| ||||||
國 內消費一直被認為「價廉物美」，但一連串食物、假貨問題出現，使人對國貨有新的看法。香港廠商不斷北移，當然都是成本原因，經過二十多年，不少港商發現除 了有形成本外，原來無形成本也不少，例如與海關飲茶灌水、卡啦OK，各種合法與不合法的「保護費」，上下疏通，無日無之。最近中央宣佈取消百多項稅收，中 國果然是「萬稅之國」。相信不少港人北上消費時，都覺得中、港的差距漸漸縮小。 居住成本狂升 據BBC報道，倫敦一家人力資源 公司ECA International發表「外國人」居住在不同城市的成本排列表，北京已超越香港。簡單而言，即「外國人」在北京居住的成本比香港還要高。北京排名 由去年的101位升到31、上海由106位升到35位；香港亦由85位爬到33位，排名在北京與上海之間。這項調查主要是比較125種消費品，在全球逾 370個地方的價格計算。ECA發言人解釋，由於國內通脹及人民幣滙價升值，使北京及上海排名狂升。 揭示通脹真象 隨着中港經 濟此消彼長，香港、上海及北京的生活指數亦戲劇性的快速拉近。除了經濟外，政治上亦一樣。電視上見到「神七」太空人訪港，數百學生「自發地」及「有組織 地」到機場歡迎，萬人空巷。每個學生白白浪費了一整天上課的時間，以每人6小時計算，這就浪費了千多小時。請特區政府放過香港的小朋友，「政治的歸政 治」，不要使下一代成為政績的工具。Uncle [email protected] | ||||||
| ||||||
金 融海嘯令企業盈利銳減，華爾街唔少高層自願放棄花紅，同公司共度時艱，但唔係個個都咁順攤，好似成功帶領美林免步雷曼後塵嘅CEO塞恩，近日就同董事局因 為花紅問題拗緊數。《華爾街日報》報道話，舊年12月臨危授命嘅塞恩就要求1000萬美元（7800萬港銀）花紅，事關佢喺雷曼出事前，已傾妥公司同美銀 成親，幫美林成功避過破產一劫，可以話為股東爭取咗最大利益，冇理由冇獎勵嘅。雖然美林薪酬委員會都認同塞恩勞苦功高，但對手高盛一班高層今年都冇花紅， 加上外界對華爾街高層豐厚bonus諸多不滿，佢哋擔心如果照批花紅，隨時會成為戰靶，故傾向對塞恩say no。 | ||||||
| ||||||
一 號九龍山頂，聽個名都架勢。呢個荃灣豪宅新盤由趙世曾嘅卓能集團（131）發展。講開個盤，華華都覺得佢生不逢時，錯過咗今年旺市嘅最好時機，金融海嘯搞 到個市死咁滯，o依家攞出嚟，想賣個靚價都唔易。趙博士點會唔識計數，加上又唔等錢使，所以將佢轉為服務式住宅，收住租先，等遲啲個市好番，再賣都未遲。 舊年趙世曾為咗宣傳呢個盤，拖住32位嚟自世界各地嘅美女搞記招。佢今次更出動埋私伙──唐伯虎字畫、明朝皇帝御用花瓶、玉器同埋陶瓷等等。呢批古董會喺 今日樓盤現樓展出，遲啲仲會喺內地同馬來西亞成立嘅趙世曾博士博物館畀人參觀。 | ||||||
| ||||||
臨 近年尾，雖則話好多機構因金融海嘯取消一年一度嘅annual dinner，但亦有唔少公司照搞，而且仲好事成雙！好似噚晚喺九龍灣Mega Box舉行周年聯歡嘅SCMP南華早報（583）咁，趁未開飯就公佈埋「權力核心」變動。04年已經係執行董事嘅太子女郭惠光，將會做埋董事總經理兼行政 總裁。佢大佬郭孔演就由執行主席調任非執董；做過機管局行政總裁、有「飛機彭」之稱嘅非執董彭定中，就會做非執行主席。 大佬讓位轉非執董 換句話講，南早今後就由年僅31歲嘅郭鶴年千金掌權。至於喺呢行裁員之聲此起彼落之際，郭小姐會唔會幫自己個字頭嚟個大整治，不妨拭目以待。 | ||||||
| ||||||
噚 日理大搞咗一場呂志和樓命名典禮，答謝和叔大手筆捐咗3000萬港紙。主角當然有嚟揭牌，仲帶埋太太同四個仔女嚟高興一下，唯一美中不足，可能係長居美國 嘅二仔耀南未有蒲頭。不過，最令華華驚喜嘅係，賭王何鴻燊現身恭賀呢位「後起」賭王，兩大賭王仲雞啄唔斷，傾偈之餘又影咗多張握手大合照，雖則話同行如敵 國，但唔代表私底下做唔到朋友嘅。燊哥仲同華華講，大家都係中國人，「我哋好合作o架」。路邊社消息話，和叔同燊哥相識多年，兩人本身都係理大顧問委員會 成員，今次係由和叔誠邀燊哥嚟嘅。馬交傳緊金沙會炒多千幾二千人，燊哥聽到之後唔多高興，好真誠咁話，佢當啲夥計係寶貝，唔捨得炒佢哋，捱得住一定唔裁， 跟住仲話係啲美國人先會咁做喎。 | ||||||
| ||||||
恒基地產（012）主席四叔李兆基上周六出席「香港兆基創意書院」開幕禮，噚日又主持恒地及恒發（097）兩間上市公司嘅股東會，但兩次現身都冇乜講股市，估個市冇乜奇迹出現o架啦。佢噚日仲自爆，收到股民投訴信，話跟佢買股輸咗錢，要佢賠咁話，所以佢都唔敢再講股市。 估計冇奇迹出現 四 叔呢兩次都畀足時間傳媒提問，雖然佢唔多願講，但仍然俾人追住問點睇股市，特別係噚日恒指大升過千點。點知四叔今次好謙，話投資者對中港股市係有番少少信 心，但到底未就唔敢講。佢強調自己一向都唔悲觀，希望個市慢慢復蘇，「個市跌到落萬一點，好多斬倉，搞到個個憂心，心理影響好緊要。o依家要還錢畀銀行 嘅、要計數嘅都七七八八，應該冇咁多跳樓貨。」又話：「美國股神畢菲特都入市，佢都唔係懵o架嘛！」 唔通轉講樓市？ 「旺極而 衰，衰極而旺」，呢個就係四叔噚日拋低嘅金句。其實佢早就同華華講咗，o依家費事諗股市，得閒休息吓，去吓旅行仲好。至於佢個投資組合，o依家仲守緊，最 近冇乜買賣，仲話自己最近冇咁八（去睇市），估計個市都冇乜奇迹出現咁話。講得興起，四叔又自爆最近收到封信，有股民向佢投訴，話之前跟佢買股票，結果輸 咗好多錢，要四叔賠番畀佢咁話。四叔睇完封信，加之o依家個市咁樣，總係令人摸不着頭腦，佢終於都話「唔敢講股市」啦。咦，四叔會唔會真係就此封嘴，繼自 認係「冒牌股神」後，真正唔再講股，淨係講樓市呢？李華華[email protected] | ||||||
| ||||||
昨天大市成交急升，Victoria沒選擇沽貨，反而再加注碼於一些有信心的股票。 成交量大除了是因為指數急升之外，我想背後可能還有一個更深遠的意思，便是愈來愈多人認為大市有機會已經見底，所以「不理三七二十一」買些股票來壓一壓個 倉。在未來的日子，如果美國股市不再傳出任何驚人的壞消息，將會有愈來愈多人發現，原來股市已經在不知不覺間見了底，屆時有價值的股票將會出現一段長時間 的大漲小回，直至升回一個比較合理的價錢。 有人說現在不是買股票的好時候，因為經濟前景還是不明朗；有人則說現在絕對是投資股票的好時候，因為趁混亂及有壞消息，可以低吸股票。究竟誰是對？誰是錯？我覺得這問題是沒有絕對的答案，要視乎你是甚麼人。 現在的情況，便如TVB「超級無敵獎門人」中估歌仔遊戲一樣，如果你的音樂感是超強的，那麼那個外國人才唱了幾句，你已經可以比別人早一步，估到答案；但 如果自問音樂感不強，要等到首歌來時(即是大家都知道答案時)，才可以估到答案的，那麼你跟別人鬥的便是你跑的速度，只要你跑得比別人快，早一步去到咪 前，你便贏。 所以，認為趁混亂及有壞消息時，可以低吸股票的人，一定要有在事情明朗化前，已經可以猜到之後發展的能力。而比這能力更重要的是，他們要有知道自己估錯了 的反省，當知道估錯了時，他們願意止蝕離場。如果你自問沒有這個能力，你要於市場贏錢，便只可以於甚麼都明朗化的一刻，去靠速度取勝。例如，當大家都知道 一隻股票是值五元，只要低於五元時，你比別人早一步搶入，而又可以於五元前早一步沽出，那麼你可以贏錢。但這樣的機會又有幾多呢？ 「今天百麗找你了沒有？」前幾年好景的時候，很多公司為了更快擴充而不斷收購同類公司。比如中國建材(3323)去年便不停收購水泥公司、勝獅貨櫃 (716)前幾年便不停收購生產貨櫃等等。大家熟悉的百麗(1880)也屬於其中一份子，去年內地鞋廠之間都流傳着一句話，就是「今天百麗來找了你沒 有」。可以看出，百麗的收購策略是多進取。經濟好時，經營不太好的公司都可以混過去，但當經濟一轉差，缺乏競爭力的它們便會馬上現形，變得不再賺錢，從而 拖累業績。所以，Vic-toria一向對於收購對手而壯大自己的公司，存有非常大的戒心。 王雅媛為持牌人士，並沒有持有以上股票 逢周二見報 | ||||||