貨車閃唱塞爆行人路圓脹G.E.M.身形失控
1 :
GS(14)@2017-08-02 05:59:39■G.E.M.昨日穿上橫間露臍裝宣傳個唱，身形略顯圓潤。
鄧紫棋（G.E.M.）昨日到尖沙嘴街頭搞貨車閃唱，宣傳下月中舉行的紅館騷，由於正值中午時間，吸引多人圍觀睇免費騷，成功造勢塞爆行人路，令途人要行出馬路繞過貨車，險象環生。
■G.E.M.租了大貨車於中午時間在鬧市玩快閃，阻塞道路。
■G.E.M.宣佈演唱會於下月15日加開一場，還跟fans玩遊戲送飛。
■G.E.M.指男友未有為個唱戰衣給予意見。資料圖片
節食練馬甲線
而G.E.M.在貨車上跟fans玩遊戲兼送飛，並宣佈加開一場，共開三場。她表示已開始為個唱備戰，更特別從美國請來麥當娜（Madonna）的排舞師，笑說：「我同麥當娜都有少少緣份，係同日生日，我都想似佢咁犀利。」而着橫間露臍裝襯牛仔褲的她，身材仍然顯得圓碌碌，她說：「我已經控制飲食同做運動，可能排練辛苦，所以食量都大咗。」問到有甚麼地方要減？她坦言：「希望應大就大，應細就細，暫時想再減吓肚腩仔，到時有馬甲線。」
歌衫心口開窿
問到男友Mark有否陪做Gym？G.E.M.說：「佢係造型師，我都係請教專業人士。」有否給意見設計戰衣呢？她說：「今次演唱會冇畀，因為紅館件出場服係全新，我噚日先試身，件衫配合今次演唱會主題，喺心口位開咗個大心形窿，如果唔暴瘦，有信心撐得起件衫。」採訪：馬建華攝影：仇志德
來源:
http://hk.apple.nextmedia.com/entertainment/art/20170802/20108600
【果籽人話】40+肥師奶狂做gym 身形fit晒贏越野跑亞軍
1 :
GS(14)@2018-01-28 18:35:35做運動令Lena練得一身靚線條。
個個媽媽生完小朋友就會開始有幸福肥，41歲嘅Lena亦一樣，生完兩個小朋友就變咗個肥師奶，到底呢個41歲媽媽係點樣由一個肥師奶，變做越野競技障礙跑比賽亞軍呢？
Lena唔甘心自己生完小朋友後身形變晒，於是開始做運動改變身體線條，慢慢發覺自己體能越嚟越好，就膽粗粗同教練一齊參加比賽，挑戰自己，透過足夠訓練同不停進步，佢甚至能夠喺比賽中攞獎，接受訪問前兩個星期，仲喺澳洲攞咗斯巴達錦標賽（Spartan Race）亞太區亞軍！家庭方面，Lena丈夫一開始都唔支持佢，但Lena用行動證明自己改變決心，最後竟然感染埋全家人，一齊愛上運動，丈夫亦身體力行，陪伴Lena飛到唔同地方一齊比賽。身體素質改變後，Lena希望改變更多人，所以成立facebook專頁「Lena Mama，運動女人40+」，希望透過分享自己生活點滴，鼓勵其他人愛上運動，要話畀人知，佢可以實踐目標，其他人都一樣可以。
Lena開始做運動後，體能越來越好。
有兩個小朋友嘅Lena，靠做運動，由肥師奶變成fit爆媽媽。
Lena早前去咗澳洲參加斯巴達錦標賽，仲攞到亞太區亞軍。
Lena原本身形瘦削，但生完兩個小朋友就變成肥師奶。
採訪：Asia@有種運動攝影：Chris、Vic、Asia@有種運動後期製作：Chris@有種運動全新旅遊專頁，即like籽想旅行：
https://fb.com/travel.appleseed
來源:
https://hk.lifestyle.appledaily. ... e/20180125/20284704