中環在線：兩大賭王密謀合作？ 李華華
|
|
|
噚 日理大搞咗一場呂志和樓命名典禮，答謝和叔大手筆捐咗3000萬港紙。主角當然有嚟揭牌，仲帶埋太太同四個仔女嚟高興一下，唯一美中不足，可能係長居美國 嘅二仔耀南未有蒲頭。不過，最令華華驚喜嘅係，賭王何鴻燊現身恭賀呢位「後起」賭王，兩大賭王仲雞啄唔斷，傾偈之餘又影咗多張握手大合照，雖則話同行如敵 國，但唔代表私底下做唔到朋友嘅。燊哥仲同華華講，大家都係中國人，「我哋好合作o架」。路邊社消息話，和叔同燊哥相識多年，兩人本身都係理大顧問委員會 成員，今次係由和叔誠邀燊哥嚟嘅。馬交傳緊金沙會炒多千幾二千人，燊哥聽到之後唔多高興，好真誠咁話，佢當啲夥計係寶貝，唔捨得炒佢哋，捱得住一定唔裁， 跟住仲話係啲美國人先會咁做喎。
|
Next Page