢個龍潭虎穴。市場人氣旺，個市自然一齊Cheer Up！2）即係咁，傳統智慧話我哋知，先求知，再投資！喂喂閱文咁搶手，大家仲唔係睇好華文閱讀市場？Well，咁諗真係很傻很天真。早兩日同Frd子討論抽閱文問題，朋友話「我都孖展近一球去抽」「啱呀！抽閱文一球已經係入場費。」用球去做單位抽新股，其實真係好很癲，之後更癲嘅事出現啦。朋友仔問我一個問題，「話時話，閱文係做咩？」睇到一副Innocent嘅表情，加上我知佢脾性，我相信佢唔係派緊膠，「你用咗十幾萬錢去抽IPO，你冇好奇心研究佢做咩？」「現時咪問緊你……」咁又係嘅，你啱，於是「你有冇睇過《步步驚心》、《琅琊榜》、《三生三世十里桃花》，咪就係閱文啲網上小說改編」「噢！若曦！我有睇呀有睇呀！劉詩詩呀！我仲睇埋IU版……」#多謝閱文，令班平時連書都唔睇嘅香港人，突然開始留意華文文壇！文人有救啦！3）對一班平時唔係好識Social嘅朋友，以前行出中環同人吹水，好辛苦先諗到個話題，現時唔同啦，一句「你有冇抽閱文呀？」輕鬆打開話框子，到閱文派彩，「你抽唔抽到呀」之後又可以問「你沽咗未呀？」閱文過氣之後，不用怕！仲有雷蛇（1337）、易鑫（2858）……新股齊發，唔怕冇水足，怕就怕你唔夠水抽，#多謝閱文。好啦！一句講晒，當恒指上到29000點；當閱文成功上到蘋果A1；當一堆唔炒股嘅人，盲中中衝入去炒股；當行出街全民講股……嗯，你都咪話唔驚！#多謝閱文，給我重要啟示。
by千頌C@堆填區
http://fb.com/winbigwok
來源:
https://hk.finance.appledaily.co ... e/20171108/20207356
Next Page