樂香園：777貧富大融和
1 :
GS(14)@2017-04-08 19:37:25候任特首林鄭月娥早前表示，不排除上任後短期內試行「港人首置上車盤」，於現有土地名單找一兩幅地，更稱會考慮公私營合作模式建屋，會「倒轉一下」夾屋，採公私營合作模式，令樓盤「既有上車盤，亦有私樓」，要「順得哥情」亦要「不失嫂意」，實行未上任先推貧富大融和，大家高興。這個「777」公私住宅混合制如意算盤，看似新鮮，但實情是早在十多年前、即董建華年代已推過，不過，結果是劣評如潮。董生當年推這個混合發展模式，初步構思是於一幢樓內有私人樓亦有居屋，核心思想是要提高居屋質素，並選了多塊地皮做試點。結果怎樣？結果是政策被地產界狠批有問題，商界首席梁粉、恒隆地產（101）主席陳壠宗（已過檔做奶粉？）在多個場合力轟政策是「畸胎」，指若最終落實相關政策，將是天大笑話，違反香港自由經濟原則。其後爆發沙士，樓市急跌，政府借勢叫停政策，地產商趁機「食埋」混合發展模式內居屋單位（恒隆亦有份），額外賺多筆，已是後話。歷史又在重演？密西比
來源:
http://hk.apple.nextmedia.com/financeestate/art/20170407/19982515
樂香園：細魚食大魚
1 :
GS(14)@2017-04-10 23:34:35早前有報道引述消息指，渣打（2888）有意提高集團全球私人銀行客戶最低資產淨值門檻，由原本200萬美元（約1,560萬港元），大幅上調至500萬美元（約3,900萬港元），更希望能吸納到最少有3,000萬美元（約2.34億港元）可投資資產客戶，目的是降低單一客戶成本以提高私銀回報。銀行或投行調高私銀門檻，簡單而言，是因為全球央行實行貨幣量化寬鬆近10年，各地富豪數量急遽增加，要用高門檻篩選誰是「真‧富豪」，不過，不要以為成功躋身私人銀行，就可「坐定笠六」年年收錢，因當你以為自己已成為「大魚」、可以對「細魚」予取予攜時，其實你也只是「大大魚」口中「可食用大魚」而已。曾聽過一個「魚食魚」故事，話說朋友的朋友幸運地買中「暴升股」，身家暴漲至數億元，其後因希望取得更佳回報及財顧服務，朋友的朋友選擇成為某外資投行私人銀行客戶，滿以為從此就可安寢無憂，殊不知「被安排」替該大行進行的配股活動接貨，身家因而縮水逾50%，風吹雞蛋殼。不論是「大魚」或「大大魚」，在投行眼中都只是美味可口的魚。密西比
來源:
http://hk.apple.nextmedia.com/financeestate/art/20170410/19985267
樂香園：香港新股劣質化
1 :
GS(14)@2017-04-13 00:22:57低質素及低集資額新股湧現，其惡果開始「浮面」。羅兵咸永道統計顯示，今年首季主板新股（不計算以介紹形式上市及從創業板轉板新股）共有20家，較去年同期大增54%。不過，新股數量大增，整體集資額卻不升反跌，金額較去年同期「縮水」約60%，主板平均集資額為6億元，較去年首季跌約10%，旺丁不旺財，難怪各大投行仍繼續收縮。整體表現如何？首季有7家主板掛牌新股跌穿招股價，「潛水率」高過去年同期，被戲稱「創仔」的創業板，期內驚見「破發」，實屬罕見。新股跌破招股價，當然有很多不同原因，最直接原因當然是定價過高（首季主板新股市盈率逾20倍數目倍增至約32%），但若新股質素好，投資者必然會「越貴越追」，故股價表現間接反映質素「有幾好」。為生意額，追求盈利的港交所（388）似乎對有關情況並不介意，於北水狂湧下，證監會又似乎杜絕不了「啤殼」與「井噴式」炒股方法。這樣的話，新股問題永遠也不會解決？似乎於現行上市架構及情況，這可能性，很高。密西比
來源:
http://hk.apple.nextmedia.com/financeestate/art/20170412/19987923
樂香園：女股神容鳳書
1 :
GS(14)@2017-04-29 23:02:07跟前輩閒聊，駭然發現香港曾出過一位女股神容鳳書。維基百科資料顯示，容鳳書祖父容良是渣打銀行（2888）首位買辦，家族成員亦與渣打關係密切，曾相繼出任該行買辦及華人經理等要職。題外話，已改名為普華永道會計師事務所的容永道會計師事務所，其創辦人容永道，是來自同一家族。為何要稱她為股神？資料指，1900年（清末）出生的容鳳書早在二戰以前，經已活躍於投資市場，多年來投資有道，更從證券投資賺取了一大筆收益。收益有多大？她在1969年訂立遺囑，決定在身後把當時約300萬投資組合轉贈港府，用作興建免費公眾健康中心及診所。到1972年逝世時，相關組合已大幅升值至1,600萬元。現時已很難考究，容鳳書在該三年間於投資市場的活躍度有多高，惟可以肯定的是，她選中一些經得起風浪高增長股，因為到1978年底時（其間經歷了1973年股災），其投資組合估值居然能再進一步升值至5,100萬元！佩服佩服。其捐款興建的健康中心，分別位於觀塘及元朗。取諸社會又用諸社會，真股神也。密西比
來源:
http://hk.apple.nextmedia.com/financeestate/art/20170428/20004350
樂香園：為手段而忘記目的
1 :
GS(14)@2017-05-13 01:27:22上市架構改革諮詢意見書摘要早前曝光，雖只是簡略摘要，但都足以令投資界嘩然。嘩然的原因，並不是8,500份意見書中，有逾8,000份是「一式一樣」個別人士意見，而是「絕大部份已回應的投資經理（包括國際基金經理）對該等建議表示支持」。有基金界朋友指，對「絕大部份」的形容感驚訝。友人說：「現時個問題係啲公司造假數，所以就要提高上市門檻同埋進一步打擊造假，因為上市要求高咗就可減少造假數嘅可能，從而盡量減少市場上嘅地雷……大家要搞清，唔係話加大咗證監會權限，就可杜絕造假數同埋問題公司，若果簡單咁加大監管就可杜絕違法事件，世界就唔會有咁多問題啦！」近年市面又真的是多了「老千股」，不是好應該讓證監「放手一幹」？友人說：「我唔係話唔理啲問題股，重點係要認清目的，好似嗰套講警察同賊人周旋嘅出名港產片，戲內阿Sir就講得好清楚，我哋（社會）要嘅係秩序，唔係要打巢晒佢哋，唔好沉迷個手段，而唔記得真正目的！」未完，下篇繼續。密西比
來源:
http://hk.apple.nextmedia.com/financeestate/art/20170510/20016178
樂香園：香港金融市場可風光多久？
1 :
GS(14)@2017-05-13 01:53:42承接上篇〈樂香園〉，基金朋友繼續就上市改革發表意見。他說：「若果啲公司股價無理由咁大升大跌，證監會同港交所（388）咪日日問囉，攞住交易數據問券商，唔夠再問埋公司自己，問一日無效就問兩日，兩日唔得就再問夠成個星期，市場一定收斂，唔係啲嘢一搞唔惦就擴權……我哋（基金）要嘅係有交易有憑有據嘅市場，唔係一個因噎廢食嘅無交易市場。」友人又指，香港股市就是因為證監甚麼也不批準，於金融科技發展大落後。他說：「我真心覺得，香港金融市場已去到一個點，再唔咬緊牙根狠狠咁做一次改革，就呢世都追唔到其他市場嘅發展。」同股不同權又是否同樣支持？友人說：「呢個係另一個重要問題，要好似港交所咁喺現有上市法規引入，當然唔得啦，最簡單原因係香港無集體訴訟，股民好大可能會任人魚肉，不過，好似證監咁一開始乜都唔理落晒閘又係唔啱嘅，若果間嘢上市前寫明晒，又唔好俾散戶咁易買到，其實又唔係乜嘢洪水猛獸。」香港金融市場，10年後會否繼續風光？密西比
來源:
http://hk.apple.nextmedia.com/financeestate/art/20170512/20018859
樂香園：水清與魚也想兼得？
1 :
GS(14)@2017-05-18 01:09:33上周接連寫了兩篇基金界朋友對上市架構改革諮詢意見，投資銀行界有何看法？據早前在立法會披露的初步總結，投行是被歸納為反對改革的一群。有投行高層跟密西比說，若跟足證監會意願修改，他是絕對不會贊成的，因證監從來也擁有叫停公司上市權力，今次只是借勢擴權而已。友人說：「很多公司確實好有問題，但現時問題係，無適合或者係可行嘅尺，足以篩走問題公司，唔係話加大權力就解決到……喺源頭做嘢係啱嘅，好似喺上市條文同埋上市要求做改動我絕對贊成，只係無限大咁加大權力，或者將問題全部歸咎上市公司或相關人士，咁就唔係咁啱。」他續說：「又好似大量來歷不明投行加上來歷不明資金，係咁幾倍幾咁煲起新股，我哋呢啲正當投行都有受害㗎，因為啲準上市嘅公司老闆都識得問，人哋可以咁升喎，你哋可唔可以咁樣做？問吓問吓，啲生意就咁樣冇咗……所以講到底，我都係支持改革嘅，但就唔支持借機擴權。」水清無魚，如何平衡，足以左右香港金融市場日後地位。密西比
來源:
http://hk.apple.nextmedia.com/financeestate/art/20170517/20023889
樂香園：ifc賣樓鐵桶陣
1 :
GS(14)@2017-05-18 02:12:43新樓盤開售，售樓處附近經紀數量自然以幾何級數上升，但人數多到變「鐵桶陣」，中環就有一個。友人跟密西比說：「周日原本都唔去中環飲茶嘅，唔想返工喺嗰度食，連放假都咁冇新意又要中環食，但嗰日突然唔想諗食乜，心血來潮去ifc飲茶，點知就係呢個心血來潮，就畀我遇到賣樓人釘人鐵桶大陣。」用「人釘人鐵桶陣」形容會否太誇張？友人笑謂一點也不誇張。他說：「喺停車場泊好車，個鐵桶陣就排山倒海咁湧過嚟……一個經紀問完有冇興趣，我答唔係嚟買樓㗎，行4、5步又嚟一個再問有無興趣買樓呀？我再答唔買呀，再行一段路又嚟一個問重覆嘅問題，嗰吓真係火都嚟！」友人說：「由落車行到去茶樓，俾人問左不下十次，一眼望過去起碼有成百個經紀，心諗點解個場會畀咁多經紀喺度搵客？個場啲商戶點做生意？點解啲商戶又唔同商場管理投訴？」不過，友人指當查得經紀正在推銷甚麼樓盤後，完全明白為何商戶不投訴，因經紀推介的樓盤，正是恒地（012）旗下的。原來如此。密西比
來源:
http://hk.apple.nextmedia.com/financeestate/art/20170515/20021655
樂香園：博殼股變身小心渣都無
1 :
GS(14)@2017-05-26 23:53:42跟投行友人說起龍皇集團上市，談論到龍皇隨時「未上市先發盈警」，友人笑密西比大驚少怪，稱香港飲食股上市，絕大多數是項莊舞劍，意在「啤殼」，於工程股成為近年「啤殼佳品」前，飲食業從來也是「啤殼」首選，入門門檻低，能短時間「谷起」生意，又容易吸引市場注意。友人說：「除咗近十年開始有嘅eIPO，一直以嚟香港公司上市係唔可以賣廣告嘅，飲食股就可突破呢條盲腸，因為規定只係限制唔畀賣招股廣告，但就無限制賣啲同經營有關嘅廣告，所以你一見啲以往唔係點賣廣告嘅飲食集團突然大賣廣告，十居其九都有啲嘢，唔係搞緊上市就係就嚟上市。」正所謂「曲到盡頭就是圓」，既然早知「啤殼」是上市終極目的，趁上市買入等「變身」便可大賺一筆？友人笑說：「你錢太多咪咁做囉，曾經有隻薄有名氣飲食股，上咗市幾年就變身，新主人入主後又話搞地產又話搞網，之後隻嘢咪變咗仙股囉，買中就真係喊三聲都無謂。」以小博大，人之常情，惟小心「偷雞唔到蝕渣米」。密西比
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170526/20033728
樂香園：惠理賣盤是為了「回來」？
1 :
GS(14)@2017-06-10 12:21:42上月中突傳出，惠理（806）創辦人兼大股東謝清海有意出售所持惠理股份，外電引述消息稱，潛在買家正是近期於全球進行「資產大掃貨」的海航集團。有報章更援引基金界消息，料謝先生今次舉動是為了幫惠理打入中國市場，並指找中資合作絕對合理。有基金經理跟密西比說，這個「離開是為了回來」說法實在有趣。他說：「正所謂唔識就嚇一跳，識就得啖笑，沽貨就沽貨啦……話估佢喺內地發展遇阻滯，所以要引入紅色資本，若果真係有心一齊搞內地，就組合資公司啦，現時好多都係咁樣做㗎啦。」友人續說：「之前謝清海持股跌到30%以下嗰陣，好多人都估佢應該唔玩㗎啦，只係估唔到咁快甩手……買家都預咗係大陸資金，但就勢估唔到掃貨掃到德國嘅海航，一個回馬槍居然喺香港買基金公司，咁多錢自己開幾間都仲得，解讀唔到個動機係乜。」話分兩頭，惠理公告稱，原來公司早在1月24日經已與潛在買家簽署無約束力諒解備忘錄，但要到外媒「爆料」後才刊發公告交代。就是否有違規，港交所（388）好應該了解下，以免被人批評處事不公平，相信現已貴為港交所獨立非執董的謝清海都會贊成。密西比97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/financeestate/art/20170605/20044344
Next Page