玩Cosplay大騷好身材EXID新歌MV意淫 捱轟
1 :
GS(14)@2016-06-06 02:54:42■宅男女神Hani所屬的EXID近日推出新歌，不過被批MV意識不良。
韓國宅男女神Hani所屬的五人女團EXID近日以新碟《Street》回歸樂壇，前日又現身首爾清潭洞舉行Showcase為新碟造勢，而主打歌《L.I.E》的MV在大前日公開後，不到24小時已錄得逾百萬點擊率，成績理想。不過就有網民炮轟EXID的MV有意淫成份，抨擊EXID教壞細路。一向行性感路線的EXID，每次出新歌都例必穿上貼身衫及熱褲，大騷弗爆身材。今次推出新歌《L.I.E》，成員就在MV中化身為酒店職員及女僕，穿上貼身制服騷好身材。雖然EXID是次造型未算暴露，不過就有網民質疑MV中有多個性暗示的場面，包括Hani手持胡椒粉樽、正花躺在地上等畫面。另外，Hani把玩的一對粉紅色按鈴、率智背向鏡頭時出現的桃，都被網民猜測有特別暗示。
■率智背向鏡頭時出現的桃，被指代表女性臀部。
■網民認為Hani把玩的一對粉紅色按鈴，有特別意思。
■正花跟一男性身影重叠的鏡頭，同樣被批意識大膽。
■EXID專攻性感路線，成員亦愛大方騷身材。
被批意識大膽
除了被批意淫外，成員在MV中亦有不少自摸跳舞的鏡頭，而LE更大玩泡泡浴，場面惹火。MV公開後，網民即抨擊EXID行為過火，留言「骯髒」、「中學生都明白這些鏡頭的意思」、「停止用色情主題炒新聞」等，批評其事務所未有顧及未成年歌迷，竟以色情主題為新歌造勢。雖然新歌MV惹上是非，不過EXID昨日就如常現身電台節目《兩點出逃Cultwo Show》谷碟，公開成名前的辛酸事，成員慧潾表示：「我們在三成洞發生過難過的事，未紅前，我們想去COEX宣傳《Up&Down》，卻因為沒有事先獲得許可而被趕走。」另外，Hani於2月時曾因過勞而停工休養，不過早前已復出當節目主持，似是已狀態回勇。撰文：梁雯迪
來源:
http://hk.apple.nextmedia.com/entertainment/art/20160603/19638529
【馮仁昭四圍超】賴新歌難唱忘詞 阿倫生日集「脂」
1 :
GS(14)@2016-08-18 06:04:33譚詠麟（阿倫）、陳小春、蔡瀚億（BabyJohn）同蔡潔，噚日喺奧海城戲院出席電影《江湖悲劇》主題曲〈男人悲劇〉MV首播，呢次仲係阿倫同小春首次攜手合唱。阿倫話首歌好難唱，好難聽到live版，但BabyJohn、蔡潔同談善言現場唱咗一段，阿倫孖小春要拎住貓紙清唱一段難版，戴住黑超嘅阿倫，似乎唔清楚歌詞，中途有少少甩嘴，事後佢哋話應該冇機會再喺現場唱呢首歌。
■阿倫下周二66歲牛一，噚日宣傳時獲送上蛋糕預先慶祝。
收逾30個蛋糕
下周二係阿倫66歲牛一，噚日都有粉絲送上蛋糕，壽星倫話本月11號收到第一個蛋糕，直到而家都切咗超過30個，佢得戚話：「我梗係舔吓就算，食晒就真係集『脂』。呢個月每晚都同朋友食飯慶祝，正日同家人過。」問到阿倫嘅生日願望係咪想攞影帝？佢大笑話：「係啲歌詞咁寫話想拎影帝，不過要由喜劇去到令觀眾沉澱感受內容係有難度，今次部戲以類似漫畫形式去拍，係新嘗試。」此外，王宗堯日前貼出同女友蔡潔喺鏡前梳洗相，暗示同居關係，問蔡潔係咪日日共用洗手間，佢話：「大家有自己私人空間。」問佢見過家長未？來自內地嘅蔡潔話：「我好耐冇返屋企，爸媽都好掛住我，今年冇時間，返都係自己返去先，見家長再遲啲。」撰文：馮仁昭
來源:
http://hk.apple.nextmedia.com/entertainment/art/20160818/19740391
【有新歌喇】PPAP豹紋大叔唱番日文 你仲跟到？
1 :
GS(14)@2016-10-10 04:28:51PPAP豹紋大叔有新歌喇！今次可以一樣咁洗腦嗎？
你仲聽緊《PEN-PINEAPPLE-APPLE-PEN》？太out喇！日本搞笑演員Kazuhiko Kosaka所扮演的Piko-Taro大叔已經有新曲《NEO SUNGLASSES》。
澳洲音樂心理學家Dr Tim Byron就話，洗腦歌之所以洗腦，係因為歌入面有你熟悉的字同音樂，但就重新結合起來，令你覺得有趣！而且洗腦之處在於歌曲會喺你唔為意情況下不斷重複，令你熄咗機個腦都仲播緊。今次大叔舞步更奔放，都是嗰套衫、都是洗腦電子音樂，歌詞又得光同暗兩個字，但係唱番日文，難學咗啲喎！唔知仲可唔可以再牽起跟跳跟唱熱潮呢？
新歌第一句就係「kurai」暗
第二句就係「akarui」光
最尾一句係「ton-ton」一半一半，完。
記者：容慧心
來源:
http://hk.apple.nextmedia.com/su ... t/20161009/19795256
曼玉新歌MV玩蛇
1 :
GS(14)@2016-11-10 07:39:48■Maggie包辦英文新歌曲詞編及唱，兼拍MV。互聯網圖片
影后張曼玉（Maggie）近年熱愛唱歌，雖然前年在上海開腔唱《甜蜜蜜》，被網友譏為「被上帝遺棄的聲音」，但都無阻她出碟的決心。昨日Maggie的處女英文單曲《Look In My Eyes》MV預告曝光，片中有多個造型，包括金bra top、魚網黑絲及短裙玩白蛇，性感誘惑。
Maggie為歌曲親自填詞、作曲、編曲，MV預告都是自編自導自演，完整版MV將於後日曝光。對於Maggie新歌，音樂人倫永亮透過短訊表示：「MV花絮已經拍攝得很美，可以看到在圖案的層次構思，都下了很多心思。音樂上面也有突破，而主角的表現很美很美。音樂是走電子方向，編寫得不錯，很帶得出一份性感的效果。」採訪：皓騫
來源:
http://hk.apple.nextmedia.com/entertainment/art/20161109/19827133
Next Page