樂香園：ifc賣樓鐵桶陣
1 :
GS(14)@2017-05-18 02:12:43新樓盤開售，售樓處附近經紀數量自然以幾何級數上升，但人數多到變「鐵桶陣」，中環就有一個。友人跟密西比說：「周日原本都唔去中環飲茶嘅，唔想返工喺嗰度食，連放假都咁冇新意又要中環食，但嗰日突然唔想諗食乜，心血來潮去ifc飲茶，點知就係呢個心血來潮，就畀我遇到賣樓人釘人鐵桶大陣。」用「人釘人鐵桶陣」形容會否太誇張？友人笑謂一點也不誇張。他說：「喺停車場泊好車，個鐵桶陣就排山倒海咁湧過嚟……一個經紀問完有冇興趣，我答唔係嚟買樓㗎，行4、5步又嚟一個再問有無興趣買樓呀？我再答唔買呀，再行一段路又嚟一個問重覆嘅問題，嗰吓真係火都嚟！」友人說：「由落車行到去茶樓，俾人問左不下十次，一眼望過去起碼有成百個經紀，心諗點解個場會畀咁多經紀喺度搵客？個場啲商戶點做生意？點解啲商戶又唔同商場管理投訴？」不過，友人指當查得經紀正在推銷甚麼樓盤後，完全明白為何商戶不投訴，因經紀推介的樓盤，正是恒地（012）旗下的。原來如此。密西比
來源:
http://hk.apple.nextmedia.com/financeestate/art/20170515/20021655