Grand YOHO二期 戶型景觀「升呢」
1 :
GS(14)@2017-02-06 11:14:37http://www.mpfinance.com/fin/dai ... 4608&issue=20170206
【明報專訊】奉行「月月有樓賣」策略的新地（0016），以元朗Grand YOHO二期，作為集團2017年新盤頭炮；除秉承一期享有西鐵沿線優勢、及坐擁大型商場購物之便外，Grand YOHO二期首度加設1房單位，戶型更多元化，可廣納各路客源，當中首推向南戶，享有開揚元朗景致。
明報記者 方可兒 攝影 楊柏賢
Grand YOHO二期樓花期約6個月、提供826伙，分3座發展（分佈於第3、5及8座），涵蓋1房至4房單位，實用394至2125方呎，當中1房戶更屬Grand YOHO項目首次推出的戶型，以迎合上車客及年輕小家庭。
首度提供39伙入門版1房戶
不過，項目只設39伙標準1房戶（實用413至416方呎），分佈於第8座B室；以8座7樓B室示範單位為例，實用416方呎，長形客飯廳約127方呎，相連22方呎露台、睡房約72方呎。由於項目屬早年入則，即使是1房單位，亦設有梗牆的廚房，與時下主打迷你戶新盤多設開放式廚房不同，另相連工作平台，以便住戶晾曬衣物。此外，廚房、洗手間均設窗戶，以助通風。
3房單位佔四成 設3款格局
除1房單位外，項目主打2、3房單位，分別佔單位總數的37%及40%。可留意的是，3房單位可再細分成為3種不同間隔，包括3房、3房1套、3房1套連儲物室等，標準3房戶實用面積由631至992方呎。
以5座36樓E室示範單位為例，屬實用898方呎的3房1套連儲物室單位；大廳間隔方正，相連33方呎露台，另設對流窗，加強通風效果。除廚房相連的儲物室，大廳門口附近亦設儲物室，而且備有窗戶，住戶可考慮改作書房。
廚房兩邊設有不少工作枱面，其中一幅牆身更配置廚櫃，各類家電如焗爐、雪櫃等一應俱全，儲物空間充足。另主人套房窗戶呈曲尺形，可望開揚內園景觀，3間睡房均設窗台，而套房浴室及另一客廁均設窗戶通風，並備有浴缸。
第3、5座大單位景觀最佳
Grand YOHO二期除提供更多不同種類戶型外，景觀亦較一期「升呢」；項目首推的向南單位，可享開揚內園和元朗景致，此類單位主要分佈於第3、5座，主要為3、4房單位，屬屋苑最優質景觀。至於第8座向東單位，面向元朗公路，中低層或受汽車噪音影響。另須留意的是，Grand YOHO二期提供113個車位，即平均每7戶爭1個車位。
財金「巴打」衣着升呢之術 高仁
1 :
GS(14)@2017-02-12 00:12:322016-02-06 HJ
戴Sir在早前「豬朋狗友」飯局中替高仁戴高帽，高仁不但是第一個在《信報》寫拆局文章第7年的專欄作家，還是第一個在《信報》教人用袋巾裝身的「唉賓」。
「高仁指點」話你知，這個「財金『巴打』衣着」系列文章，道出選購及穿着西裝、千變萬化的袋巾摺法，以及手錶與袖扣的飾物寶貝之後，本文將會教授財金「巴打」衣着「升呢」（升level）技巧，講解恤衫與領呔的配搭。在披露對話實錄之前，請各位「巴打」與「絲打」重溫人物背景，簡介如下：
戴孤劃──又稱為「戴Sir」，《信報》「蠱壇辨虛實」專欄作家，上市公司大股東，經常欺壓小股東；
程更計──本地證券行經紀兼財務顧問，除了招呼散戶之外，亦向上市公司出謀獻計。
程更計：高仁，除咗西裝、袋巾、手錶與袖扣之外，「唉賓」喺衣着方面，仲有邊方面要注意呢？
戴孤劃：（普通話，高仁註：戴Sir又在賣廣告）「鐵哥」！看一看你的襯衫（即恤衫）和領帶（即領呔）吧！
高 仁：冇錯，恤衫係「唉賓」最基本嘅衣着之一，但就好少留意到恤衫嘅領型可以同自己臉型配搭，如果揀得啱嘅話，可能會有修飾線條嘅效果。
程更計：咁神奇！？咁快啲講啦！
高 仁：冇問題。恤衫領型可以分為3種常見類型，第一類係最常見嘅標準領【圖1】，唔會太闊或太窄，配搭任何西裝都咁得體，屬於標準嘅百搭款，適合任何臉型嘅人士穿着。
戴孤劃：高仁，你睇阿程個樣臉尖尖咁，有邊一款領型會啱佢呢？
高 仁：第二類嘅寬角領【圖2】啦！呢一種嘅領尖角度超過90度，臉型尖尖嘅人望落去好似被拉闊咗，如果配合埋寬闊同雙結打法嘅領呔，望起上嚟就夠晒氣派。
程更計：（偷笑中）高仁，如果好似戴Sir咁面圓圓嘅，又有邊一款領型會啱佢呢？
高 仁：第三類嘅釦襯型【圖3】啦！呢一種款式望落去可以有圓臉拉長嘅效果，最適合係配上單結打法嘅領呔。但各位「巴打」要留意，無論有冇打領呔，果兩粒釦都要扣起上嚟。
程更計：講完3類恤衫領型，之後再講乜嘢呢？
高 仁：你哋覺得同恤衫做配襯嘅話，最好「兄弟」會係邊個？
戴孤劃：高仁都講到口乾嘞，不如等佢飲啖茶、食個包，之後先再講啦。
（飯局未完，下周待續）上集
本欄逢周一刊出
歡迎交流上市公司的財技個案及招數，請電郵至
[email protected]。
高仁逢星期一刊出的專欄「財圈識真假」，及作者楊書健（約兩星期刊出一篇），請在稿尾加上下列的字句。謝謝！
(編者按：高仁著作《高仁財技--投資自由行》現已發售)
歡迎訂購：實體書
#高仁 #財經拆局 #財圈識真假 - 財金「巴打」衣着升呢之術
童童升呢做紋身師傅面上直線有段故
1 :
GS(14)@2017-04-13 00:23:59竇靖童一向形象前衛，喜歡中性打扮，但就遺傳天后王菲和竇唯嘅音樂天份，近年專心唱歌事業，日前更憑主唱電影《七月與安生》主題曲《(It's Not A Crime) It's Just What We Do》角逐金像獎「最佳原創電影歌曲」，雖然最終落敗，但童童完全唔介意，話只係一心諗住學吓嘢。童童興趣都幾廣泛，昨日佢就喺instagram上載一條幫人紋身嘅片段，見佢戴晒手套，拿起工具幫一名全身都有紋身嘅男人(應該係)紋身，童童似乎係初學者，戴住眼鏡同黑色膠手套，紋嘅圖案唔算大，見童童對準幾次先落到手，個樣好認真。唔少網友留言大讚童童好厲害，仲話願意俾童童用嚟練習。講起童童嘅紋身，其實佢由18歲剛成年開始已經有第一個紋身，之後喺前臂、肩膀位置都有紋身。而去年更喺臉上紋上一條黑線，由下唇畫到頸，被網友稱為「死亡風」紋身。原來呢個紋身背後有一個感人原因，童童透露因為妹妹李嫣(王菲與李亞鵬所生嘅小女兒)出生時患有先天性唇腭裂（俗稱兔唇），為咗鼓勵臉上有缺憾而感到自卑嘅小朋友要勇氣面對，所以佢專登喺臉上紋咗條直線，真係一位好窩心嘅姐姐。
來源:
http://hk.apple.nextmedia.com/entertainment/art/20170412/19988269
余文樂升呢舅父被催婚
1 :
GS(14)@2017-05-06 11:38:39■余文樂轉貼妹夫抱B相，開心家庭有新成員。互聯網圖片
余文樂剛榮升舅父，其胞妹余文琪前年和前甲一籃球員陳守健結婚，陳守健昨早在Instagram報喜，感謝老婆生B：「好多謝你幫我哋增添一位肥肥白白、健健康康嘅新成員！見到你咁辛苦，雖然你受嘅痛楚時間比一般人短，但我都深深感受到妳嘅痛，而我又幫唔到手，只可以緊緊握着你嘅手，說一些鼓勵嘅說話，為你打氣。老婆，你是最偉大的！我愛你！」
余文樂 資料圖片
樂仔和陳守健是橫洲工業籃球隊的隊友，樂仔亦在Ig轉貼妹夫抱着BB相，留言：「Yeah！我哋屋企又多個成員喇！我做二舅父喇！」不少網民趁機留言催樂仔早日結婚當爸爸。撰文：葉綠悠
來源:
http://hk.apple.nextmedia.com/entertainment/art/20170506/20012018
回顧康城影展驚喜場面范冰冰再襲康城 由笑話升呢變評審
1 :
GS(14)@2017-05-19 05:27:55第70屆康城影展昨日已揭幕，中國女星范冰冰今次升呢成為影展嘅主競賽評審，係繼鞏俐、張曼玉、舒淇、章子怡等之後，再有華人女星肩負呢項神聖重任，難怪見慣強國大場面嘅「國際范」都話頗有壓力。范冰冰自2010年起有份參加康城影展，每次佢都悉心打扮踏上影展紅地毯，冰冰首年便以黃色龍袍裝搶鏡，可惜被大會卻認錯人，誤將林鵬認錯做冰冰。之後冰冰都未有氣餒，試過以葱油餅裙、花仙子同埋仙鶴裝踏上康城紅毯，每次都以出位造型成功搶鏡。至於令人最記憶猶新，就要數到冰冰於14年孖住成龍於尚當地見傳媒時，突然遭怪風吹到露底大出洋相嘅場面。呢代康城影展由西班牙鬼才導演艾慕杜華（Pedro Almodovar）擔任主競賽評審主席，范冰冰、韋史密夫（Will Smith）、謝茜嘉謝茜婷（Jessica Chastain）、德國導演Maren Ade、法國女星Agnès Jaoui、南韓導演朴贊郁、意大利導演Paolo Sorrentino、法國音樂人Gabriel Yared同屬評審團員。
來源:
http://hk.apple.nextmedia.com/entertainment/art/20170518/20025070
【獎門子女】曾寶儀升呢變製片
1 :
GS(14)@2017-05-21 00:59:09現年64歲的獎門人曾志偉，先後結過三次婚，育有兩子兩女，大部份子女都從事娛圈有關事業。
大女曾寶儀【金牌主持】
志偉第一任老婆王美華所生，現年44歲的她由台灣轉戰內地擔任節目主持，非常成功，近年更在台灣開設電影公司擔任製片。
二女曾詠儀【嫁人湊女】
比家姐年輕一歲，她對娛樂圈沒興趣，所以早早嫁人，之後跟丈夫移居加拿大，數年前為志偉添了一名外孫女。
三仔曾國祥【上位導演】
為曾寶儀同父異母弟弟，在外國學成回港後，不靠父親光環在片場由低做起，37歲的他由演員到近日憑執導電影《七月與安生》獲多項提名打響名堂。
孻仔曾國猷【自組公司】
現年36歲的他身形肥胖跟志偉形神俱似，曾做過張學友私人助理，五年前創立WATT.ASIA全天候娛樂表演平台，擔任CEO。
來源:
http://hk.apple.nextmedia.com/entertainment/art/20170520/20026952
張崇德升呢至尊評判
1 :
GS(14)@2017-06-22 07:42:37張崇德、麥皓兒和布偉傑前晚在旺角麥花臣場館出席「第二屆唱出好聲音歌唱比賽」活動，張崇德被委任為至尊星級評判。對於升格為至尊級，張崇德笑說：「可能呢度嘅人聽我嘅《龍珠二世》長大，喺佢哋眼中我適合呢個稱呼啦！」平時有教唱歌的他，至今未收過內地歌唱比賽的邀請，他相信與沒有經理人公司有關：「加上我比較鍾意黐仔女，留低過夜嘅工作都唔接。」張崇德將於9月演出音樂劇《馬丁路德》，並請來商天娥客串演夫婦，他笑言應該不會有親熱戲：「因為排練時娥姐見我黐到成面鬚，個樣好嫌棄。」採訪：馬建華攝影：仇志德
來源:
http://hk.apple.nextmedia.com/entertainment/art/20170621/20062714
【檢閱林鄭班子】「知客」變局長 陳肇始「升呢」之路全面睇
1 :
GS(14)@2017-06-23 02:46:38新任食物及衞生局局長陳肇始1958年出生，曾就讀聖保祿中學，持有曼徹斯特大學教育碩士、哈佛大學公共衞生碩士及香港大學哲學博士學位的學歷。她在1977年加入瑪麗醫院任學護，3年後成為註冊護士；1995年加入港大護理學系任講師從事學術研究，後出任護理學教授和系主任，至2004年出任港大醫學院助理院長。她一直專注控煙工作，2009年加入吸煙與健康委員會，開創本港首個戒煙輔導培訓計劃，2011年則擔任世界衞生組織顧問，為訓練專業醫護人員透過倡導及教育工作，進行戒除煙癮介入治療提供意見，2012年出任食物及衞生局副局長，期間不時就控煙問題接受傳媒訪問。工聯會立法會議員麥美娟對來屆只一名女局長感可惜，反映女士從政並不容易，工聯會亦因此提出家庭友善政策。【陳肇始小檔案】‧年齡：59歲‧學歷：英國曼徹斯特大學教育碩士、美國哈佛大學公共衛生碩士、港大哲學博士‧家庭狀況：單身‧月薪：約19.4萬‧資產：英國倫敦及香港各持有一個物業‧仕途／政途：2004年出任港大醫學院助理院長2009年加入吸煙與健康委員會，開創本港首個戒煙輔導培訓計劃2011年擔任世界衞生組織的顧問2012年起獲委任為食物及衞生局副局長‧任內爭議／政壇代表作：任內作風穩健，雖然只為副局長，亦不時接受傳媒訪問，推銷政策，尤其她專長的控煙政策
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170622/20065010
鄧忍光「升呢」調任政制局常秘
1 :
GS(14)@2017-06-25 09:56:53【本報訊】隨着候任行政長官林鄭月娥宣佈新班子，3名現任常任秘書長（常秘）黃偉綸、聶德權及羅智光出任局長，政府昨日亦公佈高層職員的人事變動，除填補常秘空缺，各秘書長亦大執位，部份資深政務官則升級出任常秘。
部份D6級升至D8級頂點
政府昨公佈高層職員人事變動，部份資深政務官獲升職；現任地政總署署長甯漢豪將出任發展局常任秘書長（規劃及地政），現任特首辦秘書長劉焱將升任財經事務及庫務局常任秘書長（庫務），海關關長鄧忍光亦調任政制及內地事務局常秘，運輸署署長楊何蓓茵亦升級出任教育局常秘；4人職級將由原首長級薪級表D6級提升至最高級的D8級，為公務員職級頂點。另外，現任教育局常秘黎陳芷娟將調任保安局常秘、財經事務及庫務局常秘（庫務）謝曼怡調任食物及衞生局常秘（衞生）、政制及內地事務局常秘張琼瑤調任勞工及福利局常秘，現任候任行政長官辦公室秘書長丁葉燕薇亦順利過渡，出任行政長官辦公室常秘；以上所有調動將於7月內進行。前任勞工及福利局常秘譚贛蘭則已展開退休前休假。■記者葉偉東
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170623/20065917
Next Page