自成一格：泡菜國黑仔事件簿
1 :
GS(14)@2016-09-17 17:29:45適逢今日又中秋，除咗兩岸三地會慶祝中秋節之外，深受中國傳統文化影響的韓國亦都將中秋訂為三大重要節日之一；不過，最近泡菜國國民就過得不太好，因為今年對他們來說，絕對稱得上是多事之秋。南韓最近真係唔知行緊咩衰運，衰嘢一浪接一浪，由最大企業三星講起。三星最新旗艦手機Galaxy Note7公佈時大受好評，為咗同蘋果公司嘅新iPhone決一高下，趕住8月底開賣。只不過短短幾日，Note7變成流動炸彈，接二連三爆炸事件搞到連航空公司都唔畀帶上飛機，認真「揚威國際」，品牌形象插水，股價當然跟住跌，9月以來股價已挫近6%！除了Note7爆炸嚇親人，隔離北韓亦都亂咁炸，嚇到大家腳仔軟。上周五北韓領袖金正恩趁住國慶進行第五次核試，威力算得上是歷來最大，搞到大家以為地震。雖然美、韓、日以至中國齊齊譴責北韓，南韓總統朴槿惠更加要引進美國薩德飛彈防禦系統，但金仔心思邊個會睇得透呢？搞到朝鮮半島局勢越來越緊張！唔知係咪受核試帶來的「人造地震」影響，本周初南韓慶州市以西亦發生黎克特制5級以上地震，其中更錄得一次5.8級地震，屬有紀錄以來最強。雖然當地核電廠未有受影響，但都關閉咗附近一座液化天然氣發電機組以策安全。唔好以為金仔獨善其身，原來北韓東北部亦出現水災，聯合國指水災死亡人數升至133人，395人失蹤，並有3.5萬間房屋受影響，逾10萬人要逃離家園。黑仔事件仲未數完，全球航運業衰咗咁多年，勢估唔到南韓首先爆煲。全球第七大航運公司南韓韓進海運（Hanjin）向法院申請破產保護，共66艘載滿貨貨船因無法泊岸頓變「鬼船」於大海漂浮，過千萬貨品面臨報銷，事件被喻為「航運版雷曼」。臨近聖誕先搞啲咁嘅嘢，有機會引起漣漪效應，代理、貨主、甚至零售都有機會受影響。天災人禍樣樣齊，泡菜國今鋪認真慘慘豬，希望中秋過後會迎來一番新景象，金仔生生性性唔好再搞事啦！越野兔
https://www.facebook.com/Sailorrabbit/本欄逢周五刊出
來源:
http://hk.apple.nextmedia.com/financeestate/art/20160916/19771812
【爆紅小店】珍珠奶茶食得嘅咩 芝士泡菜crepe有冇伏？
1 :
GS(14)@2017-04-17 07:21:00Crepe Station開業八個月，最近珍珠奶茶crepe大受歡迎，放學時間吸引了很多學生來吃。
藍田匯景商場的Crepe Station開業八個月，最近因珍珠奶茶crepe而爆紅。珍珠奶茶真的好「吃」嗎？店內除了有傳統的水果配搭，原來還有泡菜crepe，都頗重口味。我們一於街頭找人試伏，想知道味道如何？馬上睇片。
雖然樣子看起來伏，但大部份年輕人試後覺得味道不俗。老闆就說剛推出時反應不理想，最近被一眾blogger推介才吸引到其他人。老闆之一黃倩儀（Zita）說：「珍珠奶茶味去年9月推出，推出後的反應一般，剛開始客人會問可以喝的？喝還是吃的？」其實珍珠又怎可不配奶茶，只是老闆就將奶茶做成cream，包在餅皮裏，再放脆米和朱古力醬，最後加上珍珠。奶茶cream茶味香濃，亦不會太甜，餅皮和珍珠吃起來口感煙韌，像可以吃的珍珠奶茶。而泡菜口味則是機緣巧合下想出來的，又加入芝士和火腿增加口感。有人讚口味特別，亦有人直指不好吃，「客人會跟我們反映，其實pancake配沙律醬很怪，所以會出沒有沙律醬的餅讓他試。」她們指不想受限制而只做傳統口味，會繼續嘗試其他的配搭，也樂意接受客人的批評。
Crepe Station藍田匯景道8號匯景廣場5樓45A號舖記者：黎婉婷攝影：周芝瑩2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
珍珠奶茶可可脆$20
韓式泡菜芝士$26
正在喝珍珠奶茶的黃先生竟吃不出珍珠奶茶的味道。
小妹妹Sabrina試過鹹甜兩種口味後，不愛甜食反而喜歡香辣泡菜口味。
來源:
http://hk.apple.nextmedia.com/su ... t/20170417/19992099
【動畫●泡菜x榨菜】過年着韓服拜黃大仙 港韓混血兒自嘲怪胎
1 :
GS(14)@2017-05-27 00:06:53Jade係香港出世，土生土長嘅港韓混血兒，媽咪係韓國人，Jade講笑話：「全屋女人都棟起腳食飯！」
尋找首爾的香港】「我屋企嘅女人都係棟起隻腳食飯！」90後Jade即場示範韓式餐桌禮儀－－「棟起隻腳、晾起隻手」，仲有㗎，「飯碗要擺低，一定用匙羹食，餐餐都要食泡菜！」咪以為Jade係哈韓族，而係港韓混血兒，呢一切都喺韓籍媽咪身上學返嚟，仲笑住話，「爸爸係香港人，佢見我哋食飯咁粗魯都無辦法。」
仲有，飯碗要擺低，一定用匙羹食，餐餐都要食泡菜！
Jade細細個就會着韓服，
仲話媽咪試過叫佢着韓服去黃大仙拜神。
Jade喺香港出世，土生土長，聽Eason、霆鋒啲歌長大，當年韓風仲未襲港，未有少女時代、Super Junior、BigBang等令人為之瘋狂嘅K-Pop歌手，呢半個韓國人嘅身份，令Jade擁有不一樣的童年。「怪胎」兩個字，Jade用嚟形容細個嘅自己，「身邊嘅人會問我好多奇怪問題，好似細個搵小學，有人聽到我同媽咪講韓文，因為佢哋唔識聽，就問『你媽媽係新移民嚟㗎？』」即使去到韓國，韓國嘅親戚都會問，「香港有冇西瓜呀？食多啲西瓜啦！香港有冇柑呀？食多啲柑啦！」對於當時只係小朋友嘅Jade，根本唔識答，「只係覺得好煩囉！」
Jade細個覺得自己係怪胎，無論香港朋友定韓國親戚都會問佢奇怪問題。
直至大長今嘅出現，先令佢為自己擁有一半韓國身份感自豪。
雖然Jade喺香港長大，亦離唔開韓國文化。例如過年，香港人會去親戚屋企拜年，但Jade就要跟媽咪周圍去拜神，「我最記得有一年大年初一，媽咪叫我着韓服去黃大仙拜神，當年套韓服係橙紅色，周圍啲人都望住我！」佢話嗰時超級唔鍾意，超級尷尬！小學時期，都有試過被取笑，嗰時學校除咗Jade係港韓混血兒，仲有個港日混血男生，「我記得細個同嗰個男仔打交，畀老師罰企，其他老師行過就話，『嘩！做咩呀？日韓大戰呀o依家？」Jade話嗰時真係覺得好肉酸！
大長今後K-Pop都開始彈起，有次Jade識朋友可以到後台同Rain合照。
Jade話韓國親戚住嘅屋都好似畫中畫嘅模樣。
直到Jade15、6歲，玩一個韓國社交平台，該平台嘅特色係每日會隨機抽選用戶作介紹。有一次Jade被選中，平台介紹佢係「懂得五國語言的香港韓國混血女生」，點知就收到韓國網民嘅惡意留言，內容係「香港韓國呢啲唔係叫混血，係叫國際婚姻呀！」Jade話「國際婚姻」係對其父母嘅侮辱，因為韓國人所指嘅國際婚姻，係30歲以上嫁唔出、娶唔到老婆嘅人，要喺落後地區例如越南，買個老公或者老婆返嚟。細個面對咁多港韓文化差異，Jade唔係太鍾意自己係半個韓國人，直至大長今嘅出現，先由令人奇怪變成令人羨慕，「大長今播出之後，越嚟越多K-Pop歌手出嚟，當啲人知道我係港韓混血兒就會話，『吓？你係韓國mix嚟㗎？嘩！好勁呀！咁你咪識講韓文囉？』」
喺榨菜同泡菜之間，Jade話唔可以唔食泡菜，不過講到做人，就話想做香港人，「始終喺香港長大，鍾意香港文化多啲，唔係好鍾意韓國嘅階級觀念，即係我大你一年，就叫你做乜你都要照做。」
Jade又話唔習慣韓國男人嘅大男人性格，所以如果喺港韓之間揀另一半，都希望揀返香港人，唯一只有一個要求，「我會好夢寐以求一個韓式婚禮，男朋友係咩國籍都要着韓服！」
Jade Chin Blog
https://www.facebook.com/jadechinblog場地提供：狎鷗亭居酒屋地址：尖沙嘴諾士佛臺9號冠福中心1樓電話：35792992記者：鄒倩婷（阿仙）攝影：峰 Neo剪接：Roy編審：陳家文
來源:
http://hk.apple.nextmedia.com/entertainment/art/20170526/20034003
【食到皺眉頭】韓廚試超市泡菜 「好臭好難食畀零分。」
1 :
GS(14)@2017-10-09 03:31:48韓國菜燒烤店「韓兄弟」老闆韓昇熙師傅（Andy）
想起韓國，很多人都會想起Kimchi，即泡菜。超市貨架上的泡菜是否正宗？味道如何？不如請來港17年的韓國菜燒烤店「韓兄弟」老闆韓昇熙師傅（Andy）評評分。
韓國泡菜主要分「生泡菜」和「發酵泡菜」。生泡菜是當天鮮醃，即日吃完。發酵泡菜一般是發酵半個月以上甚至更久。超市售賣的是發酵泡菜，發酵產生的益菌會把蔬菜的糖份轉化成乳酸。醃料優質，調味恰到好處，醃製及儲存溫度穩定，經過充份發酵的泡菜，會形成酸溜香辣，鹹、辣、甜平衡的味道。
宗家府特級泡菜$36.9（Aeon），Andy評語：這是韓國很有名的牌子，在韓國買的，味道不錯。但香港買的，質素似有所下降，過鹹，不夠辣，可能存放太耐，亦不夠新鮮。（2分）
梨花泡菜$62（city'super），Andy評語：味道不似韓國泡菜，可能主要用作出口，遷就外國人口味，改變了做法。其所用辣椒粉百份百不是韓國辣椒粉，辣味很淡，不夠鮮辣刺激。（1分）
佳之選泡菜$45.9（百佳），Andy評語：味道過甜，大白菜算新鮮，辣味欠鮮明，整體味道不似韓國泡菜。（2分）
Andy說：「韓國細路仔兩三歲就開始食泡菜，小朋友唔食得太辣，韓國媽媽會將泡菜用清水洗一洗，降低辣度，先至俾佢哋食。」韓國人家家戶戶都會自已做泡菜。多數由女士操刀，媽媽、祖母或媳婦，有時獨個兒，更多時候是幾個人一起醃，「泡菜要好味，最緊要白菜新鮮，另外記得落蝦醬、魚露，先至會發酵得好。」
漢盛泡菜$30（city'super），Andy評語：味道最貼近韓國泡菜，夠香辣，有鮮明的發酵味道，酸香開胃，只是可能存放長了一點時間，有微微偏酸。（4分）
Mr.Kimchi特濃泡菜$26.9（Aeon），Andy評語：味道過甜，不似韓國泡菜，不夠辣，大白菜的色澤明顯未經過充分發酵，缺乏發酵後產生酸香。（1分）
珍味泡菜$26.5（Apita），Andy評語：不夠辣，只得發酵的味道，偏酸，口感及味道都不佳，更有股不知名的臭味，完全不合格。（0分）
採訪：陳佳男攝影：翁浩然2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170929/20167254
【飲食籽】上水農莊工作坊 包水餃整泡菜餵羊仔
1 :
GS(14)@2018-01-08 01:39:08琴姐跟十名工人平日負責打理農莊，假日她就開工作坊教人整小食。
【飲食籽：邊走邊吃】聖誕節假期日日都開party食大餐，食得太多，有沒有想過一家大細去郊外走走，活動一下兼呼吸新鮮空氣呢？香港其實有不少農莊，很多場主都會開放農莊給公眾遊覽，亦會附設活動，最普遍的例如耕田、摘菜、摘水果及燒烤等，有些更會悉心打造兒童遊樂設施。其中位於上水古洞鐵坑村的「富琴火龍果有機農莊」設有不同類型的工作坊，適合一家大細參加。
農莊的主理人晏富琴在重慶農村出生，她小時候學會種植，二十年前嫁來香港，十年前開始幫丈夫打理家族農莊。要前往農莊可在上水港鐵站轉乘17號小巴或76K巴士在洲頭站下車後，步行十五分鐘便到達。農莊佔地三十多萬呎，足夠小朋友放電。而且四面環山，遠離馬路，空氣清新。農莊分為三個區域，種植區、魚塘區及動物飼養區。
即做即食 啱晒一家大細
農莊可以摘農作物，琴姐說他們主要種火龍果，還有種其他水果，現在有車厘茄，還有士多啤梨及有機菜等。除了摘菜，還可以餵小動物，「有些小朋友一家大細來，我們可以安排他們除草，除草之後就再摘新鮮嫩草，採摘之後就可以餵兔子及羊。」多年前琴姐更開始舉辦工作坊，她說現在最多人學的工作坊分別有做茶粿、水餃和泡菜，「最多人做水餃，他們自己去摘菜，再加入豬肉及調味，看他們想吃多少，他們想包幾隻都可以，我們收費都是每位八十八元。」另外，客家茶粿工作坊每位收費三十元，用花生做餡的甜茶果做好後用柴火蒸熟，「茶粿每人做兩隻，有時他們想多要一隻我們都可以給他們。」至於做泡菜，每位六十八元，用新鮮大白菜加入辣椒粉、雪梨、魚露等，琴姐透露重點是最後加入少許蝦醬提鮮，完成後還可以每人帶走一盒泡菜。工作坊大小同價，除泡菜外，茶粿及水餃都是即做即食，琴姐還說如果即場食到幾多隻水餃都可以任包。不過，有興趣的朋友要留意，農莊設有最低消費每位三十八元，工作坊亦只在星期六、日開班，出發前記得要預約啦！
用即摘有機菜包成的水餃，大大隻，食幾多包幾多。
韓式泡菜是琴姐專程上堂學的，不要以為紅噹噹一定好辣，其實小朋友都啱食。
參加客家茶粿工作坊的朋友，可以按自己喜好做出不同形狀的茶粿。
除了摘菜外，農莊還有動物園區，小朋友可以入園親手餵小動物。
琴姐教工作坊都是用傳統的柴火，風味十足。
在這天氣下，琴姐表示有生菜可以收割，其餘有粟米及菜心等。
車厘茄現已成熟，過多一星期，整片車厘茄園更會變成一片通紅。
富琴火龍果有機農莊上水古洞鐵坑村（各種工作坊每人收費由$30至$88）採訪：鄭紫珊攝影：劉永發編輯：施明慧
來源:
https://hk.lifestyle.appledaily. ... e/20171229/20257991
Next Page