【紐約租魔】難頂租金加一倍 老牌中文書店執笠
1 :
GS(14)@2016-06-06 02:53:55紐約皇后區其中一間歷史最悠久的中文書店「中華書局」，不敵租金被勁加超過一倍，日前光榮結業。從台灣移居美國，打理書店20年的老闆王明道接受《蘋果》專訪透露，業主要求由原本月租2萬美元（約15.6萬港元），漲至近5萬美元（約39萬港元），感嘆道加租後幾乎沒有利潤，「替房東打工，（等同）白做，算了」。駐紐約記者：鄭柏齡對於長時間生活於紐約的華人，屹立華人聚居地法拉盛（Flushing）20年的中華書局幾乎無人不曉，記者在結業前多次採訪，目睹不少顧客與王明道告別。王老闆指，打理一間成功書店，最重要是「跟得上潮流」，多年來他幾乎天天待在店內與讀者交流，逐漸建立深厚感情，「很多客人說不捨得，我跟他們說，我還可以找得到，但書店找不到」。據了解，業主早前要求加租，由原本月租2萬美元大增至近5萬美元，加幅達1.5倍。王明道坦言書店生意穩定，惟加租後經營壓力巨大，「幾乎沒有利潤，在替房東打工」，無奈選擇結業。部份熟客得知書店未能續約，提議另覓新址開店，但66歲的王明道指自己年事己高，「沒有第二個20年」而謝絕好意。結業在即，不少書迷趕到與老舖道別。居住長島的蘇先生自書店開業已成為擁躉，對結業感到非常失望：「少了一個精神食糧的地方，我從台灣搬到美國後，想找中文書都會來。」他慨嘆紐約中文書店越來越少，「非常可惜，是華人的損失」。除紐約華人外，王明道透露，中國旅客亦最愛到書店尋找「敏感」政治書，連同健康相關書籍幾乎佔中華書局一半生意：「有客人在紐約過境，特意叫車過來，十幾分鐘買了幾十本書，趕飛機就走了。」在美國經營書店，難以想像會發生像香港「銅鑼灣書店」事件，王老闆指事件發生後，中華書局的政治書亦更加搶手，他從香港空運政治書到紐約，最快出版後第五天到貨，「我賣書不代表甚麼立場，我只是提供平台，不需要顧這個那個」。回望匆匆20年，王明道指最高興一刻，曾有台灣客稱讚書店「很像誠品（書店）」，「我從台灣來的，只是一間小小書店，而誠品有那麼大規模，聽得我很開心、很安慰」。不過，他相信第二代、第三代海外華人中文水平不高，加上電子書充斥市場，「五年後可能真的沒有海外中文書店了」。
來源:
http://hk.apple.nextmedia.com/international/art/20160603/19639600
吳綺莉不捨DBC執笠
1 :
GS(14)@2016-09-03 23:28:56將於本月7日執笠的DBC數碼電台，吳綺莉作為節目《越界傾情》主持，昨日到電台為最後一集節目錄音。她昨日在電話中說：「今日last day，完咗啦！」談到電台執笠，吳綺莉感到不捨，她說：「我諗住請同電台廣播有關係嘅嘉賓，所以今日請咗阿旦（鄭丹瑞），我9年都唔玩facebook，今日都玩埋live。」問到電台賠償是否賠足？她說：「應該係嘅，同事話13號應該會出番晒所有錢。」吳綺莉早年為成龍生下小龍女，昨日成龍獲奧斯卡頒發終身成就獎，未知吳綺莉會否回應一下或是恭喜對方？對此她說：「唔答啦。」採訪：魯吉
來源:
http://hk.apple.nextmedia.com/entertainment/art/20160903/19758090
萬南 二五中環 759執笠「子烏虛有」
1 :
GS(14)@2016-09-04 21:48:53http://www.metrohk.com.hk/index.php?cmd=detail&id=318145&search=1
Tree根的威力真係無遠弗屆，由佢開創嘅「子烏虛有」認真深入民心，就連零食店759阿信屋嘅母公司CEC(759)都受感染。早幾日網上謠傳阿信屋就快拉閘執笠，搞到公司要喺港交所(388)披露易刊登自願通告，強調肥主席林偉駿冇講過公司執笠，相關言論係「子烏虛有」，結果當然被人笑到面黃，仲話熟讀毛語錄嘅林老闆冇理由中文咁差。
結果CEC翌日再發另一張新通告認錯，承認擺咗烏龍，糾正係想講「子虛烏有」，仲要加多句深表抱歉結尾。呢單嘢只屬小事一宗，並唔係關公災難，老實講隔幾日好多人都未必記得，難得CEC肯火速認錯，抵讚。
或者你以為有錯要認好正常啫，咁都讚似乎有啲誇張喎？大家有所不知，其實好多上市公司通告都有唔少錯漏，有啲離譜到銀碼單位都寫錯，有陣時遇上係萬男認識的公司，都會多事開聲話畀公司高層聽，點知佢哋回覆根據港交所規定，如果要改正錯處，必須另發新通告，到時會令更多原本唔知出錯嘅人，反而留意得到，於是選擇唔理便算囉。
行業式微 租碟舖明年執笠
1 :
GS(14)@2016-10-17 08:07:41曾成巷成市的影音租碟舖，現已寥寥可數，仍經營租碟舖的黃錦安，多年前曾有6間連鎖店，現僅餘下一間，保留業務只因情意結，「下年應該摺埋架喇」。
《無間道》曾入貨幾百隻出租
當年影音租碟舖被喻為懶人行業，「好簡單架咋，租舖、買碟、請個店員，每個月有錢收」。黃錦安說，高峯時期財源滾滾，店舖遍佈港九新界，當年每舖日租300至400隻碟，翹埋雙手等收錢，《少林足球》、《無間道》出碟，更是香港租碟業另一個高峯，「我哋每套片，一口氣入咗幾百隻租出去」！不過時代變遷，寬頻、串流、機頂盒流行，不再需要租影碟看電影，「你可以上網睇，買機頂盒睇，香港未出DVD嘅片都已經睇到，好舊嘅片亦睇到，仲要高清質素，連TVB都唔夠呢啲多媒體鬥啦」。2008年《版權條例》通過，更是租碟舖行業衰敗的轉捩點，因為業界需要購入較昂貴的租賃版本，才能租出，「發行商唔支持租碟業發展，希望直銷賺多啲，但唔成功，而家HMV連手袋、玩具都要賣」。黃錦安的租碟舖餘下長沙灣元州街一間，不過只有兩成面積從事租碟，仍可日租20至30隻，至於其餘店面已轉型賣潮流玩具、零食、衣服。「現租碟業務仲有賺，因為有啲中佬，年紀大咗，有錢咗，但唔識上網或者用機頂盒」。黃錦安預期一年過後，會將餘下店面摺埋，「做生意係講經濟價值，租碟業無價值就唔好做」。
來源:
http://hk.apple.nextmedia.com/financeestate/art/20161017/19803267
智取大市：I.T越執笠越興奮
1 :
GS(14)@2016-10-26 08:01:33香港地唔少人當沈嘉偉神咁拜，佢間I.T（999）自然有神奇之處。你睇香港間間I.T門市都拍烏蠅，香港業務越蝕越多絕對唔令人意外，內地業務平平穩穩之餘，令人驚喜係5年前用2,000幾萬買落嘅A Bathing Ape，帶動日本業務啱啱呢半年賺成億幾返嚟，業績報告暗示遊日港人去到日本買A Bathing Ape，成為日本業務增長動力，條橋同沈生早年帶Dr. Martens水貨嚟香港賣、然後發達嘅方程式有異曲同工之妙，真係唔寫個服字都唔得。香港I.T門市開始廢武功之下，你應該見佢越執多幾間，就越興奮，因為香港呢頭蝕少咗，沈生嗰頭一定有條新橋幫你賺錢，一定唔會死錯人。I.T股價由低位1.7元升到3.12元，現價去博，就係信沈生會帶埋你一齊翻生。另外，通達（698）剛剛公佈第三季營業額按年增長49%，遠超之前20%左右嘅增長速度，消息刺激股價周二升半成，預測市盈率低過15倍實在吸引。不過龍頭瑞聲（2018）啱啱先畀大摩downgrade，股價弱勢話唔定波及一眾手機設備股，睇吓通達稍後會唔會有低吸機會。晉佳
http://www.fb.com/advanceguy1本欄逢周一、三、五刊出
來源:
http://hk.apple.nextmedia.com/financeestate/art/20161026/19812134
【香港米芝蓮●結業】避唔過死亡之吻？三間一星餐廳執笠
1 :
GS(14)@2016-11-10 08:03:49別以為有米芝蓮「加持」的餐廳就可以客似雲來，當然依然有星級餐廳無奈結業。
新一屆港澳米芝蓮名單宣佈過後，上榜餐廳當然開心，但當人人以為有米芝蓮加持的餐廳自此就可以客似雲來、生意無憂，但其實生意突然太多負荷不來、租金有機會即升……種種壓力真正有苦自己知。
觀乎今年一星榜之中，有八間餐廳不幸失蹤，當中有三間更是已經結業，除了已升格於ICC開分店的「波士廳」外，更可惜是跟隨整個集團撤離的懷石料理餐廳「岡田和生」及上海菜館「玉蕾」。玉蕾於2013年時開業數月即取得一星榮譽，其總廚今川幹也雖然是日本人，但追隨過上海菜師傳學藝，並在日本著名的上海餐廳工作二十多年，經驗老到，且能將滬菜的味道與日菜的精緻結合，手藝與賣相都一直賞心悅目。「岡田和生」則一直受老饕追捧，從食材、賣相到所用的百年食器都備受讚賞，加上收費於懷石料理級數來說相對便宜，晚間的懷石套餐不過二千，周末的午間懷石套餐八道菜更只收五百。兩間餐廳所屬的K.O. Dining Group大概因為地理位置不佳（位於紅磡海名軒）而總是叫好不叫座，即使得到米芝蓮一星餐廳都沒太多幫助，最後於今年中齊齊撤出香港，對身為日本彈珠大王的集團老闆來說，也許不過搔癢，但對香港食客來說則可是損失了。記者：飲食籽
中環波士廳早於去年在ICC開設分店「波士廳•101」，本店則不敵加租結業。
玉蕾總廚今川幹也雖然是日本人，但擁有非常豐富的滬菜經驗。
上海菜結合日菜的精緻，就是今川大廚的拿手好戲。
岡田和生位於交通不便的紅磡海名軒，總是叫好不叫座。
餐廳菜式從食材、賣相到所用的百年食器，都備受老饕讚賞。
來源:
http://hk.apple.nextmedia.com/su ... t/20161110/19828632
笑到最後：米芝蓮店執笠迷思
1 :
GS(14)@2016-11-29 00:08:27點解香港小規模食店咁難經營，拎到米芝蓮都要執？一定有人會話：地產霸權、租金貴！本欄對於填鴨式答案冇興趣，點解同行可以承受到租？點解味道單一嘅連鎖店反而做得住？最近一隻新股膳源控股（1632）可能會畀到大家多啲答案。膳源旗下食店就係「越棧」，招股文件顯示喺香港經營20間分店。一如其他連鎖餐廳，膳源係有中央廚房，供應餐廳超過60%食材，餐廳投資回本期平均為10個月。有中央廚房，同單打獨鬥要自己逐件煮，喺成本、管理上已經相差一大截。越棧2003年創立，本來都係灣仔得一間，當初亦都可以稱為小店。2003年係零售、飲食業最慘淡嘅時期，今日樓價衝上天，可能令人淡化當時低迷情景。招股文件指越棧創辦人覺得係開餐廳嘅時機，開吓一間又一間，到今年就上市。事實證明開餐廳都要「別人恐懼時我貪婪」，順境時創業開餐廳，可能只夠賺份糧，要突破局限，創業時機都有考眼光嘅成份。更加重要係香港上市地位有價，現時殼股市場有價有市，殼價達6.5億元新高，一上市就等同多咗以億計嘅無形價值。部份企業主要唔係靠企業盈利賺錢，而係靠上市賣股賺錢，情況就好似美國科網泡沫時代，上到市創辦人就有錢落袋。當上市係經營目的，味道、服務變咗次要，符合上市要求先係首要。就算上市唔係為咗賣殼，上市公司喺融資、請人方面又方便過一般中小企好多，上市地位本身就係競爭優勢，小店整得再好食，拎幾多個米芝蓮，融資同成本被比下去，一到租約期滿，純粹靠盈利支付租金嘅小店，又點會爭得贏有上市公司背景嘅連鎖店？整個環境造成小店捱打局面，鼓勵親友幫襯小店都只係幫面嗰浸。如要喺上述上市故事劑出一點正能量，就係創辦人趁經濟低迷擴充繼而成功上市。小店可否發圍，除咗睇吓低位有冇膽量擴充，仲要生意人抵抗到資產大平賣嘅誘惑，否則啲錢去咗炒股買樓，都係冇錢搞生意。高明
http://www.fb.com/bigricetea本欄逢周一刊出
來源:
http://hk.apple.nextmedia.com/financeestate/art/20161128/19847476
【紐約直擊】同行一半執笠華人製衣廠老闆盼特朗普重振製造業
1 :
GS(14)@2017-01-22 01:55:42「六十年代，95%服裝由美國生產，依家剩返5%，特朗普做總統梗係希望有改變」，來自香港的Ida，是紐約市碩果僅存製衣廠東主之一，見證美國製衣業興衰。她生產的時裝標榜「Made in USA（美國生產）」，零售價最少數百美元起。對於特朗普即將「登基」，Ida認為是美國製造業重新起步的契機，「如果人人無工做，又何來消費力呢？」駐紐約記者：鄭柏齡紐約市曼哈頓的時裝地區（Garment District），顧名思義是服裝設計、生產中心，在六十年代高峰期，全美95%衣服從這裡生產。在區內與拍檔經營製衣廠的Ida，見證製衣業由盛轉衰，公司規模由80年代坐擁4間廠房，目前已萎縮至一層，員工約50人，專做梳織服飾，「我哋已經算大，全區超過一半同行已倒閉」。隨著訂單往南美、亞洲外移，生意流失，Ida標榜「Made in USA」的製衣廠，近年轉走高檔生意，客戶多為美國名牌如Rag& Bone、Alice& Olivia、Theory等，每件零售價數以百元起計。Ida坦言，由於時裝地區位處紐約市內黃金地段，政府不斷遊說製衣廠搬遷，更給予逾60萬元賠償利誘，以騰出空間改建更值錢的寫字樓、酒店等，但一一被拒絕。「客戶揀我哋，好大原因係方便，可以隨時上嚟睇板、改設計，」無意搬遷的Ida解釋，雖然「美國生產」時裝成本高，但優勢在於起貨速度快、生產具彈性；她舉例，由客戶放下圖樣，最短兩個星期內，製衣廠已能夠生產出近千件衣服，讓客戶提取再送到百貨公司發售，「海外生產一定做唔到」。作為逐漸式微的製衣業老板，Ida希望特朗普可實現「讓美國再次強大」的競選承諾，「做返上去一定會高興；如果工人無工做，邊度有錢買衫？一個國家無可能長期養太多無生產力嘅人」。惟Ida指出，美國消費者已習慣「買平衫」，振興本地製造業需要從進口加稅入手，「當入口衣服價錢同本地生產差唔多，消費者先會買本地貨」。除成本問題外，怎樣補充行業新血，同樣使Ida感到頭痛。現時，製衣廠熟手工人大多為上年紀華人，有意入行的青年不多；她透露，正研究改組聘請來自中南美州的工人，「（中南美移民）要幾多有幾多，但要花好長時間培訓，無華工咁熟練。」
來源:
http://hk.apple.nextmedia.com/news/art/20170121/19904417
避欠薪執笠易名重開紐約中餐館老闆剝削華人員工
1 :
GS(14)@2017-04-08 20:44:13美國紐約市最低工資每小時10.5美元，惟好像陳建濱在內的餐廳侍應，過去卻不斷被華人僱主剝削，平均時薪不到2美元；工人若透過法庭追討欠薪，餐廳東主便索性把餐廳關閉，另覓新址營業。上述情況在中國餐館屢見不鮮，華人職工會要求紐約州通過法例，阻止無良僱主以破產等手法逃避法律責任。駐紐約記者：鄭柏齡紐約市皇后區法拉盛（Flushing）為中國移民聚居地，陳建濱自2008年起，在當地一間中餐廳任部長，不計加班，每周工作最少60小時，「每兩個星期出糧，人工350蚊，另一個做侍應同事都係做60個鐘，但人工得175蚊，計埋唔夠2蚊一個鐘」。由於不諳勞工法例，直至2014年陳建濱才在工會協助下，把餐廳東主告上勞工局，一年後勝訴，法庭裁定餐廳需向陳建濱及其同事合共賠償26萬美元，「老板唔肯賠償，索性關門，但半年後搵咗朋友做持牌人，（餐廳）換個名重新開張」，陳建濱指直至今天，仍未能從僱主身上取回一分錢。陳建濱個案只是紐約移民社區內冰山一角，州政府數據顯示，單計2015年便有2,800名工人，成功向僱主討回破紀錄的3,150萬美元欠薪。包括華人職工會及服務者公平運動等組織，在曼哈頓舉行集會，要求州政府通過俗稱「SWEAT（Secure Wage Earned Against Theft、防止工資被盜）」法案。該法案2013年6月被提上州眾議會討論，賦予勞工局在僱員追討工資時，有權凍結及禁止僱主轉移資產，但提案至今仍未正式立法。有份出席集會的陳清表示，政府執行勞工法時存在大量漏洞，「偷員工工資，告上法庭後就關門、轉名，逃避負責」，而總統特朗普上任後，大量無證移民湧到「庇護城市」之一紐約市，令無良僱主變本加厲，部份更威脅工人如不接受極低薪金，便向移民局舉報其非法居留身份，「紐約口講歡迎無證移民，應該立刻通過SWEAT法案」。陳建濱透露，現時法拉盛約有一半中餐廳，不按照勞工法規定聘請工人，「以前仲嚴重，10間餐廳最少有8間違法」，他希望更多被剝削工人發聲，向政府施壓。有工會義工則指，無證移民亦有權把違法僱主告上法庭，法庭不會過問其身份、或把資料交予移民局。
來源:
http://hk.apple.nextmedia.com/international/art/20170408/19983909
Next Page