| ||||||
| 香 港電台製作之《華人移民史》，在十二月中播出，逢星期六在翡翠台與觀眾見面，一共五集，今晚有得睇，上次睇過之華僑捐款抗戰，以陳嘉庚為主軸，十分感人， 上幾代之華僑，總係抱住落葉歸根嘅思想，有餘錢就匯啲返鄉下買田買地，更富有嘅，除咗買田地之外，更會捐款辦學校，支持善堂，故此到了中國危難之時，華僑 不分貧富，捐錢救國，視若當然。孫中山如果冇美國及東南亞華僑之捐獻，能否屢敗屢戰，捱到辛亥武昌起義一戰功成，係一個大疑問。 但亦因為如 此，華僑在海外遭受當地人眼紅，認為佢哋不愛當地，移民只為賺錢。殖民地時代，英國人荷蘭人對此自然視而不見，英國人直情唔想見到華人在東南亞扎根，威脅 佢哋統治o忝，但東南亞國家獨立後，當地人就唔係咁想法，開始排華，印尼直情禁止華文華語教育，逼啲華人返中國o忝。 港台之《華人移民史》 好則好矣，但那係上兩代或上三代之事了，今日之東南亞華僑，除咗馬來西亞有長久華文教育傳統之外，大概冇乜華僑再能精通中文，對中國有深刻感情嘅！東南亞 經濟繼續由華人掌握把持，但已經唔敢好高調咁「捐錢救國」了。兩岸三地受惠於華僑者多，但兩岸三地嘅大學、學者，似乎對東南亞華僑史冇乜興趣研究。東南亞 華僑史就是華僑經濟史，華人移民係因為鄉下窮（台山、潮州、福建），鄉下有錢，好少移民（南海、番禺、東莞），但窮移民去到東南亞，卻又可以白手興家，終 至富可敵國，例如泰國陳弼臣家族，菲律賓陳永裁、高祖儒家族，印尼林紹良家族，馬來西亞郭鶴年、郭令燦家族，及新加坡幾間私人銀行家族等等，其他大富人家 不勝枚舉。要香港電台拍片集紀錄華僑發跡，未免為難港台，不過華人學者咁多年來都冇人編寫專書，探究為何華人可以統領東南亞經濟發展，華商與殖民政府，當 地土著之互動關係，未免令人失望一啲。海外華商網絡之中，又以陳弼臣最特出，佢直情係一位king maker，冇佢間盤谷銀行借錢支援東南亞華商企業，好多華人大財團早已死於萌芽時候。研究東南亞華僑經濟史，陳弼臣係一位最值得注意嘅人物。 | ||||||
| ||||||
| 與 三十幾歲已退出投資銀行界嘅投資Ｗ最近碰頭，原來佢現時嘅正職係負責一個單一議題嘅NGO，專門研究香港清潔空氣，別的環保議題一概不理。除此之外，投資 W一方面喺中文大學兼職教書，同時在中文大學攻讀神學碩士，大概修畢中大神學文憑之後，意猶未盡，再斬四両，索性讀埋碩士學位。 既然係咁， 唔叫得佢做投資W咯，改稱呼之為神學W好過。睇佢背景，點解會讀神學嘅呢？嗱，陳瑞祺喇沙小學，聖保羅男女中學，芝加哥大學（經濟），耶魯大學（國際關係 碩士），第一份工在雷曼兄弟，退出銀行界前係蘇皇銀行衍生工具部董事總經理，上位快速，好多人恨都恨唔到，他卻在金融海嘯前離開，不時在報章期刊寫稿講金 融海嘯之前世今生，都未夠四十歲，搵銀前途方興未艾之際，竟然轉行做NGO義工，攻讀神學，有少少古人看破紅塵，遁跡空門嘅味道，大概係在投資銀行搵銀搵 夠，不欲再在刀鋒上討飯吃之故。神學W呢類人，大概可稱為七十後，三十幾歲，讀書叻，搵錢快，搵完錢就想服務社會，放棄事業在所不惜。記得社長Ｍ位叻女又 係如此，在劍橋大學畢業，加入大銀行，搵咗幾年錢就轉行做non-profits（美國新興名詞，非牟利機構，據講大量新紮MBA唔想入華爾街，志願做 non-profits）。校友Ｈ位千金喺美國名校回來後，入中大讀神學，再到耶魯讀神學，回來後做乜呢？未有答案，校友Ｗ位千金在美國畢業後，走咗去南 美做教會義工，好似做成兩年先至返來搵工。 大抵中產家庭仔女自細衣食無憂，所讀名校多數係教會主辦，對教會有份感情，故此讀完大學又心思思 再讀神學，希望多啲了解基督，唔多想搵銀，既然衣食無憂咯，何必如此庸俗在金錢圈打滾呢？對肥仔Ｋ啲同學工程師、則師嚟講，大都出身屋邨，自己係家內第一 位入讀大學嘅，係家庭支柱，又要諗結婚買樓，想佢哋去攻讀神學做non-profits，未免陳義過高。左丁山與神學Ｗ傾咗一輪，對佢之金融知識，十分佩 服，銀行界失去如此人才，甚為可惜，希望此乃香港clean air之得！ | ||||||
| ||||||
| 經 不起馬主N再三游說，馬主H卒之暫時放下手頭工夫，跟馬主N與十幾位馬主一齊去澳洲昆士蘭省黃金海岸參加神奇百萬Magic Millions拍賣會。拍賣會由一月六日星期三至一月十日星期日一連五日舉行，有九百一十隻周歲馬（yearling）待售。據當地報章（The Gold Coast Bulletin）講，「神奇百萬」拍賣會每年一月初一個星期之內，為昆士蘭省帶來五千二百萬澳元收益，係省內一項極重要之經濟活動，因全世界各地馬主與 家人都在呢段時候來到黃金海岸，帶旺當地旅遊及零售業，故此昆士蘭政府十分重視，今年QIC（Queensland Investment Corp）特別透過香港辦事處與香港馬主協會聯絡，熱情招待香港馬主團，由昆士蘭省貿易專員Stephen Bredhauer接見，招待參觀昆士蘭省議會大樓，又有QIC在馬主入住之Conrad Jupiters酒店內之中餐廳采蝶軒（Zen）設晚宴招待，昆士蘭省議會議長John Mickel議員伉儷出席，熱情到極。 節目多多， 唔講住。由香港去昆士蘭，坐晚上澳航直飛布里斯班，馬主H雖然事先已由旅行社辦妥簽證，但check-in時，澳航職員話簽證資料雖然無誤，但電腦指示唔 畀馬主H上機，當堂為之愕然，唔通辛苦安排一場，就此打道回府，取消假期？澳航職員話立即同澳洲政府查清楚，請馬主H去飲杯茶先，行李就暫不付運。既然如 此，馬主H既來之則安之，大半個鐘頭之後，先至行返澳航櫃台，哦，乜都掂晒，可以取得登機證囉喎，究竟發生乜嘢事呢？澳航職員話乜都唔知，佢哋唔清楚。於 是急急入閘，誰知個個入晒之後，馬主H在e通道，按手指公六次，仍然唔掂，電腦話手指模與身份證不符喎，撞鬼，要勞動移民局職員用人手檢查，唔夠二十秒就 揮手叫佢行人。乜出門咁多阻滯o架，唔通天公暗示馬主H應該留港消費？卒之十點幾上到飛機，馬主H倒頭便睡，模模糊糊醒番之時，空中小姐已經準備早餐，一 吃之下，認真難入口，不吃也罷。下機後，過入境關卡還算容易，但澳洲嚴禁任何人士攜帶花草農產品入境，檢查極繁瑣，悶死人也。 | ||||||
2010-01-17 AD
| ||||||
| 馬主Ｐ打電話畀左丁山，要求澄清：「喂，好多朋友睇『GG細語』，知道馬主Ｈ去澳洲幾乎因為簽證問題而上唔到機，打電話嚟笑到我面黃，話我冇料。喂喂喂，馬主Ｈ份簽證唔係我間旅行社做嘅，唔該你寫清楚！」 馬 主Ｈ就話唔關馬主Ｐ事，佢係由秘書搵一間旅行社搞澳洲電子簽證嘅。點解馬主Ｐ啲老友有此誤會呢？原來馬主Ｐ係旅行社老闆，做好多馬主生意，佢又有份去澳洲 出席神奇百萬拍賣會，故此啲老友以為佢代辦所有馬主團員嘅旅遊簽證，包括馬主Ｈ在內。馬主Ｐ係德國籍，媽媽係上海人，在香港長大，廣東話好到不得了，在家 就講上海話同阿媽溝通。問佢點解講廣東話講得咁叻，馬主Ｐ話：「我係喇沙仔嚟o架，點解唔識講廣東話？不過我唔識睇中文，因為在喇沙係讀英文與法文嘅，我 講法文仲好過講德文。德文又係難讀啲嘅。」左丁山讀過兩年半德文，畀啲「性別」der、 das、 die（男性、中性、女性）搞到一頭煙。一張紙、一件衫、一隻碗，都有性別之分，一定要死背，背到暈暈地，所以見到郭益耀教授、關信基教授兩位留德博士， 真係非常佩服佢哋嘅德語能力。聽關教授唱德國民歌，會聽出耳油o架。 馬主Ｐ在尖沙嘴經營旅行社，自不然歡迎西九做高鐵總 站。基本上，旅遊行業最希望他日高鐵能每日帶來大量廣東兩湖遊客，在尖沙嘴大手筆購物，呢樣關乎佢哋行業利益，唔支持高鐵至奇。小記者Ｇ前星期去東京，辦 妥入境手續後，日本關員突然用普通話同佢講一聲：「謝謝！」小記者Ｇ為之愕然，因為去過東京咁多次，都係第一次聽到啫。後來去池袋西武，一啲售貨員掛上中 文名字名牌，係大陸人識得講普通話嘅，記者Ｇ話：「佢哋以為我係大陸遊客，特別好招呼，搞到我要講普通話，學足曹仁超！」日本人學嘢最快又好禮貌，服務一 流，如果香港唔爭氣，啲肥水流咗去東京都唔流嚟香港！溫哥華有家長推動雙語教學，以普通話代替法文，為何如此？理由簡單到唔使講。香港仲有啲家長送仔女去 英國寄宿學校，唔培養仔女中文底子嘅，他日必會後悔。 | ||||||
| ||||||
| 馬主Ｐ打電話畀左丁山，要求澄清：「喂，好多朋友睇『GG細語』，知道馬主Ｈ去澳洲幾乎因為簽證問題而上唔到機，打電話嚟笑到我面黃，話我冇料。喂喂喂，馬主Ｈ份簽證唔係我間旅行社做嘅，唔該你寫清楚！」 馬 主Ｈ就話唔關馬主Ｐ事，佢係由秘書搵一間旅行社搞澳洲電子簽證嘅。點解馬主Ｐ啲老友有此誤會呢？原來馬主Ｐ係旅行社老闆，做好多馬主生意，佢又有份去澳洲 出席神奇百萬拍賣會，故此啲老友以為佢代辦所有馬主團員嘅旅遊簽證，包括馬主Ｈ在內。馬主Ｐ係德國籍，媽媽係上海人，在香港長大，廣東話好到不得了，在家 就講上海話同阿媽溝通。問佢點解講廣東話講得咁叻，馬主Ｐ話：「我係喇沙仔嚟o架，點解唔識講廣東話？不過我唔識睇中文，因為在喇沙係讀英文與法文嘅，我 講法文仲好過講德文。德文又係難讀啲嘅。」左丁山讀過兩年半德文，畀啲「性別」der、 das、 die（男性、中性、女性）搞到一頭煙。一張紙、一件衫、一隻碗，都有性別之分，一定要死背，背到暈暈地，所以見到郭益耀教授、關信基教授兩位留德博士， 真係非常佩服佢哋嘅德語能力。聽關教授唱德國民歌，會聽出耳油o架。 馬主Ｐ在尖沙嘴經營旅行社，自不然歡迎西九做高鐵總 站。基本上，旅遊行業最希望他日高鐵能每日帶來大量廣東兩湖遊客，在尖沙嘴大手筆購物，呢樣關乎佢哋行業利益，唔支持高鐵至奇。小記者Ｇ前星期去東京，辦 妥入境手續後，日本關員突然用普通話同佢講一聲：「謝謝！」小記者Ｇ為之愕然，因為去過東京咁多次，都係第一次聽到啫。後來去池袋西武，一啲售貨員掛上中 文名字名牌，係大陸人識得講普通話嘅，記者Ｇ話：「佢哋以為我係大陸遊客，特別好招呼，搞到我要講普通話，學足曹仁超！」日本人學嘢最快又好禮貌，服務一 流，如果香港唔爭氣，啲肥水流咗去東京都唔流嚟香港！溫哥華有家長推動雙語教學，以普通話代替法文，為何如此？理由簡單到唔使講。香港仲有啲家長送仔女去 英國寄宿學校，唔培養仔女中文底子嘅，他日必會後悔。 | ||||||
| ||||||
| 賓 架Ｈ請傳媒朋友吃飯，傾吓社會近況，大家梗係問吓財經問題，聽吓大賓架嘅意見啦，賓架Ｈ話香港銀行大勢就是銀行水浸，貸存比率甚低，銀行有錢借不出，買美 國國庫債券或金管局票據，利率幾近乎零，故此大家鬥搶按揭生意，佢嘅意見就係按揭貸款太低，在兩厘以下，扣除資金成本、回贈、撥備、燈油火蠟以後，好難有 利可圖，只係聊勝於無而已。 最近成日講內地人來港買樓，賓架Ｈ點睇？佢指出，根據市場消息，西九、貝沙灣豪宅好好賣，但按揭生意少，因為大凡內地人入市買樓，佢哋未必要借錢，即使要借，按揭成數都好低，故此西九、貝沙灣豪宅買賣，幫唔到銀行幾多。 按 揭係長期貸款，要睇長線，利潤回報一時之間難以定奪。賓架Ｈ話自去年下半年後，企業銀行業務唔錯，零售銀行業務逐漸恢復舊觀，銀行今年會加強招聘數百人， 其中約三十人係trainee。咦，大學生出路應該唔錯噃，咁講法，銀行界會大舉招聘爭人才嘅啫。究竟起薪有幾多人工？賓架Ｈ話：「如果請 trainee，我哋畀嘅月薪會係一萬幾，將近兩萬啦，有競爭力嘅，不過競爭好激烈，全球分行以同一標準，同一測驗嚟篩選畢業生，希望全世界都請到同一水 平嘅學生。」香港學生爭唔爭得到呀？賓架Ｈ透露，據過往經驗，香港學生可以拿到本地名額一半，其餘一半會係內地生及回流生。篩選過程中，以香港學生較為不 着意，表現不如內地生咁積極，大抵呢一代香港人已有足夠溫飽，冇咁「餓」，反而內地生更願意去「砌」，唔會揀擇往甚麼國家受訓。賓架Ｈ嘆一句：「唔知點 解，香港學生唔係幾鍾意被派往外國，最鍾意留在香港不動。但我哋請trainee，兩年後要升佢哋，要周圍調派，如果佢哋只願在香港工作，難搞啲喎！」此 乃八十後與賓架Ｈ一代之不同，五十後嗰一代不能靠屋企，大學畢業就好恨搵工，好恨有機會到外國做事，在銀行爭做TCN（third country national）爭崩頭，故此賓架Ｈ對八十後唔多願意被派往外地，究竟係乜嘢原因，甚為不解，此乃代溝也。 | ||||||
| ||||||
| 一位五十後老鬼居然加入Facebook群組，來電郵要求左丁山加入「撐起高鐵、撐起屋企」。左丁山素來唔加入Facebook遊戲，一口拒絕之。但呢位老鬼Ａ又傳來一段美國《紐約時報》記者柏凱斯的報導，講美國人多羨慕中國的高鐵，叫左丁山睇吓。 呢 位柏凱斯應該就係前香港FCC主席Keith Bradsher，以前駐香港，現在係《紐約時報》駐北京特派員。左丁山錯過咗柏凱斯嘅報導，但著名《紐約時報》專欄作家佛列曼（Thomas Friedman，暢銷書《世界是平的》 The World is Flat作者）在一月十一日嘅專欄有類似報導。佛列曼嘅專欄題為Who's Sleeping Now?（誰在睡覺？）。原來呢位先生最近到過北京，未去之前，先來香港，特別與前特區特首董建華見面。董先生退任後成立咗一個好似叫做 「中美交流基金會」，搵咗前財經及庫務局副秘書長盧古嘉莉做總幹事，開展中美民間外交，故此奧巴馬訪華之時，香港人赫然見到董建華站在人民大會堂內，企位 排第三，由胡錦濤介紹與奧巴馬握手。聽講o依家好多美國名人來港，都可能與董生見吓面喎。佛列曼話，董生同佢講：「工業革命之時中國正在睡覺；信息科技革 命時，中國剛剛睡醒。綠色革命開始了，中國將全面投入。」佛列曼指未來歷史學家會認為，在二十一世紀初期，中國發動了一個「綠色躍進」（Green Leap Forward）。 何以中國參加投入「綠色革命」？以佛列曼所見所聞（柏凱斯向佢簡報），中國全面興建高鐵系統，已有武廣高鐵通 車，時速350公里。將快完成北京至上海高鐵，花了二百三十五億美元，兩地相隔七百哩，高鐵五小時內可達。同樣路程，由芝加哥去紐約，美國火車要行十八小 時。此外中國亦加快興建核電站、二○二○年之前，完成五十個，其餘世界各地加埋先至會有十五個，佛列曼認為在呢個發展過程中，中國會擁有世界上最乾淨及低 廢排放嘅能源科技，遠勝美國，因為美國正在瞓緊覺！ 美國人在上世紀五十年代中，俾蘇聯人造衞星上天嚇個半死，立即急起直追，卒之在1969年趕先派人上月球。現在美國似乎好怕中國在綠色能源方面嘅發展，預發警報，以後十年，精於綠色能源科技嘅人才，必然大為搶手。 | ||||||
| ||||||
| 俗 語有云，跟老闆要知老闆姓乜，但一啲夥計如果真係有料到，為老闆賺到大錢嘅，直情可以搞掂老闆，除咗加薪之外，仲可以改變老闆嘅政治取向，犀利啩？新聞系 學生在課堂內聽教授講新聞自由、為真理、揭露真相，是記者天職，或云會聽到有非理性亢奮，到佢哋畢業後，加入新聞界工作，慢慢就會發覺，新聞自由是老闆的 新聞自由，不是記者編輯的自由，揭露真相，是老闆准記者報道嘅真相，未必是真相的全部。你以為講緊香港呀？非也，全世界都係咁，人人認為最自由民主嘅美 國，就是如此。 美國總統奧巴馬就任一年後，○八年競選「真相」逐漸披露，包括克林頓睇唔起奧巴馬，奧巴馬罵拜登等等。最近又傳出，○八年秋 天，新聞集團大老闆梅鐸審度競選形勢，想叫屬下嘅《紐約郵報》New York Post寫社論支持奧巴馬，又想叫保守右派把持嘅霍士新聞電視台轉軚。點知霍士電視總裁Roger Ailes收到風之後，立即約見大波士梅鐸，聲言如果霍士新聞要轉軚支持奧巴馬嘅話，佢就辭職不幹。哈，老闆大還是夥計大呢？通常在此情況下，老闆會覺得 夥計驕橫，功高蓋主，會開夥計刀，立即踢走佢。 但係，兩人會面之後，霍士電視與Ailes簽訂新嘅長合約，畀佢年薪二千三百萬美元（包括花 紅），仲多過梅鐸自己一年嘅薪酬，而且《紐約郵報》正式支持麥凱因，霍士電視繼續大罵奧巴馬一直至今天，換言之，梅鐸全面向夥計讓步。梅鐸啲仔女、女婿好 鬼討厭Ailes，認為佢領導下之霍士太過保守，令佢哋在上流社會蒙羞，經常在梅鐸面前放箭，篤Ailes背脊。 如果在華 人社會，好似Ailes呢啲夥計，死梗啦，理得佢幾有才幹。但呢位在俄亥俄大學主修「電台與電視」，二十七歲（四十二年前）就夠膽對副總統尼克遜講：「你 在鏡頭前唔靚！」嘅聰明人，並非一般電視人，在佢領導下，霍士電視在○九年財政年度可賺七億美元（營運盈利），多過CNN、MSNBC、ABC、NBC及 CBS各大新聞電視節目所賺嘅總和，收視率遙遙領先CNN。既然表現如此出色，大鱷老闆梅鐸都要睇佢台戲，霍士電視最近仲請埋佩琳做節目主持人，繼續猛烈 批評奧巴馬與民主黨，繼續賺大錢。霍士電視嘅新聞自由唔係梅鐸嘅！ | ||||||
2010-1-25 AD
| ||||||
| 基 金Ｌ請食晚飯，竟然不選熟悉地方，而係到大坑勵德邨商場，左丁山從未去過，聞訊不禁愕然，為避免塞車，於是坐地鐵到天后站，走出嚟搭的士上大坑，咪表跳到 廿一元，剛好到達商場對開之斑馬綫，落車走上樓梯，望左望右，原來酒家就在右面，與即將開售之豪宅相隔一箭之遙。豪宅聽講會以呎價二萬元出售，比較之下， 勵德邨大概係全香港最有豪氣feel之公共屋邨，被豪宅包圍，住響呢度，唔知會唔會覺得豪豪地呢？ 間屋邨酒家當然一啲都唔豪，八時過後，酒家內只得我哋七位在內吃飯，餸菜味道係唔錯嘅，有啲菜式媲美一級酒家，但鑊氣稍欠不足，尖嘴食家Ｔ以此查問經理，原來廚房設於地下，煮好之後拎到上一樓，好美味嘅秘製牛尾，已經唔熱，而係溫暖，可惜也。 此 平民食肆晚間得一兩枱客，如果我哋唔幫襯，此晚咪要晚上八時許就關門？賓架Ｗ話佢有位朋友升職，為咗賀一賀，要請朋友食飯，問金鐘兩間五星酒店內之高級食 肆，兩個位都訂唔到，令佢感到不景氣已完全消失。尖嘴Ｔ嘆曰：「非也，此乃貧富懸殊之表徵，貴價高級食府冇位剩，低廉平民酒家枱櫈空，非香港之深層矛盾為 何！」 於是大家傾吓，如何幫助曾特首化解深層矛盾，行將提早退休嘅基金Ｌ話：「好難嘅，經多年觀察，我認為聯繫匯率係加深 香港貧富懸殊之源，因港元匯率固定，唔准郁，在亞洲金融風暴之時，外圍大幅度貶值，港元跟隨美元成為昂貴貨幣，香港要恢復競爭力嘅話，必須倚賴實際成本之 下調，於是工資跌，失業升，資產價格下跌，出現七年不景、通縮之情況，中低下階層大傷元氣。到咗全面復蘇階段，美國出現泡沫，熱錢湧港，刺激本港資產價格 急速上升，有樓有股票嘅市民與富豪得益極大，但對大部份家無恒產，冇股票，冇樓在手，揸住存款唔敢投資（或唔識投資）之人，大大吃虧，於是在景氣之時，普 通人收入雖然稍為好一啲，但富者越富，收入分佈日益懸殊。聯繫匯率對香港之高堅尼系數嚟講，即使唔係兇手，亦係一個重要幫兇。」講理論，基金Ｆ啱晒，但聯 繫匯率係聖牛，唔准碰。以後香港越係興旺，越係低息，堅尼系數一定繼續上升！ | ||||||
| ||||||
| 賓 架W每年一度捐款，請名師回大學指導學生如何做演述（presentation），賓架W從多年工作經驗得知，投資銀行要爭取一單大刁，並非容易，常與行 家碰頭，各自施展渾身解數，在客戶面前演述一個刁（deal）嘅結構及經濟效益，因各銀行嘅主張，講到尾，大同小異，收取費用相差不遠，故此做演述時，講 錯幾句嘢或者詞不達意嘅話，往往就敗陣而回，即使自己嘅構思明明好過競爭對手，因為演述得論論盡盡，就會被對手乘虛而入，再者，即使明知贏梗，都想慳番一 啲時間，務求一擊即中，唔想要去到第三輪演述先至贏到客戶mandate。 中環有外籍名師，訓練向客戶演述技巧（presentation skills），閒閒哋收十萬八萬一日。賓架W自掏腰包，請其中一位訓練大學生一日，名師話為了教育一班九十後，願意畀折扣，呢個就係佢嘅商業秘密，唔寫得。 好 嘞，工作坊完畢之後，賓架W例牌在沙田馬會請六十幾位學生吃晚餐自助餐，今年在四樓旺灣樓，全層用晒，地方闊落之至。與幾位在工作坊表現出色而得獎嘅學生 同席，八卦地、慣性地問佢哋來自邊間中學，賓架W與左丁山都好似好少聽聞過，皆來自屯門、元朗、藍田、一位來自河南等地區學校，聽佢哋講英文，好過左丁山 係新鮮人之時，佢哋問我哋對八十後嘅看法，於是展開世代交流。 大學生學演述技巧，當然唔係要做路演，但對佢哋去見工，應有幫助。賓架W仲肯 捱義氣，兩個禮拜後返回母校應商學院院長之邀，講「投資銀行見工應注意事項」，佢自己係頭號iBanker，現身說法，應該有料到噃。賓架W話：「現在好 多人當iBanker係奸人堅，估唔到有好多學生會出席講座。」一位得獎女孩子主修繙譯，佢話以前夢想做iBanker後來覺得人生不必為了金錢而朝七朝 二，故此為了個人興趣，選咗繙譯系，至於將來想做乜，一於唔諗住，九十後嘅學生，思維清晰，可喜也！ | ||||||