當年被楊受成棒打鴛鴦祖兒師兄拍拖5年 甜蜜蜜擦填鴨
1 :
GS(14)@2017-03-03 00:54:37■大前晚容祖兒和師兄拍拖到中環撐枱腳，師兄孭埋相機幫女友照私相。讀者提供圖片
【爆相爆片】曾被楊受成插爆好笨和鹵莽的劉浩龍（師兄），跟容祖兒的「祖師戀」平平安安踏入第5年，女尊男卑無懼公司和家庭的阻力，越愛越強。大前晚祖師拍拖到中環撐枱腳，兩個人食一隻片皮鴨，40歲的師兄更帶相機為女友影私相，食飽就負責出錢埋單，做足男友本份，難怪將天后馴得服服貼貼。
容祖兒加入英皇17年，一直是老闆楊受成的愛將，36歲的她入行多年幾乎沒人敢埋身，未到30歲已被列為圈中剩女表表者，緋聞男友僅得一個陳方藤，之後跟何韻詩糾纏傳斷背情，直至12年，本報踢爆劉浩龍瞞着何韻詩媾祖兒，「祖師戀」驚爆全城，阿詩更嬲到跟兩人割席反面，楊受成和容媽媽都出聲棒打鴛鴦，但無阻「祖師戀」的愛火高燒。
■祖師五年前被拍得食飯踢爆戀情，之後越愛越高調。資料圖片
■兩人撐枱腳都叫一隻片皮鴨，胃口非常大。《飲食男女》圖片
■師兄平日都愛下廚冧祖兒，難怪「祖師戀」順利踏入第五年。互聯網圖片
■祖兒老闆楊受成曾狂插師兄，鬧他過早張揚戀事居心何在。資料圖片
食招牌菜
「祖師戀」已踏入第五年，兩人越愛越高調，大前晚兩人拍拖到中環甜蜜撐枱腳，幫襯今年才新開張的新派中式麵店「龍麵館」，被讀者李小姐透過「爆相爆片」分享，祖師更大方跟食客合照。李小姐前日在電話表示：「噚晚9點幾，我哋三個朋友喺度食飯，見到祖兒同劉浩龍坐喺比較靜嘅角落位，佢哋兩個對住坐，所以冇乜親密舉動，好似好避忌，但傾偈都有笑容，仲見到劉浩龍幫祖兒影相。」問到兩人吃了甚麼？李小姐說：「佢哋好似叫咗三、四樣嘢食，見到有叫一隻片皮鴨，仲有龍蝦麵。」兩個人都食一隻片皮鴨，似乎祖師撐枱腳胃口大開，李小姐說：「因為係招牌菜啩，劉浩龍都用相機影吓嘢食。」李小姐表示其後見到師兄埋單，她和兩位同行男友人即上前要求合照：「佢哋離開時冇話前後腳，兩個人一齊行出嚟，我哋見佢哋埋單走，即刻行埋去問可唔可以影張相，劉浩龍就話OK，佢哋都幾nice，可能見多人都唔好意思拒絕，不過只係影咗一張相，因為我負責影，所以合照冇我份。」
素顏拍拖
從李小姐提供的相片所見，祖師對鏡頭齊齊露出笑容，一身黑look包到冚的祖兒更素顏，拍拖都零化妝見男友，可見兩人感情打風都打唔甩，而師兄在香港都帶相機出街，隨時準備為女友影私相，做足男友本份，難怪可以馴服天后女友。其實「祖師戀」當年在一片反對聲下開始，師兄被祖兒老闆楊受成嘲諷，狠插他過早張揚戀事的行為鹵莽兼好笨：「佢有乜嘢目的，我唔敢講。」祖兒更自爆最初媽媽都不太接受，認為女兒可以搵個更好對象，令祖兒夾在中間左右做人難。現在證明「祖師戀」經得起時間考驗，曾揚言希望40歲結婚的祖兒，現已踏入盛女36之齡，不知會否提早拉埋天窗趕生B呢！採訪：皓騫
來源:
http://hk.apple.nextmedia.com/entertainment/art/20170301/19942996
蘇麗珊拍拖唔使錢
1 :
GS(14)@2017-03-03 00:54:41蘇麗珊和林德信昨日在粉嶺出席MCL粉嶺戲院開幕禮，蘇麗珊指以前為慳錢和時間，會與男友行公園，現時則跟男友行海旁。林德信透露兒時最喜歡看成龍和周星馳電影，他笑謂長大後才懂欣賞爸爸林子祥的電影。提到奧斯卡頒錯獎，《星聲夢裡人》監製一手搶去華倫比堤的賽果卡，他說：「佢啱，澄清番有人搞錯，幾有娛樂性。」對於前緋聞女友松岡李那早前曾指現時沒有男友，又指自己喜歡香港和日本男士，他笑說：「係咩？我日本㗎！我哋好少聯絡，佢係好，但係朋友囉，我祝福佢喺日本搵多啲錢，帶埋我去發展。」採訪、攝影：黃曉妍
來源:
http://hk.apple.nextmedia.com/entertainment/art/20170301/19943028
Stephy高調讚同性教練小方5度傳拍拖
1 :
GS(14)@2017-03-22 00:47:17方力申同鄧麗欣（Stephy）曾經係娛樂圈嘅金童玉女，相戀10年，上年由傳出結婚到突然急轉變分手，震驚唔少fans。呢一年入面，昔日男女主角感情發展原來有好大分別。先講Stephy，分手消息傳出無耐，已經有報道指佢同排球女教練小牛喺台灣密會，餵食攬腰，態度親暱。雖然Stephy返港後強調小牛只係普通朋友，唔認轉「基」，不過呢一年入面，Stephy專注喺排球隊Loey，又喺上個月情人節高調多謝小牛：「最重要的還是要感謝小牛教練，從零開始到收成，都要經歷一個需要堅持的過程。她為排球付出的我們都看得到，她做人做事的堅持，更是我覺得我要學習的！非常恭喜她第一次舉辦比賽就能這麼成功！」令傳聞點撲都撲唔熄。至於疑似被奪愛嘅小方，意志消沉咗一排，冇耐桃花好似雨後春筍不停湧現。先係有報道指佢喺新戲情挑大台咪神張秀文；然後有指佢借新歌《捨得》接近As One嘅Chloe；甚至係借主持身份，勁冧美選女張沛樂（沙律）；甚至有傳小方力追賭王三房千金何超蓮；而最新一單就喺上個，小方同強國女飲酒談心。分手一年兩個人感情發展咁大分別，難怪之前佢哋同場出席活動面左左，見面時貌合神離啦。
來源:
http://hk.apple.nextmedia.com/entertainment/art/20170321/19965303
子淇夫婦拍拖睇Art Basel
1 :
GS(14)@2017-03-23 06:51:15【二人世界】■徐子淇撇甩子女，偕夫睇畫，其間與工作人員有傾有講。
【灣仔】巴塞爾藝術展（Art Basel）今天起一連三日在灣仔會議展覽中心舉行，一向以來都吸引不少圈中人到來參觀。昨日下午3時許麥浚龍（Juno）跟女友戴庚玲（Janine）趁着貴賓預展到場，他們一黑一白打扮造型非常突出。Janine鍾情抽象水墨畫，每幅都欣賞得很仔細，Juno惟有去到雕塑區才顯得很雀躍，並會繞着展品一圈觀看。同時間趙薇也跟四、五名友人到場，素顏的趙薇戴上墨鏡遮掩。她對相片的展品特別鍾情，每每看到除眼鏡哄近照片，務求看得分明，現場嘉賓還有莫文蔚跟媽媽莫何敏儀。
【昨日】■Juno（左）和女友一黑一白與朋友到場，一臉cool face。DV圖片
【昨日】■趙薇跟友人到場，見她特別鍾情攝影照。
駐足概念畫
而早在前日千億新抱徐子淇和老公李家誠，已拍拖入場先睹為快。前日5時許徐子淇蹺實老公到場，現場所見李家誠對其中一幅概念畫極有興趣，駐足觀看達五分鐘，老婆亦一直陪伴在側。其間徐子淇不時跟身旁的職員取資料，之後跟老公細聲研究一輪後，才轉往觀看另一展品，他們在現場逗留了差不多一小時才離開。
來源:
http://hk.apple.nextmedia.com/entertainment/art/20170323/19966667
阿Yu顧慮女兒不拍拖
1 :
GS(14)@2017-03-25 10:34:30趙頌茹（阿Yu）昨日在大埔超級城出席「台灣風車咖啡節」，一嚐台灣地道咖啡。阿Yu前夫周永恒的女友Britni，最近公開指摘她收取周永恒百萬贍養費，並威脅阿Yu收聲，否則大爆醜聞，阿Yu說：「真係得啖笑，歡迎對方上庭講，唔好再用第三者推卸，成熟地解決，做番爸爸嘅責任，希望佢5月份會出席家事法庭，因為進入司法程序不便講太多。」阿Yu指七歲大女會懂得關心她，會問媽媽有否不開心，阿Yu說：「我會話冇，只係想做好自己本份，憑良心去做事，其他嘢等佢慢慢長大理解。」又指女兒認為爸爸只得一個，不能代替，所以她暫不考慮發展新的感情。採訪、攝影：張俊銘
來源:
http://hk.apple.nextmedia.com/entertainment/art/20170325/19969072
戀情浮面 拍拖遊中環李澤楷揸舊波子 甜蜜蜜接郭嘉文
1 :
GS(14)@2017-04-22 10:22:27【2009年出廠Porsche911 Targa4S】■李澤楷日前親自做柴可夫，接新任「楷女郎」郭嘉文蜜遊中環。讀者提供圖片
【爆相爆片】現年50歲的富豪筍盤李澤楷坐擁逾340億元身家，自六年前跟舊愛梁洛施分手後，「楷女郎」停不了地排隊上場，去年情人節孖24歲港姐季軍郭嘉文蜜遊日本後，郭嘉文忽然富貴一炮過買逾億豪宅，日前更獲李澤楷紆尊降貴做柴可夫，揸舊波子甜蜜蜜接送拍拖遊中環，李澤楷被問到戀情浮面，他大方回覆：「今個周末難得可以不需要外地工作。」
在《福布斯》2017年香港富豪榜排名第15位的「小小超」李澤楷，自從跟梁洛施各走各路後，做回無腳雀仔的他不愁寂寞，身邊「楷女郎」車輪轉，先後被天水圍小花梁雯影、名媛葉梁美蘭的中歐混血姪女梁芳、銀行小花齊蔭女圍繞，去年情人節又有新任「楷女郎」上場，就是2015年港姐季軍郭嘉文，兩人被讀者「爆相爆片」影到遊東京玩模型車，想不到事隔一年多，日前兩人再被讀者「爆相爆片」，不過今次是坐跑車出巡中環。
【違泊等女】■李澤楷單拖揸舊波子在中環違泊等女，篤手機打發時間。
【青春露腿】■着短裙晒腿的郭嘉文自己開門上車，表現乖巧。
違例停路邊
當日約中午12時許，讀者林先生在中環畢打街見到李澤楷，林先生說：「我喺中建大廈門外見到佢，因為嗰度前面係的士站，我見到有架車停喺雙黃線，覺得好奇怪，望吓原來係李澤楷，等咗大約15分鐘，就見到郭嘉文上車，然後一支箭離去。」平日有司機接載兼保鑣貼身保護的李澤楷，這天竟然紆尊降貴做柴可夫，駕駛一輛2009年出廠、價值186萬元的Porsche911 Targa4S媾女戰車，想不到身為超級富豪的他，代步座駕已有八年歷史之久。獨個兒坐在駕駛座位的李澤楷，雖然違例泊車停在路邊等人，但就停車熄匙校低車窗，從相片所見，李澤楷等人期間表現得好有耐性，在車內不停篤手機打發時間，大約15分鐘後，着牛仔裙襯白波鞋的郭嘉文現身，露出一雙又長又白的腿，不知是否低調關係，李澤楷沒有落車幫女士開車門，而是郭嘉文自己開門坐在李澤楷身旁，表現乖巧。
■去年情人節，李澤楷和郭嘉文戴口罩同遊日本玩模型車，關係曝光。資料圖片
■有「城大校花」之稱的郭嘉文，獲2015年港姐季軍，輸給了麥明詩。資料圖片
■原住馬鞍山的郭嘉文，上月忽然富貴一炮過擲逾億購買九龍塘豪宅。
回覆度周末
《蘋果》記者向李澤楷求證是否拍拖？他以短訊回覆：「今個周末難得可以不需要外地工作，you have a good evening! Richard P.S. switching phone off now.」言下之意，李澤楷難得不用開工又在香港，就約郭嘉文甜蜜過二人世界，更講明要熄電話避打擾，似乎兩人戀情開始浮面了。年紀比李澤楷年輕26年的郭嘉文，自從認識富豪筍盤後似一夜富貴，上月底被揭一炮過購入價值逾億的九龍塘逸瓏天池屋豪宅，由李澤楷愛將李智康代表買家簽訂臨時買賣合約，早前更有報道指郭嘉文已約滿無綫，身形又較以前圓潤。不過，郭嘉文當日現身中環時，從背後看卻未見有發福迹象。採訪：皓騫
緊貼「蘋果VR」熱潮，打開雙眼隨意門，讓「蘋果VR」陪您探索新世界：
https://goo.gl/b5RQAB「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170420/19994976
入行26年冇拍拖 轉幕後愛心教學51歲袁鳳瑛自購婚紗 問天若有情
1 :
GS(14)@2017-04-28 00:54:31■51歲的袁鳳瑛憑《天若有情》一曲成名，26年沒拍拖的她不怕寂寞，恨着婚紗就自己買。
【《蘋果》專訪】經典電影《天若有情》不只主角劉德華和吳倩蓮令人難忘，袁鳳瑛演繹的主題曲同樣繞樑20多年，在破碎家庭長大的她，出了三張唱片便悄然離開樂壇。現年51歲的袁鳳瑛仍未找到她的「華Dee」，穿上婚紗的她說：「當然恨啦，所以自己買嚟着！」
袁鳳瑛的歌聲在樂壇失蹤了20多年，「原諒話也不講半句 此刻生命在凝聚」這首由她主唱的《天若有情》，成為電影主題曲的經典，日前她應本報邀請着婚紗扮吳倩蓮，坐電單車演出一幕搞笑版，化傷心為笑聲。袁鳳瑛看過這部戲五次，迷戀過戲中的「華Dee」劉德華，她說：「佢做《龍在邊緣》已經幾迷，認識咗佢真人，佢做好多社會貢獻，其實勁佩服佢。」
【搞笑版】■扮吳倩蓮的袁鳳瑛與動主播CK玩搞笑版《天若有情》經典一幕，令她一嘗着婚紗的心願。
【原裝版】■演華Dee的劉德華在《天若有情》最終死去，跟吳倩蓮演的JoJo陰陽永隔。劇照
自稱好多愛心
問到是否想做吳倩蓮的角色？袁鳳瑛坦言：「其實恨㗎，好多謝《蘋果》畀我實現夢想。我覺得最經典係吳倩蓮喺天橋跪低，好傷心，自己好希望係happy ending，華Dee返嚟扶起吳倩蓮。」問生命中有否出現過華Dee？她感慨說：「雖然我做歌手日子唔長，但嗰幾年，幾靚仔又見過，幾有才華又見過，自己比較要求高，反而我係追求人生意義，愛情遇到有就有，如果冇唔好強求！」隨緣的袁鳳瑛多久沒拍拖？她瀟灑說：「由我入行做歌手，已經冇拍拖，20幾年，91年到?家，做完歌手做教育，超級忙，?家對住咁多學生，可以將我嘅愛發放出去，唔一定要有愛情生活。」恨着婚紗嗎？袁鳳瑛坦言：「當然恨啦，所以自己買嚟着，好似今日咁，幾滿足，又有華Dee。」她不擔心孤獨終老：「我唔怕寂寞，enjoy一個人空間，當你要熱鬧，有學生知己，都好開心。我咁多愛心，梗係分晒畀學生，如果得一個愛情對象，會浸死佢囉。」
■袁鳳瑛於86年參加第5屆新秀歌唱比賽，結果由文佩玲、許志安及黎明分別奪金銀銅獎。
■離開樂壇後，袁鳳瑛曾開音樂中心教唱歌，後因欠租倒閉。資料圖片
讀心理學幫人
當年《天若有情》紅歌唔紅人，袁鳳瑛淡然說：「其實係冇感受嘅，因為當隻歌紅嘅時候，我未係真正入行，仲係返工嘅OL。我唱嘅時候首歌唔係叫《天若有情》，係叫《心裏的聲音》，到我唱完已經唔記得呢件事，反而Beyond嘅插曲我有印象，所以知道自己唱嘅歌變主題曲，有啲喜出望外。」然而，她只推出了三張唱片，就悄然離開樂壇：「我覺得幕前工作係人生一部份經歷，同埋當年嘅文化，我覺得自己唔係太適合，但?家性格就可能適應啲，所以?家積極啲，開心樂觀啲去面對，最緊要係我開始摸索到，喺娛樂圈點同人相處、遊戲方式係點。」袁鳳瑛離開樂壇後修讀心理課程，近年主力做德育、演藝教育和心理輔導，還有教人唱歌，她說：「讀完心理同輔導，首先會幫助自己，我都好鼓勵藝人朋友，首先了解自己，你會幫到自己好多，調節咗之後，你對於身邊人同生活助力會好大。」採訪：余燕儀、趙永傑攝影：林德雄化妝、髮型、婚紗：So So Bridal Makeup難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170427/20002564
拍拖4年守處子之身邦民女陳嘉寶 嫁初戀半億闊少
1 :
GS(14)@2017-04-28 02:10:55■「邦民女」陳嘉寶昨在社交網宣佈與拍拖四年的半億闊少黃頌祈結婚。
現年27歲的「邦民女」陳嘉寶（Anjaylia）昨日宣告封盤，將於11月25日嫁半億闊少黃頌祈，男友是她的初戀情人，兩人都是虔誠基督徒，拍拖四年的Anjaylia堅守處子之身，在媽咪同意下會在男友屋企借宿，但她強調絕不會雙喜臨門：「想維持番結婚嗰種開心。」
因拍日本邦民財務廣告而被封「邦民女」的陳嘉寶，入行後鮮有緋聞，身為虔誠基督徒的她，在教會認識坐擁半億身家的初戀男友黃頌祈（Epaphras），兩人拍拖僅一年時，已被影到進駐男友近千萬的炮台山豪宅，不過，Anjaylia堅守婚前沒有性行為的教條，拍拖四年都是有愛冇性，今年兩人屢傳婚訊，2月就被本報影到拍拖睇家居用品似佈置新婚愛巢，之後更見男方家長飯敍兼睇裙褂，曾表示結婚會公開的她，昨早在社交網兌現承諾。
【見家長】■Anjaylia今年2月被本報影到見男友家長兼睇裙褂。資料圖片
【撐枱腳】■男友家族雖坐擁半億身家，但兩人拍拖都會食平民車仔麵。資料圖片
■Anjaylia將升呢做人妻，好姊妹昨紛紛送祝福。
■準人妻Anjaylia昨晚谷胸出席活動，冧笑宣佈與男友於11月25日在港結婚。
「愕然多過感動」
Anjaylia撰文感謝神以愛將他們連結在一起：「Epaphras是我人生中的第一段愛情，我們在教會相遇、相識、相知、相愛，迄今已經超過了四個年頭。今天，很高興的跟大家宣佈我們已經準備好要步入人生中的另一個階段了。」準人妻Anjaylia昨晚現身中環出席品牌活動，谷胸晒事業線笑容冧甜，她說：「11月25日喺香港行教堂，亦會喺香港擺酒。」問到男友幾時求婚？她說：「呢樣要留少少秘密，因為男友好怕醜，叫我唔好講，都要尊重佢。」問是否好感動？她坦言：「愕然多過感動，因為同男友講過，如果求婚要瞞住我嘅父母先得，但當日求婚雙方父母喺現場，當時驚到唔識喊，覺得點解父母好似出賣我，過兩日消化咗消息先識開心。」問到求婚戒指呢？Anjaylia即展示手上一隻戒指：「呢隻係同耶穌結婚嘅戒指，真正嘅求婚戒指喺屋企，因為自己好論盡同大意，驚唔見所以冇戴出嚟。」現在是否試婚同居？她說：「唔算同居，我稱之為借宿，因為我住得比較遠，有時開工三日只瞓得七個鐘，所以喺媽咪同意之下，有時會去男友度住方便返工，因為媽咪都認定佢係一家人，互相信任。」
陳凱琳陳瀅陪嫁
問到會否雙喜臨門？Anjaylia堅決說：「唔會，冇呢個可能性。」是否堅守宗教規條？她坦言：「做開會一直堅持，想維持番結婚嗰種開心，一個喜已經好開心。」Anjaylia多謝好友陳凱琳和陳瀅幫忙保守秘密，問兩人會否做姊妹？她說：「其實都計劃中，好多未整，婚紗相未影，自己仲拍緊劇《誇世代》，8月先完成。」陳凱琳昨以英文短訊回覆傳媒祝賀閨蜜：「我替她感到很高興！」問到會否做姊妹？她表示：「計劃中。」追問何時跟男友鄭嘉穎宣佈喜訊？她說：「哈哈，還未。」至於跟鄭俊弘拍拖的何雁詩亦戥好友開心：「之前見過佢未婚夫，都覺佢係一個好好男仔，希望佢哋快啲三年抱兩啦！」陳瀅則說：「好戥佢開心，希望佢白頭到老，因為每次見佢哋都係咁恩愛，永遠keep住咁甜蜜。」採訪：卓寶花、嵐山攝影：陳慧安
難得生性暴龍哥創科眾籌夢，遭隱世肥報販秒殺！
https://goo.gl/hnEB7D「蘋果VR」App
App store下載：
https://goo.gl/0kW2cK
Google Play下載：
https://goo.gl/4K7EHw
來源:
http://hk.apple.nextmedia.com/entertainment/art/20170426/20001360
Next Page