http://hk.myblog.yahoo.com/ckm001/article?mid=52090
上月初，混水公司(Muddy Waters)混水摸魚，先大手沽空嘉漢林業(TSX: TRE)股票，再出報告唱淡，令嘉漢股票從18蚊加元跌到最低1.29加元，跌幅超過9成，有沽神之稱的美國對沖基金經理普爾森(John Paulson)，他旗下的基金揸了十幾個%嘉漢股票，結果在嘉漢股價大跌8成之時止蝕離場，正如子非魚所講﹕「你方唱罷我登場，到頭來為他人作嫁衣 裳。」CKM001反勢而為，在4.7加元買入，下望輸光，上望倍數回報，一於食大茶飯。混水一役，連美國以及加拿大證監都要做嘢，切查各上市民企之賬 目，基金齊齊沽貨離場，大家都以為嘉漢就來倒閉，螳螂捕蟬，黃雀在後，到本月初，威靈頓基金公布增持嘉漢股票到總股數之11.5%，昨日，新加坡 Mandolin基金又公布增持嘉漢股票至總股數之15%，今個星期，嘉漢股價大幅反彈，有升無跌，又有大把沽空淡友被挾死，昨晚，嘉漢收7.69加元 (圖)。
兩星期前，穆迪出紅旗報告唱淡香港上市之民企，基金與散戶又變成驚弓之鳥，齊齊沽貨離場，經過呢兩個月，許多民企之股價已經非常抵買，唔排除過多一 會，又有黃雀基金大手掃民企，到時一眾民企又會好似嘉漢咁，日日裂口上升，一於升到無朋友，什麼什麼別人貪婪你要恐懼，別人恐懼你要貪婪，投機賭徒只講不 做，結果賺錢嘅，又係有膽有識之長線投資人，如你與我，呵呵!!