《七月與安生》12項提名大包圍曾國祥爭最佳導演「老竇搵我做明燈」
1 :
GS(14)@2017-04-08 19:39:53■曾國祥認為現時香港有很多用心的導演，齊齊為本土電影出力。攝影：沈健程
【第36屆香港電影金像獎之後日舉行】曾國祥執導電影《七月與安生》於後日舉行的香港金像獎獲12項提名（詳見附表），曾國祥更會角逐新晉導演及最佳導演。有指近年本土電影抬頭，金像獎亦受到影響，曾國祥說：「唔止今年，前幾年都係，一路喺金像獎都有呢股意識，係好事嚟嘅，作為香港觀眾、電影工作者，梗係撐番本土係好應該。?家本土片得番香港人睇，以前日本、台灣都有人睇，?家連中國大陸好多人唔睇，香港觀眾應該支持番。」
合拍片有助創作
拍片遊走本土與合拍之間，曾國祥自言沒有take side，他說：「有啲片喺適合內地拍，中國咁大，唔同地方有唔同環境，創作人可以多好多構思，有呢啲選擇對創作人係好。」不過他自言作為香港電影人，一定會在香港拍戲。
■馬思純（左）與周冬雨雙雙憑《七月與安生》入圍影后。劇照
■曾國祥笑言與爸爸曾志偉（中）的戲路不同。資料圖片
好多導演用心拍
說到執導手法，曾國祥自言師承陳可辛多過父親曾志偉，又指21歲入行只是死?仔一名，有熱誠但冇知識。曾國祥笑謂：「我同老竇（曾志偉）鍾意嘅嘢唔同，佢鍾意搵我做明燈，有新戲會叫我去睇，我鍾意佢就好擔心，話套戲會死，唔鍾意時佢就好安樂。」他又說：「港片曾經百花齊放，90年代好多粗製濫造作品，到?家又有好多用心拍嘅導演同新導演，所以香港可以講係好幸福。」採訪：何永寧髮型：Ryan Ma of Amour Hair spa& salon化妝：Yannes Lee of NDNCO服裝：Comme Des Garcons
最佳導演勢均力敵
曾國祥：《七月與安生》杜琪峯：《三人行》周星馳：《美人魚》黃進：《一念無明》歐文傑、黃偉傑、許學文：《樹大招風》
杜琪峯
周星馳
（左起）歐文傑、黃偉傑、許學文
《七月與安生》12項提名
最佳電影最佳導演：曾國祥新晉導演：曾國祥最佳女主角：周冬雨及馬思純最佳編劇：林詠琛、李媛、許伊萌、吳楠最佳攝影：包軒鳴、余靜萍最佳剪接：許宏宇、李點石、周肖林、檀向媛最佳美術指導：翟韜最佳服裝造型設計：吳里璐最佳原創電影音樂：金培達、波多野裕介最佳原創電影歌曲：《（It's Not A Crime）It's Just What We Do》資料來源：香港電影金像獎大會
來源:
http://hk.apple.nextmedia.com/entertainment/art/20170407/19982143
捲走數事件曾國猷：我覺得好搞笑囉
1 :
GS(14)@2017-05-21 00:59:08曾國猷回應「走數」一事，他說：「我已經離開咗呢間公司，自己都冇嘢回應，呢件事都唔想再提！」又表示假如因為自己是「志偉兒子」而要負責，是件很搞笑的事，他說：「我唔可以話係100%受害，但對我嚟講係一個lesson！」曾國祥昨晚回覆本報：「其實?家都仲了解中，我細佬離開公司成年，我知佢當時離開係交帶咗所有事，所有責任都唔關佢事。如果佢有責任嘅話，我覺得佢一定會負嘅，只不過我哋?家需要一啲專業嘅意見同律師傾吓，問吓究竟件事係點樣先。如果件事唔關佢事而係俾人中傷，我哋會保留一個追究嘅責任。」有份參與的本地樂隊Dear Jane透過所屬華納唱片公司回應：「喺表演前已經收了定金，後來表演取消咗。」Supper Moment的成員CK則回覆指當時未有收取定金，沒有實際損失。曾志偉在截稿前未有回應。另外，據資料顯示81TV LIMITED於2015年9月的三位大股東中包括Mark，不過Mark已於去年12月1日退股。採訪：小米、李森、曹家誠
來源:
http://hk.apple.nextmedia.com/entertainment/art/20170520/20027461
旗下公司搞音樂會 爛尾後退股志偉細仔曾國猷 涉走數逾200萬
1 :
GS(14)@2017-05-21 00:59:09■曾志偉細仔曾國猷的製作公司去年在啟德郵輪碼頭搞音樂會，但最後爛尾被指「走數」200多萬元。資料圖片
現年64歲的獎門人曾志偉在娛樂圈打滾多年，人面甚廣且有極高江湖地位，他的長女寶儀在司儀界獨當一面，三子國祥憑執導電影《七月與安生》打響名堂，細仔國猷亦成立製作公司，不過近日有指他旗下公司去年在啟德郵輪碼頭主辦的音樂騷，爛尾收場，他退股撇清關係，因而捲入「走數事件」，被合作公司追討逾200萬元的損失。
現年35歲的曾國猷（Mark），在獎門人曾志偉四名子女中排行最細，由外形到舉止都跟志偉最相似。同樣醉心娛樂事業的Mark，不單止從事幕前工作，年前更成立製作公司。去年他跟韓籍拍檔合資開的公司81TV，原定於去年1月23日在啟德郵輪碼頭舉辦「Listen To Your Eyes音樂會」，演出嘉賓包括韓國女團Girl's Day、Dear Jane、Supper Moment及24味，門票分為980元及580元。惟音樂會一拖再拖，去年1月把音樂會延期至同年5月28日舉行。及至5月24日，主辦單位以政府增加額外牌照條件，導致表演告吹，事後食環署及消防處回應指控，強調根據既有程序規定處理申請。有份參與宣傳及製作的公司齊聲指摘Mark涉嫌「走數」，令他們蒙受金錢或聲譽損失，總額高達200多萬。
■三位有份參與音樂會的公司代表，日前力斥曾國猷涉嫌「走數」。攝影：陳俊強
■曾國猷有份舉辦的音樂會，由原定去年1月舉行延期至5月，最後更取消收場。
■當時主辦公司的股東名單中，標榜曾志偉兒子曾國猷為大股東之一。
遭合作公司聲討
三位分別來自三間公司的代表早前接受本報訪問，其中一間公關公司負責人梁先生，指事件令公司聲譽受損，因其公司負責幫Mark找贊助及投資者，涉及金額達200萬：「大約有三個贊助，大部份Mark都有親自開會，其中有一間韓國汽車公司，都係攞唔番錢。」梁先生表示贊助客戶已打算用法律途徑處理：「當日係Mark出面傾嘢，?家話同呢間公司無關，真係好無奈。」自稱負責音樂會工程的阿聯，透露前年11月接洽有關工程，他說：「舊年1月突然話取消改5月做，後來個騷直頭停咗，但因為嗰時所有嘢都已經做晒，我每個月都俾人追數。」另一位公關公司負責人Patrick直言是得知曾志偉兒子Mark有份參與，才放心接來做。採訪：小米、李森、曹家誠
■孻仔曾國猷於12年結婚時，全家出動祝賀。資料圖片
■獲邀參與音樂會的樂隊Dear Jane表示已收取定金演出。資料圖片
來源:
http://hk.apple.nextmedia.com/entertainment/art/20170520/20026948
王敏奕、曾國祥揀家品興奮攬實
1 :
GS(14)@2017-06-22 07:42:29【踎低睇】■曾國祥跟王敏奕背對背揀家庭用品。
【銅鑼灣】曾志偉兒子曾國祥（Derek）憑電影《七月與安生》在多個電影頒獎禮獲提名，兩位女主角更雙雙贏得今屆台灣金馬獎最佳女主角。事業上，Derek可算是非常得意，同時跟女友王敏奕感情穩定，早前兩人戴着情侶太陽眼鏡去超市，恍如連體嬰般挑選家居用品，之後王敏奕擔任「煮飯婆」回家玩煮飯仔。
【連體嬰】■曾國祥與女友在超市內攬到實，非常親暱。
【買靚鑊】■曾國祥從女友王敏奕手上接過平底鑊，小心翼翼放入購物車。
【挑食材】■王敏奕閒時喜歡在家玩煮飯仔，所以對挑選食物有要求。
途人認出
日前下午近5時，Derek跟王敏奕到銅鑼灣時代廣場地庫的city'super購物，兩人帶着同款眼鏡行到超市的家品部，似乎對廚房用品非常留意，先是研究裝調味瓶，之後兩人又去揀平底鑊，交換意見討論更超過10分鐘。其間，兩人頗為纏綿，王敏奕攬着男友的腰，Derek則搭着對方膊頭，非常有夫妻的感覺。而兩人似乎都深閨，喜歡家居煮飯仔，所以特別注重廚房用品。之後Derek跟女友再去食物部選購一些沙律菜，然後結伴去埋單，整個購物過程花了足足40分鐘，絕對是精挑細選。當兩人行街時，有不少市民認出Derek是曾志偉兒子，在現場指指點點。
鍾意煮飯
近日忙於拍攝電影《飛虎極戰》的王敏奕，以WhatsApp回覆表示一向喜歡吃住家飯，她說：「平時有時間都會同男友喺屋企一齊煮嘢食，因為比較健康。佢乜嘢都鍾意食，唔會揀擇。大家都鍾意食住家飯，煮飯嘅時候男朋友都有幫吓手。」她笑言買及煮的過程很開心，飯後又可以坐在家中談天，不似在餐廳要趕交枱般速食。採訪、攝影：徐錦池
來源:
http://hk.apple.nextmedia.com/entertainment/art/20170621/20062826
Next Page