男人怕煩!勢估唔到中國地板控股(2083)請影帝陳道明(圖)做代言人係因為呢個原因。中國地板董事長佘學彬同華華講,佢哋做過調查,因為男人怕煩,所以大多數裝修由女人揸fit,為咗吸引班女顧客,所以搵咗陳影帝做代言人。
佘學彬仲話,嗰啲拍偶像劇嘅花o靚,係就係受歡迎,但唔及陳道明形象穩重,同公司產品形象夾。佘生唔肯講用幾多錢請影帝做代言人,只肯無厘頭講陳道明年紀大過佢。
話時話,佘學彬話公司準備緊推出木門同木櫃,唔知今次會請邊個做代言人,表達嗰種易開唔易壞嘅感覺呢又?