ZKIZ Archives


財路:冷灶煲轉渝港國際

1 : GS(14)@2016-09-27 08:01:10

渝港國際(613)除咗揸住8億元淨現金,集團揸住聯營公司渝太地產(075)嘅應佔市值,已經等於本身總市值,PB兼平過渝太一大截,渝港爆殘。渝港揸渝太34%,或約2.73億股,先前透過渝太揸香江物業尖沙嘴彩星中心同中環世紀廣場。上年尾,渝太宣佈出售物業,兼喺今年初搞掂,所以今年以嚟,香江細價地產股炒到飛起,冇渝港份。但咁睇,亦因為物業出售,先前肥仔估值變得好實在,而渝太亦因出售物業,每股派特別股息3.8元,渝港享受到肥仔甜品,家陣手頭淨現金達到8.57億元,渝港總市值都係得11.6億元,渝港超級現金牛。又上邊渝太連年頭特別股息除息效應後,現價4.02元,仲喺1年高位,渝港所揸權益,等值11億元,或渝港每股0.12元。再講,渝港揸中渝置地(1224)10%或2.6億股,等值5.3億元,或渝港每股5.7仙。後邊中渝現價2.04元,仲係貼近8年海底價,中線狂牛發力,呢撼貨潛在增值一樣勁肥仔。唔計增值前,渝港今年6月尾每股NAV0.313元,現價0.125元,0.4倍PB,上邊渝太係講緊0.87倍,渝港PB平咗一大截。呢轉冷灶煲渝港,見股價跌到上年6月到12月橫行平台0.11元兜轉,到時,集團貼近每股淨現金9.3仙,冇嘢好怕,當上番今年第一季平台頂0.15元咁計,潛在升幅36%,PB都仲係得0.48倍,未有耐追到渝太!



錢雋細價股專家本欄逢周二刊出




來源: http://hk.apple.nextmedia.com/financeestate/art/20160927/19782762
PermaLink: https://articles.zkiz.com/?id=310226

Next Page

ZKIZ Archives @ 2019