宋再臨想同甄子丹過招
1 :
GS(14)@2016-09-17 16:15:54韓劇《我們的甲順》男星宋再臨昨日現身旺角朗豪坊，出席代言品牌Laneige活動，吸引過百粉絲撐場，連黃日華愛女黃芷晴、陳嘉寶（Anjaylia）、運動員呂麗瑤等人亦有撐場見oppa。宋再臨先用廣東話同粉絲打招呼，又自爆想與甄子丹拍港產片，不過他直認打功夫麻麻。對於與劇中拍檔金素恩傳緋聞，宋再臨就直認二人十分合拍，金素恩得知他來港亦有傳短訊。及後宋再臨與幸運粉絲台上合照，又派心心及送抱。另外，經常現身韓星活動的黃芷晴笑說：「我好鍾意睇韓星嘅MV，雖然成日追星都會被男友詐型，不過佢都好迷韓片《屍殺列車》，搞到我都中咗毒，嚟緊想同父母睇多次。知道之後有前傳《屍殺前傳：首爾站》上映，我都打算去睇。」採訪：梁展雯攝影：陳俊強
來源:
http://hk.apple.nextmedia.com/entertainment/art/20160915/19770867
徐子淇搵甄子丹家庭探訪
1 :
GS(14)@2016-09-27 08:02:23甄子丹昨日以香港救助兒童會大使身份在尖沙嘴出席發佈會，該會贊助人徐子淇也有出席，徐子淇在台上說：「邀請甄子丹擔任大使佢即刻答應，仲畀好多idea我哋。」甄子丹表示徐子淇與其太太聯絡，得悉對方邀請擔任慈善大使即義不容辭。甄子丹指過往也有帶子女探訪一些低收入家庭及新移民，「有時會影相再返去同佢哋講，畀佢哋知道而家生活幾幸福，需要珍惜。」月前他去到廣州探訪一個低收入家庭，他說：「小女孩同爸爸一家五口住喺工廠內嘅板間房，爸爸每星期工作七日，小女孩最開心係間中去圖書館，同用破舊嘅工具畫圖畫，自己睇到好心噏。」採訪、攝影：張俊銘
來源:
http://hk.apple.nextmedia.com/entertainment/art/20160927/19782849
Sam哥恨做甄子丹沙包
1 :
GS(14)@2016-10-24 04:20:58■Sam哥自資拍片追尋電影夢，可惜賠本居多。
今年48歲的Sam哥正職做marketing，但為追尋電影夢，曾拍攝《殺屍．喪變》、《TV屍》和《屍小姐Z》等一系列喪屍動作cult片，據聞彭浩翔也看過他的戲。Sam哥說：「有段時間有少少閒錢剩，就同幾個朋友傾，東拉西扯又搵到隊crew，於是好粗製濫造咁拍咗套。」這份電影狂熱卻要付出沉重代價，除了度劇本、設計場景、聯絡演員甚至演出之外，Sam哥還要自資，每部戲投資不能多於100萬元，而且是賠本居多。問會否想跟甄子丹合作？他笑說：「我都有提過呀，啲人誤會咗以為我想挑戰佢，當然梗係俾佢打嗰個，唔係打佢嗰個啦！」採訪：馮國康、黃芷蔚攝影：馮峰、卓振輝
來源:
http://hk.apple.nextmedia.com/entertainment/art/20161023/19809252
甄子丹荷李活打手印
1 :
GS(14)@2016-12-03 05:12:37甄子丹昨日與太太汪詩詩現身美國加州的星光大道，出席在荷李活文氏大劇院對出打手印及腳印的儀式，表揚其電影成就、成為吳宇森、成龍、馮小剛、黃曉明及趙薇後，第六位留掌印的華人。一身DG煲呔西裝造型的子丹，打手印過程透過網上直播，他致辭時順道宣傳新片《俠盜一號：星球大戰外傳》（Rogue One：A Star Wars Story），之後為影迷握手及簽名。子丹訪問時表示：「非常驕傲能夠來到這裏得到這個榮譽，希望鼓勵更多的中國演員，要勇敢地去追夢。」除將上映的《星》片外，子丹最近還夥拍動作巨星雲狄素（Vin Diesel）演出新片《3X反恐暴族：重火力回歸》。撰文：唐如
來源:
http://hk.apple.nextmedia.com/entertainment/art/20161202/19851844
甄子丹戥星戰迷可惜
1 :
GS(14)@2016-12-30 02:58:05有份演出《俠盜一號：星球大戰外傳》的甄子丹，對莉亞公主死訊感到可惜，他說：「今次個故事直接同佢有關係，我第一次睇《星戰》時，我得14歲，第一部《星戰》，佢建立咗一個咁經典嘅人物，佢又喺《俠盜》再出現。」他認為是星戰迷的損失。收藏大量《星戰》公仔的古天樂，原本很期待莉亞公主再現，他說：「喺最新嗰集《星戰》外傳，最後個鏡頭有莉亞公主出嚟，仲好期待喺下一集會見到佢，希望佢一路好走。」導演葉念琛自言提起莉亞離世都「心噏」，他說：「上一集夏里遜福演嘅漢蘇奴死咗，反而現實就係莉亞公主死，好欷歔。」另外，DJ當奴、馮德倫、林俊傑、許懷欣及吳建豪等亦在網上留言悼念，李克勤在Ig表示新歌《C3PO》有幾句歌詞跟莉亞公主有關。採訪：李森
來源:
http://hk.apple.nextmedia.com/entertainment/art/20161229/19879595
【馮仁昭四圍超】甄子丹輸馬：跟加讚學嘢
1 :
GS(14)@2017-01-09 08:11:35大哥洪金寶同甄子丹兩個打得之人噚日有馬匹出賽，參加喺沙田馬場舉行嘅洋紫荊短途錦標賽，大哥嘅「崇山寶」大戰子丹同蔡加讚合資嘅「宇宙車神」，子丹更帶埋老婆入場打氣，不過佢哋兩隻愛駒都係三甲不入，「崇山寶」就跑梗頸四，大哥受訪時話輸馬冇失望。問子丹喺場內有冇同大哥傾馬經，佢就笑言：「有同佢講生日快樂，佢好似係噚日生日。」提到大家齊齊贏唔到盃賽，子丹表示：「佢贏咗咁多，我哋都拉過三次頭馬，我唔識，跟加讚嚟學嘢。」加讚就補充：「贏馬好開心，會開心到跳起。」另外，張秀文出席馬場活動時，被問到同屆港姐莊思明被指日前深夜同男友楊明去跑馬地求醫，懷疑有孕，佢就話：「有就恭喜佢，佢哋兩個好sweet，睇好佢哋，我都係圈中人，唔可以畀壓力，係真嘅佢會請我飲嘅，自己對小朋友冇渴望，所以唔會未婚懷孕。」
■洪金寶前日65歲生日，但佢匹愛駒「崇山寶」噚日只跑得梗頸四，未能喜上加喜。
■莊思明因病深夜到醫院求診，被誤會同男友楊明未結婚先懷孕。資料圖片
■張秀文噚日以短褲現身沙田馬場活動。
莊思明一定會生
當事人莊思明回覆傳媒否認有B：「其實嗰排唔舒服咗幾日啦，嗰晚放咗工，咪去醫院睇醫生囉！其實我同楊明都鍾意小朋友，亦都計劃結婚後一定生B，但?家冇囉，如果真係有咗，就會肥啦！」而楊明在大球場的活動上否認女友懷孕，自言做足安全措施，指女友當天因傷風不適入院。撰文：馮仁昭
來源:
http://hk.apple.nextmedia.com/entertainment/art/20170109/19890600
甄子丹最強做阿二
1 :
GS(14)@2017-01-17 01:55:24宇宙最強甄子丹昨日在灣仔宣傳新片《3X反恐暴族：重火力回歸》（xXx: Return of Xander Cage），子丹的左手前臂印有「最強」兩字的假紋身，他笑說：「導演係我fans，佢問我係咪宇宙最強，我話係媒體開玩笑，紋宇宙最強唔好喇，太玩嘢！」最後他決定做了「最強」的假紋身，問會否考慮紋上「宇宙最強」真紋身？他笑說：「講笑，千祈唔好認第一，認第一冇着數。」子丹又謂戲中有幕跳橋戲最為難忘：「1、2、3就跳，我冇怯，因為好多fans睇住，唔可以衰畀人睇，一跳出去，心諗『唔好賴嘢！』。」此外，他否認接拍漢蘇奴的外傳電影《Han Solo：A Star Wars Story》。採訪、攝影：黃曉妍
來源:
http://hk.apple.nextmedia.com/entertainment/art/20170116/19898175
Next Page