「我哋係和平分手嘅」蘇麗珊提游學修 激動忍淚
1 :
GS(14)@2016-10-14 06:52:19【台下扁嘴】■在台下被問到跟游學修分手，蘇麗珊先擰轉面，回頭已一臉喊樣。
蘇麗珊跟鄭中基前晚在尖沙嘴The ONE出席遊戲機PS4虛擬實境裝置的首賣活動，今次是蘇麗珊自上星期跟游學修驚爆分手後首度現身，自然成為追訪對象。剛開始接受訪問時她心情不錯，但當有記者問到感情事，她沉默超過10秒後已淚盈滿眶，眼紅紅坦言心情仍未平復。
【台上交戲】■蘇麗珊在台上玩遊戲時非常投入，落力推廣新款遊戲。
【眼紅死頂】■蘇麗珊透露是和平分手，重申沒有第三者。
■分手後對蘇麗珊仍表現維護的游學修，前晚在中環出席活動。
直認「唔開心」
在台上完成儀式後，蘇麗珊被在場記者問到參加活動的心情時，她仍滿臉笑容地說：「心情就梗係相當之興奮啦！嚟到呢個VR發佈會，仲收到呢個VR……」但當話題轉到感情事時，她先是唞了一口大氣，無言幾秒後擰轉面，回過頭後「唉」了一聲，情緒開始激動眼紅紅。沉默了一會兒後，她強忍淚水說：「唔開心，都未夠一個星期嘅事，只能夠講係曾經付出過嘅感情。」蘇麗珊表示拍過拖的人都會明白兩個人相處會發生的事情，又強調跟游學修是和平分手：「我哋係和平分手嘅，要回應嘅嘢已經講咗喇，唔想再講多次。」被問到舊愛游學修是「被分手」，她「哎呀」一聲，隔了一會後說：「我唔公開再講喇，要講嘅已經講過，唔公開再講多次。」她重申沒有第三者，暫時跟游學修沒有聯絡，但多謝對方在網上維護自己，她自言假如有復合的一日，屆時亦不會再公開回應。
■鄭中基自言是機迷，試過通宵達旦打機。
鄭中基愛打機
另外，自認是打機迷的鄭中基對賽車、足球的遊戲都非常在行，會跟一班朋友上網玩，他說：「以前要一班friend一齊玩嘅，而家就好啲，可以一班朋友一齊上網玩，但要等囡囡瞓咗覺先可以開機打。」他認為打機可以聯誼感情，特別是一些很久沒有見面的朋友，可以借機會交談。他更視打機為一種親子活動，但不會讓小朋友太早接觸遊戲機，例如iPad亦只限囡囡一星期玩一次，每次只限半小時，以免影響他們其他方面的發展。採訪：曹家誠攝影：郭賢興
來源:
http://hk.apple.nextmedia.com/entertainment/art/20161014/19799866
蘇麗珊跑步冇仔陪
1 :
GS(14)@2016-11-16 05:10:32蘇麗珊昨日到科學園參與3公里賽跑，賽事途中每逢見到人停步，她便從旁打氣。她表示自從練跑後，狀態越來越好，現可跑過5公里，希望下次挑戰10公里賽或到外國參賽。問有否異性自告奮勇陪跑？她說：「我習慣聽住歌自己跑，跑步好難夾人跑。」至於蘇麗珊的舊愛游學修昨日則偕同徐肇平、雨僑、徐濠縈等在赤柱出席「粉紅高踭鞋慈善賽」，游學修表示知道蘇麗珊參加另一個跑步比賽：「咁啱得咁蹺，大家都跑步，佢跑步好勁。」問二人有否聯絡？他表示不想多講，但大家仍是朋友，現以隨遇而安態度對待愛情。此外，徐濠縈未有就何超儀指她有分享症而作出回應。採訪：黃曉妍、馬建華攝影：陳順禎
■游學修（左）指現以隨遇而安的態度對待愛情。
■徐濠縈未有為超儀指她有分享症而作出回應。
來源:
http://hk.apple.nextmedia.com/entertainment/art/20161114/19832619
【add】紅人主場：蘇麗珊落入凡間
1 :
GS(14)@2016-12-09 00:03:52Louis Vuitton連身裙、短靴及首飾
《哪一天我們會飛》造就24歲蘇麗珊一片成名，極速上位的背後，埋藏無數後遺症。入行僅兩年，從前頭腦簡單的小妹妹，變得多愁善感，新劇裏背景複雜的女警角色更觸動情緒大爆發。私生活上，飛游學修、疑另結新歡而遭公審，令她不敢與男性朋友外出，失去友誼，「嬲自己，點解我要驚呢啲嘢？」慶幸樂天因子未被洗擦淨盡，仍能以笑聲面對感情糾紛後被褫奪女神光環的負評，「一直幾抗拒呢個稱呼，而家我係咩？俾人貶落凡間？哈哈。」撰文、造型：林嘉慈攝影：郭賢興攝錄：李祉澄、周樂恒化妝：Jan Chan of Annie G. Makeup Centre髮型：Will Yu of The Attic活在鎂光燈下，藝人避不過向外交代私事的慣例。因《哪》片結緣、被公認為金童玉女的蘇麗珊及游學修9月底分手，矛頭直指蘇麗珊搭上男演員顧定軒，向游學修提出分手，三位人物先後公開回應。出道只有兩年的蘇麗珊，卻坦言不擅於應對，「前排有諗過呢個問題，嬲自己，點解我要驚呢啲嘢？明明同朋友出街，可能有啲我真係同佢好friend，但佢係男仔嚟，識咗好多年，驚兩個出街俾人影到，變咗唔敢出去，好似冇咗個朋友咁。」惟有學懂從中取平衡，避免與男性友人二人行。
Louis Vuitton露肩上衣、皮褲及首飾
Louis Vuitton大褸及耳環
■蘇麗珊與顧定軒約會新聞曝光前，不避嫌在Ig貼慶生照。
要學語言藝術
蘇麗珊為人直接，這次專訪，冤屈氣不吐不快，「一路嘅想法係好簡單，係就係，唔係就唔係，我唔可以擘大眼講大話。以前覺得冇所謂，我咪講，但原來媒體或者網上評論嘅風氣，係令一啲唔係事實嘅嘢，變到大家覺得係咁就係咁，即係啞巴吃黃蓮，唔可以出嚟話唔係，好似辯護咁，冇辦法可以改變。係語言嘅藝術，要學，最重要唔好違背信念。」快問快答，直問自認誠實的蘇麗珊是否單身？她說：「係單身，冇咁快。」會否恨拍拖？她說：「冇，想畀啲耐性等啱嘅人，唔想嘥時間。」分手後，不再被冠女神稱號是好是壞？她說：「一開始由頭到尾，唔覺得自己係女神，一直幾抗拒呢個稱呼，而家我係咩？俾人貶落凡間？哈哈！我冇乜所謂，是但，演好自己啲戲。」
■蘇麗珊在網劇《無間道》飾演女警，但文戲比動作場面多。
動作戲大考驗
由《哪》片淡淡然演活少年版楊千嬅，蘇麗珊在快將開播的網劇《無間道》、以兄弟相殘為主軸的電影《狂獸》，一下子跳到沉重角色。在《無》劇，她飾演熱血的新紮女警，動作場面是其中一個考驗，「我手腳唔協調，講我跑去捉賊，㩒佢落地，再將佢反手扣手釦。平時睇電視好似好流暢就做到，原來有難度，大家笑我好滑稽，又拍甩自己頂帽，又甩手。」文戲的情緒起伏才是最大挑戰，角色的爸爸是電影版卧底陳永仁，繼承父親力捉壞人的精神，偏偏陷入愛上蠱惑仔的矛盾位，又有連場生離死別，「成日拍喊戲，要跳拍，個人跳得好緊要，入咗角色，喺邊緣度生活咁。」
情緒化好麻煩
回到現實，蘇麗珊都變得情緒化，小事已能觸發強烈情感，連閱讀龍應台整理過去多年演講內容的《傾聽》都觸動神經，「對事情敏感咗，覺得自己好麻煩，個人好跳。」慶幸她比較樂觀，不易鑽牛角尖，但控制情緒可能是成長的一部份，「以前會逃避唔好嘅嘢，有問題發生就會收埋，之後唔理，而家會嘗試解決，係好嘅轉變。」
■蘇麗珊與游學修此情不再。
■為保暖及增高，蘇麗珊近來愛戴絨帽。
「我買唔起貴衫」
蘇麗珊彈起後，年初獲品牌邀請去巴黎睇騷，躋身國際時裝盛事，但她自認離時尚很遠，「我唔係走在潮流尖端嘅人，因為LV，去睇第一場騷，都有留意其他品牌風格，係一種藝術。好貴啲衫，我買唔起，但欣賞係賞心悅目嘅事。」她衣着簡單，平日最愛戴帽，最近就戴絨帽增加冬日感覺，原因好簡單，「保暖又增高。」
更多精采時尚內容，盡在
http://add.appledaily.com。
來源:
http://hk.apple.nextmedia.com/entertainment/art/20161208/19858263
蘇麗珊睇書唔追結局
1 :
GS(14)@2016-12-10 03:45:34蘇麗珊和鍾舒漫（Sherman）昨日到銅鑼灣中央圖書館，出席港台舉辦的「有聲好書」活動，向中學生推介閱讀書籍。Sherman表示全家人都喜歡閱讀，她說：「屋企有個大書櫃放滿晒好多唔同類型嘅書。」蘇麗珊就笑言：「我鍾意買一本睇一半，然後放低再買其他，過一排先又攞番嚟睇。」問可有考慮自己寫書？Sherman透露早在5年前曾推出過一本散文：「當時係去加拿大拍嘢時順便出埋，而家睇番當時自己寫啲文筆好簡單，唔夠文藝氣息。」她又指自己平日作曲都會撰寫歌詞：「雖然全部都唔夠資格出街，但發現用文字同音樂去表達想法比較容易。」採訪、攝影：曹家誠
來源:
http://hk.apple.nextmedia.com/entertainment/art/20161209/19859301
蘇麗珊扭籮跳艷舞
1 :
GS(14)@2017-01-06 02:07:53網劇《無間道》在無綫的機頂盒myTV SUPER可以足本看，但普通話版似乎不太吸引，要看廣東話版就要稍候。《無》劇故事跟電影版一樣有曾志偉演的韓琛，但販毒主線則會落在演他弟弟的羅嘉良身上，蘇麗珊則會演陳永仁的囡囡。蘇麗珊在第二集更化身艷舞女郎做卧底，穿上tube top出場加扭屁股放電更疑似飛釘，無非是為了將偷聽器放在夜總會房間，偷聽羅嘉良的秘密。她不單止賣性感，還有一場跟內地演員王陽咀嘴戲，咀足十多秒。蘇麗珊昨日表示多謝同劇的梁靖琪（Toby）指導，她說：「本身唔識跳舞，拍之前要特訓勁練咗幾十次，好多謝Toby花咗一日嚟教我，收咗工都專登留低陪我壯膽。」撰文：李森
來源:
http://hk.apple.nextmedia.com/entertainment/art/20170105/19886495
新歡似游學修 拍片認戀情蘇麗珊：佢對我好好
1 :
GS(14)@2017-01-07 07:08:10■蘇麗珊昨日拍片承認有新戀情。
現年24歲的蘇麗珊，因為演出導演黃修平執導的電影《哪一天我們會飛》而爆紅，更與戲中拍檔游學修戲假情真，可惜此段戀情到去年10月告終。游學修「被通知」分手，當時有傳聞兩人轉玩地下情，但早前蘇麗珊被本報報道與22歲的「A貨吳肇軒」顧定軒約會。不過蘇麗珊上月接受本報專訪時，就斬釘截鐵表示自己單身，她說：「係單身，冇咁快」。只是年輕人的戀情，真是瞬息萬變，不久前稱「冇咁快」，昨日就有報道影到她與「翻版游學修」行街，早兩日趁着元旦翌日假期，兩人遊銅鑼灣、灣仔，其間更情不自禁當街錫錫跟輕拍屁股，態度親暱。
■去年9月蘇麗珊和顧定軒被影到在中環ifc約會。資料圖片
■蘇麗珊和游學修宣佈分手三個月。資料圖片
屋企人都知
對於被爆有新戀情，蘇麗珊昨日為迪士尼動畫《魔海奇緣》配音做宣傳時，急急錄了段回應，承認拍拖，她說：「的而且確交往當中，我哋相處得好好，佢都對我好好。因為佢唔係圈中人，所以冇諗住特別公開。但係屋企人呀、公司同事同經理人全部都知，亦都冇影響到我工作，多謝大家關心。」而游學修對於前度有新戀情，在截稿前未有回覆。採訪：李森
來源:
http://hk.apple.nextmedia.com/entertainment/art/20170107/19888770
新年加餸兼教冧男友方太富貴雞授蘇麗珊
1 :
GS(14)@2017-01-31 03:13:29■方太出山教蘇麗珊煮「發財富貴雞」應節。
昨日大年初二家家戶戶開年，蘇麗珊找來方任利莎出山，教自己弄一味「發財富貴雞」，讓她可以為家人一展身手。方太表示這款菜好處不單意頭好，而且材料簡單，主角是一隻三黃雞，貪其肉細嫩，其他配料有臘腸、冬菇、瘦肉、蝦米、瑤柱、香葱及預先蒸熟的糯米，另外還要預備兩塊荷葉。
用酒生抽調味
蘇麗珊笑言平時很少下廚，難得有方太指導，又不難處理。她們將配菜切好後落鑊炒好備用，接着用手將飯釀入雞內，方太說：「用啲酒同生抽抹吓隻雞會入味啲。」最後包起荷葉蒸約兩小時便成，蘇麗珊說：「蒸熟出嚟已經好香荷葉味，最好係易學又易整，一定會整畀屋企人食，佢哋係好傳統鍾意食中菜。」問會否讓男朋友吃，她只笑而不語。
【切菜】■蘇麗珊在方太指導下，先切好配菜再落鑊炒，最後將飯釀入雞內。
【落鑊】
包餃子放紅棗
不過蘇麗珊今年應該會到男友家拜年，她笑說：「我好鍾意?利是呢個環節，所以都會爭取嘅。」她透露家中每年團年都十多人一起過，非常熱鬧，團年必備的菜式有雞跟海參，湯圓更是必食，加上數之不盡的年糕及蘿蔔糕。至於祖籍江蘇宜興的方太透露以往家中過年，一定會煮一味八寶菜，入面有雪裡紅、水筍、百葉等八款齋菜一齊煮：「可以食好耐，仲越食越好味。」她以前住北京時，年三十晚一家人會包餃子，老人家會在其中一個放銀幣入去，假如吃到就表示全年好運，更會獲大利是獎勵，她笑言現在會改放紅棗，以免咬崩牙。採訪：何永寧攝影：陳順禎服裝：Tsumori
[email protected]
來源:
http://hk.apple.nextmedia.com/entertainment/art/20170130/19912629
蘇麗珊拍拖唔使錢
1 :
GS(14)@2017-03-03 00:54:41蘇麗珊和林德信昨日在粉嶺出席MCL粉嶺戲院開幕禮，蘇麗珊指以前為慳錢和時間，會與男友行公園，現時則跟男友行海旁。林德信透露兒時最喜歡看成龍和周星馳電影，他笑謂長大後才懂欣賞爸爸林子祥的電影。提到奧斯卡頒錯獎，《星聲夢裡人》監製一手搶去華倫比堤的賽果卡，他說：「佢啱，澄清番有人搞錯，幾有娛樂性。」對於前緋聞女友松岡李那早前曾指現時沒有男友，又指自己喜歡香港和日本男士，他笑說：「係咩？我日本㗎！我哋好少聯絡，佢係好，但係朋友囉，我祝福佢喺日本搵多啲錢，帶埋我去發展。」採訪、攝影：黃曉妍
來源:
http://hk.apple.nextmedia.com/entertainment/art/20170301/19943028
Next Page