【食咗先講】廣東道Pacific Coffee升呢 賣埋牛肉湯炸雞翼
1 :
GS(14)@2016-08-10 07:55:28Pacific Coffee於1881開設全新概念店Monogram，大賣炸雞翼，$78。
平日去幫襯連鎖coffee shop，最多也只是點杯Latte或檸檬撻，這次來到位於前尖沙嘴廣東道前水警總部1881的Monogram，終於有少許不同。這間café其實是Pacific Coffee最新開的概念店，亦與1881互相輝映，店內裝潢也大玩英倫風。而最大特色是店家設有廚房，與其他分店不同，食物無須預先製作或翻焗，大部份也是即叫即製，甚至新加幾款只有此店限定的食物，如炸雞翼、窩夫及牛肉湯等。不過來用餐可要有心理準備，皆因每款小食平均也要70、80元，以連鎖咖啡店來說不算太便宜。
Pacific Coffee Monogram九龍尖沙嘴廣東道2號A18812樓208A號舖記者、攝影︰黃依情
精選餐湯配多士$48
店家亦有肯亞、哥斯達黎加等的手沖咖啡。
煙三文魚凱撒沙律配巴馬芝士及香草麵包粒$88
概念店位於廣東道1881，暫時人流並不算多。
來源:
http://hk.apple.nextmedia.com/su ... t/20160810/19729863
綜援戶 升呢百萬戶 揭吳業坤溝掂索主播
1 :
GS(14)@2016-08-22 02:57:222016-08-10 EW
去年尾，吳業坤（坤哥）在各大音樂頒獎禮上囊括多個大獎，風頭一時無兩。形象「貼地」的坤哥，機會隨即接踵而來，出道五年，雖然只出了兩隻碟，但本周三（八月十日），他已能踏上所有歌手夢寐以求的紅館開個唱，而且門票更早早賣光。
人氣急升，連帶身價亦狂飆！有傳，坤哥的商演酬勞，狂升十二倍，高達六萬元一場，難怪他迅速由綜援戶搖身一變成百萬戶。而坤哥曾口口聲聲話過，想事業穩定才會談感情。據密友透露，他近來已經溝掂網台索主播盤菜瑩子，他不僅幫女方搭路發展歌唱事業，還力薦她給電台合作做廣播劇。日前，兩人就以情侶裝現身電台，更佩戴定情信物水晶手鏈；接受訪問時，兩人甚有默契的動作，甜到漏的笑容，羡煞旁人。
身價暴升
吳業坤（坤哥）在去年尾於頒獎台上，憑着一副霧氣眼鏡、一條窄身長褲，「毒男icon」竟出奇制勝；而他在台上口震震地說謝詞：「我係毒男，要多謝好多人，多謝ＴＶＢ、星娛樂、巨聲2、屋企人……」，更令不少人為之動容；自此，他人氣飆升，拍劇、拍戲、登台，做不停。縱使他只出了兩隻碟，未夠歌可以開個人演唱會，可是仍奇蹟地踏上無數歌手夢想的紅館舞台，連他也表示要為演唱會，積極再灌錄多幾首歌。「 家每日都有歌錄緊，最重要反而係時間嘅分配，因為我一路拍劇，一路忙演唱會，喺短時間搞好各樣事，的確好需要時間。」
成為超級大忙人，坤哥收入自然大增，就連經理人也大方承認：「係有廣告商主動搵佢，護膚品、食品乜都有。以前每月五位數左右， 家接一個廣告都唔止啦！……佢今期hit嘛。」坤哥曾幾何時話過，事業有成後就會拍拖，捱了五年，如今身價十二級跳，成功由綜援戶「升呢」變身百萬戶，足夠本錢溝女有餘。
不過，怕醜仔坤哥一向怕瘀，所以要確定有機會，才會全力出擊。他坦言：「我唔會係好主動表白嘅人，其實情投意合，大家係會get到大家，我要好肯定對方鍾意，我先會開始。」
網上溝女
據密友透露，於去年一個公開場合，坤哥邂逅了網台索主播盤菜瑩子（原名：柯翠婷）後，便不時在對方的社交網留言搭訕，難得女方又不停回覆，自此兩人不時互動。
去年尾，坤哥橫掃各大獎項，「盤菜」即在自己的面書發帖祝福，而坤哥亦打蛇隨棍上約會佳人：「盤菜，可唔可以約你唱cover（翻唱別人的歌）呀？」兩人隨之打得火熱。密友爆料：「坤哥舊年搞唔掂龔嘉欣，即刻轉軚落力溝盤菜瑩子；而為咗冧個女仔，坤哥介紹咗好多job畀佢。唔好睇坤哥烚下烚下，佢成日約個女仔返屋企jam歌，撻着話咁易。」
日前，坤哥帶同「盤菜」到電台錄廣播劇時，不僅以情侶裝上陣，更戴上定情信物水晶手鏈。此外，兩人接受訪問時，默契十足且笑容一致，但偶爾又流露出尷尷尬尬的表情，似乎將兩人的親密關係出賣了。據悉，坤哥已經搬離與媽媽及妹妹同住的樂富公屋，而每次出席公開活動後，他都步步為營兼刻意駕車兜圈，逃避傳媒的追蹤，應該是不想與「盤菜」的秘竇曝光。
金蛋坤賺近400萬
在一五年下半年開始，吳業坤已經悄悄地冒起，而在年尾得獎無數後，人氣更加爆晒燈，身價自然不斷攀升。無綫與唱片公司亦乘勢力捧，將坤哥的檔期排到密麻麻，使他接騷接到手軟，估計他近這十多個月裏，賺近四百萬。
總共約：$380萬
撰文 武儀 攝影 楊北鉅、吳子生 設計 林文俊
香蕉仔進修升呢財務策劃師鄧一君拒返娛圈「我唔鍾意應酬」
1 :
GS(14)@2016-10-01 13:19:49■39歲的鄧一君棄影後轉行做保險，現為分行經理及高級財務策劃師。攝影：林德雄
鎂光燈下的世界五光十色，不少人目眩神往，憧憬成為偶像大紅大紫，但卻有人體驗過後甘於平凡，寧願轉行重頭做起。《記得…香蕉成熟時》的香蕉仔鄧一君，如今是個快將40歲的中年，十一年前他為前途轉行，由保險從業員做到今日分行經理及高級財務策劃師。為保專業形象，一君揚言不會再演戲，並指自己不喜演藝圈應酬活動。說到中年發福，他笑謂：「肥咗畀人個感覺仲敦厚咗穩重咗，生意仲好咗！」
本月24日便踏入男人四十一支花之齡的鄧一君，9歲開始做童星做到成年，在娛樂圈打滾足足二十多年，香港電影業的輝煌、港產片的不景氣都見證過。不過，一君日前在觀塘接受專訪時，坦言自己不愛演戲，當年入行拍戲，也是為了方便看明星，一君說：「你哋睇明星好辛苦，又要喺出面等，我直頭喺佢隔籬幾方便呀！」
毅然撇無綫轉行
一君當年憑《記得…香蕉成熟時》「楊醒波」一角提名香港電影金像獎最佳新演員，演藝圈起步看來不錯，他說：「係呀，當時都覺得自己掂，有部戲紅咗，可能因為咁，自己冇咗危機感，當時紅咗有好多機會，但自己冇去好好把握，加上我外形太局限，而且我唔鍾意應酬，又要去卡拉OK、飲嘢，成日唔見我，搵親我又唔出，又掃興，一係早走，可能會蝕底啲。」2005年，正為無綫拍劇的一君考慮到電視台發展及前景不樂觀，甚至缺乏安全感，為了想擁有自己事業，一君經朋友介紹下轉投保險行業，十一年間，他已被擢升為分行經理及高級財務策劃師。當年不愛讀書的一君，為了事業更報讀相關課程裝備好自己，他說：「我發覺我真係開咗竅，我而家做管理，有啲管理嘅技巧唔夠，咁就自己去進修工商管理，讀咗個master，而最厲害係呢個『CFP認可財務策劃師』，全香港得三、四千個人有。」近年一君身形發福少少，對此他笑謂：「因為而家唔使出鏡，所以我就冇keep，同埋而家肥咗，畀人個感覺仲敦厚咗穩重咗，生意仲好咗，如果我瘦番，反而似個死僆仔咁，仲衰呀！」
【9歲入行】■鄧一君9歲便開始為香港電台拍教育電視。電視圖片
【成名電影】■《記得…香蕉成熟時》中飾演的楊醒波，是一君的演藝代表作。
【古仔細佬】■一君在劇集《烈火雄心》演古天樂（右）的智障弟弟，二人因合作而成好友。
■一君熱愛現時工作，揚言不會重返演藝圈拍戲。
「古仔好有義氣」
一直有傳古天樂是他首名顧客，對此一君不便多說，但表示現時仍有跟古仔聯絡：「古仔係我一個好好嘅朋友，轉行前同轉行後佢都好支持我，佢係個好有義氣、好肯幫朋友、關心朋友嘅圈中人。」離開演藝圈多年，一君雖然偶爾戲癮發作，但他從沒想過再走演員路。他解釋說：「拍戲始終時間好長好辛苦，同埋都唔想畀人感覺好唔專注、好唔專業。」一君表示當他戲癮發作時，就會跟幾個志同道合的朋友一同拍攝短片來「頂癮」，如六年前他自編自導了一齣約19分鐘微電影，於其社交平台上播放。採訪：譚倩宜、黃曉妍
【童星出身】曾獲提名最佳新演員
39歲的鄧一君，9歲便入行，最初替港台拍教育電視，一拍就五年，之後有機會轉到大銀幕發展，首部電影是《縱橫四海》演周潤發童年，當時連哥哥張國榮亦看好他。1993年擔正演《記得…香蕉成熟時》「楊醒波」一角，更令他獲提名94年香港電影金像獎最佳新演員，之後就再有機會拍《記得…香蕉成熟時II初戀情人》、《記得…香蕉成熟時III為你鍾情》等。除了電影，鄧一君轉行前曾替無綫拍劇，包括《美味天王》演歐陽震華徒弟、《烈火雄心》演古天樂的智障細佬及《刑事偵緝檔案》系列等。
昔日的香蕉仔鄧一君，現在已是一位財務策劃師。
一君指現時的工作，比以前於娛樂圈更有前景。
他有二十多名下屬。
以前不愛讀書的一君，轉行後再次重回校園，現在已有一個碩士學位。
一君跟盧愛倫現時還有KEEP住見面。
一君透露盧愛倫現時於投資銀行擔任後勤工作。
來源:
http://hk.apple.nextmedia.com/entertainment/art/20161001/19787100
新城嫂Moka行頭升呢 Miu Miu袋襯星星鞋
1 :
GS(14)@2016-10-10 16:14:35郭富城前日於中環參加電動方程式（Formula E）賽事，「城嫂」 Moka亦親到香港支持男友。升呢城嫂的Moka行頭同樣升呢，早前就被影到用3萬元的Chanel手袋，戴6萬元的Cartier手錶，今次雖然就着得好casual，但手袋同鞋都是名牌貨，手袋就用了Miu Miu Nappa Crystal手袋，千億新抱徐子淇都有一個，腳就踏Stella McCartney的星星厚底鞋，這對鞋在明星界可稱得上撞鞋之冠，Angelababy、趙薇同楊千嬅都有一對。
來源:
http://hk.apple.nextmedia.com/entertainment/art/20161010/19796159
升呢上市公司主席 哽咽多謝細佬黎姿身家一日暴升近6億
1 :
GS(14)@2017-01-12 08:03:21■黎姿昨日打響銅鑼，開心宣佈自己的美容公司正式在創業板上市。
黎姿在07年棄影從商，接手弟弟黎嬰創立的醫學美容公司，經過10年打拼，她昨日成功以卓珈（8358）在港交所創業板上市。身兼集團主席及行政總裁的黎姿跟弟弟出席上市儀式時，表示上市是要「延續細佬嘅精神」，同時宣佈改名做馬黎珈而。有「黎姿股」之稱的卓珈，昨日股價搶高近4倍，令黎姿身家一日暴升至5.93億元。
現年45歲的黎姿（GiGi），昨日早上9時前跟父母及弟弟黎嬰到達中環港交所，等待旗下的醫學美容公司卓珈（8358）首日上市。美容公司當年由擁有皮膚科醫生資格的黎嬰一手創立，他在07年遇上嚴重車禍後，黎姿接手公司，為此她放棄演藝事業全情投入美容院生意。即使09年嫁給富商馬廷強，婚後育有3名女兒，她仍然堅持打理生意，經10年打拼終於成功令公司在創業板上市。
■公司首日上市一刻，GiGi比弟弟黎嬰更激動。
■事業有成的黎姿，昨日獲父母及弟弟齊齊現身撐場。
丈夫默默支持
黎姿以集團主席兼行政總裁身份，一身行政人員裝扮亮相上巿儀式，同時宣佈已改名為馬黎珈而。完成上市儀式，GiGi笑容滿面接受訪問，她透露之前緊張到睡不好，因為今次是人生記憶中一件大事，心情興奮得難以形容，對於未見其丈夫馬廷強現身，她說：「佢不嬲都喺我背後默默支持我，今日忙於工作嚟唔到。」
GiGi為了延續當年弟弟的業務而放棄自己的演藝事業，終於堅持到上巿，GiGi講到終於完成弟弟的心願時，哽咽地說：「細佬好開心，睇到我成個過程眼濕濕，佢好想我行到呢一步，佢自己唔能夠營運，我秉承佢嘅專業精神、對醫學美容執着概念營運落去，我亦多謝細佬啟發我，因為佢畀咗另一面我，原來我可以做生意。」
■黎姿哽咽表示上市是想延續弟弟的精神。
■黎姿09年嫁給商人馬廷強，婚後育有3名女兒。資料圖片
望九龍開分店
對於公司的業務發展，GiGi希望可以在九龍區開分店，提到公司股價由招股價的0.8元，最高升過5元，身家隨之水漲船高，GiGi笑言沒有留意升幅，因為自己都控制不到，唯一可以做的是做好生意，希望繼續進步。黎姿做CEO年薪有360萬元，而被戲稱為「黎姿股」的卓珈昨日收報3.95元，公司市值增至15.8億元。而持有1.5億股的GiGi，一日之內身家就暴升至5.93億元。採訪：卓寶花、江靖然攝影：仇志德、李潤芳
來源:
http://hk.apple.nextmedia.com/entertainment/art/20170111/19892725
海怡升呢港島龍頭盤
1 :
GS(14)@2017-01-18 08:10:52【本報訊】幾時都會有人話，買近地鐵站物業或地鐵上蓋物業最保值，無論收租潛力及樓價升幅，鐵路盤也屬跑贏大市的指標。鴨脷洲海怡半島自從變成「鐵路盤」後，樓價竟貴過太古城，挑戰港島龍頭屋苑地位。代理表示，自港鐵海怡半島站上月底通車後，海怡半島交投相當暢旺，即使業主反價，買家仍照追，本月至今暫錄得約10宗成交，屬港島成交量最多的大型屋苑，比鰂魚涌兩大藍籌屋苑還要多；同期太古城只有7宗，康怡花園僅1宗。海怡半島本月平均呎價錄得約1.62萬元，創屋苑歷史新高，甚至首度超越太古城。美聯吳肇基稱，太古城本月平均呎價暫錄1.59萬元。不過，太古城本月暫未出現海景戶成交，海怡半島則有海景成交而拖高呎價，只能說暫時領先。
呎價媲美太古城
海怡半島近期錄得的三房成交已媲美太古城。最新13座低層H室海景戶，實用755方呎，以1,390萬元易手，呎價18,410元屬同類新高。中原張光耀稱，太古城恒星閣高層C室，實用809方呎，以1,480萬元成交，呎價18,294元。另同區悅海華庭1座高層H室售830萬元，貴絕港島夾屋王。
來源:
http://hk.apple.nextmedia.com/financeestate/art/20170118/19900479
屋邨妹升呢港姐實錄 楊思琦慳家買豪宅
1 :
GS(14)@2017-01-31 03:13:28屋邨以往畀人嘅印象，大多係低收入家庭住嘅地方，但係，英雄莫問出處，好多時喺屋邨都出過唔少名人明星，其中「屋邨港姐」人數唔少，仲有好多都入到三甲，一啲都唔失禮。
楊思琦
01年港姐冠軍楊思琦，係著名嘅「屋邨港姐」，小時候居於石硤尾大坑西邨，楊思琦係圈中出名嘅慳妹，佢平日賺埋賺埋，儲錢置業，現時手上已有數個物業揸手，當中包括至少3個千萬單位，有傳合共市值半億。
林莉
05年港姐季軍林莉，於青衣邨出身，佢當選後喺大台發展平平，做吓主持同綜藝節目咁，直至10年，佢挾住「港版林志玲」之名，喺模界大展拳腳，出寫真集同拍廣告，又去台灣同韓國發展，更喺唔聲唔聲之下，原來已行天橋行到去巴黎，升呢國際名模，佢舊年更走上巴黎高訂時裝周天橋，展示法國名師Julien Fournié嘅新裝。
陳庭欣
10年港姐冠軍陳庭欣早年被揭自其任職公務員嘅爸爸退休後，一家人被安排入住九龍灣啟晴邨，由於佢始終係港姐冠軍，所以佢出入上址時，都顯得十分低調，而佢亦不時放聲氣打算「上車」做業主。
張秀文
同陳庭欣同屆選港姐、並獲得亞軍名銜嘅張秀文，同樣係公屋出身，佢曾經向傳媒表示過唔會為住公屋而感到自卑，亦唔覺得會輸蝕畀其他人，而佢亦坦言想盡快搵到錢買樓。
來源:
http://hk.apple.nextmedia.com/entertainment/art/20170130/19913072
徐子淇升呢千億新抱 雪兒嫁酒店大亨之子做少奶奶
1 :
GS(14)@2017-02-05 10:48:28想當年，o靚模仲未興起，但模特兒總叫係新面孔，尤其以混血女模更為吃香，正所謂「十年人事幾番新」，同Danielle同期嘅女模們，家陣又去晒邊？徐子淇於澳洲長大嘅徐子淇，喺14歲時被模特兒公司睇中做模特兒，後來亦有拍過電視劇及電影等，星途一般嘅徐子淇於04年7月認識現任老公、恆基兆業創辦人李兆基次子李家誠，其後2人共墮愛河，到06年兩人共諧連理，徐子淇正式嫁入豪門。婚後徐子淇努力「造人」，結婚10年共誕下兩子兩女，同老公李家誠又不時放閃晒恩愛，生活相當幸福。雪兒1997年憑住同天王郭富城合演電訊商廣告走紅嘅雪兒（Michelle Saram），喺香港發展過一段時間，拍過大台劇《創世紀II之天地有情》同《尋秦記》、又去過台灣參演《流星花園2》等，喺7年前低調嫁畀新加坡GHM酒店集團大股東Zecha嘅仔Ajai，婚後定居新加坡。現時佢除咗陪老公周圍飛去睇酒店嘅新location之外，仲同老公構思將紐約嘅烹飪學校International Culinary Center帶嚟亞洲，同時修練自己嘅煮藝。
Lee Ann經典廣告對白「我係咪好任性呀？」就令人聯想到中法混血模特兒Lee Ann（李鞍），10幾年前，佢移居法國結婚生女，任職兒童心理學家，至今已育有兩女。佢舊年回港為拍賣行擔任珠寶模特兒時表示，女兒開始長大，希望可以多啲回港工作，又放風話對功夫有濃烈興趣，仲一直有學蔡李佛拳，如果有人搵佢拍戲，佢一定會答應。
Maggie Q一早打入荷里活嘅Maggie Q近年除咗忙於拍攝《分歧者》（Divergent）系列等演藝工作之外，亦有關心世界大事，一向愛護動物嘅佢茹素多年，亦係善待動物組織（PeTA）嘅活躍分子，不斷呼籲反對用皮草，亦曾獲選為亞太區年度風雲人物。有報道指Maggie Q上月中與眾PeTA嘅請願人士到時裝品牌Canada Goose多倫多總部門外抗議，更帶捕獸器作血的控訴，指該品牌外套用了郊狼的皮毛，Maggie Q要求與公司行政總裁Dani Reiss會面，商討不再在外套上加毛皮，但遭拒絕。
來源:
http://hk.apple.nextmedia.com/entertainment/art/20170204/19917729
【紙飛機升呢】二代目變雙引擎航拍機 室外實測試飛
1 :
GS(14)@2017-02-05 10:56:18PowerUp FPV$1,880
紙飛機變遙控機，早在年多兩年前推出的PowerUp3.0開始，已經不是夢！將手摺隨手掟出的紙飛機，加上摩打及遙控組件後，變成可以用手機指揮轉向及天空翱翔的飛行器，的確令人對這種兒時玩伴，另有一翻從新體驗。PowerUp系列二代目－－PowerUp FPV（$1,880）最新抵港，大了近一倍的機身，是否意味有更強大的飛行操控能力？今天我們找來航拍達人小丁，為我們作詳細測試。
一開盒，想馬上試飛？對不起！還是先由摺紙飛機做起，小丁說：「由第一代PowerUp3.0我已經開始玩起，最直觀的大小變化，是摺紙飛機所用的紙！一代目PowerUp3.0，是以一張A4尺寸的紙張所摺成；至於二代目PowerUp FPV，則起用了大一倍的A3紙張所摺合而成，所以成品機亦好自然地大了近一倍。」小丁之所以在深水埗腦場被稱為航拍達人，原因是他多年來一直主力從事航拍工作，而且每有新機推出，不論是代理廠商或這方面的專業玩家，都會找他對新航拍機作品評，而且他還是半個航拍機維修技師，所以對這方面的知識相當充足。
紅色的是第一代PowerUp3.0（$380），年多兩年前推出時，曾一度賣斷市，而且現在亦一機難求；黑色的二代目PowerUp FPV（$1,880），機身大了不少，而且設計亦變得更複雜。
機頂位置設有一個鏡頭，亦是首度加入設計，而且可以作360度旋轉。
機尾使用雙引擎設計，令力量變得更大。
紙飛機的機身大了，亦同樣意味着機身重量亦因之而加大，所以明顯需要更充足的動力：「第一代的PowerUp3.0，遙控機械組件，就好似一支竹籤一樣，掛在紙飛機之上；至於二代目的PowerUp FPV，雖同以輕身又堅硬的炭纖作骨幹，不過改以更具承托力的『井字形』支架設計，感覺的確會更具耐衝激性。不過更重要的是遙控系統，由一代的藍牙傳輸，改以更強大的Wi-Fi接駁，如果象形一點來說，一代PowerUp3.0的遙控直線距離是一個籃球場，二代PowerUp FPV可以達到三個籃球場的直線距離！」
電池使用可換式設計，而且還要是Parrot出品，想買多一、兩粒作後備都無難度。
起飛前，當然要先摺紙飛機，摺法基本同第一代完全一樣。
機身鏡頭除了可以拍片，還可以拍實時飛行畫面，在操控App上顯示。
「PowerUp FPV另一大改進點，是同系列首度加入拍攝鏡頭式設計，除了可以將實時飛行畫面，透過專用的手機遙控程式作直播，方便玩家作操控外，機身還配置有microSD卡插槽，可以拍出640 x480解像度的航拍影像，令紙飛機的玩味更大！」正式上手試玩，動力系統亦完全不同：「動力系統的確變化很大！舊版起用單摩打，力量較細，而且轉向系統是使用方向舵；新版本使用雙摩打設計，沒用了方向舵，轉向時是使用兩個摩打的速度差作轉向。」
機身使用了井字形的炭纖支架，令整體更加穩固。
紙飛機底部好搞笑，有填玩家名稱、電郵及電話等資料，假如不幸飛失了，可待好心人拿來給你。
小丁是深水埗腦場的航拍達人，多年來主力從事航拍工作。
正式開始試飛，感覺好像比想像中難玩，頭輪試飛了6、7次，想飛過半個籃球場都有一定難度，主因可能是風力太大，剛起飛不久就被附近的強風吹倒在地上；在經過近10次的試飛，在一次風力較平靜一刻，才能飛出一個籃球場的直線距離：「其實這部機有點兩難局面，由於機身大，轉向或轉彎都需要更充足的距離，所以好大程度上需要在戶外飛行；雖然摩打力量加大了，不過面對大自然的力量，都好易會出現力有不逮情況。感覺機身設計的最大問題，是機身副翼是以紙造的，所以不能遙控及作上、下角度的擺動，所以風向轉變時或風速改變時，機身未能立即做出攀升動作。」我們應否入手嗎？「我暫時不太建議入手，因為先前的測試中，我發現問題頗多，如間中不能連線，或間中彈App，感覺不太穩定，我想要待軟件更新後，令操控性更好情況下，才能試出此機的真正實力；另一點是買機前要先考慮遊玩的場地問題，如果找到有近足球場面積的空地，而且又有風力影響不太大的環境，才適合遊玩。」查詢：facebook@JC Shop Premium記者：朱崇德 攝影：伍慶泉2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170205/19918178
Next Page